Það væri nú ágætt að einhver benti Sigmundi á ákveðnar staðreyndir

• Hann lýsir ánægju með Vg og skv. dv.is vill hann samstarf við Vg eftir kosningar. En ef hann veit það ekki þá eru Vg við stjórn núna ásamt Samfylkingu og hljóta því að falla undir þetta "loftbóludæmi "hans.
• Það var framsókn fyrir 2 mánuðum sem ítrekað og af mikilli ákefð barðist fyrir að að Samfylking og Vg mynduðu stjórn. En framsókn vildi ekki fara í stjórn heldur styðja hina flokkana.
• Sigumundur verður að gera sér grein fyrir að það væri ansi illa komið fyrir Íslandi ef að alltaf væri rokið af stað eftir einhverjum hugmyndum sam nokkrir menn setja fram án þess að málið sé skoðað í heild. Hugmyndir Framsóknar um skyndilausnir á öllum okkar vandamálum eru í besta falli vanhugsaðar. Hér liggja ekki fyrir upplýsingar um heildarskuldir, stöðu bankana og ríkissjóðs næsta árið og Framsókn kemur fram með hugmyndir um flata niðurfellingu skulda án þess að vita nokkuð hvaða áhrif þær hafa. Tala um afskriftir kröfuhafa sem ekki hafa farið fram og svo framvegis.
• Og einhvern vegin er þetta nú skrýtið að Sigumundur er búinn að lýsa því yfir að hann vilji ekki vinna með Sjálfstæðisflokk og nú hjólar hann í Samfylkingu. Sem eins og áðursegir er bara annar flokkurinn í stjórn. Og Vg er því að taka ákvarðanir eins og Samfylking núna sem Sigmundur kvartar að fara ekki eftir þeirra hugmyndum en samt er hann voða ánægður með Vg. Sbr.

„Tveggja flokka stjórn Framsóknarflokks og vinstri grænna væri góður kostur en óvíst er að þeir tveir flokkar fái nægt fylgi til þess. Þótt ég hafi gagnrýnt Samfylkinguna að undanförnu efast ég ekki um að hægt verður að mynda með henni stjórn,“ segir Sigmundur Davíð Gunnlaugsson, formaður Framsóknarflokksins [www.dv.is]

Ekki beint hvetjandi fyrir Samfylkingu að fara í samstarf við svona flokk.

Undrandi á orðum Sigmundar

Og þessi könnun er gerð áður en Jóhanna tilkynnti að hún bíður sig fram til formanns.

Var að glugga í þessa könnun sem í heild má sjá hér .

Þar kemur meðal annars fram þrátt fyrir að þær niðurstöður séu með miklum fyrirvörum að Samfylkingin er með heldur meira fylgi en D listinn í Kraganum. Hef ekki séð það áður

Ný könnun: Stjórnarflokkarnir fengju meirihluta

Það er auðséð að glæpir ætla að vaxa í kreppunni

Vegna þess væri ekki rétt að ríkð færi að leita að húsnæði út á landi fyrir tímbundið fangelsi til að fjölga fangelsisrýmum .

Það verður að koma þessu fólki út umferð eins fljótt og verða mál. Því þau virðast byrja að brjóta af sér um leið og þau labba út af lögreglustöðinni eftir yfirheyrslur.

Og nú þegar að kreppir að með aðgang að peningum og kaupendum að dópi þá fara menn meira í innbrot og rán. Þvi væri rétt að hraða málsferð þeirra og koma þeim í afplánun áður er vandamálið vex okkur yfir höfuð. Sleppa þeim svo út þegar ástandið hér í efnahagsmálum  er farið að batna

Hátt bylur í tómri tunnu

Held að Sigmundur hafi verið að mismæla sig þegar hann fór að tala um flokk sem hannar atburðarrás og hefur áhyggjur af ímynd frekar en pólitík.

• Kusu framsóknarmenn sér ekki formann í febrúar sem hafði til skammstíma ekki verið í flokknum né vissi neinn hvað hann stóð fyrir?
• Evrópumálinn. Er flokkurinn ekki bæði með og á móti ESB eftir því við hvern hann talar.
• Hvað stefnu hefur framsókn yfirleitt á málum hér fyrir utan 20% niðurfellingu skulda og fleiri Álver?
• Og hvaða flokkur eignaði sér heiðurinn af því að núverandi stjórn tók við völdum? Var það ekki framsókn sem hannaði þá atburðarrás?

Er nema von að maður haldi að Sigmundur hafi verið að mismæla sig?

Samfylkingin „loftbóluflokkur“

Er gengið á leið til andskotans aftur?

Það er náttúrulega að æra óstöðugan að fara að fjalla aftur um nauðsyn okkar að komast í samstarf við ESB. Þetta á auðvita ekki síst við um myntsamstarf. Það verður aldrei byggjandi á krónunni. Nema að við ætlum að takamarka viðskipti okkar við útlönd um komandi framtíð.

Mogginn í dag er undirlagður af greinum manna sem ætla að bjóða sig fram fyrir L listann þar var m.a einn Friðrik Daníelsson sem skrifaði grein um að Svía væru á leið í algjört hrun vegna aðildar sinnar að ESB. Alveg ótrúlegur boðskapur. Og enn verra að sumur trúa svona skrifum.  En hér á eftir fer greinin með athugasemdum frá mér.

ÞJÓÐARATKVÆÐAGREIÐSLA um ESB-aðild var haldin 13. nóvember 1994. Tímar erfiðleika og bankakreppu höfðu hrjáð Svía. Sænskum kunningja mínum sagðist svo frá að fjölmiðlarnir hafi útvarpað linnulausum áróðri frá samtökum launþega, atvinnuveitenda og stjórnmálaflokkum sem sögðu: Svíþjóð verður útilokuð frá Evrópu ef við verðum ekki með, mikilvæg fyrirtæki leggjast af eða fara, atvinnuleysið eykst og lífskjörin rýrna. Norðmenn ætluðu að hafa þjóðaratkvæðagreiðslu nokkrum vikum síðar og töldu fjölmiðlarnir Svíum trú um að Norðmenn myndu samþykkja aðild. Niðurstaðan varð að 52,3 % Svía sögðu já. Norðmenn höfnuðu svo aðild. Þegar það varð ljóst sáu margir Svíar eftir að hafa samþykkt aðildina, stuðningurinn hrapaði niður fyrir 40%.

 

Á árunum eftir inngönguna flutti um tugur stærri fyrirtækja á ári höfuðstöðvar sínar frá Svíþjóð. Verslunarhömlur ESB hafa valdið fyrirtækjum miklum búsifjum, mikilvæg verslun Svía hefur verið utan evrusvæðisins og sk. innri markaður ESB í stöðnun. Evrópurétturinn jók skrifræðið, ofan á sænska regluverkið bættust reglur ESB. Góðar umbótatillögur í þinginu hafa tafist eða strandað á lögum ESB. Atvinnuleysið hefur farið í 10% þrátt fyrir góðæri á heimsvísu síðustu fimm árin.

Hverskonar bull er þetta. Það væri gaman að vita hvaða fyrirtæki fluttu og hversvegna. Þau eru væntanlega ekki að græða mikið að flytja sig innan ESB ef að það er svona slæmt. Og hvað á maðurinn við með verslunarhömlur ESB. Það er t.d. staðreynd að vöruverð í Svíþjóð sem var sambærilegt og í Noregi er nú meira en 30% lægra. Og eins og þessu er lýst væru Svíar nokkurn veginn á hausnum. Minni líka á að það eru fyrirtæki t.d. frá USA sem hafa verið að kaupa sig inn í Sænsk fyrirtæki t.d. SAAB og koma ESB ekkert við

 

Nú hafa sænskir bændur fengið boð frá ESB um fjölda trjáa í beitarlöndum, það eru mörg tré í Svíþjóð og standa bændur í stórfelldu trjáhöggi. Stefna ESB hefur leitt til aukins stórreksturs, sjö býli hafa verið lögð niður að meðaltali daglega í Svíþjóð. Starfsmönnum eftirlitsstofnunar landbúnaðarins fjölgaði samt úr 100 í 800. Víða í dreifbýlinu hefur alla tíð verið fastmúruð andstaða við aðildina.

Hefur maðurinn kynnt sér landbúnað hér á landi. Bændum hér hefur fækkað um meira en helming á nokkrum áratugum. Heilu byggðalögin hafa hætt landbúnaði og eru í eigu nú að mestu manna sem búa í höfuðborgin. Fyrirtæki reka nú landbúnað á mörgum jörðum og stórbýli hafa keypt kvóta og jarðir í kring um sig. Hér er landbúnaður niðurnegldur og menn mega ekki selja afurðir sjálfir heldur verða að nota rándýra milliliði. Og við borgum líka ríflega fyrir auk þess sem við greiðum framleiðslustyrki.

 

Aðildargjald Svía er 29 milljarðar sænskra króna á ári. Þar á ofan bætist svipaður kostnaður við tilskipanir ESB.

Maðurinn gleymir að sænskir neytendur eru líka skattgreiðendur og þegar svona er reyknað út þá verður hann að reikna með hvað þeir spara með því að allur tollur milli Svía og annarra ESB þjóða er 0. Því hafa Svíar t.d. getað selt bíla í samkeppni við mun ódýrara vinnuafl í Japan og Kóreu. Þó reyndar nú séu uppi alvarleg vandamál hjá þeim. Enda skrítið að í landi sem borgar norræn laun hafi bílaiðnaður gegnið svo lengi.

Lokun landamæraeftirlits hefur valdið mikilli aukningu kostnaðar vegna áfengismisnotkunar, eiturneyslu og glæpa. Bein útgjöld Svía af aðildinni eru því líklega orðin á annað þúsund milljarðar SEK auk óbeins taps.

Svíar eru með sambærilegt eftirlit við okkur. Það ræðst ekki af ESB heldur Schengen samningnum. Sem er eins hjá þeim og okkur. Og áfengisneysla kemur þessu máli bara ekkert við. Ekki erum við í ESB og við misnotum áfengi í meira mæli en Svíar. Þetta með að ríkið sjái ekki um að selja áfengi heldur einkaaðilar hefur ekkert með aðgengi þeirra að gera.

Samkvæmt stjórnvöldum í Svíþjóð eru Svíar ánægðir með veru sína í ESB þó eðlilega séu alltaf einhverjir gallar. Það er eins og að það er mikill galli fyrir okkur að standa utan ESB. Danir hafa verið í ESB í hvað eitthvað um 30 eða 40 ár. Finnar hafa verið jafnlengi og Svíar og eins og allar hinar 27 þjóðirnar er ekkert land að leyta að leið til að komast út úr sambandinu.

Gengi krónunnar lækkar um 1,27%

Bíddu hvar eru öll afskrifuðu lánin sem bloggarar hafa verið að velta sér upp úr?

Nú sér maður að það er ekki rétt að trúa öll þó það standi á netinu. Í athugsemdum á Silfri Egils og í raun út um allt er talað um alla milljarðana sem hafa verið afskrifaðir. Og hvað  einstaklingar og  hafa fengið afskrifað hjá sér. Nú kemur fram að aðeins 1 banki hefur afskrifað lán hjá fyrirtækjum að einhverju marki upp á innan við 2 milljarða.

Er nema von að maður biðji fólk að anda með nefinu og trúa ekki öllu sem það les í nafnlausum athugasemdum eða bloggum sem byggjast á svona vitneskju? Rannsökum fyrst og dæmum svo!

Hvað varðaði spurningu Eyglóar um heildarupphæð afskrifaðra skulda fyrirtækja hjá nýju bönkunum, sundurliðað eftir bönkum, sagði Steingrímur Íslandsbanka ekki hafa samþykkt endanlega afskrift neinna útlána frá því bankinn tók við eignum úr hendi Glitnis.

 

Engin lán yrðu afskrifuð af bankanum endanlega fyrr en í fyrsta lagi eftir að stofnefnahagsreikningur nýs banka og verðmat á þeim eignum sem fluttar voru á milli gamla og nýja bankans liggur fyrir.

Sama gildi um nýja Kauþing.

Hins vegar hefði bankaráð Landsbankans samþykkt að afskrifa útlán til fyrirtækja að fjárhæð 1.772.311 krónum, eða að upphæð tæplega 1.800 milljóna króna

Búið að afskrifa 1,8 milljarða

Bíður einhver betur?

Nú kemur Lilja Mósesdóttir og talar um 4 milljóna lækkun á öllum íbúðarlánum og er þó heiðarlega og áætlar kostnað upp á 300 milljarða. En ég verð að vísa til fyrri skrifa minna um þetta mál.

En kannski helst að 4 milljóna lækkun á  25 milljóna láni þýðir í raun ekki lækkun á greiðslubirgði upp á kannski 26 þúsund á mánuði. Þessar upphæðir segja nú lítið fyrir fjölskyldur sem eru kannski með 2 bílalán sem hafa hækkað úr 40 þúsundum upp í 90 á hvorn bíl. Og þetta eru lán sem fólk þarf að borga líka. Þau geta skilað inn bílnum en þurfa að borga restina. Þó að eignarhluti fólks hafi lækkað nú vonandi tímabundið þá held ég að verðið eigi eftir að hækka aftur.

Væri ekki meira vit að lengja lánin í 60 til 80 ár og lækka greiðslubirgði um helming. Einnig erum við væntanlega innan nokkra ára komin með nýjan gjaldmiðil og við það  leggst verðtrygging af. Og fólk getur greitt upp þessi lán með nýjum lánum á öðrum kjörum. Og bankar og íbúðalánasjóður ættu þessi lán áfram sem eignir og ríkið þyrfti að leggja þeim minna viðbótarfjármagn til.

En nú eru að koma kosningar og þetta fer að minna á kosningarnar 2002 þegar að flokkarnir kepptust um að bjóða skattalækkanir þrátt fyrir þennslu og 90% húsnæðislán.

Vill fella niður 4 milljónir af höfuðstól húsnæðislána

20% niðurfelling skulda??????????????

Hef verið að velta fyrir mér þessum hugmyndum Tryggva og Framsóknar.

1. Ef maður setur upp dæmi: Fjölskylda hefur keypt sér íbúð 2007  á kannski 25 milljónir og fengið kannski 20 milljónir lánaðar. Nú hefur lánið kannski hækkað ef það var verðtryggt upp í 23 milljónir. Ef við fellum niður 20% af þessu láni þá eru það um 4,5 milljónir. Sem gera kannski 20 til 25 þúsund lækkun á mánaðargreiðslum.
   Ég er ekki viss um að þessi fjölskylda kljúfi þetta dæmi þó að greiðslubirgði lækki um 25 þúsund. Ef svo er hefur þessi fjölskylda ekki haft neitt borð fyrir báru fyrir hrun.
2. Held að það séu lán sem fjölskyldur tóku sem viðbótarlán þegar að húsnæði hækkað tímabundið sem og bílalán og þessháttar sem eru að sliga þær flestar.
3. Eins finnst mér ódýrt þegar að Tryggvi talar alltaf um kröfuhafa banka sem hafi afskrifað skuldir bankana. En hann veit vel að þessir stóru erlendu bankar eru ekki búnir að skrifa undir eitt né neitt. Þeir eru með her manna í að reyna að innheimta sem mest af lánum sínum við bankana. Og ég las að þeir séu ekki sáttir við að nýju bankarnir hafi tekið svo miklar eignir frá gömlu bönkunum og tali um það sem stuld. En einmitt hljóta húsnæðislán að teljast verðmætar eignir.
4. Ef að íbúðarlán bankana yrðu niðurfærð um 20% hlýtur eignastaða þeirra að versna um 20% og verða jafnvel neikvæð. Og þá þyrftum við að leggja þeim til eignir eða fjármagn til að laga það.
5. Stærsti hluti íbúðarlána er við Íbúðarlánasjóð sem er væntanlega með ríkisábyrgð. Og ef að við skærum um 20% af útistandandi lánum hjá honum þá væntanlega yrði hann gjaldþrota þar sem hann þarf jú að greiða þessi lán til bankana og kröfuhaf þeirra.
6. Það að fella niður skuldir á fyrirtæki er bara allt annað mál. Og ekki víst að það hjálpi öllum þessum stærstu. Er ekki rétt hjá mér að þau hafi mörg fengið lán hjá erlendum bönkum sem við ráðum ekki yfir.

Húsráð Tryggva Þórs þykja vond

Smá ábending til L listans.

Hvet ykkur til að skoða umræður sem hér voru m.a. á þingi 1969 þegar að umræður voru um inngöngu í EFTA. Þá mátti finna orð eins og afsal á fullveldi og að hingað kæmu útlendingar og tækju yfir allt sem verðmætt væri t.d. fiskinn.

"Við skulum ekki gleyma því að Ísland er og verður útkjálki í Evrópu. Ef Ísland rennur inn í stóra efnahagsheild mun að því stefna að landið verði fyrst og fremst útibú fyrir erlenda auðhringi og veiðistöð fyrir samevrópskan markað." Ragnar Arnalds á þingi 1969 um EFTA

En síðan varð raunin sú að stofnað var til sér aðstoðar við okkur þar sem okkur var auðveldað að uppfylla skilyrði fyrir aðild að EFTA. Meira en nokkur önnur þjóð fékk.

Held að engin kvarti í dag yfir EFTA

Síðan liðu árin og við högnuðumst verulega á þessu samning.

Svo var komið að þvi að okkur var boðið að vera aðilar að EES samninginum. Og þá hófst kórinn á síðum blaðana um að útlendingar mundu hirða af okkur fiskinn og aðrar auðlindir.

Erlendir togarar á ný inn í landhelgi. Hin íslenska þjóð, sem telur 260.000 manna, gefi 380 milljónum manna fullan rétt á við sig í þessu ónumda landi til atvinnustarfsemi, jafnan rétt á sem flestum sviðum.
    Ég er heldur ekki viss um að hin íslenska þjóð sé sammála því að sæta, eftir að samningurinn hefur verið gerður, viðskiptabanni á ýmsum vöruflokkum sem við sannarlega flytjum nú inn, t.d. frá Bandaríkjunum, sem liggur ljóst fyrir að reglugerðir Evrópubandalagsins munu banna að hingað verði fluttar. Guðni Ágústson á Alþingi 1992

Og Steingrímur Joð var nú á svipaðri skoðun:

Ég tel umtalsverðar líkur á því að í vissum afmörkuðum tilvikum geti reynst verulegur áhugi á að ná hér í land, jarðnæði eða aðstöðu. Þar má nefna ýmislegt. t.d. veiði og veiðiréttindi af ýmsum toga. Það er ekki svo víða á byggðu bóli sem slík gæði ganga kaupum og sölum. Það má nefna hér þá miklu möguleika sem liggja í ferðaþjónustu á Íslandi og erlendum mönnum er vel kunnugt um. Þýskir og svissneskir ferðaþjónustuaðilar vita vel um þá peninga sem hægt er að hafa upp úr Íslandi yfir sumartímann meðan nóttin er björt. Það þekkjum við.
    Það má nefna hér auðvitað ýmsa aðra aðstöðu sem gæti reynst verðmæt, vatnstökuréttindin, námaréttindi, vikur eða hvað það nú er. Síðast en ekki síst má nefna það að stórar spildur af óbrotnu landi, ósnortnu landi og sæmilega hreinu og ómenguðu lofti og vatni, eru gæði sem eru ekki föl hvar sem er og allra síst í hinni sótugu Evrópu. Fyrir þá sem þar búa kunna það að vera heilmikil verðmæti ein og sér. Svissneskur auðkýfingur hefur á leigu laxveiðiá þá sem ég ólst upp við og hefur líklega um tíu ára skeið borgað fyrir það nokkrar milljónir að hafa hana fyrir sig og sína fjölskyldu og renna í hana einu sinni til tvisvar á ári viku í senn. Sjö stanga laxveiðiá er frátekin fyrir margar milljónir á ári fyrir eina svissneska fjölskyldu til að veiða í henni sjö til tíu daga á ári. Steingrímur um EES samningin 1992

En staðreyndin varð sú að útlendingar fengu nær engan kvóta þeir hafa ekki keypt upp Ísland og eins og í flestum milliríkjasamningum nutum við þess að vera lítil og geta borið við sérstöðu okkar. Svo hvað eru þið að ala á hræðslu fólks. Talandi um fullveldi þegar fullveldi okkar liggur nú hjá lánadrottnum okkar víðsvegar um Evrópu og AGS.

Nær allir sérfræðingar ráðleggja okkur þá leið að sækja um aðild að ESB og sjá hvaða kjör við fengjum við inngöngu og myntsamstarfi. T.d. hraðan aðgang. Ef við fáum ekki góðan samning nú þá verðum við að leita annarra leiða. En þessi eru sú sem er líklegust til að koma okkur varanlega í stöðugra umhverfi.

L-listinn teflir fram sr. Þórhalli og Guðrúnu í Kraga og NV-kjördæmi

Það er nú ekki skrýtið þó að við séum komin á hausinn ef að allur kostanður ríkisins er svona

Er það ekki rétt að það eiga að vera 42 á þessu stjórnlagaþingi. Og ef það starfar í 18 mánuði. Þá er kostanaður við hvern fulltrúa um 50 milljónir. Ég held að menn séu bara ekki lagi.

Það á að borga hverju fulltrúa sem þarna fer inn um 500 þúsund. Sem gera 9. milljónir á mann miðað við 18 mánuði. .  Og miðað við 42 er þetta 378 milljónir  Húsnæði er hægt að fá fyrir lítið.

Og þingið þarf ekki að starfa nema í 6 mánuði (Allar upplýsingar eru þegar til víða um heiminn það þarf bara að safna þeim saman). Og er sennileg búið að gera það í fyrri vinnu við stjórnarskrá. sem gera 3 milljónir á hvern þingmann og fyrir 42 verða það 126 milljónir og menn þurfa ekki aðstoðarmenn. Það verða eins gert er nú kallaðir til sérfræðingar þegar þarf til að gefa álit.

Nú eru erfiðir tímar og hugsjónafólk sem vill koma að því að breyta stjórnarskrá getur vel komist af með svona sæmileg laun (500 þúsund er bara gott)

Eins er spurning hvort að fólk þarf að vera í fullri vinnu við þetta. Ekki vera að búa til eitthvað bákn eða óþarfa vandamál. Og munið eftir að fyrri nefndir hafa skilið eftir sig vinnu sem hægt er að nýta.

 

Stjórnlagaþing kostar 1,7 til 2,1 milljarða