Ætla að vona að þetta sé ekki eitthvað leikrit!

Ef að þetta er rétt sem birtist á www.visir.isþá vona ég að þetta sé ekki leikrit til að í raun að falla samninginn. Ætla að vona að menn séu búnir að meta þanþol viðsemjenda okkar og séu ekki að ögra þeim.

Fréttastofa hefur heimildir fyrir því að fjárlaganefnd vilji ganga mjög langt í fyrirvörum sínum. Árni Þór Sigurðsson, þingmaður Vinstri Grænna, segir að viðbrögð Hollendinga og Breta verði að koma í ljós. Fyrirvararnir þjóni samfélagslegum markmiðum íslendinga og líka að Íslendingar standi við skuldbindingar sínar

Við höfum ekki eftni á langvarandi deilum sem skila okkur kannski ekki neinu.

Álit brátt kynnt fulltrúum samninganefndanna

Sterkasta niðurstaðan!

Frábært að einn fulltrúinn í lögfræðingateyminu sem vinnur textan skuli vera úr Indefence sem og Eiríkur Tómasson. Við það vaknar sú von að flestir geti fylkt sér á bak við þessa niðurstöðu og gerir stöðu okkar sterka þegar við förum og fræðum við Breta og Hollendinga um fyrirvara sem þingið setur. Um leið er það bæði sigur fyrir stjórnanna ef hún kemur þessu máli í gegn og styrkur fyrir stjórnarandstöðu að taka þátt í að laga þetta mál til. Vonandi verða svo þessir fyrirvarar samþykktir af Bretum og Hollendingum og þetta mál komið úr sögunni í bili. Alveg komið nóg núna.

Fundur í fjárlaganefnd klukkan 15

Ágætu "útrásarvíkingar"

Ágætu útrásarvíkingar!

Um leið og ég harma að það skuli vera til fólk sem ræðst að fjölskyldum ykkar og skemmi eignir ykkar þá langar mig að benda ykkur á leið sem þið gætuð farið til að draga úr líkum á að þetta endurtaki sig.

Nú vitið þið að það er hafin rannsókn á öllum ykkar fjármálum. Það er leitað að öllum þeim peningum sem þið hafið hafið hugsanlega falið. M.a. á aflandseyjum! Þið hljótið að gera ykkur grein fyrir því að þessir peningar finnast á endanum eða hvert þeir fóru. 

Væri nú ekki leið fyrir ykkur, ef að það er staðreynd að þið eigið peninga sem þið hafið stungið til hliðar, fyrir ykkur að kaupa ykkur smá velvild með því að koma með þessa peninga heim. Semja við ríkið að þeir peningar sem þið eigið í raun og veru ekki verði skilað formlega og þeir eyrnamerktir upp í Icesave skuldirnar. Ef þið til samans eigið t.d. 6 milljarða þá nemur það um 1% af icesave skuldum okkar. Ef þið eigið 60 milljarða þá eru það 10% af icesave skuldinni. Og ég tala ekki um ef það er meira! Með því að þið sem einstaklingar eða hópur tækjuð ykkur saman um að greiða þessar skuldir niður fyrir okkur, hversu mikið sem það er mundi kaupa ykkur smá velvild. En ef að þið ætlið að bíða og sjá hvort að við finnum peningana þá verði þið að sætta ykkur við það að hér á landi er hópur fólks sem er mjög reytt og kemur ekki til með að láta ykkur í friði. Eins þá er hér vaxandi rannsóknarstofnun (saksóknari) með sérfræðingum sem finna þessa peninga að lokum.

Um leið og ég mótmæli að fólk sé að ráðast að heimilum fólks þá legg ég þessa tillögu fyrir ykkur sem hluti af lausninni fyrir ykkur. Minni ykkur á að ef þið hafið brotið lög þá eigið þið kannski eftir að lenda í fangelsi og þar hafa menn fengið að finna fyrir því ef þeir hafa reiði þjóðarinnar á baki sér.

Virðingarfyllst.

Magnús Helgi Björgvinsson

Hús máluð í nótt

Hversu miklir möguleikar væru á þessu?

Það er nú nokkuð ljóst að þetta hefur alltaf verið óvissuatriðið hvað fengist fyrir eignir Landsbankans. Á okkur lendir það sem ekki innheimtist upp í innistæðutryggingar af okkar kröfum í Landsbankann.  Það er því spurning hvað breyttist við að semja um að greiða það sem útaf stendur eftir kannski 7 ár eða semjum um það núna með fyrirvörum um ábyrgð og endurupptöku ef að forsendur eru okkur ofviða.  Kemur það ekki á sama staða niður? En augljóst skv. þessu að fyrirvari um endurskoðun á samningnum þarf að vera skýrt af okkar hálfu. Finnst líka að hann hafi gleymt því að við samþykktum að Bretar og Hollendingar greiddu þessi innlán út.

En ef þetta tefur hér allt á ný um marga mánuði er kannski verr af stað farið en heima setið .

Vildi líka heyra viðbrögð annarra en Höskuldar. Finnst hann ekki alltaf sýna fullann skilning á málum

Skynsamlegt að semja að nýju

Hvernig kemur sagan til með að dæma stjórnarandstöðuna?!

Finnst þessi frétt um að menn vilji fyrirvara við ríkisábyrgð á þessu ekki vera neina frétt jafnvel þó þá sé í Samfylkingunni!

En þingmenn stjórnarandstöðunnar hljóta að gera sér grein fyrir að þetta mál fer að lokum í gegn með þeim fyrirvörum sem fulltrúar þeirra í fjárlaganefnd vinna með stjórnarliðum við að skoða. Því fer maður að velta fyrir sér hvort að þingmenn stjórnarandstöðunnar hafi hugsað út í það að miðað við nú fyrstu mánuði þá er ekki víst að saga þessa kjörtímabils eigi eftir að fara fögrum orðum um orð og gerðir þeirra. Manni finnst að það hljóti að verða stór kafli í mati fólks hvernig þeir hafa talað um stjórnvöld, embættamenn og starfsfólk ráðuneyta og stofnana ríkisins. Þar sem allar gerðir hafa verið rengdar, skrumskældar og rangfærðar. Eins verður horft til þess að í stað þess að taka þátt í að hefja endurreisn þá hafa öll mál sem sérfræðingar hafa bent á sem nauðsyn verði gangrýnd. T.d. tillögur um stofnun Bankaumsýslunar. En það var einmitt gert til að færa ákvarðanir frá ríkisstjórninni.

Þá verður horft til þess að í stað þess að fagna því að í stærri málum hefur aldrei áður verið birt eins mikið af upplýsingum þá er stjórnarandstaðan í því að halda því fram að mikilvæg gögn séu falin sem reynast svo ekki skipta neinu máli.

Held samt helst að stjórnarandstaðan eigi eftir að sjá eftir að í stað þess að stunda uppbyggilega gagnrýni og standa með stjórnvöldum þá haf þau stundað niðurrif, svartsýni og reynt markvisst að draga kjark úr þjóðinni. Og ekki komið neinar uppbyggilegar tillögur sem hafa verið raunhæfar.

Þetta verður nú ekki falleg eftirmæli ef að allt fer eins og reiknað er með og við förum á næsta að hefja leiðina út úr kreppunni.

Andstaða líka í Samfylkingu

Nú er stjórnarandstöðunar að semja um raunhæfa fyrirvara eða ramma um Icesave

Nú er að koma upp sú staða að ef að stjórnarandstaðan ætlar vera með í uppbyggingu og endurreisn, þá verður hún að koma að því að samþykkja þessa fyrirvara eða ramma um þessa ábyrgð. Því nú eru líkur á því að stjórnarliðar séu að semja um framgang málsins. Væri ekki betra fyrir Sjálfstæðismenn og framsókn að vera með á bátnum svo að þetta verði sameignleg niðurstaða sem kemur okkur vel þegar rætt verður við Breta og Hollendinga um þessar fyrirvara Alþingis.

Annars verður það algjör ósigur stjórnarandstöðu sem verður grafskrift þeirra eftir þetta kjörtímabil. Enda alltaf ljóst að það þurfti að semja um þetta og drauma samningur var aldrei í boði.

Icesave líklega úr nefnd fyrir vikulok

Hrollvekja!

Þarna kemur fram að krónan er virkilega farin að verða okkur fjötur um fót. Samkvæmt þessu þá er ljóst að krónan á eftir að há okkur þar til við losnum við hana. Á www.ruv.is má lesa um þetta m.a.

Raunasaga gengis krónunnar nær aftur til ársins 1920 en þá var íslenska krónan skilin frá þeir dönsku á pari það er þær voru jafnverðmætar. Síðan hefur gengi krónunnar að meðtölu því þegar tvö núll voru skorin af henni 1981 lækkað um 99,95 prósent gagnvart þeirri dönsku.

Þetta segir okkur að í dag þurfum við 2400 gamlar íslenskar krónur til að kaupa eina Danska. En 1920 voru þær jafnverðmætar.

Eins kemur þar fram:

Bankinn fer ítarlega yfir ýmsa möguleika og segir að á meðan ekki verður skipt um mynt það er breytt yfir í annað gjaldmiðilsfyrirkomulag telji bankinn ráðlegast að efla viðbúnað Seðlabankans til að takmarka vöxt fjármálakerfisins og bæta framkvæmd stefnunnar í opinberum fjármálum þannig að hún styðji betur við peningastefnuna og dragi þannig úr líkum á innstreymi óstöðugs fjármagns og efnahagslegum óstöðugleika

Sem í raun segir okkur að auk þess að við erum að berjast við fjárlagagat nú upp á 200 milljarða þá þurfum við í raun áfram að draga úr kostnaði hins opinbera til að styrkja eða verja krónuna.

Væri ekki ráð að fara að skoða einhliða upptöku evru eða semja við ESB um algjöran forgang. M.a. má benda á að Svartfellingar komust upp með það að taka upp evru áður en þeir gengu í ESB þar sem þeir höfðu enga mynnt. Og í raun má segja sama um okkur. Krónan er jafnvel verri en engin eins og bent er á:

Seðlabankinn segir að frá 1920 hafi öllum tilraunum missjálfstæðrar peningastefnu lokið með rýrnun kaupmáttar krónunnar

Ekki hagkvæmt gjaldmiðilssvæði

Svona kannski rétt að benda nýjum þingmönnum á hvað átt er við með meirihlutastjórn!

Held að Þór Saari verði að átta sig á að ef Alþingi fellir samning með atkvæðum stjórnarþingmanna þá er verið að lýsa vantrausti á Steingrím J um leið á Ríkisstjórn sem er að leggja málið fram. Og það er almennt svo um allan heim að ef að Alþingi er ekki sátt við leiðir ríkisstjórna sem sitja í umboði meirihluta Alþingis þá er komin upp sú staða að ríkisstjórn getur ekki treyst á að stefna þeirra nái fram og því eru umboðið sem þeir starfa eftir laskað eða ónýtt.

Þetta væri líka rétt að Sigmundur áttaði sig á en hann segir á www.visir.is :

Sigmundur Davíð Gunnlaugsson, formaður Framsóknarflokksins, segist alls ekki vera þeirrar skoðunar að ríkisstjórnarsamstarf Samfylkingarinnar og VG standi og falli með Icesave málinu.

„Í fyrsta lagi finnst mér nú skrýtið ef ríkisstjórnarsamstarfið á að snúast um þetta mál umfram annað. Hvað segir það um þingið og stöðu þess ef þingmenn eiga ekki neinn annan kost en að kjósa eins og framkvæmdavaldið ætlast til. Og framkvæmdavaldið lítur svo á að ef þingmenn geri það ekki þá sé ríkisstjórnin bara fallin," segir Sigmundur Davíð. Að auki segist Sigmundur Davíð telja að það sé óhugsandi að Samfylkingin slíti ríkisstjórnarsamstarfinu á meðan að Evrópusambandsmálið er í vinnslu.

Sigmundur hlýtur að átta sig á að ef að Alþingi er ekki sammála ríkisstjórn í þessu, þá er Alþingi að segja að það sé ekki sátt við leiðir framkvæmdarvaldsins. Og þó að ríkisstjórnin gæti þraukað þá yrði það spurning fyrir ríkisstjórnina að hún gæti ekki gert neinar áætlanir til framtíðar því að það gæti orðið ströggl í hvert skipti sem þyrfti að bera eitthvað fyrir Alþingi. Og væri það eins og í fyrirtækjum að ef að meirihluti stjórnar er ekki sammála framkvæmdarstjóra þá er hann látinn víkja. Eins er þetta með þingið ef að öll stór þingmál verða í svona klípu þá er stjórnvöldum illmögulegt að starfa.

Bendi á það sem Gunnar Helgi Kristinsson prófessor í stjórnmálafræði:

„Ef að þetta mál fellur þá er hin pólitíska staða orðin afar flókin," segir Gunnar. „Það má segja að þá verði djúp stjórnarkreppa um stjórn landsins þar sem forysta landsins getur í raun og veru ekki komið sér saman um það hvernig bregðast á við brýnasta lífshagsmunamáli þjóðarinnar." (www.ruv.is )

Hefðbundið pólitískt ofbeldi

Þessi mótmæli væru nú trúverðugri ef að þeir sem standa fyrir henni væru ekki á kafi í stjórnmálum

Þessi meintu mótmæli á Austurvelli væru nú mun trúverðugri ef að þeir sem stæðu fyrir þessu væru ekki á kafi í stjórnmálum. Og sér í lagi í (sértrúarfélaginu) Félagi fullveldissinna.

Facebook  hópurinn "Ég kýs þig ekki - Ef þú kýst með Icesave" sem auglýsir nú í dagblöðum með stórum auglýsigum með Jóni Sigurðssyni og hóta þingmönnum honum er stjórnað af

Gunnar Kristinn Þórðarson var í framboði fyrir L lista þjóðhyggjufokk Bjarna Harðarsonar. Og han skrifar m.a. hér http://landsvarnarflokkurinn.blogcentral.is/ 

Friðjón R Friðjónsson (stofnandi) en hann er helblár sjálfstæðismaður Og bloggar á eyjan.is

 Síðan í þessari frétt er vísað í annan hóp sem kallar sig " Börn Íslands " og honum stýrir Axel Þór Kolbeinsson  Sem er í Félagi Fullveldissinna sem tók við af L listanum. Og skrifar hér http://axelthor.blog.is/blog/axelthor/

Og loks eru það Indefence sem eru einskonar stuðningssamtök Sigmundar Davíðs.

Þetta eru því í raun Sjálfstæðisflokkur, framsókn og fullveldissinnar sem eru að reyna að koma stjórninni frá.

Boða samstöðufund á Austurvelli

Bara að benda Ögmundi og fleirum á grein eftir Hróbjart Jónatansson

Í Mogganum í dag er grein eftir Hróbjart Jónatansson hæsta réttarlögmann þar sem hann fjallar um Icesave og ábyrgð okkar. Hann færir þar rök að því eins og ég hef sagt að að það sé ekkert í EES tilskipuninni sem undanþegi okkur ábyrgð á lámarksinnistæðum.  Hann segir m.a.

Að sönnu segir ekki berum orðum í tilskipuninni að ríkið beri ábyrgð á lágmarksinnstæðunum. Hins vegar fer ekkert á milli mála að tilgangur tilskipunarinnar er að skylda aðildarríki EES til þess að koma á tryggingakerfi sem veitir öllum innstæðueigendum lágmarksvernd án tillits til þess hvar útibú lánastofnunar er staðsett á EES-svæðinu ef gjaldþol lánastofnunar brestur. Tilskipunin veitir samningsríki EES nokkurt frelsi til þess að ákveða fyrirkomulag tryggingakerfisins en það fyrirkomulag sem tekið er upp skal fullnægja réttmætum kröfum innstæðueiganda til þess að fá ótiltæk innlán greidd innan tiltekins tíma. Í tilskipuninni eru engir fyrirvarar um kerfishrun eða slíkar aðstæður. Það er því alveg ljóst af tilskipuninni að tilgangurinn er sá að veita innstæðueigendum lágmarkstryggingu ef lánastofnun verður gjaldþrota, sem sé að hver og einn innstæðueigandi í Landsbankanum geti sótt sínar u.þ.b. 20.000 evrur við gjaldþrot bankans svo dæmi sé tekið. (Hróbjartur Jónatansson Morgunbalðið 11. ágúst)

Og áfram segir hann

Af þeim upplýsingum sem nú liggja fyrir um aðdraganda hruns bankanna virðist svo vera að eftirlit með bönkunum hafi verið algerlega ófullnægjandi og aðgerðir Fjármálaeftirlits og Seðlabankans einkennst af slíku yfirþyrmandi kunnáttu- og dómgreindarleysi að engu tali tekur. Í ljósi þessa er ekki líklegt að íslenska ríkið getið leyst sig frá ábyrgð á grundvelli þess sem á lagamáli heitir »Force Majeure«, þ.e. óvæntra ytri atvika sem engin leið var að sjá fyrir og ekki voru ráðgerð í tilskipuninni. Reikna má með að grundvöllur fyrir viðurkenningu á Force Majeure kæmi því aðeins til greina að sýnt væri fram á að íslenska ríkið hefði rækt hlutverk sitt með góðum og gegnum hætti og bankahrunið og afleiðingar þess hefðu orðið án tillits til frammistöðu ríkisins. Margt af því sem hefur verið upplýst nú í aðdraganda hrunsins veitir manni ekki þá tilfinningu að málstað Íslands yrði auðvelt að verja í slíku dómsmáli. (Hróbjartur Jónatansson Morgunbalðið 11. ágúst)

Hann gefu fyllilega í skyn að dómsmál yrðu ekki milli ríkjan sem slíkra heldur milli í raun eignenda innistæðnana við Íslenska ríkið og við gætum komið mun verrr út úr því. T.d. ef í ljós kæmi að orsök að því að innistæðutryggingarkerfið virkaði ekki hafi verið eftirlitsleysi stjórnvalda með starfi bankanna. 

Svo reyndar endar hann greinina á að að gagnrýna val Svavars Gestssonar í samninganefndina sbr

Það að fela manni sem hefur hvorki lögfræðilega menntun né fljúgandi færni í enskri tungu og enskri menningu, sem kaus sér til bestrar aðstoðar doktorsnema í vísindaheimspeki, til þess að leiða samningaviðræður við Breta og Hollendinga um eitt allra mikilvægasta hagsmunamál þjóðarinnar á síðari tímum verður, að mínu viti, að teljast með stærstu mistökum Íslandssögunnar og eru afglöp Fjármálaeftirlitsins og Seðlabankans í aðdraganda hrunsins þar ekki undanskilin. (Hróbjartur Jónatansson Morgunbalðið 11. ágúst)

Stjórnarsamstarf undir Ögmundi komið