Ok nú er komið að þeim tímapunkti að þetta gengur ekki lengur!

Nú á ríkisstjórnin/Alþingi að skipa nefnd sem hefur 2 vikur til að fara yfir þetta mál frá A til ö. Fá til sín sérfræðinga og kanna möguleika okkar.

Hvað eiga menn við þegar þeir segja að við eigum rétt á því að taka málið upp fyrir óvilhöllum dómstóli. Hvað dómstóll er það í dag? 

Alþjóðadómstóllin í Haag? Um hann segir á wikipedia:

Lögsaga og framfylgd dóma

Dómstóllinn hefur ekki lögsögu yfir neinu ríki sem ekki hefur gengist undir hana sjálfviljugt. Þetta getur komið til þannig að ríki gera sérstakt samkomulag sín á milli um að leggja málið fyrir dómstólinn.

Það þýðir að ef að Bretar og Hollendingar neit því að fara með þetta mál fyrir dóm þá verður af því.

Evrópudómstóllinn kemur ekki til greina þar sem hann fjallar bara um:

aðilar			dómstóll með lögsögu
ESB-stofnun	gegn	ESB-stofnun	ECJ
ESB-stofnun	gegn	aðildarríki	ECJ
aðildarríki	gegn	aðildarríki	ECJ
einkaaðili	gegn	ESB-stofnun	ECJ
einkaaðili	gegn	aðildarríki	dómstóll í aðildarríki
einkaaðili	gegn	einkaaðila	dómstóll í aðildarríki

Gerðardómur:

Það úrræði er bundið því að báðir samþykki og yrðu vandræði að skipa þann dóm líka.

Finnst að fólk þurfi líka að vita hvaða lausnir eru í boði ef við samþykkjum ekki þennan samning. Hollenskur fulltrúi í samninganefnd Hollands um icesave sagði að upptaka á þessum samning kæmi ekki til greina!

Það hefur verið bent á að hafna samningum þýðir að Bretar og Hollendingar hafi þar með í raun möguleika á að gera lögtak í öllum eignum Íslendinga erlendis sem og að við vitum frá því í október að þeir koma til að með að frysta allar eigur okkar aftur og þar með gætu þeir farið í það að stoppa gjaldeyrisstreymi til okkar.

En þrátt fyrir þetta. Fáum bestur sérfræðinga til að kortleggja hvað skeður ef við skirfum ekki undir! Hverning verður ástandið hér þar sem við fáum þá engin lán frá neinum. Og hvað skeður ef við skirfum undir. Metum aftur hvers virði þessar eignir eru. Fáum einhvern til að kanna líkur á því að við náum nýjum samningi við Breta og Hollendinga.

Og höfum svo fulltrúa allra flokka sem ákveða hvað við gerum.

Þetta bull í mönnum fram og til baka án þess að vita hvað þeir eru að segja gengur ekki lengur.

Icesave kostar minnst 300 milljarða

Gott fólk ég held að það sé sama hver verður við stjórn! Við þurfum að borga!

Held að menn séu búnir að gleyma því að við skrifuðum undir samkomulag í París síðasta haust þar sem við gengumst undir það að borga þennan hluta innistæðutrygginganna. Það átti aðeins eftir að semja um hvernig við borguðum. Og til að friða Hollendinga voru gerð drög að samningi við Hollendinga upp á 6,7% vexti og 10 ára lán. Samkomulagið hljóðaði þannig:

Samkomulag næst við Evrópusambandið fyrir hönd Hollendinga og Breta - Greiðir fyrir láni frá Alþjóðagjaldeyrissjóðnum (IMF)

16.11.2008

Mikilvægur áfangi hefur náðst til lausnar deilunnar um innstæðutryggingar vegna íslenskra bankaútibúa á Evrópska efnahagssvæðinu og stöðu sparifjáreigenda í þeim. Viðræður Íslands við nokkur Evrópusambandsríki, sem komust á fyrir tilstilli Frakklands sem nú fer með formennsku í Evrópusambandinu, leiddu til samkomulags um viðmið sem lögð verða til grundvallar frekari samningaviðræðum.

Samkomulagið felur í sér að íslensk stjórnvöld ábyrgjast lágmarkstryggingu þá sem EES-reglur mæla fyrir um til innstæðueigenda í útibúum bankanna erlendis. Endanlegur kostnaður ríkissjóðs vegna þessa mun ráðast af því hvað greiðist upp í innstæðutryggingar af eignum bankanna. Einnig er kveðið á um að Evrópusambandið, undir forystu Frakklands, taki áframhaldandi þátt í að finna lausnir sem gera Íslandi kleift að endurreisa fjármálakerfi og efnahag.

Aðilar eru ásáttir um að hraða fjárhagslegri aðstoð við Ísland, þar með talið samþykkt lánafyrir­greiðslu sem beðið hefur samþykktar stjórnar Alþjóðagjaldeyrissjóðsins (IMF) undanfarnar vikur. Erindi Íslands hjá IMF verður tekið til afgreiðslu hjá sjóðnum miðvikudaginn 19. nóvember.

Umsamin viðmið

1. Ríkisstjórn Íslands hefur átt viðræðufundi með stofnunum Evrópusambandsins og hlutaðeigandi aðildarríkjum þess um skuldbindingar Íslands samkvæmt samningnum um Evrópska efnahagssvæðið að því er tekur til tilskipunar um innstæðutryggingar 94/19/EB. Aðilar komu sér saman um að tilskipunin um innstæðutryggingar hafi verið felld inn í lög­gjöf­ina um Evrópska efnahagssvæðið í samræmi við samninginn um Evrópska efnahags­svæð­ið og gildi því á Íslandi með sama hætti og hún gildir í aðildarríkjum Evrópusambandsins.
2. Viðurkenning allra aðila á þessari lagalegu stöðu greiðir fyrir skjótri niðurstöðu samninga­viðræðna þeirra sem nú standa yfir um fjárhagsaðstoð við Ísland, þ.m.t. við Alþjóða­gjald­eyris­sjóðinn. Þessar samningaviðræður skulu fara fram með samhæfðum og samræmdum hætti og skal þar tekið tillit til hinna erfiðu og fordæmislausu aðstæðna sem Ísland er í og knýjandi nauðsynjar þess að ákveða ráðstafanir sem gera Íslandi kleift að endurreisa fjármála- og efnahagskerfi sitt.
3. Stofnanir Evrópusambandsins og Evrópska efnahagssvæðisins munu taka áframhaldandi þátt í þessu ferli sem fer fram í samráði við þær.

Reykjavík 16. nóvember 2008

Þá er rétt að vitna í yfirlýsingu Geirs Haarde sem kom 8. október

Yfirlýsing forsætisráðherra

8.10.2008

Ríkisstjórn Íslands metur mikils að bresk stjórnvöld hyggjast tryggja að eigendur Icesave-reikninga Landsbankans í Bretlandi muni ekki tapa peningum á viðskiptum við Icesave.

Ríkisstjórnir landanna meta nú stöðuna og leita að viðunandi lausn fyrir alla aðila.

Með breytingu á lögum um innstæðutryggingar og tryggingakerfi fyrir fjárfesta eru innstæður gerðar að forgangskröfum ef kemur til skiptameðferðar. Góðar líkur eru á að eignir Landsbankans muni standa undir stærstum hluta innstæðna á Icesave-reikningum Landsbankans í Bretlandi.

Ríkisstjórnin ítrekar að ríkissjóður mun styðja Tryggingarsjóð innstæðueigenda og fjárfesta við öflun nægjanlegs fjár.

Ríkisstjórn Íslands er staðráðin í að láta ekki núverandi stöðu á fjármálamörkuðum skyggja á áralanga vináttu Íslands og Bretlands.

 

Annars er ég með hugsanlega lausn fyrir Alþingi þegar ríkisábyrgðin kemur til umræðu. Að þegar málið' kemur til nefnda eftir fyrstu umræðu. Þá ræður Alþingi færustu sérfræðinga heims í samningamálum af þessari tegund og lætur þá fara yfir þetta með nefndunum og kanna hvort og þá hvað hefði verið hægt að gera betur í þessum samningum og þeirri stöðu sem við erum í.  Og eins þá verði ráðinn sérfræðingur í að hámarka eignir til að fara yfir eignasafn Landsbankans erlendis og honum falið að meta það. Hann ætti ekki að vera lengi að því því að fyrri möt hljóta að liggja fyrir í skilanefndum og þarf aðeins að fara yfir þá vinnu.

Annars væri holt fyrir fólk að átta sig á því að sá viðsnúningur sem Steingrímur J Sigfússon hefur sýnt í þessu máli varðandi skuldbindingar okkar varðandi IceSave segir okkur nú að málið er að hættan á einangrun okkar gagnvart útlöndum sem gæti fylgt þessu er svo alvarleg að hann og fleiri þora ekki að taka áhættuna. Nú hafa fulltrúar flokka sem hafa um 75% af öllum þingmönnum á Alþingi í raun komið að þessu máli og nær allir tekið þann pól að það þurfi að semja um þessar skuldir.

Icesave gæti fellt stjórnina

Fer Gunnar í leyfi eða veikindaleyfi?

Var ég ekki að lesa fyrir 1 eða 2 vikum að Gunnar væri á leið í veikindaleyfi. Minnir að það standi til að hann fari í hnéaðgerð. Enda er hann draghaltur á þeim myndum sem maður hefur séð í fréttatímum. Þannig að ég held að þetta sé eitthvað sem hefur staðið til lengi. Og ekki bara viðbrögð við fréttum dagsins.

Gunnar fer í leyfi

Fólk hefur sagt að ég sé með Gunnar á heilanum!

En ég segi bara sjáið þið nú ég hef haft rétt fyrir mér þegar ég hef sagt:

Það getur vel verðið að Gunnar sé framkvæmdaglaður og sumum finnist það fínt. En ég horfi kannski til þess að það þurfi að hugsa hlutina aðeins betur. Minni á að það voru teknar skóflustungur fyrir nýju hjúkrunarheimili 3 eða 4 sinnum. Knattspyrnuhúsið í Kórnum sem rekið er með bullandi tapi. Þar var kynnt að yrður landsleikir og fleira sem kom svo í ljós að alþjóðasamtök semþykkja ekki.

Og eins hef ég sagt

Þannig t.d. að bæjarfulltrúar sem mynda meirihlutan eigi að vera þeir sem stjórna en ekki að þeir séu bara að bakka upp mann sem á köflum fer með bæinn eins og sitt einkafyrirtæki.

Og loks

Þannig að ég óska eftir stjórnanda í bæinn sem framkvæmir það sem bæjarstórn (a.m.k. meirihluti) vill en ekki að bæjarstjórn samþykki það sem bæjarstjóri vill.

Og segi við getum fagna að ein hugmynd Gunnars um Óperuhús klest inni Borgarholtið þar sem Kópavogkirkja hefði horfið sýnum manna, komst ekki á koppinn. Þá sætum við í vandamálum í dag.

Og loks þessi kafli sem er eins og ofangreint bara úr einu svari mínu við bloggfærslu mína:

Minni þig t.d. á þegar bærinn fór að kaupa 40 ára hesthús á einbýlishúsaverði. Til að byrja með var ekkert búið að skipuleggja þarna þegar verktaki byrjaði að kaup þessi hús. En hlýtur að hafa haft einhver vilyrði fyrir því að fá að byggja þar. Hann fer svo á hausinn með þetta og bærinn kaupir þetta á okurverði. En þá vantaði lóðir fyrir hesthús. Gunnar ríkur í að skipuleggja það en athugar ekki að lóðirnar eru settar inn á vatnsverndarsvæði Garðabæjar. Þá fer Gunnar í að redda þeim vatni og ríkur með framkæmdir í gegnum Heiðmörk og þar eru skemmdir en sýnilegar í dag.  Og svo er staðreynd að við borgum hærra fyrir þetta vatn en Garðabær í dag.

Svo minni ég þig á áhuga Gunnars á stórskipahöfnini sem engin þörf var á og stríðið hans við Kársnesbúa.

 

Sakar Gunnar um blekkingar

Heyrði af því í dag að umræða sé um að Gunnar siti áfram sem bæjarstjóri.

Nú má kannski segja að í þessu tilfelli hafi menn verið sammála um að ávaxta þessa peninga hjá Kópavogsbæ í óvissunni í vetur. Eins og venjulega erum við bara búin að heyra aðra hliðina. En finnst óþarfi hjá bæjarstjóra að koma með svona yfirlýsingu í anda Davíðs Oddssonar í endann:

Vonandi verður fallið frá þessu enda er þetta algjört smámál í samanburði við það sem FME ætti að vera vinna við.“

Og svona fyrst ég er að rifja upp viðbrögð Gunnars er kannski rétt að rifja upp hvernig Gunnar brást við kæru Skógræktarfélagsins þegar Kópavogur lagið vatnsveituna í gegnum Heiðmörk. Þá sagði Gunnar m.a.

Gunnar Birgisson, bæjarstjóri í Kópavogi, segir kæru skógræktarfélagsins óskiljanlega. Framkvæmdirnar séu unnar í samráði við alla sem málið varðar, m.a. skógræktarfélagið og Kópavogsbær hafi lýst því yfir að bærinn muni bæta fyrir þann skaða sem verði vegna lagningar vatnsleiðslunnar. "Það var búið að ákveða leiðina í samráði við þá. Síðan kemur þessi nýi framkvæmdastjóri sem er greinilega með allt aðrar skoðanir en forveri hans. Þetta kemur mjög flatt upp á okkur. Ég veit ekki hvern hann ætlar að kæra og fyrir hvað," segir Gunnar. Hann segir að klúður málsins liggi í því að Reykjavíkurborg sé ekki búin að gefa út framkvæmdaleyfi.

Gunnar var spurður hvort hann vissi hvað hafi orðið um trén. "Ég veit ekki hvað varð um þau en það var alltaf ljóst að það þyrfti að farga trjám og við ætluðum náttúrlega að bæta það með því að setja niður önnur tré í staðinn.

Tréin fundust á athafnasvæði Klæðningar og nú um daginn var Kópavogur dæmdur til að greiða skógræktarfélaginu 30 milljónir vegna skaða sem bærinn olli.

En nú í dag heyrði ég að líklegast sé að Gunnar verði áfram sem bæjarstjóri í Kópavogi. Ég lýsi því yfir ef svo verður að Framsóknarflokkurinn er þá algjörlega ábyrgur fyrir því sem og aðrir bæjarfulltrúar Sjálfstæðisflokksins. Þeir eru að leggja blessun sína yfir að kjörnir stjórnendur bæjarins beini viðskiptum bæjarins til ættingja. Og þetta verður kannski normið í stjórn bæjarins í framtíðinni. Kannski bara að bærinn verði settur í framtíðinni undir stjórn fjölskyldna núverandi bæjarfulltrúa og Ömar styðji svo bara allt klabbið eða komi sinni fjölskyldu að.

Sjóðsbjörgun kærunnar virði

Getur verið að Kópavogur geti ekki borgað lánið?

Nú er rétt ný búðið að að birta stöðu bæjarins og Gunnar sagt að hann stæði í raun vel miðað við ástandið á landinu.  En getur verið að svo sé ekki og Kópavogur geti ekki greitt þessar 250 milljónir eða meira á réttum tíma? Manii finnst það líklegasta skýringin. Að Kópavogur hafi ekki lagt nógar tryggingar fyrir þessu skuldabréfi og í stað þess að ávaxta það sé bærin búinn að eyða þessu án þess að hafa fé handbært til að greiða til baka!

Það er gott að steypa sér í skuldir í Kópavogi

Stjórn lífeyrissjóðs kærð til lögreglu

Bara að auðvelda fólki að finna þessar skýringar

slóðin á skýringarnar á icesave er http://www.island.is/endurreisn/stjornvold/adgerdir-stjornvalda/samantekt-adgerda/icesave-samningurinn/skyringar-vid-icesave-samninginn .

Og látið þið svo ekki Sigumund Davíð og hópinn hans indefence mata ykkur á fullyrðingum sem eru í besta falli vafasamar og í versta falli bull og lygi.

Skýringar við Icesave-samning birtar

Hér er eitthvað skrýtið

Af um 28 ríkisstarfsmönnum hafa um 9000 yfir 400 þúsund krónur í laun á mánuði.

Vantar slatta af núllum í þessa frétt

9000 ríkisstarfsmenn með yfir 400 þúsund í laun

Gat nú verið að Kópavogur klúðraði þessu líka

Gunnari verður flest að mæðu þessa dagana. Nú er hann og stjórn sjóðsins sett af vegna þess að hún hefur ekki farið að fyrirmælum FME.

Enda hefur Gunnar aldrei verið hrifin af því að "aðrir" séu að skpta sér af málefnum hans og Kópavogs. Við munum þegar henn lenti upp á kannt við heilbrigðisráðuneytið af því það vildi ekki taka þátt í með Kópavogi að byggja lúxus hjúkrunarheimil. Þá lét hann ýmis orð flakka. Munum þegar hann varð brjálaður af því að Steinun Valdís hækkað laun borgarstarfsmanna. Og Gunnar lét ýmis orð flakka.

Og svo nú þegar hann sagði að deloitte skýrslan væri drasl af því hún var honum ekki hliðholl.

Stjórn sjóðsins fundar

Furðuleg samstaða Íslendinga!

Held það sé nokkuð ljóst að við munum ekki komast út úr þessari kreppu eins fljótt og bjartsýni menn spáðu í upphafi. Íslendingar eru auðsjáanlega bara alls ekki tilbúnir að þjappa sér saman.

Í hvert skipti sem stigið er skref á átt að lausnum á ákveðnum málum kemur kór sjálfstæðismanna og rakkar það niður með hjálp lögmanna á eftirlaunum og svo náttúrulega Framsókn sem er alltaf í því að finna lausnir þar sem engin þarf að greiða neitt nema útlendir kröfuhafar.

Tökum dæmi.

Í gær var náttúrulega Icesave samningurinn í umræðunni. Indefence hópurinn ríkur í fjölmiðla með sína útskýringar á samningnum.Þeir láta eins og þeir séu sérlega útvaldir sérfræðingar í milliríkjadeilum og samningum þó enginn þeirra hafi gert slíka samninga áður. Þeir tala um að þetta og hitt ákvæði sér algjör kúgun en síðan hefur verið bent á að þetta er algengt atrið í svona lánasamningum. Og 16. gr gengur út á eins og stendur á www.mbl.is

Lokaákvæði samninganna, sem kallast „afsal friðhelgi fullveldis“, fjallar um aðstæður sem skapast ef til greiðslufalls kemur af hálfu ríkissjóðs Íslands, sem þýðir í raun að ríkissjóður væri gjaldþrota. Þá gætu lánardrottnarnir gengið að eigum ríkisins erlendis

Já þetta ákvæði þýðir ef við verðum gjaldþrota þá geti þeir gegnið að eignum okkar. Sorry hvað héldu menn að ríkisábyrgð þýddi. Og ef við verðum gjaldþrota þá erum við náttúrulega ekki sjálfstæð lengur og kröfuhafar vilja náttúrulega fá eitthvað upp í lán sín.

Og sjálfstæðismenn flokkurinn sem var búin að gera drög að samningi um lán til 10 ára með 6,7% vöxtum og greiðslum eftir 3 ár er nú á því að þessi nýi samningur gangi ekki. Það væri nú kannski rétt að spyrja félaga þeirra sem voru í ríkisstjórn fram í maí hvernig samningsaðstaða okkar er.

Og bloggarar gleypa allt hrátt upp.

• Ríkisstjórnin á að vera að taka hagsmuni fjármagnseigenda fram fyrir fólkið í landinu. Hvern djöfulinn á fólk við? Ríkð á allar fjármálastofnanir í dag.
• Ríkisstjórnin á að vera að gera þessa samninga við Holland og Bretland til að auðvelda inngöngu í ESB. Hvað er að fólki. Man engin eftir því að enginn vill lána okkur fé nema að þetta sé frágengið.
• Ríkið á að fara dómstólaleiðina í IceSave. En ríkisstjórn Geirs Haarde var búinn að láta þjóðréttarfræðinga erlendis kanna þá leið í október. Og þeir hafa ekki talið málstað okkar nógu sterkan. Sem og að þá hefðum við ekki fengið neina aðstoð.
• Ríkið á að lækka öll lán og láta erlenda kröfuhafa taka það á sig. Og jafnvel ef það er ekki hægt þá á ríkið bara að greiða það. Já hver andskotinn. Fólk er á því að við séum nú að fara á hausinn vegna Icesave lánsins. Nú en fólki finnst allt í lagi að bæta þá bara við lánum til að greiða niður lán í landinu. Hvernig eigum við að borga það?
• Ríkisstjórnin á ekki að hækka skatta!
• Ríkisstjórnin á að skera niður en ekki í velferðar, samgöngu eða heilbrigðissviði. En það eru kannski um 75 til 80% af útgjöldum ríkisins. Nú hvar í andskotanum á þá að skera niður.

Nú síðustu rúm 2 ár hafa allir flokkar á Alþingi verið við völd nema borgarahreyfingin. Og Sjálfstæðisflokkurinn og framsókn hönnuðu og hrintu í framkvæmd þessu kerfi sem hrundi í andlitið á okkur nú fyrir 8 mánuðum.  Mér sýnist að fólk sé leynt og ljóst að vinna að því að þau komist aftur að völdum.

En fólk skildi athuga það að ég fullyrði að ef skipt verður um stjórn eru sama hverjir verða þar og jafnvel þó það yrði utanþingsstjórn, það verður að ganga til samninga um icesave og það verður að hækka skatta og það verður að beita niðurskurði. Og það verður borga af lánum sínu og það verða heimili sem verða gjaldþrota.

Og ég leyfi mér að halda því fram að þegar nefndir alþingis hafa fjallað um Icesave þá fari þingmenn að breyta hægt og hljóðlega um skoðun

En talandi um Alþingi. Þá minni ég fólk á að það var Sjálfstæðisflokkurinn sem stóð gegn því að sett væri í stjórnarskrá ákvæði um að auðlindir yrðu þjóðareign. Og nú hefði það verið sterkt að hafa í þessum samningum.

En ef þjóðin er ekki tilbúin að treysta einum né neinum þá komumst við ekki út úr þessu með góðu móti.

Minni líka á það sem Göran Persson sagði:

Svíar þjóðnýttu bankana, segir Persson og á endanum fengu þeir  allar krónunnar til baka sem sænska ríkið greiddi fyrir skuldir bankanna. Það sé hins vegar erfiðara fyrir Ísland.

Næst var tekið á fjárlögunum. Það var erfiðast að sögn Perssons. Hann sagði að á Íslandi  muni hlutirnir verða erfiðari.  Greiði Íslendingar alla verga þjóðarframleiðslu til að leysa bankakreppuna muni greiðslubyrðin aukast gríðarlega og vextirnir ofan á það.

Næstu ár verða erfið

Persson sagði, að menn verði að reikna með erfiðum árum á næstunni þar sem verg þjóðarframleiðsla muni minnka umtalsvert. Neyslan muni minnka sem og innflutningur. Atvinnuleysið mun hins vegar aukast og skera verði niður fjárlögin. 

Persson sagði, að Íslendingar gætu endað á því að fá lán til að greiða vextina af þeim lánum sem þeir fengu til að greiða niður skuldir bankanna. Það muni kalla á hærri skatta eða minni opinber útgjöld. Hins vegar sé ekki hægt að fá endalaust lán til að greiða vexti af öðrum lánum. Markaðurinn myndi á endanum refsa krónunni harkalega ef það gerist. Málið snúist um trúverðugleika og menn verði grípa til skynsamlegra aðgerða.

Persson sagðist  hafa gert það og orðið um leið hataðasti maður Svíþjóðar. Það hafi hins vegar verið þess virði. Ákveði Íslendingar að grípa til raunhæfra aðgerða sendi það út þau boð, að Ísland vilji ráða örlögum sínum sjálft.

 

Icesave: Útgönguákvæði ekki afdráttarlaust