Höskuldur margsaga

Hér í síðustuviku er þetta haft eftir Höskuldi:

Höskuldur Þórhallsson, þingmaður Framsóknarflokks, segir að Per Olaf Lundteigen, þingmaður norska Miðflokksins, hafi umboð formanns flokksins til að leggja til að norska ríkið veiti Íslendingum aðgang að allt að 2000 milljarða króna lánsfé.

Og nú segir hann:

„Jóhanna ætti að kynna sér málið áður en hún fer af stað og sendir bréf til Noregs um hvort Norðmenn séu tilbúnir að lána Íslendingum 2000 milljarða. Við höfum aldrei farið fram á slíka upphæð og því augljóst hvert svarið við slíkri spurningu yrði,“ sagði Höskuldur.

Svo ég held að Höskuldur gerði best í þvi að halda nú bara kjafti smá stund. 

Mun ekki biðjast afsökunar

Held að Sigmundur ætti að aðeins að hugsa sig um!

• Til að byrja með var hann ekki í Noregi í umboði neinna nema framsóknar
• Þó við fengjum lán hjá Noregi mundu þeir væntanlega lána okkur á grundvelli þess að við sýndum þeim fram á áætlun sem gerði það mögulegt að við borguðum þetta lán til baka
• Þetta lán mundi ekki leysa IceSave deiluna á nokkurn hátt.
• Við værum ekki í framhaldi með neina vottun á að hér væri í gangi áætlun sem skilaði okkur út úr þessum vandræðum
• Og eftir þetta værum við um áratuga skeið bundin vilja Noregs varðandi framtíð okkar og ákvarðanir.
• Bendi á þetta leysir ekkert varðandi framtíðargjaldmiðil okkar.
• Þetta kemur ekki í veg fyrir að Holland og Bretland fari í innheimtuaðgerðir gegn Íslandi. Sem m.a. gæfu þeim möguleika á að haldleggja upp í skuldir þær greiðslur og innistæður sem við ættum í þessum löndum. Þannig að greiðslur fyrir vörur væru teknar, sem og greiðslur til okkar.

AGS gefur okkur ákveðin stimpil um að hér sé verið að vinna eftir alþjóðlega viðurkenndri áætlun en ef að nota á lán Noregs til að komast hjá því að taka á fjárlagahalla eða fresta þeim aðgerðum þá höfum við enga möguleika lengur. Og þar með mundu Norðmenn ekki hafa tryggingu á að fá þetta til baka.

Manni finnst þetta líka furðulegur leikur þegar Framsókn fer til Noregs umboðslaus og ræðir við Miðjuflokkinn sem er 6,0% flokkur í stjórnarsamstarfi og hefur ekkert umboð til að semja um slíkt. Og koma svo hingað og segja að allt sé klappað og klárt. Og í framhaldi er það skemmdarverk að Jóhanna skuli kanna málið.

Bendi aftur á hvað það væri neyðarlegt að Jóhanna hefði farið til Noregs eftir för Framsóknar. Og sagt hér er ég komin með formlega umsókn til ykkar um 2000 milljarða lán sem þið voruð búin að samþykkja í viðræðum við Framsókn. Og Norðmenn skoða málið og segja NEI. Þar með hefði umheimurinn það að Norðmenn þora ekki að lána okkur því ástandið hér er svo ótryggt.

Ummælin fráleitur þvættingur

Furðuleg framsókn

Jóhanna sendir bréf til Noregs og spyr hvort að við getum sótt um lán til þeirra óháð AGS eins og framsókn hefur verið að boða. Þeir komu jú hingað með þau boð að við þyrftum bara að biðja um lán þá mundum við fá 2000 milljarða lán hjá þeim. Og nú heitir það "skemmdarstarfsemi" hjá framsókn að Jóhanna skuli kanna málið.

Og þeir halda áfram að fullyrða þrátt fyrir svar Forsætisráðherra Noregs:

Höskuldur segir að Noregsferðin hafi verið afar góð og að hann Sigmundur Davíð Gunnlaugsson, formaður Framsóknarflokksins, hafi rætt við fjölda þingmanna úr öllum flokkum. Allir hafi þeir verið jákvæðir nema þingmenn Verkamannaflokksins.

„Ég er þeirrar skoðunar eftir þessa ferð að ég tel miklar líkur á því Íslendingar fái lán frá Norðmönnum komi formleg beiðni frá Íslandi."

Alveg frá því í sumar í vinnu fjárlaganefndar hef ég verði á þeirri skoðun að Höskuldur og illa grundaðar skoðanir hans séu Íslandi verulega hættulegar. Hann hefur stöðugt verið einhverjar upphrópanir sem engar stoðir eru fyrir. Til dæmis gerir hann og félagar sér enga grein fyrir því hversu alvarlegt það væri fyrir Ísland að fara til Noregs með formlega beiðni um lán og vera neitað. Það hefði gríðarleg áhrif á álit annarra á okkur til frambúðar.

Eins þá biður Jóhanna Seðlabankann og efnahags og viðskiptaráðuneytið að meta hvað mundi gerast ef við göngum ekki frá Icesave og þá glymur í framsókn:

Eygló Harðardóttir, þingmaður Framsóknarflokksins, segir í samtali við fréttastofu að Jóhanna Sigurðardóttir, forsætisdóttir, leggja nú allt undir til að kúga þjóðina til að sætta sig við afarkosti Hollendinga og Breta. Öllum meðulum sé beitt þar á meðal endalausum dómsdagsspám

Held að þetta fólk sé bara ekki raunveruleika tengt.

Jóhanna beitti sér gegn láninu

Áríðandi orðsending til þeirra sem vilja draga icesave og ekki ganga í ESB

Hér er skoðun reynds blaðamanns í Financial Times. Fyrir utan að hann lýsir því að erlendum aðilum er farið að lengja eftir aðgerðum þá segir hann m.a.

Hann lýkur greininni með þeim orðum, að Íslendingar séu nú á krossgötum. Önnur leiðin sé í átt til Evrópu, taka upp evru og komast þannig í efnahagslegt skjól hjá Evrópusambandinu.

Hin leiðin sé leið sem kenna megi við Eina Þjóð: einangruð þjóð, veik og berskjölduð en með bjargfasta trú á eigin hæfileika, staðfestu og úrræði. Hafni Íslendingar Evrópuleiðinni sé raunveruleg hætta á að Ísland verði eins og Bjartur í Sumarhúsum: einmana vera sem staulast áfram, ringlaður og veðurbarinn en samt þrjóskulega inn í heimskautaauðnina. „Í hugum margra Íslendinga er það ákjósanlegur kostur."  (Úr frétt á mbl.is )

Þessi lýsing í lokin minnir mig einmitt á suma Sjálfstæðismenn eins og þeir láta núna sem og þá skrifa hér undir merkjum "Fullveldissinna" og "Kristilegra" stjórnmálasamtaka.

Funduðu í Karphúsinu

Stór varasöm leið og umræða

Sjálfstæðismenn hafa farið hamförum nú um að við eigum að:

• Hætta samstarfi við AGS
• Ekki taka svona há lán
• Virkja og byggja stóriðju

Þeir tala um þetta eins og þetta sé ekkert lán. Ríkið eigi bara að gefa græn ljós á virkjanir og þá leysist allt annað að sjálfu sér. Erlendir aðilar komi hingað í hópum að fjárfesta. En einu gleyma þessir menn. Þ.e. að við fáum engin lán til að fjárfesta í virkjunum nema á okur vöxtum fyrr en heimurinn fær trú á að við séum að taka til hjá okkur og séum að virða skuldbindingar okkar. Ath. t.d.

Áætlanir Orkuveitu Reykjavíkur (OR) um virkjanaframkvæmdir eru í uppnámi, fáist ekki þrjátíu milljarða króna lán frá Evrópska fjárfestingarbankanum (EIB) sem vilyrði er fyrir. Afgreiðslu lánsins var hafnað í júlí vegna óstöðugleika í efnahagslífinu. ( www.visir.is)

Og fólk er svo auðtrúa að taka þetta trúanlegt hjá sjálfstæðismönnum. Í gær kom Bjarni Ben með eina patent lausn sem byggðist á því að jöklabréfum yrði breytt í langtíma ríkisskuldabréf. Hann hlýtur að gera sér grein fyrir því að erlendir aðilar sem eiga hér Jöklabréf vilja ekki festa peninga hér í langtíma skuldabréfum við ríkisstjórn þar sem að stór hluti Alþingis er undirlagður af því hvernig við komumst hjá því að efna skuldbindingar okkar og losa okkur undan þeim áætlunum sem Sjálfstæðisflokkurinn sjálfur setti fram og AGS samþykkti.

Svo má ekki gleyma að það hefur verið sýnt fram á að Helguvík í endanlegri stærð, stækkun í Straumsvík og svo Bakki  í fullri stærð mundu klára alla þá orku á Suðvestur, Suðurlandi og Norðaustur landi sem er til. Og eftir það verður ekki meiri orku þar að hafa nema að virkja Gullfoss og Dettifoss.

Því eru svona draumsýnir eins og Sjálfstæðismenn halda fram út í hött. Því að hvað á að gera í framtíðinni þegar okkur fjölgar og það þarf að skaffa fleiri störf. Úps. Við erum óvart búin að binda alla orku til Álver næstu 30 til 40 árin. Sem skapa kannski með afleyddum störfum um 3000 störf.

Og aftur að erlendum fjárfestum. Hver haldið þið að vilji koma hingað með gjaldeyri ef hann sér fram á að hann gæti átt á hættu að ekki verði til gjaldeyrir til að greiða honum til baka eða þegar hann vill héðan út. Og sér í lagi ef þeir hlusta á umræðuna hér á landi um að við eigum ekki að borga, setja skatt á erlenda aðila sem vilja flytja fé úr landi, og fleira og fleira.

Ísland þarf ekki að greiða AGS-lán strax til baka

Bíddu halda menn að Norðmenn gefi okkur þessa peninga?

Þori að ábyrgjast að þeir koma að bjóða okkur svipuð kjör og AGS auk þess sem að þeir hljóta að vilja hafa eitthvað um ráðstöfun þessa að gera. Þannig að ég sé fyrir mér að við mundum fá hingað fulltrúa þeirra til að fylgjast með og hafa áhrif á framkvæmdir. Auk þess sem að við yrðum skuldbundin þeim og ESB yrði úr sögunni.

Og samt sem áður þyrftum við að beita niðurskurði, gjaldeyrishöftum og sköttum því annars væri hætta á að við mundum eyða þessu láni í að greiða út jöklabréf, og ríkisskuldabréf til útlendinga. Því mundu Norðmenn væntanlega gera sömu kröfur til okkar.

En einnig mundum við missa það traust sem erlendir aðilar hafa á áætlunum okkar þar sem að það verður engin alþjóðleg stofnun sem fylgist með og vottar að við séum á réttri leið. Auk þess sem þetta hjálpar okkur ekkert með Icesave. Því að Bretar og Hollenidngar munu halda áfram að innheimta þá upphæð sem við höfum samþykkt að greiða.

P.S getur einhver sagt mér hverjir eru með þeim þarna í Noregi? Mér skilst að þeir séu 6 saman og þar af einn sérfræðingur í Alþjóðaviðskiptum. Og hver greiðir þetta?

Þurfa frumkvæðið frá Íslandi

Svona fyrst verið er að tala um stóriðju!

Nú hef ég heyrt að stækkun Álversins í Straumsvík og álverið við Helguvík í fullri stærð komi til með nota alla orku sem vitað er af á Reykjanesi. Eins alla orkuna út Búðarhálsvirkjun og neðri hluta Þjórsá. Spurning hvað við gerum þá þegar einhverjir koma hér sem þurfa orku? Þá skils mér að Álver við Bakka komi til með að nýta alla þá orku sem vitað er um á Norðausturlandi nema Dettifoss. Það er því spurning hvernig menn ætla að bregðast við þegar þarf að skaffa kannski fleiri fyrirtækjum orku. Og þetta er allt fyrir kannski 900 störf til langs tíma. Og þá eigum við lítið sem ekkert eftir af orku til að nýta. Því væru sennilega líkur á því að við þurfum að fara innan nokkra áratuga að framleiða rafmagn fyrir heimili með olíu.

Hverng væri að fólk færi að hugsa hér aðeins.!

Samorka: Rafmagnsverð lækkar vegna stóriðjunnar

Bíddu! Bíddu hver dó og gerði Ögmund að sérfræðingi í þessum málum?

Ég hef áður bent á eftirfarandi hér fyrr í dag! Þar sagði ég m.a. Þegar þeir menn sem nú vilja kasta öllum áætlunum okkar og AGS út, verða þeir að vera tilbúnir með sýn á hvernig:

• Komið verði í veg fyrir nýtt gengishrun
• hvernig við bregðumst við þegar vextir og afborganir af erlendum lánum koma til og ekki er til gjaldeyrir fyrir þeim
• hvernig fjárfestar verða fullvissaðir um að til sé gjaldeyrir til að greiða arð af fjárfestingum þeirra hér.
• bregðast á við þegar og ef lánshæfimat ríkisins og fyrirtækja hrapar og erlend lán verða miklu dýrari.
• Hvernig á þá að byggja hér upp atvinnutækifæri? Ef að fyrirtæki geta ekki fengið fjármögnun nema innanlands. Þau þurfa væntanlega gjaldeyrir til að kaupa inn.
• Hvað kemur til með að þurfa að skammta  og hversu víðtækt skömmtunarkerfi verður.

Sá á www.visir.is er Þorvaldur Gylfason einmitt spurður um þetta og hann segir.

Gætum lent í greiðslufalli ef AGS fer úr landinu

Þorvaldur Gylfason prófessor segir að þeir sem vilji sparka Alþjóðagjaldeyrirssjóðnum úr landinu séu að leika sér að eldinum. „Við gætum vel þurft á láni AGS að halda til að forða því að Ísland lendi í greiðslufalli," segir Þorvaldur. „Slíkt yrði mikil auðmýking fyrir landið og þjóðina."

 

Aðspurður um álit á þeim fréttum að meirihluti sé meðal þingmanna að hætta samstarfinu við AGS segir Þorvaldur að ógæfu Íslands verði allt að vopni þessa dagana. „Þarna virðist vera einhver hugmyndafræðileg andúð á sjóðnum á ferðinni sem á ekkert skylt við röksemdir," segir hann.

 

Þorvaldur bendir á tvö önnur atriði sem fylgja örugglega í kjölfarið á því að AGS yrði látinn taka poka sinn á Íslandi. Í fyrsta lagi myndu lánsmatsfyrirtækin þrjú, Moody´s, Fitch Ratings og Standard & Poors, öll lækka lánshæfiseinkunnir sínar fyrir ríkissjóð niður í ruslflokk. Þar með væri tekið fyrir frekari lántökur erlendis frá til Íslands.

 

„Það hefur skinið í gegnum málsflutning frá þessum matsfyrirtækjum undanfarið að vera AGS á Íslandi sé nær það eina sem heldur ríkissjóði enn í fjárfestingaflokki hvað lánshæfið varðar," segir Þorvaldur.

 

Þriðja atriðið sem Þorvaldur nefnir er að með brottför AGS yrði ekki vinnandi vegur að afnema gjaldeyrishöftin sem nú er í gildi. Þar að auki þyrftu þau höft að vera viðvarandi um langan tíma.                                                        Sjá grein

 

 

Höfum ekkert við AGS að gera

Það er eins gott fyrir þessa þingmenn að rökstyðja þá nýja leið, áður en þau hafna AGS

Hef bloggað um það áður að ef þingmenn vilja breyta út af þeirri leið sem hefur verið mótuð, þá er eins gott fyrir þá að koma áður með mótaða áætlun um hvernig við eigum að bregðast við án AGS. Þar verða að vera tilgreindar nákvæmlega hvernig:

• Komið verði í veg fyrir nýtt gengishrun
• hvernig við bregðumst við þegar vextir og afborganir af erlendum lánum koma til og ekki er til gjaldeyrir fyrir þeim
• hvernig fjárfestar verða fullvissaðir um að til sé gjaldeyrir til að greiða arð af fjárfestingum þeirra hér.
• bregðast á við þegar og ef lánshæfimat ríkisins og fyrirtækja hrapar og erlend lán verða miklu dýrari.
• Hvernig á þá að byggja hér upp atvinnutækifæri? Ef að fyrirtæki geta ekki fengið fjármögnun nema innanlands. Þau þurfa væntanlega gjaldeyrir til að kaupa inn.
• Hvað kemur til með að þurfa að skammta  og hversu víðtækt skömmtunarkerfi verður.

Finnst Alþingi einkennast af fólki nú með ábyrgðarlausar klisjur. Stór hópur fólk sem lifir í einhverju draumsýn um að við séum þjóð sem getum verið sjálfum okkur nóg. Og gleyma því að við þurfum að flytja hingað til lands mikin hluta af nauðsynjavöru. Og ef lánin okkar verða dýarir þá verður viðskiptajöfnuður verði neikvæður og þá hverfur hér út gjaldeyrir sem við fáum fyrir afurðir okkar erlendis. Og hvað gerum við þá. Hringjum í AGS og segjum: „Sorry við rákum ykkur í burt en sjáum eftir því viljið þið koma aftur"

Þingmenn hafa sagt að það gætu orðið erfið ár í kjölfar þess að hætta samstarfi við AGS en að þjóðin sé tilbúin í það! En sorry sýnist mönnum það virkilega í ljósi þessa árs sem nú er liðið að fólk sé tilbúið að taka á sig griðarlega erfiðleika. Nei ég held ekki.

Rætt um að hafna lánum

Guðinn ykkar eitthvað upptekinn!? Eða hlustar hann ekki á Sjálfstæðismenn

Svona í tilefni af því að það er eitt ár síðan að Geir Haarde bað Guð um að blessa Ísland, þá finnst manni Bjarni ekki hafa mikla trú á að hann geri það því skv. honum eru hér við völd stjórnvöld sem leynt og ljóst stefna að því að koma okkur til Andskotans.

Kannski að Guð sé upptekin við eitthvað annað?

Þetta minnir mig á að segja mig úr Þjóðkirkjunni við fyrst tækifæri. Minnir reyndar að það hafi verið tekið fyrir það að borga til Háskólans í nýjustu lagabreytingum. EN ef ekki væri ég meira en til í það að þessi skattur sem ég greiði til þjóðkrikjunar færi í eitthvað annað. Nóg hafa þeir af peningum samt.

„Ætli maður lifi það ekki af“