Auglýsi eftir dæmum um að annað ríki hafi gert eignarnám hjá öðru ríki vegna skulda!

Væri gott að einhver af hræðsluáróðursmönnum okkar nefndi dæmi um að ríki taki eignr annarra ríkja upp í skuldir. Og þá er ég að meina á síðustu áratugum.!

Enginn sýnt fram á að samningurinn stofni Íslandi í hættu

Ríkisábyrgð? Hvað er það ofan á brauð?

Það væri gaman að vita hvort og þá hvað marga samninga um ríkisábyrgð á lánum Bjarni Ben, Sigmundur Davíð, Þór Saari og fleiri hafa séð í gegnum tíðina.

Manni finnst einhvernvegin að þegar verið er að bjóða ríkisábyrgð þá er ríkið að ábyrgjast greiðslur. Og í ljósi stöðu okkar vilji menn hafa það skýrt í samningi. En alveg eins og ábyrgðarmenn hafa hér á landi lent í að taka á sig byrgðar og misst eignir vegna ábyrgða þá hlýtur ríkisábyrgð að virka eins.

Bjarni Ben og aðrir hljóta að gera sér grein fyrir að flestir sem um þetta mál hafa fjallað hér á landi hafa aldrei gert slíka samninga. Hafa sennilega aldrei áður séð slíka samninga og vita sennilega ekki hvað svona samningar snúast um venjulega.

Bendi svo Bjarna á að hlusta á Spegilinn á ruv.is Þar sem að Pétur Richter verkfræðing hefur skoðað verðmat sem gert var í febrúar 2009 þar sem að búið var að reikna með afskriftum á eignum úr 4000 milljörðum niður í 1200 milljarða . Og þvi eru líkur á að eignir dugi vel fyrir skuldum. Og hann bendir á að eignir og skuldir séu bæði í erlendum gjaldmiðli og því hækki eignir með lækkandi krónu eins og lánið.

Hér má heyra upptöku af speglinum í dag. Pétur kemur inn eftir að Stefán Már er búinn að tala.

Og Bjarni og fleiri ættu kannski að tala við einhverja aðra en indefence hópinn og Stefán Már um möguleika okkur áður en þeir fella ríkisábyrgðir á þessum samning. Því annars verða þeir persónulega ábyrgir fyrir afleiðingunum.

Og eins þá verða þeir að benda á aðrar leiðir. T.d. eru þeir vissir um að Bretar eða Hollendingar séu fáanlegir að samningaborði aftur.

En mér datt í hug að þessir menn hefðu aldrei áður séð slíka samninga. Og las einmitt þetta á www.pressan.is

Fráleitt að hægt verði að ganga að fasteignum

Indriði G. Þorláksson, aðstoðarmaður fjármálaráðherra og fyrrum ráðuneytisstjóri og ríkisskattstjóri, segir túlkun Magnúsar nýstárlega í viðtali við síðdegisútvarpið. Sams konar ákvæði sé að finna í vel flestum þeim lánasamningum sem íslenska ríkið hefur gert. Telur hann það algjörlega fráleitt að hægt verði að ganga að fasteignum og náttúruauðlindum hér á landi.

Indriði segir lánakjörin sína að tekið hafi verið tillit til erfiðra aðstæðna á Íslandi. Lánið sé í raun mjög hagstætt. Bæði sé greiðslutíminn langur og vextir mun lægri en fyrirfinnast á sambærilegum lánum. Aðalatriðið var hins vegar að skuldbinding íslenskra stjórnvalda lá fyrir áður en samningaviðræðurnar hófust

Þingmenn eru ekki að staðfesta þennan samning

Nú hvað héldu menn að "ríkisábyrgð þýddi"

Finnst nú augljóst að ef ríkð ábyrgist lán og stendur ekki við það þá hlýtur kröfuhafi að ganga að eignum upp í skuld. Nema að við Íslendingar séum orðnir svo innrættir eftir ræður Sigmundar Davíðs að við teljum að við þurfum ekki að greiða neinar skuldir!

Annars bendi ég á aðra frétt á www.ruv.isþar sem hagfræðingur er búinn að reikna út reyndar með nokkri óvissu hvað við komum til með að greiða af lánunum fyrsta árið:

Á ruv.is má lesa þessa frétt:

Þjóðarbúið ekki á hliðina

Hagfræðiprófessor segir að afborganir af Icesave-láninu setji þjóðarbúið ekki á hliðina. Greiðslurnar jafngildi því að slökkt væri á álverinu á Reyðarfirði og Kárahnúkavirkjun og þau ekki sett í gang aftur fyrr en að 8 árum liðnum. Eftir rúm 7 ár hefjast greiðslur af Icesave-láninu. Lánið er upp á um 650 milljarða króna með vöxtum upp á 5,5%. Þórólfur Matthíasson hagfræðiprófessor við Háskóla Íslands hefur reiknað út hve miklar afborganirnar verða.

Hann gerir ráð fyrir að þegar eignir Landsbankans hafi gengið upp í skuldina standi eftir 10-25% eða 65 til rúmlega 160 milljarðar króna.  Hann segir mikla óvissu vera í útreikningunum og ekki séu allar staðreyndir á borðinu. Hann telji þó að fyrsta greiðslan muni nema 0,5-1,5% af landsframleiðslu það ár.

Í þjóðhagsspá fjármálaráðuneytisins er gert ráð fyrir því að árleg landsframleiðsla verði um 15 hundruð milljarðar árið 2014 og Þórólfur gerir ráð fyrir að hagvöxtur næstu ár eftir það verði 2,5%. Hann bendir á að Þjóðhagsstofnun gerði ráð fyrir að Kárahnjúkavirkjun og Reyðarálsverkefnið hafi átt að bæta þjóðartekjur um 0,5-1%. Icesave skuldbindingin sé því býsna mikil blóðtaka en gangi allt eftir er ekki ástæða til að ætla að þjóðarbúið fari á hliðina.

Já 0,5 til 1% af landsframleiðslu. Sem er svipað og landsframleiðsla okka jókst við Kárahnjúka og Reyðarál. fyrsta árið. Sem er hæsta greiðslan. En það er akkúrat talan sem Tryggvi Þór Herbersson hefur sagt að við gætum greitt. Og ég bið þessa gífurbarka í framsókn og fleiri flokkum að fara nú í að láta sérfræðinga reikna út fyrir sig stöðuna áður en þeir koma með yfirlýsingar eins og "að þjóðin sé dauðadæmd" og Við ráðum ekki við þetta" og "hér verður landauðn ef við skrifum undir"

Skv. blogginu hennar Birgittu er AGS sammála þessari Bresku endurskoðunarskrifstofu um mat á þessum eignum. En Alþingi á að senda nefnd og tala við þetta enska fyrirtæki og fá nánari upplýsingar í trúnaði.

En ég tek undir með þingmönnum sem vilja sjá meiri upplýsingar um eignir Landsbankans. Ef að þetta eru viðkvæmar upplýsingar er hægt að láta þingmenn sverja trúnað á þeim upplýsingum. Eða fá óháðan aðila til að meta þetta aftur.

Enskir dómstólar skera úr Icesave-deilum

Framkvæmdagleði Gunnars?

Já það er kannski rétt. En ég hélt að í bæjarfélögum ætti að vera bæjarstjórn. Og hún er víst í Kópavogi líka. En það er ekki víst að Gunnar hafi áttað sig á því. Held að bæjarfulltrúar í Kópavogi séu 11 og þar af séu 6 þeirra sem mynda meirirhluta. Og ég hélt að bæjarstjóri ætti skv. eðli laga og reglna um sveitarfélög að vera í því að framkæma það sem meirihlutinn vill.

En talandi um framkvæmdargleði þá getum við verið þakklát fyrir að Gunnar komst ekki af stað með eitt af gæluverkefnum sínum sem var Óperuhúsið sem átti að troða í Borgarholtið, alveg ofan í Kópavogskirkju. Þá væri Kópavogur komin í veruleg vandræði.

Framkvæmdaglaður bæjarstjóri

Við þessu var búist!

Gunnar segir:

Hann segist stefna að því að geta úttekt á verkum bæjarfulltrúa Samfylkingarinnar þegar hann hefur störf sem óbreyttur bæjarfulltrúi Sjálfstæðisflokksins. „Það er alveg ljóst að öll mannanna verk eru ekki hafin yfir gagnrýni, og ekki þeirra heldur. Við þurfum að fara yfir það líka nákvæmlega eins og það er búið að fara yfir mín störf. Menn eiga helst ekki að henda grjóti úr glerhúsi,“ segir Gunnar og tekur fram að ekki sé um neinar hótanir að ræða. Fara verði yfir málin á málnefnanlegum grunni.

Þannig að Gunnar ætlar að sitja áfram í stjórn og reyna að finna eitthvað á aðra bæjarfulltrúa til að hefna sín. Við þessu bjóst fólk. Reynar væri rétt að benda Gunnari á að hann hefur verið í meirihluta með framsókn í 19 ár. Og meirihluti tekur ákvarðanir og ber ábyrgð á þvi sem bæjarfélagið tekur sér fyrir hendur.

Eins þá er þetta með ólíkindum þegar hann segir:

Spurður um ábyrgð og hvort hann hafi axlað hana segir Gunnar: „Ég hef ekki talið mig gera neitt rangt í þessu máli.“

Hann semsagt sér ekkert af því að bærinn hafi skipt við dóttur hans. Manni finnst þetta með ólíkindum. Bendi sem dæmi á forskot sem ættingjar geta haft. T.d. gætu kjörnir fulltrúar tryggt að ættingja fréttu af væntanlegum verkum, hvað aðrir hefðu boðið og eins að hvetja þau til að bjóða fram þjónustu í verk sem aðrir vita ekki um fyrirfarm. Þetta er bara smá dæmi um að nánir ættingja kjörina fulltrúa og sér í lagi bæjarstjóra hljóta að vera í þeirri stöðu að þau geta ekki unnið fyrir viðkomandi sveitarfélag.

„Þetta jaðrar við brjálæði“

Þetta er nú merkilegur andskoti!

Var að lesa frétt um þetta á visir.is þar sem haft er eftir Ómari:

„Meirihlutasamstarfið stendur traustum fótum eins og alltaf," segir Ómar aðspurður um stöðu meirihlutasamstarfsins í bæjarfélaginu

Nú hvers vegna eru menn þá búnir að vera í öllum þessu farsa síðustu vikur? Á ég að trúa því að eitt lögfræðiálit sem segir að af þvi að því einstaka upphæðir hafi ekki farið yfir einhver mörk þá sé bara allt í lagi með viðskipti Kópavogs við fyrirtæki dóttur Gunnars. Þó sýnt haf verið fram á að Frjáls Miðlun hafi fengið nærri 300 til 400 þúsund á mánuði að meðaltali.

Sjá hér http://www.tidarandinn.is/dotturfelagid

Úr annarri frétt hér www.mbl.is í dag úr yfirlýsingu Samfylkingar í Kópavogi

 Fyrirtækið Frjáls miðlun fékk nær mánaðarlega greitt um 450.000 kr að meðaltali fyrir hin ýmsu verk fyrir Kópavogsbæ á 9 ára tímabili án þess að nokkrir samningar eða verklýsingar lægju fyrir.  Sárasjaldan voru gerðar verðkannanir eða leitað tilboða.  Reikningar voru ranglega færðir í bækur bæjarins og svo virðist sem greitt hafi verið oftar en einu sinni fyrir sama verkið og greitt fyrir hálfkláruð verk.  Sama verkið hefur verið bókfært á mismunandi bókhaldslykla til að fela umfang viðskiptanna.  Staðreyndirnar tala sínu máli.

Nú segir Ómar bara að meirihlutinn standi traustum fótum. Á maður að trúa því að Ómar ætli að sætta sig við að Gunnar fari í veikindafrí einhvern hluta af tímabilinu og það sé bara nóg fyrir Framsókn. Ómar verður að gera sé grein fyrir að það er ekki það sem kallað er "taka á vandamálinu"? Og þar með situr Gunnar áfram í skjóli Framsóknar.

P.s. svo les maður á www.ruv.is þessa frétt:

Gunnar Birgisson víkur til hliðar sem bæjarstjóri Kópavogs. Þetta var niðurstaða fundar hans og Ómars Stefánssonar, bæjarfulltrúa Framsóknarflokks í morgun. Ekki hefur verið ákveðið hvenær Gunnar hættir, en endanleg ákvörðun um það verður tekin á fulltrúaráðsfundi, sem væntanlega verður á mánudaginn. Ekki er búið að ákveða hver verður eftirmaður Gunnars í starfi bæjarstjóra Kópavogs.

Þetta er nú meiri farsinn.

Fundað í hádeginu

Ég tek undir með fólki. Þetta er óþolandi!

Það er ekki nokkur leið fyrir þingmenn að samþykkja ríkisábyrgð nema að fá að sjá samninginn eða allar upplýsingar um hann. Eins þá verða þeir að fá að sjá upplýsingar um lánasöfn Landsbankans í Bretlandi. Ef að þessir samningar eru svona mikið leyndó er hægt að beita því að þingmenn séu bundinir trúnaði þar til að leynd sé létt af þeim af samningsaðilum.

Ekki ríkisábyrgð á leynisamning

Nú verður Ómar að endurgjalda greiðann

Það var umtalað í Kópavogi fyrir síðustu kosningar að Sjálfstæðismenn hefðu fjölmennt til að taka þátt í opnu prófkjöri Framsóknarmanna. Þetta gerðu þeir til að að tryggja Ómari Stefáns fyrsta sæti á lista framsóknar í Kópavogi. Þetta var á kostnað Samúels Arnar Erlingssonar sem sjálfstæðismenn vildu síður.

Nú mætir Gunnar á fund með Ómari og hermir þetta upp á hann. Eða að Ómari verður boðið upp á eitthvað fyrir sinn snúð. Betra starf eða eitthvað í þá áttina.

Og að lokum þá verður ekkert breytt í Kópavogi. En ég veit ekki hvort að þeir fá nokkurn frið. Það á eftir að skoða mörg mál í Kópavogi. Ég man eftir bréfum frá verktaka þar sem hann kvartaði yfir því að vera skikkaður til að skipta við Klæðningu við byggingu á knattspyrnuhúsi. Ég man eftir að ákveðnir verktakar hafa fengið alveg ótrúlega fyrirgreiðslur hér í Kópavogi. Og fullt af fleiri málum.

Ef eftir stendur að sjálfstæðismenn í Kópavogi sá ekkert athugavert við það að fyrirtæki dóttur Gunnars hafa verið áskrifendur að verkum í Kópavogi síðustu 18 árin. Þeim finnst það bara allt í lagi.

Falið að ræða við Framsókn

Gunnar er ekki að ná þessu.

Fólk er að gera athugasemdir við að dóttir hans virðist hafa verið með fastar greiðslur frá Kópavogi um áraraðir. Þó að bænum sé heimilt að kaupa verk án útboðs ef þau eru undir ákveðnum mörkum eru við skipti við dóttur hans með öll óeðlileg. Og fjöldi viðskipta bendir til að hún hafi verið á nærri föstum launum frá Kópavogi. Rauðir reitir sýna mánuði sem Frjáls miðlun fékk greiðslur frá Kópavogi

Sjá nánar á http://www.tidarandinn.is/dotturfelagid

Ps.

Kópavogur: Bærinn keypti föt af bróður bæjarstjórans fyrir 7 milljónir

Kópavogsbær keypti fatnað fyrir starfsfólk bæjarins fyrir 7 milljónir króna í tveimur aðskildum kaupum af fyrirtæki sem er í eigu bróður Gunnars I. Birgissonar, bæjarstjóra í Kópavogi.

Samkvæmt heimildum Pressunnar áttu fyrri kaupin sér stað árið 2002 og hin síðari árið 2005. Heildarupphæð viðskiptanna milli Kópavogsbæjar og fyrirtækis í eigu Sigurðar Blöndal, bróður Gunnars nam 7 milljónum króna. Leitað var verðtilboða í bæði skiptin og reyndist fyrirtæki bróður bæjarstjórans með hagstæðustu tilboðin.

Viðskipti Kópavogsbæjar við Frjálsa miðlun, fyrirtæki í eigu dóttur bæjarstjórans, hafa verið mikið í umræðunni síðustu vikur og ekki síður viðskipti Lánasjóðs íslenskra námsmanna við sama fyrirtæki, en Gunnar var þá stjórnarformaður Lánasjóðsins. Samtals er þar um að ræða viðskipti upp á tugmilljónir króna.

Hart hefur verið deilt á Sjálfstæðisflokkinn í Kópavogi fyrir viðskipti við venslafólk bæjarstjórans og fyrir helgi bauð Gunnar Framsóknarflokknum, sem myndar meirihluta í bæjarfélaginu ásamt Sjálfstæðisflokki, afsögn sína sem bæjarstjóra. Sjálfstæðismenn eru margir hverjir hins vegar á því að Gunnar eigi að sitja áfram. Engin samstaða hefur heldur náðst um mögulegan arftaka hans. Hugmyndir hafa líka komið upp um að Gunnar fari í veikindaleyfi sem bæjarstjóri.

(www.pressan.is )

Var ekki skylt að bjóða verkin út

Flokkurinn er náttúrulega að pæla í greiðslum í kosningasjóði fyrir næstu kosningar

Eins og myndir í Vogum blaði Sjálfstæðismanna bera með sér þá eru verktakar og fjárfestar stór hluti virkra félagsmanna. A.m.k. myndir sem maður hefur séð frá þorrablótum og öðurm fundum. Þar hafa þekktir verktakar verið stærsti hópurinn, jú og Gunnar í Krossinum. Nú er flokkurinn hræddur um að missa tengslinn við þá og peninga þeirra.

Þá er líka til þess að taka að enginn bæjarfulltrúa sem eftir eru mundi þykja góður kostur sem andlit flokksins næsta árið í Kópavogi.

Vilja ekki að Gunnar hætti