Hörður kominn í frí????

Sé að fundarstjóri er Gunnar Sigðursson! Er þetta ekki fyrsti laugardagur þar sem Hörður tekur sér frí. Ekki það að hann hafi ekki unnið fyrir því. Eins þá er kannski gott fyrir Raddir fólksins að það sé ekki einn maður sem sé andlit þeirra út á við. En vekur samt furðu!

Áfram mótmælt á Austurvelli

Í framhaldi af þessu er við hæfi að tala um L listan og aðra ESB andstæðinga

Fyrst aðeins um L listann. Um hann stendur á Wikipedia.

L-listinn er listi sem býður fram til Alþingis í kosningunum 2009. Fyrir framboðinu fara Bjarni Harðarson, bóksali á Selfossi og fyrrum þingmaður Framsóknarflokksins, og Þórhallur Heimisson prestur. Ekki er um að ræða stjórnmálaflokk heldur bandalag frjálsra frambjóðenda sem vilja efla lýðræði í landinu og vinna með því gegn ríkjandi flokksræði. Frambjóðendur listans telja að fullveldi landsins sé forsenda fyrir endurreisn efnahags og þess að hér geti þrifist lýðræði. Öllum hugmyndum um að þjóðin fái að kjósa um ESB er því hafnað.

Frambjóðendur L-listans eru lýðræðissinnar og talsmenn hófsamra borgaralegra gilda og hafna öfgum hvort sem er frá hægri eða vinstri.

Sem sagt þeir vilja efla lýðræði en hafna öllum hugmyndum um að þjóðin fái að kjósa um ESB.

Bendi fólk síðan á umræðu á heimasíðu Bjarna Harðar um þessa færslu hans.

 

Og í framhaldi af því er rétt að ítreka til þeirra sem vilja ekki aðildarviðræðu að ESB vegna afsals fullveldis og sjálfstæðis:

• Í ESB eru 27 ríki. M.e. Finnar, Svíar, Danir, frakkar, þjóðverjar, Bretar, Spánverjar, Portúgalir og fleiri. Bið fólk um að nefna mér eina þjóð í ESB sem ekki er fullvalda og sjálfstæð.
• ESB er af andstæðingum lýst eins og þetta séu vondir menn í Brussel sem vilji gleypa okkur. Fólk hlýtur að gera sér grein fyrir að þetta er samband/samstarf 27 ríkja. Og það eru engir menn sem taka veigamiklar ákvarðanir án þess að fulltrúar allra landa séu spurðar.

Bið fólk að hætt nú þessari vitleysu og kynna sér málið. Ekki gleypa það sem menn eins og Bjarni Harðar segir. Því hann hefur sannlega ekki kynnt sér ESB.

Vilja halda í átt að Evrópu

Það er hægt að slá um sig með ýmsum frösum - En hvað eiga menn við?

Hvað eiga menn t.d. við með:

Frambjóðendur L – listans telja að lýðræðisleg endurreisn sé forsenda þess að hér rísi öflugt land úr þeim brotsjó sem gengið hefur yfir

Hvað er átt við með Lýðræðisleg endurreisn?  Jú ég veit hvað lýðræði er! En er það ekki aðallega að það er vilji meirihlutans sem ræður. Og hvað eiga þau við með þessu:

Forsenda þessa er að Ísland varðveiti fullveldi sitt og að dregið verði úr ægivaldi stjórnmálaflokka yfir lýðræðislega kjörnum fulltrúum á Alþingi

Vilja þeir sem sagt að við segjum okkur úr EES samstarfinu? Því að það er nærri óhrekjanlegt að þar afsöluðum við okkur hluta fullveldis.

Sé ekki hvað þeir telja að ESB skerði lýðræði hér. Bendi þeim á eins og ég er alltaf að segja að löndin þaðan sem lýðræði er upprunið, eru í ESB. Þar eru 27 ríki sem öll eru sjálfstæð og mörg þeirra mun framar en við í lýðræði. Minni á Frakkland, Norðurlöndin 3, Bretland og öll þessi lönd í ESB. Held að við gætum margt af þessum löndum lært varðandi lýðræði.

Þessi flokkur ætlar sem sagt að standa fyrir að við borgum mun hærra matarverð en við þyrftum

Að skerða möguleika okkar að geta á næstu árum tekið upp annan gjaldmiðil

Að koma í veg fyrir að hingað komi fjárfestar

Að standa á móti allri mögulegri uppbyggingu okkar á peninga- og efnahagsviðum.

Og hvernig halda menn að þeir geti komið í veg fyrir að menn sem eru að bjóða sig fram fyrir ákveðna hugmyndafræði hópi sig ekki saman í flokka. Hversu skilvirkt verður þingið ef að í hverju máli hlaupa menn út og suður eftir því hvað vindurinn blæs þeim í brjóst.

Verði þeim að góðu að reyna að afla fylgis við þessa hugmynd sína.

Og hvað segja menn við þessu:

Í dag er starfandi stjórnmálahreyfing á Akureyri sem heitir L listinn. Og þeir eru ekki hressir með að Bjarni og co kalli sig sama nafni.

“Ekki veit ég undir hvaða kennitölu Bjarni og presturinn ætla að bjóða fram en það er ekki úr vegi að minna þá félaga á að L-listinn á Akureyri er í fullu fjöri og á ekkert skylt við flokk prestsins og draugahúsforstjórans. Hinn nýi prest og draugalisti er ekki að spá í svoleiðis smámuni, heldur tekur nafn L-listans á Akureyri grímulaust og þrátt fyrir að bæði Bjarni og Þórhallur hafi ítrekað verið spurðir út í málið af aðstandendum hins raunverulega L-lista hafa þeir ekki haft þann manndóm í sér að svo mikið sem svara þeim spurningum eða athugasemdum sem þeim hafa borist,” segir Víðir. Hann segir það ” besta falli ókurteisi að taka upp nafn stjórnmálahreyfingar sem er í fullu fjöri og gera að sínu,” segir hann. “Ekki víst að þessu máli sé lokið.”

 http://eyjan.is/blog/2009/03/11/pirringur-nordan-heida-yfir-notkun-bjarna-og-felaga-a-nafni-l-listans/

Efstu menn L-lista í Reykjavík-norður

Bjarni Ben á réttri leið - En hvað með restina á Sjálfstæðismönnum

Það er ekki oft nú á síðust dögum sem að stjórnarliði hrósar Sjálfstæðismönnum en Helgi Hjörvar sparaði ekki stóru orðinn á Alþingi skv. þessu.

Helgi Hjörvar Samfylkingu sagðist fagna ítrekuðum yfirlýsingum Bjarna um að rétt sé að sameina flokkana um að leggja fram aðildarumsókn og sagði Helgi að þetta sýndi leiðtogahæfileika Bjarna.

En eins og Valgerður benti á að ekki víst að það viðhorf Bjarna að ná sáttum um það hvort sækja ætti um aðild sé raunhæft. Jafn vel ekki innan hans flokks.

En menn skyldu athuga það að ef að við gerum ekkert í þessu núna gætum við lent í því að neyðast til þess eftir nokkur ár þegar að útséð er um að krónunni verður ekki bjargað. Og þá fyrst kæmum við fram sem algjörir aumingjar sem vegna stöðu okkar gætum ekkert annað en að skríða til ESB með skottið á milli lappana með helmingi meiri skuldir vegna þess að við hefðum þurft að eyða öllum gjaldeyrisforða okkar og lánum frá IMF og öðrum þar sem engin vildi skipta með krónur. Þá værum við í enn verri samningstöðu en við erum núna.

Vill sátt flokka um næstu skref í ESB málinu

Það hefur bara engin beðið þau um þetta

Manneskja sem rekur svona áróður eins og lesa má á http://sapuopera.blog.is/  Þar sem að bullið um IMF er í botni.

t.d.

Böðlar lýðveldisins

Ég mun líta á hvern þann sem ræður sig til starfa hjá þessari glæpastofnun sem landráðamann.

Og ég bíð enn eftir svari frá ríkisstjórninni; hvað gerist ef við getum ekki endurgreitt lánið?

Og

Hjúkk, Sven er víst ekki tengur AGS heldur Bergo

Einhver skynsemisneisti hefur víst kviknað um síðir

Og eins þá er þetta greindarlegur kafli eða hitt þó heldur

áfanga sem flestir fela í sér venjuleg nefndastörf og skrifstofuvinnu. Því trúir enginn heilvita maður að gjaldþrota þjóð fái lán upp á hundruð milljarða, án þess að leggja fram neinar tryggingar eða veð fyrir endurgreiðslu. Því spyrjum við:

-Hver eru skilyrðin? 
-Hvernig eigum við að endurgreiða lánið;
-Hvað gerist ef við getum ekki borgað?

Aðrar þjóðir sem hafa fengið neyðarlán hjá AGS hafa þurft að uppfylla ströng skilyrði, að meðaltali 114 talsins. Oft fela þau í sér að ríkisfyrirtæki verði einkavædd og auðlindir seldar. Með þessu hefur grundvellinum fyrir sjálfstæði verið kippt undan mörgum þjóðum. Því spyrjum við:

Hvaða ástæðu höfum við til að vænta þess að okkur verði hlíft?
-Hvernig ætlar ríkisstjórnin að tryggja að við missum ekki ráðstöfunarrétt yfir auðlindum Íslands?

Það er ljóst að til að endurgreiða lánið þarf að skera niður opinbera þjónustu . Margir óttast að velferðar-, mennta- og heilbrigðiskerfið verði illa úti. Á vefsíðunni www.island.is er þessum áhyggjum svarað á þennan hátt:

'Í raun er gert ráð fyrir að láta sjálfvirka sveiflujöfnun virka að fullu á næsta ári og við útreikning á bata samkvæmt langtímaaðhaldi í ríkisfjármálum er reiknað út frá hagsveifluleiðréttum frumjöfnuði sem gefur því meiri slaka sem kreppan er dýpri.'

Og enn spyrjum við:

-Ætlast stjórnvöld til þess að almenningur skilji þetta?
-Hvað í fjandanum þýðir þetta eiginlega?
-Hvað á að skera niður og í hvaða röð? 

VIÐ VILJUM SVÖR Á MANNAMÁLI -STRAX!

 

Hún og þetta fólk sem stendur með henni hefur lesið einherjar samstærissíður og ímynda sér að IMF sé vondur sjóður sem starfi til að stela af fólki öllu. Auðlindum, heilbrigðiskerfinu og menntakerfinu. Þau eru búin að gleyma því að fjöldi Íslendinga starfar og hefur starfað við IMF. M.a. Ólafur Ísleifs, Þorvaldur Gylfason og margir fleiri. Halda þau virkilega að þeir hefðu ekki vitað hvaða hættu þeir væru að steypa okkur í ef við færum í samstarf við IMF.

Og eins þá væri rétt að þau gerður sér grein fyrir að við fáum bara um 2 milljaðra lánað hjá IMF og ætlum að komast hjá því að nota það nema sem gjaldeyrisforða. Önnur lána eru frá vinum okkar í Evrópu.

Þau hafa heldur ekki umboð til að segja

Markmið fundarins var að gera AGS grein fyrir áhyggjum almennings af 
því að viðskipti okkar

 

Þau eru ekki að tala fyrir hönd alemnnig hér!!!!!!!!

Og svo væri gaman að vita hvaða lönd eru "sviðin jörð" eftir IMF í dag!

 

Mótmælendur hitta Alþjóðagjaldeyrissjóðinn

Þetta er nú svipað og pissa í skóinn sinn Kjartan!

Ef þú veist það ekki Kjartan þá hefur ríkið eytt hér milljónum í að koma landinu upp veglegu safni listaverka og vantar ýmislegt í þann flokk ennþá.. Og í bönkunum eru verk sem eru ómetanleg inn á milli. Og hvað heldur þú að gerist þegar að 4000 verk koma á markað. Jú þau hrynja í verði. Örugglega eitthvað sem má selja en svona alherjar sala er vanhugsuð í meiralagi. Og skaffar ekki teljandi upphæðir því 4000 verk á markaðinn mundi verðfella bæði þessi verk og önnur hér á landi.

Og menn grétu nú síðast þegar þau voru seld með bönkunum. Og síðan þyfturm við að eyða miklum peningum til að ná þessum verkum aftur inn í listasöfnin.

Listaverk föllnu bankanna verði seld

Voru Sjálfstæðismenn ekki að biðja um að málefni heimilana yrðu afgreidd.

Nú er verið að fjalla um séreignarsparnað. Þorgerður og fleiri hafa kvartað yfir því að þessi mál skildu ekki vera fremst á dagskrá í dag. Og svo nú þá beita þeir málþófi. Ekki flokknum til framdráttar. Fólk bíður eftir því að þetta mál verði að lögum. Það mundi skaffa skuldugum heimilum allt að 70 þúsundum kr. næsta árið til að greiða af skuldum.

EN nei þá dunda Sjálfstæðismenn sér við að tefja þetta mál. Þeim liggur auðsjáanlega ekkert á að færa heimilunum þennan möguleika til að létta birgðirnar.

Held að þetta safni nú ekki atkvæðum fyrir flokkinn í komandi kosningum.

Saka sjálfstæðismenn um málþóf

Heitir þetta ekki að gleypa eitthvað upp eftir erlendum álitsgjöfum?

Þetta er nærri því nákvæmlega það sem fjölmiðlar höfðu eftir "sérfræðingum" erlendra blaða í morgun þegar þeir fréttu af yfirtöku Straums. Skil ekki hvað hann er að gera með að eyða tíma þingsins í þetta. Málið er að hér hefur orðið kerfishrun og upplausn búin að ganga hér yfrir í janúar. Fólk er að flytja erlendis og það er bara mjög lítið við því að gera. Nema

• Við getum með samstilltu átaki reynt að komast sem allra fyrst út úr þessu hruni.
• Við náum þá vonandi að gera eins og alltaf að byggja upp aðstæður sem hvetja fólk til að flytja hingað aftur. Þetta gerðist eftir 1970 og aftur eftir 1990 niðursveifluna. Fólk kom aftur.

En hinsvegar ef við förum framsóknarleiðina og fellum skuldir niður á línuna, þá er samt líkur á að þeir verrsettu fari samt og eftir situr þjóðin með himin háa skatta næstu áratugina og engin snýr aftur.

Nú er þjóðin held ég farinn að bíða eftir að ríkisstjórn, þingmenn, flokkar fari að kynna okkur framtíðarsýn sína:

• Hvernig ætla þeir að byggja hér upp nýja peningastefnu til framtíðar þar sem slíkt fall sem varð á Krónunni verður útiloka.
  • Hvernig ætla þeir að tryggja að við getum átt í frjálsum viðskiptum við önnur lönd. ?
  • Hvernig ætla þeir að tryggja að við höfum gjaldmiðil sem nothæfur er í slík viðskipti?
  • Hvernig á að tryggja að hér verði vextir sambærilegir við útlönd?
  • Hvernig ætla þeir að tryggja að hér sé ekki tveir gjaldmiðlar => Vertryggð og óverðtryggð króna?
  • Hvernig ætla þeir að tryggja að verðtrygging lána verði valfrjáls í raun á langtíma lánum og raunhæfur kostur.
  • Hvernig ætla þeir að tryggja að við höfum aðgang að lánsmörkuðum erlendis?
  • Hvernig ætla þeir að tryggja að við fáum hingað erlenda fjárfesta til að hjálpa okkur við uppbyggingu?
  • Hvenær á að horfa á hagmuni meirihluta þjóðarinnar varðandi aðgang að ódýrari neysluvöru. Sérstaklega mat?
  • Hvenær eiga hagmunir þjóðarinnar að ganga fyrir hagmunum 100 til 200 útgerðamanna?
•  Hvenær verður sótt um aðild að ESB?

Segir hættu á kerfishruni

Af hverju ekki bara að ræða hvorutveggja?

Það er náttúrulega eins og venjulega að Sjálfstæðismenn nota nú hvert tækifærir að tefja þingið með löngum ræðum um störf þingsins. Skil ekki af hverju það er ekki bara ákveðið að dagskrá þingsins verði í gildi og fundi ekki ekki slitið eða frestað þar til að öll mál á dagskránni í dag eru kláruð. Sjálfstæðismenn hljóta að vera búnir að fatta að eitt af brýnum verkefnum er að klára breytingar á stjórnarskránni þar sem það getur haft áhrif á kosningar í vor. Mér skilst að það séu tillögur um eign þjóðarinnar á auðlyndum sem eru helst að flækjast fyrir þeim. En þeir hljóta að átta sig á að mikill meirihluti þjóðarinnar vill fá sameign á auðlyndum inn í Stjórnarskrá svo ekki sé hægt að afhenda þær einkavinum

Vilja ræða efnahagsfrumvörp

Jæja!! Þar með er ljóst að aðildarviðræður við ESB verða aðalmál næstu kosninga

Ég verð að segja að niðurstöður kannana á síðustu mánuðum hafa valdið manni heilabrotum. T.d. varðandi viðhorf fólks til aðildarviðræðna. Svona sveiflur milli nokkra vikna upp á tugi prósentna geta ekki verið réttar.  Það hlýtur að vera að spurningar í þessum könnunum séu leiðandi eftir því hver kaupir þær. Það er ekki ásættanlegt..

Þessi niðurstaða þó að Samtök iðnaðarins láti gera hana eru þó í samræmi við fyrri niðurstöður þeirra.

Það er náttúrulega mín bjargfasta trú að til að skapa okkur framtíðarsýn sem gengur upp eigi Ísland að fara í aðildarviðræður og í framhaldi af því að ganga í ESB sem og að taka upp evru. Og ekki má gleyma því að þjóðin fær samningin til umsagnar þegar honum er lokið og getur annað hvort samþykkt inngöngu sem og hafnað því. En ég held að samvinna og stuðningur  um 500 milljóna Evrópubúa geti ekkert nema hjálpa okkur til að komast á fæturna aftur. 

Flestir vilja aðildarviðræður