Hvað segja andstæðingar ESB núna?

Ein af helstu rökum gegn ESB hefur verið nú upp á síðkastið að við sem trúum því að okkar hag væri betur komið innan ESB værum að kalla yfir Ísland atvinnuleysi. Nú er Fjármálaráðuneytið farið að spá:

Þá er búist við áframhaldandi samdrætti á næsta ári. Ráðuneytið gerir ráð fyrir 1.9% atvinnuleysi á þessu ári en að atvinnuleysi aukist í 3,8% á næsta ári. Fjármálaráðuneytið býst við að verð fasteigna lækki um 4% en þegar tekið er tillit til verðbólgu verði raunlækkun fasteignaverðs 12% á árinu.

Og ekki erum við búin að ganga í ESB og ekki búin að taka upp Evru þannig að þetta erum bara við og krónan sem erum að valda þessu.

Spá 15% lækkun fasteignaverðs

Einhverstaðar er til lausafé!

Það virðist vera að einhverjir lumi á lausafé þó að bankarnir eigi erfitt með að ná sér í það um þessar mundir og geti ekki lánað fólki sem er að kaupa íbúðir.

Kaupir fyrir tæpan milljarð í Glitni

Sökkvandi skip?

Bara svona að velta þessu fyrir mér. Er er ekki sagt að rotturnar forði sér úr sökkvandi skipi?

Fleiri segja upp hjá Kaupþingi í Noregi

Landspítalinn ehf.

Finnst skrítið að bloggið logi ekki af umræðu um það sem kom fram í kvöldfréttum RUV. Þar er haft eftir Vilhjálmi Egilssyni sem af öllum mönnum er yfir nefnd sem á að móta stefnu fyrir Landspítalann til framtíðar.

Eins er hægt að vísa í vitali  í Mogganum í dag sem sagt er frá  hér á Eyjunni þar er er haft eftir Magnús Péturssyni fyrrverandi forstjóra Landspítalns

Magnús segir að það eigi eftir að koma betur í ljós fyrir hvað Guðlaugur Þór Þórðarson, heilbrigðisráðherra og stjórnarflokkarnir standa í heilbrigðismálum og hvernig þeir ætla að framkvæma ákvæði stjórnarsáttmálans um að nýta betur kosti einkarekstrar. “Ef gengið er mjög hart að heilbrigðisþjónustunni þannig að biðlistar myndist og þörf fyrir forgangsröðun eykst þá rís upp einkaþjónusta. Því meira sem skorið er niður því meiri líkur eru á að einkaaðilar taki upp þráðinn. Þeir starfa þannig að þeir þurfa að fá greitt fyrir sína þjónustu. Smám saman kynni þetta að leiða til þess að fólk kaupi sér einkatryggingar eins og reyndin er sums staðar erlendis. Í Þýskalandi eru t.d. tvö kerfi í raun í gangi. Það hefur reynst vel fyrir þá sem hafa efni á að borga.”

Fréttin eins og hún er á www.ruv.is

Rekstrarform Landspítalans

Allar gerðir rekstrar verða athugaðar við rekstur Landspítala, líka einkarekstur. Þetta segir formaður nefndar sem fer yfir reksturinn. Fráfarandi forstjóri hafi ekki nefnt við nefndina að skipun hennar hafi verið ein ástæða þess að hann hætti.

Allar gerðir rekstrar verða athugaðar við rekstur Landspítala, líka einkarekstur. Þetta segir formaður nefndar sem fer yfir reksturinn. Fráfarandi forstjóri hafi ekki nefnt við nefndina að skipun hennar hafi verið ein ástæða þess að hann hætti.

Ákvörðun heilbrigðisráðherra að skipa nefnd yfir spítalann var ein ástæða þess að Magnús Pétursson lét af forstjórastarfi.

Nefndin hefur síðan í haust farið yfir rekstur spítalans og ætlar að skila ráðherra tillögum í júní um stjórnskipulag spítalans og framtíðarstefnumótun.

Ég bara spyr er það virkilega stefna heilbrigðisráðherra að einkavæða Landspítalann. Það hefur einmitt einkennt tal hans síðustu mánuði að rekstrarform spítalans skipti ekki máli því að það sé áfram að ríkið greiði fyrir þjónustuna. En ég tel að það sé ávísun upp á hér verði fólk látið borgar meira .

Finnst það segja sitt að framkvæmdarstjóri Samtaka atvinnulífsins sé skipaður formaður þessarar nefndar.

Það er náttúrulega ef maður hugsar það búið að einkavæða allt annað sem eitthvað kveður að og vinir xD fengið góðan slatta af því á góðum kjörum. Landspítalinn veltir náttúrulega milljörðum sem að góðir vinir xD hefðu áhuga á að komast yfir. Þ.e. peninga frá okkur í gegnum ríkissjóð.

Ég vona að frjálshyggju maðurinn Guðlaugur Þór sé ekki á þessari vegferð. En ef svo reynist verðum við að spyrna við. Og þá verður að grípa til aðgerða sem hlustað er á.

Alveg makalaust hvað Kínverjar eru taktlausir

Nú þegar að allur heimurinn hefur verið að mótmæla mannréttindabrotum Kínverja í Tíbet þá handtaka þeir munka sem þeir saka um að hafa ætlað að sprengja upp einhverja stjórnabyggingu í Tíbet. Til að byrja með þá geta þeir verið vissir um að þetta magnar upp mótmæli gegn þeim í tengslum við Ólympíulekana. Síðan með því að banna fjölmiðlum að fara til Tíbet er ómögulegt að staðfesta þeirra orð eða hinna sem eru á móti Kínverjum.

Það má kannski segja að Kínverjar eru búnir að koma ár sinni þannig fyrir borð að þeir eru minna háðir samskiptum við aðrar þjóðir og kannski eru aðrar þjóðir orðnar háðari samskiptum við þá vegna viðskiptahagsmuna. En nú um áraraðir hafa þeir verið að opna landið og almennt farnir að njóta mun meiri velvilja á Vesturlöndum en þá klúðra þeir málum þarna í Tíbet þar sem að þeim ætti að vera í lófa lagið að skapa sjálfstjórnar hérað, ríki og leyst þar með úr langvarandi krísu. Þeir hafa t.d. Hong Kong til fyrirmyndar.

Tíbetskir munkar handteknir

Þeir þurfa ekki að hafa áhyggjur af Íslandi

Við förum á undan með góðu fordæmi og erum búin að koma okkur upp verðbólgu. Ekkert mál og við erum á verði um að halda henni hingað til eins og áður!

Frétt af mbl.is

  Hvetja stjórnvöld til að vera á verði gagnvart verðbólgunni
Viðskipti | AP | 12.4.2008 | 20:39
 Alþjóða gjaldeyrissjóðurinn (IMF) hvatti í dag ríkisstjórnir til þess að fylgjast vel með verðbólgu

Hvetja stjórnvöld til að vera á verði gagnvart verðbólgunni

Held að fólk ætti að varast öfgar í samskiptum við Kína

Heyrði í hádeginu rætt við Baldur Þórhallsson sem staddur er í Kína. Hann sagði m.a. að fulltrúar ríkja ættu að hugsa um það vandlega áður en þeir hætta við að mæta á setningarathöfn Ólympíuleikana. Ólympíuleikarnir væru m.a. leið sem Kínverjar hefðu séð til að opna landið meira fyrir Vesturlöndum. Ég hallast að því að mannréttindi í Kína hafi á síðustu áratugum tekið nokkrum framförum og það sé helst því að þakka að samskipti Kína við umheiminn hafa aukist.

Með þessum fáránlegu árásum á Ólympíuedinn sem hafa verið í Evrópu erum við að þrýsta á andstöðu við Vesturlönd og um leið að loka á þá opnun sem orðið hefur í Kína.

Í frétt á www.ruv.issegir frá ummælum Dalai Lama. Hann ítrekar þar að hann sækist e

kki eftir fullum aðskilnaði við Kína. Hann vill að Tíbet verði sjálfstjórnar svæði með sjálfræði um sem flest atriði í ríkjasambandi við Kína.

af www.ruv.is

Dalai Lama: Ekki hunsa Ólympíuleika

Dalai Lama, útlægur leiðtogi Tíbeta, segist ekki hlynntur því að þjóðir heims sniðgangi Ólympíuleikana í Peking, hins vegar sé það leiðtogum þeirra í sjálfsvald sett hvort þeir verði viðstaddir setningarathöfnina. Þetta kom fram í viðtali Dalai Lama við fréttamenn NBC sjónvarpsstöðvarinnar.

Hann benti á að fleiri en Tíbetar byggju við lítil mannréttindi í Kína, þar sætu flestir þegnar við sama borð. Þá sagði hann af og frá að hann berðist fyrir sjálfstæði Tíbets og því færi fjarri að hann væri andvígur Kínverjum.

Stjórnvöld í Peking fordæmdu í morgun Evrópuþingið í Strassborg fyrir að hvetja menn til að hundsa setningarathöfn Ólympíuleikanna, ályktun þingsins væri ruddaleg, og gróf afskipti af innanríkismálum Kína.

 Hér má sjá viðtalið við Dalai Lama

Og hér er hægt að sjá viðtalið á prenti.

Auðvita er hræðilegt hvernig Kínverjar koma fram við Tíbeta en með svona mótmælaaðgerðum hjálpum við þeim lítið. Dalai bendir á það sem Tíbeta vantar er læknisþjónusta og mataraðstoð. Hann bendir á að það séu margir aðrir í Kína sem sæti svipaðri meðferð sem hann harmar.

 

Kyndilhlaupi lokið án áfalla

Bíddu minnka skuldir við eigna aukningu?

Bíddu hvernig er þetta rökstutt skuldum við minna af því að markaðsvirði eigna eykst. Ég hefði skilið þetta ef að talað hefði verið um skuldir umfram eignir en ég skil ekki hvernig maðurinn fær út að skuldir hafi lækkað. En það er gott að vita að hann telur það séu einhverjar eignir á mót skuldunum.

Ég held líka að það sé varhugavert að miða svona útreikninga við markaðsverð sem sveiflast um kannski 20 til 30% á mánuði eða tveim. Eins þá eru inn í þeim tölum ótrúlegar stærðir eins og milljarðar í viðskiptavild sem er nú ekki alltaf að treysta eins og við þekkjum úr uppgjörum hér á landi.

En það er gott að með smá breyttum forsendum förum við úr því að vera skuldugust yfir í það að vera bara svona í meðallagi. Það væri þá óskandi að í næstu skýrslu fyndum við leið til að verða skuldlaus með öllu.

Ekki lengur skuldugasta þjóð í heimi

Nauðsyn á uppstokkun í Seðlabanka

Heyrði í kvöld ummæli Gylfa Magnússonar um það að menn væru almennt búnir að missa trú á Seðlabankanum. Þrátt fyrir okurvexti þá hefði hann engum tökum náð á ástandinu. Hann hefði ekki á undaförnum árum komið sér upp gjaldeyrisforða sem að nokkru næmi.

Hann benti á að nauðsynlegt væri að stokka upp í Seðlabankanum. Nefndi sérstaklega seðlabankastjóra og bankaráðið. Enda þegar maður lítur á lista yfir þá sem þar sitja er manni til efs að þarna fari sérfræðingar í málefnum seðlabanka og starfa þeirra.

Aðalmenn
Halldór Blöndal, formaður
Jón Sigurðsson, varaformaður
Erna Gísladóttir
Ragnar Arnalds
Hannes Hólmsteinn Gissurarson
Jónas Hallgrímsson
Sigríður Ingibjörg Ingadóttir ( kosin 3. október 2007 í stað Jóns Þórs Sturlusonar)

Varamenn
Halla Tómasdóttir
Birgir Þór Runólfsson
Tryggvi Friðjónsson
Sigríður Finsen
Guðný Hrund Karlsdóttir (kosin 3. október 2007 í stað Sigríðar Ingibjargar Ingadóttur)
Ingibjörg Ingvadóttir
Valgerður Bjarnadóttir 

Sérstaklega bendi ég á þá sem ég breytti lit á. Halldór Blöndal er formaður bankaráðsins!!!!!!!!!!!!!

Gylfi Magnússon taldi að í bankaráðinu ættu að sitja sérfræðingar í efnahagsmálum og helst einstaklingar erlendis frá með reynslu af þessum málu.

Bendi síðan á að aðalbankastjóri Seðlabankans er menntaður lögfræðingur.

Eftirfarandi má lesa á www.eyjan.is þar sem vísað er í ummæli Gylfa á ruv

Víkja þurfi frá bankaráði og stjórn bankans og setja faglegt bankaráð sem taki ákvarðanir í peningamálum og aðrar meiriháttar ákvarðanir. Í bankaráði þurfi nú helst að sitja sérfræðingar, erlendir og innlendir, sem áunnið hafi sér traust með verkum sínum. Gylfi sagði óvíst að þessi uppstokkun mundi duga en hún væri óhjákvæmileg því að stjórn og stefna Seðlabankans væri komin í þrot

Og hér er viðtalið við hann

Vextir fara í 15,75%

Já er það ekki!

Hvað á Lárus Welding við þegar hann segir: ".......og velti því upp hvort núverandi vanda peningastefnunnar og ójafnvægi efnahagkerfisins megi að hluta til rekja til þess að skipulagi Íbúðalánasjóðs var ekki breytt samhliða því að Seðlabanka var gert að taka upp verðbólgumarkmið. Þetta kemur fram á vef Samtaka atvinnulífsins."

Mér finnst að bankarnir fari nú hamförum í að finna blóraböggla til að kenna um þá stöðu sem er í dag hjá þeim.  Sem væri nú í sjálfu sér allt í lagi ef það væri ekki flestum ljóst að megin sökin liggur hjá þeim. Þeir hafa farið offari í fjárfestingum og útþenslu þrátt fyrir aðvaranir. Lánuðu eins og brjálæðingar öllum sem lán vildu taka til a reyna að ýta íbúðarlánasjóði af markaði. Borga stjórnendum sínu laun í hundruð ef ekki miljarðavís. En t.d. vildu ekki lána fólki út á landi. Svo voga þeir sér að reyna að kenna íbúðarlánasjóði um stöðu sína. Bendi t.d. á að Glitnir ætti kannski um 300 milljónum meira ef Lárus hefði verið ráðinn inn á venjulegan hátt eins og aðrir starfsmenn ekki fengið 300 milljónir fyrir að hefja störf.

Síðan er þetta útlendum mönnum að kenna sem hittust hér og voru að plana samsæri! Þá er þetta líka bandarískum bönkum að kenna sem lánuðu of djarft til húsnæðiskaupenda.

Ekkert er íslensku bönkunum að kenna. Þó þeir hafi ruglað saman banaka og fjárfestingum í áhættuviðskiptum. Þeir vita varla enn hvort þeir eru fjárfestingarfélag sem tekur jen óverðtryggð á 1% vöxtum og lánar okkur á 6 til 7 % vöxtum ásamt þvi að hirða verðtryggingu í hagnað. Svo bara allt í einu eru engin jen hægt að fá að láni á hagkvæmu vöxtum og þá er það íbúðarlánsjóð að kenna.

Þeir hamstra erlendan gjaldmiðil og fella krónuna ásamt fleirum það eru náttúrulega við sem blæðum fyrir það.

Nú í dag getur íbúðarlánsjóður ekki lánað nema um 18 milljónir og þá aðeins ef að brunabótamat er nóg hátt ti að þessar 18 milljónir séu aðeins um 80% af því . Bankarnir voru að lána út á markaðsvirði og sennilega rúmlega það. Þeir keyrðu upp verð á markaði til að geta lánað meira. Þeir ættu svo sannarlega að líta í eigin barm.

Er sammála Davíð held ég bara að bankarnir hafi verið seldir einkaaðilum. Þeir hafa farið svona með eign sína og við eigum ekkert að vera púkka upp á þá. þó það sé erfitt núna. Eða eins og Davíð sagði að ef þeir treysta á ríkisábyrgð þá hefðu þeir átt að seljast á hærra verði.

Lárus Welding: Skýtur skökku við að ríkið reki banka