Verði ykkur að góðu

Var að lesa þetta www visir.is

Allur alþjóðlegur fjárhagslegur stuðningur við Ísland verður úr sögunni ef Íslendingar greiða ekki Bretum og Hollendingum skaðann sem hlaust af Icesave-málinu. Þetta sagði Paul Myners, bankamálaráðherra í Bretlandi, í viðtali við Reuters fréttastofuna í dag.

Þá sagði Myners einnig við BBC fréttastofuna að ef þjóðin kysi gegn samkomulaginu þá myndu Íslendingar um leið slíta öll tengsl við alþjóðafjármálamarkaði veraldar auk þess sem Alþjóðagjaldeyrissjóðurinn drægi aðstoð sína til baka.

Þá er haft beint eftir Myners: „Ef íslenska þjóðin kemst að þeirri niðurstöðu að hún vill ekki greiða Icesave-skuldina þá mun hún um leið gefa skýr skilaboð um að þjóðin hafi engan áhuga á að taka þátt í alþjóðlegum fjármálamörkuðum og að hún vilji ekki að litið sé á sig sem þjóð sem óhætt sé að eiga í viðskiptum við."

 

Ákvörðun forsetans „mikið reiðarslag“

Ísland verður nú hér með úthrópað og eða aðhlátursefni um allann heim

Fólk skildi athuga að lögin taka samt gildi. Og verða í gildi næstu vikur og mánuði. Síðan falla þau úr kannski úr gildi við þjóðaratkvæðagreiðslu. Og þá taka lögin frá Ágúst gildi sem eru í höfuðatriðum eins. Nema að nokkrir fyrirvarar eru breyttir. Og nú er komið í ljós að stjórnarandstaðan með áróðurssveit sína í Indefence hefur sigrað út af nokkrum fyrirvörum sem við vitum að Bretar og Hollendingar samþykkja aldrei.

Og þar með heldur þetta helvíti áfram næstu mánuði. Nú þarf að semja á Alþingi um lög um þjóðaratkvæðagreiðslu og fleira. Því má búast má við öll önnur mál hér á landi næstu mánuði mótist af þessu. Sem og samskipti okkar við umheiminn. 

Staðfestir ekki Icesave-lög

Einn af ráðgjöfum forsetans reiknar með að hann synji lögunum staðfestingar.

Karl Th. Birgisson sem talinn hefur verið einn af ráðgefandi vinum forsetans segir á síðu  Herðubreiðar í dag:

Klukkan ellefu í dag greinir forseti Íslands frá rangri ákvörðun sinni varðandi ríkisábyrgð á láni til tryggingasjóðs innistæðueigenda.* Það er samt alveg ástæðulaust að hrökkva af hjörunum vegna þess.

Síðar segir hann:

Hver rökstuðningurinn verður er mér gersamlega hulið, því að forsetinn hefur þegar staðfest lög um ríkisábyrgð vegna Icesave. Síðan þá (sl. haust) hefur aðeins tvennt breytzt:

Fáeinir fyrirvarar hafa tekið breytingum, einkum um tengsl hagvaxtar og greiðsluskyldu og (þessi fráleiti frá upphafi) um að við ætlum að ábyrgjast, en bara til 2024. Enginn þeirra breytir þó eðli málsins alls, þannig að ástæða sé fyrir forsetann að skrifa ekki undir það núna sem hann samþykkti þá.

Og í lokin neðanmáls segir Karl

* Ég gef mér að forsetinn synji lögunum staðfestingar. Auðvitað óska ég hins, en það væri fullkomlega óskiljanlegt eftir atburðarás síðustu daga.

Synjun ekki banabiti stjórnvalda

Þetta kom mér virkilega á óvart

Ég hafði ekki hugsað út í þetta. En Bjarni Ben telur að Forsetinn eigi ekki að taka fram fyrir hendur Alþingis:

 

Bjarni Benediktsson, formaður Sjálfstæðisflokksins, segir að forseti Íslands eigi ekki að taka fram fyrir hendur Alþingis í málum sem þingið hefur leitt til lykta. Það gildi um Icesave-málið sem önnur mál.

Bjarni sagði að afstaða sín væri hin sama og áður hvað synjunarvald forsetans varðaði. Hann hefði verið andvígur synjun fjölmiðlalaganna árið 2004. Vandinn væri sá að forsetinn hefði sjálfur áritað eldri Icesave-lögin í sumarlok með skýrum fyrirvörum og skapað sér þann vanda sem hann væri nú í.

 Þetta kom fram í hádegisfréttum Ríkisútvarpsins.

www.eyjan.is

Þá eru formenn 3 stærstu flokkana sem hafa c.a. 48 þingmenn á bakvið sig sem eru á því að forsetinn eigi að skrifa undir lögin.

Stjórnin hefur ekki leyfi til að fara frá

Þetta er nú eitthvað annað en menn hafa verið að segja okkur.

Indefence og Sigmundur Davíð segir að það hafi engin áhrif að hafna Icesave. Það séu allir búnir að gleyma látunum sem vour í október 2008. En Alistair Dariling virðist ekki vera búinn að gleyma þessu:

Töfin fer illa í bresk stjórnvöld og segir Bloomberg fréttastofan að Darling hafi sagt við fréttamenn í London í morgun að ef Íslendingar standi ekki við Icesave-samkomulagið muni...

„...ástandið verða enn verra. Ég myndi segja við fólk á Íslandi að ég átti mig á að ástandið sé erfitt en þið verðið að átta ykkur á að bresk stjórnvöld urðu að grípa í taumana í mjög erfiðri stöðu sparifjáreigenda í íslenskum bönkum.“

www.pressan.is   

 Og þeir segja að ekkert hafi verið unnið í því að tala við ráðamenn í þessum löndum en í þessari frétt stendur:

Við höfum varið mörgum mánuðum á mjög árangursríkum fundum með íslenskum stjórnvöldum til að tryggja að við fáum féð greitt til baka," sagði Darling.

Það er ekki að ástæðulausu sem maður hefur haldið því fram að þessir drengir þarna í Indefence og Sigumundur hafi í raun ekki hugmynd um hvað þeir eru að tala um.  Sem er ekki skrýtið því þeir hafa aldrei sjálfir staðið í samningum milli ríkja ekki einu sinni hafa þeir reynslu af samskiptum milli ríkja hvað þá annað. Þeir hafa fullyrt að þetta séu smámunir fyrir Hollendinga og Breta og þeir gleymi þessu fljótlega. (eða því sem næst) Þetta eru þó milli 10 til 20 þúsund á hvern landsmann í Bretlandi og Hollandi og við mundm held ég öskra ef að við ættum að borga svona innistæður í breskum banka hér.

Icesave-samkomulag mikilvægt

Var þessi kona ekki í framboði til Alþingis?

Er það ekki rétt hjá mér að Sigríður Ásthildur Andersen er últra hægrisinni sem bauð sig fram til Alþingis. Man að minnsta kosti eftir henni á prófkjöri. Mikið óskaplega er ég feginn að hún komst ekki á þing. Ef að manneskjan og vinir hennar meðhöndla lýðræði á þennan hátt hefur hún ekkert í stjórnmál að gera. Og ef eitthvað vit væri í þeim þá myndu þau gefa þetta fé til þeirra sem lakast standa nú og þurfa aðstoð.

Annars legg ég til að þessi minnisvarði verði reistur í í garðinum við heimili hennar. Til að minna hana á að Alþingismenn eiga að greiða atkvæði eftir sinni sannfæringu en ekki þrýstingi frá hópum eins og Iceslave. Og svona framkvæmd yrði aðallega árás á lýðræðið með því að hræða fólk frá því að greiða atkvæði eftir sinni sannfæringu því annars væu nöfn þeirra klöppuð í stein eða eitthvað þaðan af verra

Iceslave safna 800 þúsundum

Um hvað á að greiða atkvæði í þjóðaratkvæðagreiðslu um Icesave.

Tók eftirfarandi bréf af siðu Egils Helgasonar:

"Vegna umræðu um ISESAVE og hugsanlega synjun forseta er ég mjög efins um að allir geri sér grein fyrir um hvað þjóðin ætti að kjósa ef svo bæri undir. Mér sýnist að leggja yrði fyrir þjóðina spurningu um fyrirvara. Hafa verður í huga að það er ekki spurning um að þjóðin geti hafnað að greiða ICESAVE-reikninginn enda var samningur gerður og fyrirvarar lögfestir sl. sumar með lögum nr 96/2009. Þjóðin hefur því nú þegar samþykkt að borga reikning óráðsíumanna, spurning er bara hvernig það er útfært og hversu lengi. Synjun forseta nú þýddi að kjósa yrði milli nýju fyrirvaraútgáfunnar og þeirrar gömlu. Mismunurinn liggur í efnis- og orðalagsbreytingum á þremur greinum og brottfalli tveggja greina. Kjörseðillinn myndi hugsanlega þurfa að innihalda báðar útgáfur fyrirvaranna til að fólk áttaði sig á því hvort segja ætti já eða nei:

Hvorn kostinn í eftirfarandi fjórum greinum laga nr. 96/2009 telur þú heppilegri á fyrirvörum Alþingis til uppgjörs á ICESAVE-skuldbindingum Íslands?

Lög nr. 96/2009 (breytingar nú í des. eru skáletraðar)

1. gr. Ríkisábyrgð á Icesave-lánasamningunum.
Fjármálaráðherra, fyrir hönd ríkissjóðs, er heimilt að veita Tryggingarsjóði innstæðueigenda og fjárfesta ríkisábyrgð vegna lána sjóðsins frá breska og hollenska ríkinu samkvæmt samningum dags. 5. júní 2009 til að standa straum af lágmarksgreiðslum, sbr. 10. gr. laga um innstæðutryggingar og tryggingakerfi fyrir fjárfesta, nr. 98/1999, til innstæðueigenda hjá Landsbanka Íslands hf. í Bretlandi og Hollandi. Ábyrgðin tekur til höfuðstóls lánanna eins og hvor um sig mun standa að sjö árum liðnum frá undirritun samninganna, 5. júní 2016, auk vaxta af lánsfjárhæðinni, með þeim fyrirvörum sem fram koma í lögum þessum og gildir til 5. júní 2024.
Það er skilyrði fyrir veitingu ríkisábyrgðarinnar að breskum og hollenskum stjórnvöldum verði kynntir þeir fyrirvarar sem eru settir við ábyrgðina samkvæmt lögum þessum og að þau fallist á þá. Enn fremur að lánveitendur samkvæmt þeim lánasamningum sem greinir í 1. mgr. viðurkenni að skuldbindingar Tryggingarsjóðs innstæðueigenda og fjárfesta séu háðar sömu fyrirvörum og ríkisábyrgð samkvæmt lögum þessum.
Ríkisábyrgðin afmarkast að öðru leyti af ákvæðum samninganna og fyrirvörum þeim sem koma fram í lögum þessum. Fyrirvararnir eru óaðskiljanlegur hluti ríkisábyrgðarinnar.

Breyting á 1.gr. í þjóðaratkvæði:

1. gr. laganna orðast svo:
Fjármálaráðherra, fyrir hönd ríkissjóðs, er heimilt að veita Tryggingarsjóði innstæðueigenda og fjárfesta ríkisábyrgð vegna skuldbindinga sjóðsins sem stafa af lánum hans frá breska og hollenska ríkinu samkvæmt samningum dags. 5. júní 2009 og viðaukasamningum 19. október sama ár til að standa straum af lágmarksgreiðslum, sbr. 10. gr. laga um innstæðutryggingar og tryggingakerfi fyrir fjárfesta, nr. 98/1999, til innstæðueigenda hjá Landsbanka Íslands hf. í Bretlandi og Hollandi. Þessi heimild takmarkast ekki af öðrum ákvæðum laganna. Ábyrgðin, sem í samræmi við lánasamningana gengur í gildi 5. júní 2016, ræðst einvörðungu af ákvæðum samninganna.

2. gr. Forsendur fyrir veitingu ríkisábyrgðar.
Forsendur fyrir veitingu ríkisábyrgðar samkvæmt lögum þessum eru:
1. að lánasamningarnir verði túlkaðir í samræmi við hin umsömdu viðmið sem samþykkt voru 14. nóvember 2008 á milli Íslands, Evrópusambandsins og hlutaðeigandi aðildarríkja, þannig að tekið verði tillit til hinna erfiðu og fordæmislausu aðstæðna sem Ísland er í og nauðsynjar þess að ákveða ráðstafanir sem gera Íslandi kleift að endurreisa fjármála- og efnahagskerfi sitt. Í þessu felst m.a. að samningsaðilar verði við rökstuddri og málefnalegri beiðni Íslands um endurskoðun samninganna samkvæmt ákvæðum þeirra,
2. að staða Íslands sem fullvalda ríkis komi í veg fyrir að gerð verði aðför í eignum þess sem það þarf nauðsynlega á að halda til að starfrækja hlutverk sitt sem fullvalda ríki með viðunandi hætti. Sama á við um eignir íslenska ríkisins erlendis, þar á meðal eignir Seðlabanka Íslands, sem njóta verndar samkvæmt almennum reglum þjóðaréttar,
3. að hvergi sé haggað við óskoruðum yfirráðum Íslands yfir náttúruauðlindum landsins og rétti handhafa íslensks ríkisvalds til að kveða á um nýtingu og skipan eignarhalds á þeim.

Breyting á 2. gr í þjóðaratkvæði

Ekkert í lögum þessum felur í sér viðurkenningu á því að íslenska ríkinu hafi borið skylda til að ábyrgjast greiðslu lágmarkstryggingar til innstæðueigenda í útibúum Landsbanka Íslands hf. í Bretlandi og Hollandi.
Fáist síðar úr því skorið, fyrir þar til bærum úrlausnaraðila, og sú úrlausn er í samræmi við ráðgefandi álit EFTA-dómstólsins eða eftir atvikum forúrskurð Evrópudómstólsins, að á íslenska ríkinu hafi ekki hvílt skylda af þeim toga sem nefnd er í 1. mgr., eða að á öðru aðildarríki EES-samningsins hafi ekki hvílt slík skylda í sambærilegu máli, skal fjármálaráðherra efna til viðræðna við aðra aðila lánasamninganna, og eftir atvikum einnig Evrópusambandið og stofnanir Evrópska efnahagssvæðisins, um það hvaða áhrif slík úrlausn kunni að hafa á lánasamningana og skuldbindingar ríkisins samkvæmt þeim.

3. gr. Efnahagsleg viðmið.
Ríkisábyrgð samkvæmt lögum þessum er grundvölluð á því að fjárhagsleg byrði vegna hennar verði innan viðráðanlegra marka þannig að Íslandi verði gert kleift að endurreisa fjármála- og efnahagskerfi sitt. Til að fylgjast með og meta forsendur fyrir endurskoðun á samningunum skal ríkisstjórnin gera ráðstafanir til þess að Alþjóðagjaldeyrissjóðurinn geri í síðasta lagi fyrir 5. júní 2015 IV. greinar úttekt á stöðu þjóðarbúsins, einkum með tilliti til skuldastöðu og skuldaþols. Að auki verði í úttektinni lagt mat á þær breytingar sem orðið hafa miðað við mat sjóðsins frá 19. nóvember 2008.
Við mat á forsendum til endurskoðunar á samningunum skal einnig tekið tillit til stöðu í þjóðarbúskapnum og ríkisfjármálum á hverjum tíma og mats á horfum í þeim efnum þar sem m.a. verði sérstaklega litið til gjaldeyrismála, gengisþróunar og viðskiptajafnaðar, hagvaxtar og breytinga á landsframleiðslu svo og þróunar fólksfjölda og atvinnuþátttöku.
Ríkisábyrgð samkvæmt lögum þessum er miðuð við hámark á greiðslum úr ríkissjóði. Þetta hámark miðast á árabilinu 2017–2023 við 4% af vexti vergrar landsframleiðslu mælt í pundum vegna lánasamningsins við breska ríkið og 2% af vexti vergrar landsframleiðslu mælt í evrum vegna lánasamningsins við hollenska ríkið. Hlutföll þessi verða helmingi lægri árin 2016 og 2024. Greiðslur skulu endurskoðaðar um leið og endanlegar tölur um verga landsframleiðslu liggja fyrir.
Vöxtur á vergri landsframleiðslu Íslands skv. 3. mgr. skal mældur frá 2008 til greiðsluárs á árabilinu 2016–2024 annars vegar í pundum vegna lánasamningsins við breska ríkið og hins vegar í evrum vegna lánasamningsins við hollenska ríkið. Útreikningur á greiðslum skv. 3. mgr. skal byggjast á meðalgengi miðgengis Seðlabanka Íslands á pundi og evru gagnvart krónu á ársgrundvelli og mati á vergri landsframleiðslu samkvæmt skilgreiningu Eurostat.
Greiðsluskylda lánasamninganna skal aldrei vera meiri en hámark ríkisábyrgðar, sbr. 3. mgr. Nú virðist á einhverjum tíma stefna í að lánsfjárhæðin ásamt vöxtum verði ekki að fullu greidd í lok lánstímans vegna hinna efnahagslegu viðmiða og skulu aðilar lánasamninganna þá tímanlega eiga með sér viðræður um meðferð málsins og áhrif þess á samningana og skuldbindingar Tryggingarsjóðs innstæðueigenda og fjárfesta.

4. gr. Lagaleg viðmið.
Ekki hefur fengist leyst úr því álitaefni hvort aðildarríki EES-samningsins beri ábyrgð gagnvart innstæðueigendum vegna lágmarkstryggingar, þar á meðal við kerfishrun á fjármálamarkaði. Allt að einu hefur Ísland gengið til samninga við Bretland og Holland þótt það hafi ekki fallið frá rétti sínum til að fá úr þessu álitaefni skorið. Fáist síðar úr því skorið, fyrir þar til bærum úrlausnaraðila, að slík ábyrgð hvíli ekki á Íslandi eða öðrum aðildarríkjum EES-samningsins skal ríkisábyrgð samkvæmt lögum þessum bundin þeim fyrirvara að fram fari viðræður milli Íslands og viðsemjenda þess um áhrif þeirrar niðurstöðu á lánasamningana og skuldbindingar ríkisins.
Ríkisábyrgð samkvæmt lögum þessum miðast við það að um úthlutun eigna við uppgjör Landsbanka Íslands hf., eða þrotabús hans, fari samkvæmt íslenskum lögum eins og þau voru 5. júní 2009, þ.m.t. lögum nr. 2/1993, um Evrópska efnahagssvæðið. Ábyrgðin takmarkast við að Tryggingarsjóður innstæðueigenda og fjárfesta láti á það reyna fyrir þar til bærum úrlausnaraðilum hvort kröfur hans gangi við úthlutun framar öðrum hluta krafna vegna sömu innstæðu. Verði niðurstaðan á þann veg skulu teknar upp viðræður við aðila lánasamninganna um það hvernig farið skuli með eignir úr búi Landsbanka Íslands hf. og áhrif þess á samningana og skuldbindingu Tryggingarsjóðs innstæðueigenda og fjárfesta.
Fari ekki fram viðræður skv. 1. eða 2. mgr. eða leiði þær ekki til niðurstöðu getur Alþingi takmarkað ríkisábyrgð samkvæmt lögum þessum í eðlilegu samræmi við tilefnið.

Brottfall 3. og 4. gr. í þjóðaratkvæði

5. gr. Endurskoðun lánasamninganna.
Ákvörðun um að óska eftir viðræðum um breytingar á lánasamningunum samkvæmt endurskoðunarákvæðum þeirra skal tekin með samþykki Alþingis. Við þá ákvörðun skal m.a. byggt á forsendum ríkisábyrgðarinnar og viðmiðum samkvæmt lögum þessum. Meta skal hvort óska skuli endurskoðunar eigi síðar en 5. október 2015 og skal niðurstaða þess mats lögð fyrir Alþingi fyrir lok þess árs.

Breyting á 5. gr í þjóðaratkvæði:

Til að fylgjast með og meta forsendur fyrir endurskoðun á lánasamningunum, sbr. endurskoðunarákvæði þeirra, skal ríkisstjórnin gera ráðstafanir til þess að Alþjóðagjaldeyrissjóðurinn geri í síðasta lagi fyrir 5. júní 2015 IV. greinar úttekt á stöðu þjóðarbúsins, einkum með tilliti til skuldastöðu og skuldaþols. Að auki verði í úttektinni lagt mat á þær breytingar sem orðið hafa miðað við mat sjóðsins frá 19. nóvember 2008.
Við mat á forsendum til endurskoðunar á samningunum skal einnig tekið tillit til stöðu í þjóðarbúskapnum og ríkisfjármálum á hverjum tíma og mats á horfum í þeim efnum þar sem m.a. verði sérstaklega litið til gjaldeyrismála, gengisþróunar og viðskiptajafnaðar, hagvaxtar og breytinga á landsframleiðslu svo og þróunar fólksfjölda og atvinnuþátttöku.
Ákvörðun um að óska eftir viðræðum um breytingar á lánasamningunum samkvæmt endurskoðunarákvæðum þeirra skal tekin með samþykki Alþingis. Meta skal hvort óska skuli endurskoðunar eigi síðar en 5. október 2015 og skal niðurstaða þess mats lögð fyrir Alþingi fyrir lok þess árs.

Greinar 6-9 í lögunum frá sl. sumri eru óbreyttar og færu því ekki í þjóðaratkvæði.

Mér finnst að við höfum gert okkur nú þegar að nógu miklu athlægi erlendis til að fara nú ekki að setja svona hluti í þjóðaratkvæði, því það breytir engu um kvöð okkar á að greiða þennan ICESAVE-hrylling. Við værum einungis að fresta uppbyggingunni og skaða okkur sjálf enn frekar en orðið er"

 

Athugið að Blá og skáletraða er það sem þarf að kjósa um.

Alveg er ég hjartanlega sammála bréfritara

Undirskriftir gegn Icesave vekja athygli

Ólafur Ragnar á að vera kominn með þetta mál á hreint.

Þessir samningar eru búnir að vera í gangi í 14 mánuði.

3 flokkar hafa komið að þessu máli. 3 stærstu flokkar landsins hafa komið að þessu.

Allir okkar færustu embættismönnum hafa unnið að þessum samningum. Úr mörgum ráðuneytum og seðlabanka.

2 af 10 stærstu lögfræðistofum Breta unnu að þessu máli með okkur

ESB hefur stutt við að við fengum lánakjörin bætt verulega frá fyrstu drögum og samningum.

Bretar og Hollendingar hafa slegið af ýtrustu kröfum sínum um að við greiddum allar innistæður á Icesave niður í eingöngu tryggingarnar

Aðrar lögfræðistofur varaða okkur við hugsanlegum afleiðum þess að þetta færi fyrir dóma. Þ.e. úr 700 milljörðum í 1250 milljarða.

Allar þjóðir sem hafa tjáð sig um þessa samninga segja að okkur beri að borga skv. þeim.

Engin hefur skilning á því sem við höldum fram.

Hér er ekki hægt að bera við að við séum undanþegin vegna kerfishruns því að engir aðrir innistæðueigendur töpuðu innistæðum algjörlega. Og þurftu því ekki að leita í innstæðutryggingarsjóð.

AGS stöðvar endurskoðun sína

Norðurlöndin stoppa greiðslur á sínum lánum þar sem það er skilyrt í samþykktum Þinga þeirra að við séum búin að ganga frá þessu.

Ólafur veit möguleikana á því að Bretar og Hollendingar gefi meira eftir. Og sér í lagi þegar við erum nú þegar búin að gera við þá fullt af samningum sem við viljum svo ekki gangast við.

Ólafur veit að með því að hafna þessum samningum þá væri hann hugsanlega að skapa neyðarástandi innan skamms fyrir þjóðina.

Ólafur hefur eflaust kynnt sér viðhorft Breta og Hollendinga sem þurfa að skýra fyrir fólki og þingum að þau hafi leyft okkur að drolla svona við að ganga frá þessum lánum.

Segir forsetann taka undarlegan pól í hæðina

Heyrðu þetta er ekki bjóðandi!

Heyrði reyndar leiðréttingu á þessu frá Ólafi talsmanni Indefence að það væru 3 stjórnarþingmenn á listanum. En er þetta boðlegt. Nú sitja allir þingmenn stjórnarmeirihlutans undir því að vera þarna á lista. Við vitum reyndar að Ásmundur Davíð ætlaði að rita nafn sitt þarna. En hverjir eru hinir 2?

Ef menn eru að birta upplýsingar um svona þá verða þeir að gefa upp nöfn.

4 stjórnarþingmenn skrifuðu undir

Furðuleg þjóð sem fylgir mönnum í blindni!

Er alvarlega að hugsa um það að þessa þjóð er hægt að spila með eins og ég veit ekki hvað. Þarna fer 20 manna áhugamannahópur. Honum hefur tekist að telja fólk trú um að þjóðin þurfi ekki að borga icesave þó þeir sjálfir hafi viðurkennt að þeir telji að lögin frá því í Ágúst eigi að gilda. Og þau leiða sennilega til þess að við borgum Icesave að fullu 2024.

Þannig að við borgum Icesave hvort sem þessi lög verða feld eða ekki. Reyndar líkur á miklum deilum við Breta og Hollendinga þangað til að við viðurkennum það. En þeir aftur þurfa bara að tilkynna að þeir sætti sig við fyrirvarana og þá taka lögin frá því í Ágúst gildi. En í ágúst sögðu þeir:

""InDefence hópurinn hefur ítrekað bent á galla svokallaðrar fyrirvaraleiðar Alþingis í þessu máli, en hún felur í sér samþykkt ríkisábyrgðar á greiðslum skv. lánasamningunum. Það er álit InDefence að fyrirvaraleiðin sé ekki rétt leið. Hópurinn hefur fram á síðasta dag notað öll tækifæri, fyrir fjárlaganefnd og víðar, til að benda á að þetta sé ekki rétta leiðin til að afgreiða einhliða skuldabréf. Niðurstaða þingmanna var hins vegar fyrirvaraleiðin. Hópurinn taldi í ljósi þess ábyrga afstöðu að reyna að beita sér fyrir því að slíkir fyrirvarar væru sem sterkastir, þannig að með þeim væri samningunum í raun hafnað. Því miður er það ekki raunin."

+Eg hef verið að skoða nokrar af þessum einstaklingum sem eru í Indefence á google. Þarna eru a.m.k. 2 sem eru erfðafræðingar eða frumlífræðingar. Nokkrir kennarar. Talsmaðurinn er menntaður tónlistarmaður. Jú og hinir talsmennirnir eru grunnskólakennari og lögfræðingur. Þetta eru flest fólk sem hefur útskrifast úr skólum fyrir 10 árum eða skemur. 

Og enginn þeirra er með neina reynslu af deilum milli landa eða samningum milli landa. Þeir fara mjög frjálslega með útreikninga og fá allt aðrar niðurstöður en sérfræðingar innlendir og erlendir sem hafa ára og áratuga reynslu af þessum málum. Þeir túlka lög og reglur mjög frjálslega.

Þeir ræddu digurbarkalega um að við ættum ekki að greiða neitt af Icesave fram á sumar en eftir það skiptu þeir hljóðlega um stefnu og segja nú að við eigum að borga skv. fyrirvaraleiðinni sem þeir voru áður búnir að fordæma.

Og þjóðin eltir þessa menn blindandi. Trúir fagurgala þeirra og gerir engar athugsemdir. Einn þeirra sem unnu að þvi að stofna Indefence segir nú.

" Ég hef því nokkrar áhyggjur af málflutningi Indefence hópsins nýlega (er sjálfur dálítið úr tengslum við hópinn þar sem ég er aðalega í Bretlandi). Maður fær það á tilfinninguna að hópurinn sé útibú úr Framsóknarflokknum, sem hann vissulega er (var) ekki. Við megum aldrei gleyma því að bæði íslenskur og breskur almenningur
eru fórnarlömb íslenskra fjárglæframanna. .
”

Kæmi mér ekki á óvart þó margir indefence liðar komi til með að sjást á listum framsóknarflokksins í kosningum sem verða væntanlega í vor ef að Icesave viðaukar verða feldir í þjóðaratkvæðagreiðslu. Því þá verða hér kosningar í vor. Nema að framsókn, Sjálfstæðismenn og Hreyrfingin ásamt hluta Vg taki hér við.

Segir stjórnarþingmennina vera þrjá