Þetta er náttúrulega farið að verða neyðarlegt!

Er það tryggt að okkar færustu sérfræðingar séu að vinna að lausnum fyrir okkur? Manni finnst að stjórnvöld hér ættu að vera meðvituð um stöðu mála. Meira að segja Svíar vilja bíða eftir IMF.

Er þetta ekki svakalegt að stjórnvöld standi vörð um Seðlabanka sem hefur komið okkur í þessi vandræði. Og að Seðlabankastjórar sjái sæng sína ekki útbreidda.

• Halda þessir menn ennþá að þeir séu heppilegastir til að leiða okkur út úr þessari krísu.
• Menn sem virðast hafa vitað um áraraðir að bankarnir voru vaxnir okkur yfir höfuð. Samt gerðu þeir ekkert áþreifanlegt til að koma skikki á bankana.
  
  • Þeir tóku ekki upp bindiskyldu,
  • þeir þvinguðu ekki bankana til að draga úr umfangi. Þeim hefði verið það í lófa lagið með því að neita þeim um þjónustu nema að bankarnir drægju saman seglin.
  • Þeir stóðu á móti því að bankarnir gerðu upp í evrum sem hefði sparað okkur almenning rosalega því þá hefðu þeir ekki tekið stöðu gagnvart krónunni.
  • Þeir héldu uppi háum vöxtum sem drógu að okkur allskonar lið sem fjárfesti í krónu og jöklabréfum, en virkuðu ekkert á verðbólguna sem þeir áttu að gera.
  • Þetta hélt líka upp háu gegni á krónunni sem skapaði þenslu hér.
  • Þeir gerðu ekkert fyrr en allt of seint í að skapa okkur gjaldeyrisforða sem duggði til að verja okkur fyrir svona áföllum. Í fyrra var nær engin gjaldeyrir í varaforða hjá þeim.

Þarna fer líka í forsvari maður sem mótaði þetta fjármálakerfi hér sem virðist hafa gegnið á lánum síðan um árið 2000. Gaf bankana flokksgæðingum og gaf þeim fullkomið frelsi.

Það er kannski ekki skrýtið að engin treysti okkur lengur ef við höfum ekki einu sinni dug til að láta neinn sæta ábyrgð.

Svíar sögðu nei

IceSave - Hvað skuldum við?

Nú er ljóst að þessir reikningar IceSave eru í raun að stoppa alla hugsanlega aðstoð erlendis frá við okkur. Því væri gott að einhver fari nú að segja okkur satt

• Hvað voru innlegg á IceSave mikil í Bretlandi og Hollandi og víðar?
• Hversu mikið var inn í þessum hluta bankana af peningum þegar að þeim var lokað?
• Hvað aðilar eru þeir sem bankinn lánaði þessa peninga?
• Hversu mikið er líklegt að bankinn fái til baka af þeim lánum sem hann notaði þessa peningar í?
• Ef við tækjum lán til að greiða þessa innlegg á IceSave og mundum  ganga hart eftir að innheimta þessi útistandandi lán sem og að vanda sölu á eignum Landsbankans, hversu mikið mundi þá fást til að greiða lánið til baka.?
• Hversu lengi þolum við að neita að semja um þessar skuldir?
• Erum við ekki í raun bundin af yfirlýsingu Geirs um að allar innstæður yrðu varðar. Fyrst að Landbanki flutti þetta fé til Íslands?
• Mundum við sætta okkur við að breskur banki mundi loka á okkar innistæður hér á landi og neita að greiða okkur til baka?

Af hverju er svona vont að fá nokkur svör hér.  Þetta er alveg ótrúlega léleg framistaða hjá öllum sem koma að þessu máli. Menn hljóta að átta sig á því að þetta pukur þeirra endar með því að hér tryllist fólk og það verður blóðug bylting.

Enn vantar 5 milljarða Bandaríkjadala