Þarna fauk samúð mín með þessum aðgerðum vörubílstjóra

Þessi vitleysa sem varð í gær þegar að unglingum var útveguð egg til að kasta í lögreglu. Vitni tala um að komið hafi verið með þau í kassavís á staðinn. Og unglingum síðan hleypt í þau. Sem og þetta atvik í dag eru að mínu mati komin út í það að snúast um skrílslæti og fólk sem tekur þátt í þeim er ekkert tengt þessum málum. Í gær voru nemar úr Iðnskólanum í Hafnarfirði sem voru að dimitera mætt þarna á staðinn ásamt fjölda unglinga úr framhaldsskólum til að komast í smá læti og í fjölmiðla.

Held að þessi maður í dag hafi fyrirgert þeirri samúð sem fólk hafði með þeim. Hann kom með einhverjum bílstjóranum og kom málið ekkert við.. Og heyra svo í fólki hvetja hann áfram er með öllu óþolandi.

Sjá myndband á visir.is  

 

Einnig eru svona skilaboð náttúrulega vitni um að það eru veikir menn að æsast upp við þetta. EN þetta eru skilaboð send Birni Bjarnasyni dómsmálaráðherra:

„Þar sem ég finn ekki tolvupóstfangið þitt fannst mér ég verða að senda þér skilaboð hér. Ég vona af ollu minu hjarta að þú fáir banvænan og sársaukafullann sjúkdóm og lifir sem lengst í þjáningum, kannski gerir þér grein fyrir hversu mikil mannfýla þú ert undir þeim kringumstæðum, valdasjúkur ofbeldisseggur og geðsjúklingur. Þið ráðherrar og þingmenn þurfið að athuga ykkar gang.
Kveðja, Snorri. “

 Þannig að ef vörubílstjórar eiga svona vini þá þurfa þeir ekki halda að nokkur vilji semja við þá!

Ráðist á lögregluþjón

Skipulagslögum verður að breyta!!!!!

Var að hlusta á umhverfisráðherra í fréttum í kvöld og rann kalt vatn milli skins og hörunds. Staðan í þessum málum er að hvert sveitarfélag hefur í raun fullkomið vald til að setja inn í skipulag og leyfa hvaða stóriðju sem er.

Þetta mál er þeim mun alvarlegra þegar við setjum dæmið þannig upp að í sveitarstjórn eru kannski 7 menn og í meirihlutanum eru 4 sveitarstjórnarmenn. Þeir geta upp á sitt einsdæmi sett inn í skipulagið hjá sér og samþykkt t.d. olíuhreinsunarstöð,geymslur fyrir kjarnorku úrgang eða eitthvað svipað ógeð sem sannanlega snertir alla þjóðina. En við höfum bara ekkert um það segja.

Þetta er bara alls ekki ásættanlegt og verður að breyta. Svona stórar framkvæmdir sem hafa gríðarlega áhrif á alla t.d. þensla í efnahagslífi, mengun og fleira sem fylgir þessu og því með öllu óásættanlegt. Sveitarfélög vilja hafa þessi ákvæði óbreytt og bera fyrir sig að með þessu yrðu þau svipt sjálfsákvörðunar rétti sínum. En sorry þau en þau eru flest ekki sjálfstæðari en svo að þau eru sífellt að kalla eftir stuðningi frá ríkinu.

Nú er að koma í ljós markmið Guðlaugs og það er algjörlega ólíðandi

Það bara kemur ekki til greina að gera Landspítalinn að ohf. Við vitum að þá fengi spítalinn tækifæri á að fikta í sjúklingagjöldum og síðan yrði um einkavæðingu að ræða. Sem leiddi til að við þyrftum að kaupa sjúkdómatryggingar eða að öðrum kosti að borga aðgerðir að fullu. Þeir sem það gætu ekki yrði síðan vísað frá. Sem sagt Bandaríska kerfið. Hefur fólk ekki séð myndir Mikaels Moore. Er það kerfi sem við viljum? Og ólíkt USA hefur fólk ekki að öðru að ganga hér!

Fólk veit að stuttbuxnalið Sjálfstæðisflokksins hefur lengi haft þessar hugmyndir og nú er einn þeirra kominn til valda í þessu ráðuneyti.

Það eru náttúrulega fullt af athafnamönnum sem dauðlangar í bita af þeirri stóru köku sem heilbrigðiskerfið er. En mér óar við að þeim verði hleypt inn í það og gróða sjónarmið fái að ráða þar.

Þessari árás verður að hrinda.

Landspítalinn opinbert hlutafélag?

ESB hér komum við

 

Held að nú sé kominn sá tími að menn fari fyrir alvöru að vinna sína vinnu þarna á Alþingi og stjórnarheimilinu. 

Það þarf að fara ákveða samningsmarkmið okkar. Hvað viljum við fá út úr samningum um inngöngu og hvað getum við als ekki sætt okkur við? Síðan er bara að hefja undirbúningsviðræður og sjá hvort að ESB er tilbúið að veita okkur aðild á forsendum sem við sættum okkur við!

Aðeins Frjálslyndir kjósendur Frjálslyndra sem enn eru á móti

 

67,8 vilja hefja undirbúning aðildarumsóknar

Sjálfstæðismenn búnir að finna lausn á þessu mál?

Þeir ætla að selja allt nema nafnið. Þá geta þeir sagt að RAI sé áfram í almennings eign. Og Ásta Þorleifs og Ólafur F bara kát með þetta!

Hvað er átt við með að REI eigi að einbeita sér að Ráðgjafa og þróunarverkefnum. Ætla menn að segja að þróunarverkefnum fylgi engin fjárhagsleg áhætta?

Held nú að allir borgarfulltrúar ættu að leggjast á eitt við að hætta þessum draumum um ofsagróða í útlöndum. Reykjavík á Orkuveituna hún er að þjóna þeim ágætlega og græða fullt af peningum sem aldrei hafa verið notaðir til að lækka verð á heitavatni né rafmagni. Því held ég að aukin gróði mundi ekki skila sér til neytenda hvort eð er. Spurning hvort að kjörnir borgarfulltrúar megi hvort eð er fara í svona ævintýri með fé borgarbúa. Minni á mál sem kom upp í Noregi um daginn þar sem að sveitarstjórn hafði fjárfest fé í hlutabréfum og tapað milljörðum af fé skattborgara. Ef útrás í orkuiðnaði er svona spennandi leyfið þá einkaaðilum að gera það og taka áhættuna.

 

Haldið áfram á ógæfubraut

Hin Guðs útvalda þjóð

Þetta voðaverk lýsir Ísraelsmönnum vel. Vil líka benda á færslu Egils Helgasonar sem og greins sem hann vísar í á vef The Independent þar sem fyrrum Ísraelskir hermenn segja frá pyndingum og örðum óhæfuvverkum sem ísraelski herinn stendur að. Þar er m.a. frásögn af því hvernig hermenn dunda sér við að pynda 10 ára dreng og margt fleira

Or using a 10-year-old child to locate and punish a 15-year-old stone-thrower: "So we got hold of just some Palestinian kid nearby, we knew that he knew who it had been. Let's say we beat him a little, to put it mildly, until he told us. You know, the way it goes when your mind's already screwed up, and you have no more patience for Hebron and Arabs and Jews there.

"The kid was really scared, realising we were on to him. We had a commander with us who was a bit of a fanatic. We gave the boy over to this commander, and he really beat the shit out of him ... He showed him all kinds of holes in the ground along the way, asking him: 'Is it here you want to die? Or here?' The kid goes, 'No, no!'

"Anyway, the kid was stood up, and couldn't stay standing on his own two feet. He was already crying ... And the commander continues, 'Don't pretend' and kicks him some more. And then [name withheld], who always had a hard time with such things, went in, caught the squad commander and said, 'Don't touch him any more, that's it.' The commander goes, 'You've become a leftie, what?' And he answers, 'No, I just don't want to see such things

 

Maður er að velta fyrir sér að ef Ísrael er Guðs útvalda þjóð - Hverskonar Guð er þetta þá?

Skotið á ljósmyndara

Borgarstjórnarflokkur Sjálfstæðismanna stilltur á Self-destrukt

Síðustu dag hefur maður orðið vitni að alveg svakalegum vandræðagangi. Það er eins og þetta fólk þarna í meirihluta geri sér ekki grein fyrir að þeir eru farnir að stjórna borg með yfir 100 þúsund íbúum.

Varðandi REI hefur maður heyrt síðustu daga:

• Selja REI
• EIga REI og bjóða einkaaðilum að koma þar inn
• Ekki standa í áhættufjárfestingum erlendis
• Formaður stjórna skrifar undir viljayfirlýsingar um verkefni í Afríku
• Selja verkefnin frá REI
• REI verði ráðgjafafyrirtæki
• Og svo framvegis.

Það er eins og menn fái mikilmennskubrjálæði ef þeir komast í meirihluta í stjórn OR. Sbr. Hús orkuveitunnar.

Og eins er skrýtið að mönnum virðist bara alveg sama um milljarðana sem er búið að setja í REI. Talað um að þetta og hitt verkefnið gæti kostað einhver hundruð milljóna eins og það séu smá munir

 

Síðan er ekkert farið að vinna í málum brunarústanna á horni Lækjagötu og Austurstrætis. Búið að kaupa fleiri rústir upp á Laugarvegi. Það verður glæsilegt fyrir túrista að fara um miðbæinn næstu sumur.

Síðan má nefna vesenið varðandi Fríkirkjuveg 11 og Hallargarðinn.

Og svo þegar stóð til að stofna til 5 ára bekkja í Grunnskólum. Höfðu ekki reiknað með að það gæti reynst þessu litlu krílum erfitt að vera í skóla með krökkum upp að 16 ára aldri sem og að það var löngu búið að móta aðra stefnu í þessum málum.

Nú var ég að lesa á blogginu hennar Helgu Völuummæli frá fundi sem haldin var með fólki um gatnamót Kringlumýrarbrautar og Miklubrautar. En skv. henni á Gísli Marteinn að hafa sagt í umræðunum:

Þá á GMB að hafa sagt - þótt akfeit kona sé sett á háa hæla... er hún samt sem áður ljót!!!!

Held að það þurfi enga stjórnarandstöðu í Reykjavík.

Ekki boðlegt borgarbúum

Þetta hefur verið einhver út borgarstjórnarflokki Sjálfstæðisflokksins

Þeim finnst Kjartan ekki standa sig nógu vel í klúðra málum þarna í RAI. Þannig að þeir hafa ákveðið að hjálpa honum.

Síðan stendur Ólafur F sig vel á kantinum eins og í kvöld í Kastljósi. Ekki búið að skrifa undir samninga við Björgólf en samt er allt orðið of seint þarna við Fríkirkjuveg. 100 ára  hestarétt sem er við húsið á að rjúfa að hluta og einhver vegaslóði í gegnum Hallargarðinn. Og hann getur bara ekkert gert. En hann gat eytt 600 milljónum í að kaupa leyfar af 2 húsum við Laugaveg.

Ekið á heitavatnsleiðslu

Gunnar er og hugsar eins og einræðisherra!

Alveg er þetta dæmigert fyrir Gunnar. „Nú hafa forsjárhyggjuöflin og valdboðið náð yfirhendinni,"  þetta er dæmigerð túlkun manns sem vill ráða einn og valtar yfir alla. Nú er hann að berjast fyrir þvi að fá að byggja inn á vatnsverndarsvæði við Elliðavatn og skilur ekki að umhverfisráðuneyti sé á móti því. Hann vill byggja turna og hallir en skilur ekki að fólk verði reitt þegar hann straujar yfir Heiðmörk með skurðum og röralögnum af því að honum datt í hug að byggja vatnsveitu. Sem minnir mig á að enn má sjá sár í Heiðmörk eftir rörin sem ég hélt að ætti að vera búið að laga.

Hér í nágreni við mig í Smárahverfi vill hann byggja turna og helst þá hæstu á landinu. Honum er fyrirmunað að skilja að fólk í nágreni við þetta vill ekki sjá þetta. Hann skilur ekki að hér er fólk búið að byggja og kaupa út frá því skipulagi sem var en af þvi að vinir hans í verktakabransanum vilja fá að byggja þá finnst honum það frekja að vera á móti því.

Ég gæti sagt margt fleira en það verður að bíða betri tíma og líka hægt að vitna í það sem ég hef skrifa hér um Gunnar og co

Valdboðið náði yfirhendinni

Held að ríkisstjórnin ætti að flýta sér hægt núna!

Hef verið að velta fyrir mér hvað er réttast að gera í þeirri stöðu sem nú er komin upp  hér á landi!

• Það er nokkuð ljóst að til þess að ná niður verðbólgunni verður m.a. nauðsynlegt að:
  • Minnka neyslu
  • Draga úr framkvæmdum sem auka þenslu
  • Auka sparnað

Í framhaldi af þessu er maður að velta fyrir sér eftirfarandi:

• Það stendur til að ráðast í álversframkvæmdir í Helguvík og maður veltir þá fyrir sér eftirfarandi:
  • Varðandi orkuöflun fyrir álverið. Mér skilst að Hitaveita Suðurnesja ætli að skaffa þeim einhvern hluta og OR eða Landsvirkjun rest. Hvernig er með lánakjör sem bjóðast þessum fyrirtækjum núna verða þetta ekki rándýr lán?
  • Eða hvernig er með lán fyrir Norðurál í Helguvík. Er það fyrirtæki ekki skráð hér á landi og þarf að sætta sig við íslensk kjör á lánum.
  • Getur verið að tími þessara framkvæmda eigi eftir að valda orkufyrirtækjum okkar vandamálum í framtíðinni

 

•  Eins þá fer maður að velta fyrir sér að ef að Seðlabanki auðveldar bönkum aðgengi að fjármagni. Fara þá bankarnir ekki aftur af stað með húsnæðislánin fyrir alvöru? Og leiðir það ekki til að húsnæðisverð fer aftur að hækka og þar með verðbólgan líka.
• Væri ekki skynsamlegt að setja nú inn tímabundið  einhverjar reglugerðir eða lög sem hvetur fólk til að spara. T.d. að fé sem lagt er inn á reikninga sem eru bundnir í 12 mánuði séu frádráttarbærir frá launum eins og lífeyrisgreiðslur í dag.

Held að allir sem eru að kalla eftir aðgerðum vegna stöðumála verði að leggja fram heildstæðar tillögur sem taka á öllum þáttum þessara vandamála. Ég er orðinn þreyttur á því að fólk sé að kalla eftir aðgerðum en koma svo ekki með neinar tillögur. Það eitt að reka Davíð og bankastjórina dugar ekkert. Það eitt að taka gjaldeyrislán og tryggja gjaldeyrisforða dugar ekkert sér.

Við verðum auðsjáanlega að hægja á hér á landi og ég vill fá vel útfærðar aðgerðir. Engar skyndilausnir þar sem að árangur getur orðið verri en enginn.

Spáir 10% verðbólgu í apríl