Hvað kemur þetta okkur við?

Mér finnst það orðin spurning hvort að þetta sé ekki að verða of mikið í íslenskum fjölmiðlum. Það er að vera að velta sér upp úr þessum fréttum af þessu vesalings fólki þarna í USA. Sérstaklega ef að mbl.is og hinir fjölmiðlanir eru að kaupa þessar myndir sem þeir nota.

Það sem ég hræðist er að þessi paparazzi hefð fari að færast í aukana hér. Hér er t.d. tilvitnun í frétt á visir.is

Breskur ljósmyndari hefur sagt upp störfum hjá ljósmyndafyrirtæki sem sérhæfir sig í myndum af fræga fólkinu. Það gerði hann vegna þess að hann var svo áhyggjufullur yfir því að papparassarnir myndu að lokum ganga að henni dauðri.

Nick Stern segir að ekki sé óvanalegt að 20 til 30 bílar elti stjörnuna og það sé orðin viðtekin venja að bílar keyri á yfir 100 kílómetra hraða á vitlausum vegarhelmingi.

"Ég var skelfingu lostinn yfir því hvernig þetta gengur fyrir sig. Þetta er svo ágengt. Það eru slagsmál, árekstrar og skorið á hjólbarða. Ég varð að segja eitthvað," sagði hann breska blaðinu Guardian.

Ég held að ég yrði brjálaður ef að ég gæti hvergi verið í friði nema bakvið  þykk gluggatjöld heima hjá mér. Eðlilegt að þetta fólk missi glóruna. Og fjölmiðlar sem kaupa þessar myndir eru náttúrulega að viðhalda þessum iðnaði og hann verður sífellt verri og verri.

Sakaði mömmu sína um að sænga hjá kærastanum

Ekki svo fínn pappír þessi Alan Derschowitz sem Skálholtsskóli er að flytja inn.

Var að lesa pistil hjá Agli Helgasyni þar sem hann segir um þennan mann m.a.

Mogginn skrifar um komu lögfræðingsins Alans Dershowitz til Íslands. Það er haft eftir Kristni Ólafssyni, rektor Skálholtsskóla, sem býður Dershowitz til landsins, að hann sé á móti ofstæki og hafi gagnrýnt Bushstjórnina fyrir að kynda undir “ofstækissjónarmiðum”.

Í því sambandi er rétt að benda á að Dershowitz er framarlega í flokki þess sem kallast pro-Israel lobby í Bandaríkjunum; hann er einn þeirra sem hefur haldið því sterklega fram að gagnrýni á Ísraelsríki sé jafngild gyðingahatri.

Hann hefur hvatt til notkunar pyntinga og til þess að Ísraelar leggi í eyði þorp og byggðir í Palestínu til að svara fyrir árásir Palestínumanna, auk þess sem hann var málsvari innrásar Ísraels í Líbanon árið 2005. Þegar bent var á mikið mannfall í röðum óbreyttra borgara var viðkvæði Dershowitz að það væru eiginlega engir óbreyttir borgarar í Líbanon.

Bara mismunandi sekir.

Verjandi O.J. Simpson með námskeið á Íslandi

Oftúlkun Ólafs á málefnasamningi.

Var reyndar að blogga um þetta í gær. En í málefnasamninginum segir:

• Reykjavíkurflugvöllur verður sýndur í óbreyttri mynd á aðalskipulagi á meðan rannsóknir standa yfir vegna nýs flugvallarstæðis á höfuðborgarsvæðinu. Ekki verður tekin ákvörðun um flutning Reykjavíkurflugvallar á kjörtímabilinu.

Þetta finnst mér ekki segja að flugvöllur eigi að vera þarna um alla framtíð. Það er verið að tala um að taka engar ákvarðanir. En nú er Ólafur farin að tala um að skipuleggja byggð þarna með tilliti til þess að þarna sé flugvöllur. Þar leggur hann áherslur á háskóla og rannsóknarsetur. En það er ekki sú byggð sem fólk er að tala um. Það er að tala um íbúðarbyggð til að teygja ekki Reykjavík upp á Kjalarnes strax. Ef byrjað verður að úthluta þarna reitum meira en orðið er eftir skipulagi þar sem flugvöllurinn er áfram verður ekkert samræmi í skipulaginu ef seinna kemur til þess að flytja flugvöllinn.

Auðséð að Ólafur hefur ekkert hugsað þetta til enda fremur en flestar hans hugmyndir til þessa.

Ólafur treystir Gísla Marteini

Ekki byrjar Ólafur vel að mínu mati.

Var að hlusta á fréttir á RUV í kvöld og þá var haft eftir Ólafi borgarstjóra:

Ólafur F. Magnússon borgarstjóri segir fulla sátt um það hjá meirihlutanum að ákveða ekkert um flutning flugvallarins á kjörtímabilinu. Ólafur segir að þótt flugvöllurinn verði áfram í Vatnsmýrinni sé hægt að byggja þar upp. Einkum með háskóla- og vísindaþorpi og nýsköpunarverkefnum. Flugvöllurinn yrði áfram jafnöruggur.

Ólafur segir að brátt verði gengið frá aðalskipulagi fyrir Vatnsmýri. Gamli meirihlutinn hafi áformað byggð á flugvallarstæðinu og efnt var til hugmyndasamkeppni um Vatnsmýrina. Þrjár tillögur hafa verið valdar úr en engin þeirra gerir ráð fyrir flugvelli. Stefnt er að því að þær verði kynntar eftir hálfan mánuð. Ólafur segist ekki hafa séð tillögurnar en vægi þeirra sé minna hjá núverandi meirihluta en þeim gamla.

En í fyrra dag sagði Gísli Marteinn:

hann sæi fyrir sér 20.000 manna byggð í Vatnsmýri. Svo fjölmenn byggð geti ekki verið þar ef flugvöllurinn verði þar áfram. Hins vegar ætti að kanna aðra kosti á þessu kjörtímabili og ekki taka ákvörðun um framtíðarstaðsetningu Reykjavíkurflugvallar

Ekki beint hægt að segja að þarna séu menn að tala um sama hlutinn og augljóst að menn eru ekki að skilja málefnasamninginn eins. En í málefnasamninginum stendur um þetta mál:

• Reykjavíkurflugvöllur verður sýndur í óbreyttri mynd á aðalskipulagi á meðan rannsóknir standa yfir vegna nýs flugvallarstæðis á höfuðborgarsvæðinu. Ekki verður tekin ákvörðun um flutning Reykjavíkurflugvallar á kjörtímabilinu.

Þarna er hvergi talað um að festa eigi flugvöllinn í aðalskipulagi til frambúðar. Skil ekki hvernig að Ólafur getur túlkað þetta eins og hann gerir.

Egill Helgason er að velta þessu fyrir sér í pistli þar sem hann segir:

Borgarstjórinn og flugvöllurinn

Gísli Marteinn kemur með útspil sitt um 20 þúsund manna byggð í Vatnsmýri. Ólafur borgarstjóri svarar með því að segjast ætla að “festa flugvöllinn í sessi”.

Ég sem hélt að samkomulagið í nýja meirihlutanum gengi aðallega út á að aðhafast ekki neitt í flugvallarmálinu.

Á næstunni verða birtar verðlaunatillögur úr hinni miklu Vatnsmýrarsamkeppni.

Ólafur segir beint út í viðtali við útvarpið að hann láti sér þær í léttu rúmi liggja – þær fái “lítið vægi”.

Formaður dómnefndarinnar vegna þessarar samkeppni er Hanna Birna Kristjánsdóttir, en aðrir sem í henni sitja eru meðal annars Gísli Marteinn og Dagur B.

 Það er búið að leggja í þessa skilpulags samkeppni fullt af peningum og Ólafur blæs á þetta. Hann sagði að það gæti verið að önnur flugvallarstæði yrðu dæmd ekki eins góð og Vatnsmýri og gaf í skyn að önnur staðsetning kæmi varla til greina. Hann sagði að það væri hægt að skipuleggja byggð í hring um flugvöllinn og talaði um háskóla og vísindaiðnað. EN það er ekki íbúðabyggð! Það er það sem fólk er að tala um og hann gerir sér ekki grein fyrir. Þetta var það sem Gísli var að tala um. Það verður gaman þegar að Hanna Birna og Gísli kynna niðurstöður samkeppninar um Vatnsmýrina og bæta svo við: "en því miður Ólafur vill þetta ekki."

Og enn eru ekki nema nokkrir dagar síðan að þessi meirihluti tók við.

Fáir ánægðir með nýjan meirihluta

Þetta ætti að þagga niður í fólki sem hefur rakkað Ólaf niður hér á blogginu

En nei þeir finna bara út að könnunin sé vitlaus og þeir viti nú betur.

En þetta er könnun sem er byggð á úrtaki tæplega 3000 einstaklinga og svörun var yfir 60%. Og skv. tölfrælði eru þannig niðurstöður nokkuð marktækar. Og viti menn um 86% % þjóðarinnar er ánægt með Ólaf. Sem þýðir að það er dágóður hópur Sjálfstæðismanna sem styður hann líka.

86% styðja Ólaf Ragnar