Ekki það að vandræði Sjálfstæðismanna séu að trufla mig - En er ekki komin tími til að ræða önnur mál?

Nú eru 2 vikur til kosninga og fjölmiðlar eru að leyfa flokkum að komast upp með með múður og moldreyk en engar raunhæfar lausnir.

• Enginn fjölmiðill hefur fengið fagfólk til að fara ofan í tollögur Framsóknar á hlutlausan hátt og kannað hvort og hve mikið þetta mundi kosta okkur.
• Enginn fjölmiðill hefur gengið eftir því við flokkana hvernig þeir ætla að láta krónuna duga okkur næstu árin.  Þessi umræða er alltaf bara kæfð með að við sitjum uppi með krónuna og hún verði að duga. En hvernig á að koma á stöðugleika hér ef að krónan á eftir að sveiflast um tugi eða hundruð prósenta næstu árinn?
• Af hverju er engin fjölmiðill farinn til þeirra landa sem hafa tekið upp nýjan gjaldmiðil einhliða og kannað stöðuna þar? Er þetta að ganga eða eru eins og ég hef lesið mikil vandræði hjá þessum löndum núna þegar t.d. olíuverð lækkar?
• Flokkar tala um að ESB mundi fela í sér framsal á fullveldi og sumir segja Sjálfstæði. Hvernig væri að menn væru beðnir um að skýra það? Af hverju eru fjölmiðlar ekki búnir að fara um ESB lönd og kanna af hverju þau hafi gengið inn í ESB og hvernig þau eru sátt við  það?
• Og af hverju eru bara við, Noregur og Sviss af Vestur-Evrópu sem kjósum að vera utan ESB?  
• Hér er talað um að þurfi að loka fjárlagagati. Af hverju er ekki pressað á flokka eins og Sjálfstæðismenn um hvernig þeir raunverulega ætla að loka þessu gati? Getur verið að þeir hugsi sér gott til glóðarinnar að selja t.d. stórahluta heilbrigðiskerfissins? Eða eitthvað annað eins og auðlindir? Þeir eru minnstakosti að reyna að koma í veg fyrir að sameign okkar á þeim komist í stjórnarskrá.

Vissulega gott að fjalla um þessa styrki til Sjálfstæðismanna og fleiri en væri betra að fjölmiðlar færu nú að sýna smá viðleitni aðra en að velja sér hagfræðing til að tala við eftir því hvaða niðurstöðu þeir vilja í viðkomandi frétt.

Nú eru að koma kosningar. Flokkar farið nú að kynna ykkar hugmyndir að lausnum á vandamálum þjóðarinnar. Og fjölmiðlar kannað hvort að þær séu raunhæfar.

Segir báða framkvæmdastjóra hafa vitað af styrkjunum

Hálfur mánuður til kosninga!

Maður hlýtur að áætla að FLokkurinn þurfi að fara að gera eitthvað og það fljótt.  En auðvita er maður svo nazty að ég brosi breiðar með hverri frétt um sjálfstæðisflokkinn þessa dagana.

Minni svo stjórnmálaflokka á það: að í framtíðinni skulu menn hugsa til þessa tíma og gera sér grein fyrir að vafasamir hluti eiga það til að koma síðar í ljós og bíta flokka ærlega í rassgatið.

Sjálfstæðisflokkurinn logar vegna styrkjanna

Tók út færslu.

Ég tók út hér færslu. Hún var misskilin og ég vill ekki særa fólk að óþörfu. Ekki meira um það!

Hvað ætlar fólk að kjósa?

Nú væri gaman að vita hvað fólk ætlar að kjósa? Takið þátt hér hægra megin á síðunni!

Framhaldið í höndum formannsins

Eitt eða tvennt má Sjálfstæðisflokkurinn eiga!

Hann sér okkur fyrir spennu nú þegar 15 dagar eru til kosninga.

Spennan er hvort að hann nær 10 til 15% fylgi í kosningum.

Og reyndar líka hvaða skandall er næst hjá þeim?

Gréta tekur við af Andra

Maður gæti nú haldið að Andri hafi nú verið látin hætta frekar

Það tók ekki langan tíma að finna nýjan framkvæmdarstjóra. Innan við 2 tímar á milli frétta þ.e. afsögn og nafn nýs framkvæmdarstjóra. Og þá valinn fyrrum aðstoðarmaður Geir Haardi. Orkar það ekki tvímælis.

Af vísir .is

Vísir, 10. apr. 2009 17:54

Gréta verður framkvæmdastjóri Sjálfstæðisflokksins

Gréta Ingþórsdóttir mun taka við starfi framkvæmdastjóra Sjálfstæðisflokksins af Andra Óttarssyni, en Andri tilkynnti um starfslok sín í dag. Gréta hefur verið ráðin fram yfir kosningar.

Andri hættir störfum

Visir.is orðar þetta öðruvísi!

Það er auðsjáanlega hægt að túlka yfirlýsingar flokka á marga vegu. Mér finnst fyrirsögn fréttar visir.is af þessu vera meira lýsandi:

Framsóknarmenn birta ekki bókhald fyrir árið 2006

Framsóknarflokkurinn ætlar ekki að greina frá því hverjir veittu framlög til flokksins árið 2006. Þetta kemur fram í yfirlýsingu sem flokkurin sendi frá sér fyrir stundu. Hæsti einstaki styrkur sem flokknum hafi verið veitt hafi numið 5 milljónum króna en heildarframlög lögaðila um 30 milljónum króna.

„Framsóknarflokkurinn beitti sér fyrir því á þessum tíma að öll framlög til stjórnmálaflokka yrðu gerð opinber eins og nú er raunin. Af hálfu Framsóknarflokksins er ekkert því til fyrirstöðu að viðkomandi lögaðilar geri grein fyrir framlögum sínum til flokksins. Eðli málsins samkvæmt getur flokkurinn þó ekki haft frumkvæði að því að birta opinberlega frá hverjum framlög komu árið 2006, enda var í flestum tilfellum samkomulag um að farið yrði með styrkveitingarnar sem trúnaðarmál," segir í yfirlýsingu frá flokknum.

Upplýsingar úr samstæðureikningi Framsóknarflokksins fyrir árið 2007 hafa verið birtar opinberlega í samræmi við það sem lög kveði á um. Finna megi þessar upplýsingar, sem og upplýsingar um fjárhagsleg tengsl þingmanna Framsóknarflokksins á heimasíðu flokksins.

Svona yfirlýsing kallar á vangaveltur um hverjir voru að styrkja Framsókn. Vorgu kannki Bændasamtökin stór þarna og gömlu Sambandsfyrirtækin.

Vona að Samfylking standi sig betur.

Heildarframlög til Framsóknar 30,3 milljónir

Athyglisvert að sjá hverjir sátu hjá þegar lög um fjárreiður flokkana voru sett.

Það vakti athygli mina við lestur á framgangi frumvarps um fjárreiður stjórnmálaflokka, að það voru allir viðstaddir sem sögðu já við atkvæðagreðsluna nema 3 sem sátu hjá og þeir voru m.a.  

• Birgir Ármannsson,
• Sigurður Kári Kristjánsson

Vilja upplýsingar um alla óvenjuháa styrki

Samfyling þarf nú að skýra þessar milljónir frá bönkunum

Ef að þessi frétt á visir.is er rétt þá er nú Samfylking í ekkert of góðum málum. Þarna er vissulega um lægri upphæðir að ræða en samt!

Þetta vekur líka upp spurninguna um hvort að flokkar eigi að stand í kosningabaráttur sem kostar langt umfram það sem þeir hafa ráð á. Menn hafa líka dylgjað um að Framsókn hafi verið styrkt duglega fyrir allar kosningar af fyrrum Sambandsfyrirtækjum sem og verktökum. Þetta verður að stoppa. Það er ekki svo erfitt að ná til fólks hér að baráttur þurfi að kosta fleiri tugi milljóna eða hundruði milljóna.

Vísir, 10. apr. 2009 03:13

Bankarnir þrír styrktu Samfylkinguna um þrettán milljónir

Glitnir, Landsbankinn og Kaupþing styrktu Samfylkinguna um samtals þrettán milljónir á árinu 2006 eftir því heimildir Vísis herma.

Landsbankinn var ásamt Kaupþingi stærsti styrktaraðili Samfylkingarinnar en bankanrir greiddu flokknum hvor um sig tæpar fimm milljónir á árinu 2006. Landsbankinn greiddi eins og frægt er orðið Sjálfstæðisflokknum 25 milljónir á sama ári. Glitnir styrkti Samfylkinguna um þrjár milljónir.

Ömurlegar fréttir

Það kemur sífellt betur í ljós að þetta voru mútur til Sjálfstæðismanna.

Halda menn virkilega að þetta hafi verið eitthvað annað en mútur. Minni á að Guðlaugur Þór var stjórnarformaður OR á þessum tíma og sannalega búinn að hreykja sér þá af stofnun REI. Síðar 2007 er farið að vinna að því að Geysir Green og fleiri sameinist REI og fái einkarétt á allri þekkingu innan OR með í kaupunum. Hvort sem það var eftir krókaleiðum eða ekki er þarna verið að verlauna Sjálfstæðisflokkinn fyrirfram fyrir að gefa einkageiranum stóran hluta verðmæta OR.

Þetta kallast á almannamáli að borga mútur.

Og svona hefur þetta verið í gegnum árinn sérstaklega hjá Sjálfstæðismönnum. Fyrir kannski 30 árum voru það heildsalar/stórkaupmenn. En síðustu árin hafa það verið fjárfestar og útgerðamenn og í staðinn hafa þeir haft frjálsan aðgang að því að eignast opinber fyrirtæki og staðið vörður um að þeir þurfi að greiða sem minnst.

Guðlaugur Þór hafði forgöngu um styrkina