Borgarastríð í Írak

Var að lesa eftirfarandi á www.visir.is

Vísir, 03. des. 2006 17:48

Það geisar borgarastríð í Írak -Kofi Annan

Framkvæmdastjóri Sameinuðu þjóðanna segir að það geisi borgarastríð í Írak og að Írakar séu verr settir núna en þeir voru undir stjórn Saddams Hussein.

Í viðtali við BBC sjónvarpsstöðina, sem birt verður á morgun, segir Annan að átökin í Líbanon, og víðar hafi verið kölluð borgarastríð og ástandið í Írak sé miklu verra.

Framkvæmdastjórinn telur að hinn almenni íraski borgari hafi haft það betra undir stjórn Saddams Hussein. Víst hafi hann verið hrottalegur einræðisherra, en þeir hafi þó getað gengið um götur sínar. Þeir hafi getað farið út og sent börn sín í skóla án þess að hafa áhyggjur af því hvort þau kæmu aftur.

Lögfræðingar Saddams áfrýja dauðadómi

Hvenær er nóg komið?

Ég hef hér áður talað um skrítna forgangsröðunn í samgöngumálum okkar íslendinga. Það er verið í óða önn að borga í gegnum fjöll hér um allt land nema á SV horninu. Þar hafðist eftir áratugabaráttu að fara í tvöföldum Reykjanesbrautar og fer nú að sjá fyrir endan á því. En Suðurlandsvegur sem er einn af umferðamestu þjóðvegum landsins er búið setja sífellt í salt og ekkert gert. Jú það voru byggð mislæg gatnamót við Þrengslaveg og svo hefur smá hluti verið gerður 2x1. Annarstaðar í heiminum væri þessi vegur löngu orðinn 2x2 og kominn jarðgöng undir Hellisheiði. Það er með ósköpum að það þurfi að kosta mannslíf til að vekja ráðamenn. Og svo segir Vegagerðin að það þurfi ekki 2x2 heldur nægji að gera þetta með hangandi hendi og notast við eins ódýrar bráðabyrgða lausnir og hægt er.

Ég minni þessa karla á að hvergi er eins mikil umferð af vörubílum og þarna því að aðal malarnámur Höfuðborgarinar eru við Þrengslaveg. Þetta margfaldar líkur á framúrakstri og þar af leiðandi slysa hættu. Ég legg til að það verði engin jarðgöng byggð á landinu fyrr en að búið er að tvöfalda Suðurlandsveg til Selfoss og helst að gera göng undir Hellisheiði til að losna við Kambana. Suðulandsvegur eru búinn að taka allt of mörg mannslíf.

Frétt af mbl.is

  Telur að skilja verði að umferð úr gagnstæðum áttum á Suðurlandsvegi
Innlent | mbl.is | 3.12.2006 | 12:43
Rannsóknarnefnd umferðarslysa telur að aðskilja verði umferð úr gagnstæðum áttum á Suðurlandsvegi í ljósi tíðra umferðarslysa þar. Tvennt lést í banaslysi þar í gær hjá Bláfjallaafleggjaranum og fimm voru fluttir á sjúkrahús. R

Skil vel bæjarstjóran í Hveragerði.

Fyrst birt: 03.12.2006 17:58

Síðast uppfært: 03.12.2006 20:00

Suðurlandsveg verður að tvöfalda

Aldís Hafsteinsdóttir, bæjarstjóri í Hveragerði, segir mikla reiði meðal bæjarbúa í kjölfar banaslyssins sem varð á Suðurlandsvegi í gær. Ekki sé hægt að búa við þetta ástand lengur, að vera ekki örugg á leið um Suðurlandsveginn yfir Hellisheiði. Tvöfalda verði veginn milli Reykjavíkur og Selfoss, annað verði ekki liðið af hálfu Sunnlendinga.

Aldís kveðst hafa orðið vör við mjög öflug viðbrögð meðal fólks eftir að slysið varð. Aldís segir að lokun vegasambands milli höfuðborgarsvæðisins og Suðurlands í tvær klukkustundir vegna slyssins auki á reiði fólks.

Telur að skilja verði að umferð úr gagnstæðum áttum á Suðurlandsvegi

Þetta er nú bara sniðugt:

Vísir, 03. des. 2006 10:41

50 milljón brjálaðar bílskúrshurðir

Í Cheyenne fjalli í Kólóradó, í Bandaríkjunum, er stjórnstöð bandaríska flughersins. Þaðan er auðvitað mikið um fjarskipti og meðal annars hefur herinn sérstaka tíðni sem hann notar til þess að láta æðstu embættismenn vita ef eitthvað er í uppsiglingu.

Gallinn er sá að á þessari sömu tíðni eru um 50 milljón bílskúrshurðir. Sem verða alveg brjálaðar þegar flugherinn sendir frá sér einhver skeyti. Opnast og lokast, opnast og lokast, opnast og lokast. Flugherinn er að reyna að finna lausn á vandanum.

Hvað er eiginlega að gerast?

Ég hef nú aldrei skilið hversvegna sumt fólk er að drekka. Menn sem eiga þetta til að rjúka upp í reiði og rugl ættu nú bara að láta það vera að drekka. Það hlýtur að vera leiðinlegt að vakna upp í fangaklefa og vera síðan mynntur á að áður en menn fengur fría gistingu í fangaklefa þá:

• Bitu þeir eyrað af einhverjum í slagsmálum út af engu.
• Stungu einhvern í slagsmálum sem byrjuðu út af litlu sem engu.

Ég held að það sé yfirleitt ljóst að þeir sem ganga vopnaðir ganga með það í maganum að ætla einhvernvegin að nota vopnið. Því finnst mér að árás með t.d. hníf eigi undir nær öllum aðstæðum að meðhöndlast sem tilraun til morðs. Alvarlegar barsmíðar eiga líka að meðhöndlast sem tilraun til morðs. Það á að taka hart á þessum mönnum. Það á ekki að skilorðsbinda dóma þó þetta sé kannski fyrstu brot. Það er oft heppni að fórnalömbin lifa af. Það þarf oft ekki nema eitt högg til að drepa mann.

Frétt af mbl.is

  Eyra bitið af manni í miðborg Reykjavíkur
Innlent | mbl.is | 3.12.2006 | 8:41
Annasamt var hjá lögreglunni í Reykjavík fram eftir nóttu þrátt fyrir að ölvun var mun minni í nótt heldur en aðfararnótt laugardags, samkvæmt upplýsingum frá lögreglu. Talsverður mannfjöldi í miðborginni í nótt. Sex líkamsárásir voru tilkynntar í nótt, flestar minniháttar nema ein en málavextir voru þeir að maður stöðvaði annan í Pósthússtræti til að spyrja til vegar viðskiptum þeirra lauk með áflogum þar sem hluti af eyra spyrilsins var bitið af.

Eyra bitið af manni í miðborg Reykjavíkur

Mér finnst þetta síðasta sort. Ef þetta er algengt þá skilur maður áhugaleysi sumra þingmanna sem bara aldrei sjást. AÐ draga menn í framboð sem hafa bara ekki ætlað sér það. Og um leið að drulla yfir alla þá sem hafa unnið á fullu um áraraðir í flokkunum.

En nú verður Framsókn að tjala öllu til og príða sig fjöðrum þó þær séu kennski svona hálf óekta.

Fréttablaðið, 02. des. 2006 16:00

Simma í Idol boðið öruggt þingsæti

„Ég vil ekkert tjá mig um þetta mál," segir Sigmar Vilhjálmsson, betur þekktur sem grallarinn og spaugarinn Simmi í Idol.

Fréttablaðið hefur fyrir því áreiðanlegar heimildir að Simma hafi verið boðið öruggt þingsæti fyrir næstu kosningar. Simmi hefur látið til sín taka í tengslum við ýmis verkefni fyrir Framsóknarflokkinn í gegnum tíðina;

Chelsea traktórar

Væri þetta ekki sniðugt kerfi hér. Væri hægt að nota tekjurnar til að lækka gjöld á þá sem nota almenningssamgöngur:

Vísir, 02. des. 2006 20:07

Dýrt að fara í vinnuna á Range Rover

Breska samgönguráðuneytið íhugar að hækka gjöld á þá sem aka bílum sínum í höfuðborg landins. Þeir þurfa þegar að borga fyrir að aka í miðborginni, en það gæti hækkað verulega á næstu árum.

Ráðgjafanefnd hefur skilað skýrslu til ráðuneytisins og þar er lagt til að menn verði skattlagðir fyrir að fara á bílum sínum í vinnuna. Skatturinn verði reiknaður bæði út frá vegalengdum og þeim tegundum bíla sem menn ækju.

Dýrast yrði að vera á því sem bretar kalla Chelsea traktórar. Það eru jeppar eins og Range Rover og Porche, sem auðmenn í uppahverfinu Chelsea halda mikið uppá. Ef tillögur ráðgjafanefndarinnar ná fram að ganga gætu upparnir þurfa að borga um 3.500 krónur á dag, fyrir að fara á bílum sínum í vinnuna.

 

Óþolandi að fá hvergi stæði nálægt  fjármálastofnunum þar sem þau eru einmitt full af þessum kerrrum.

Bandaríkin að verða eins og Austur Þýskaland?

Var að lesa eftirfarandi frétt á ruv.is. Ég held að það fari að verða fá ríki sem fylgjast eins mikið með bæði borgurum sínum og gestum eins og USA. Þá hef ég lesið einhverstaðar að hlustunar og hlerunarkerfi þeirra sé því líkt að tölvur sem notaðar eru til að vingsa úr öllu því sem þeir nema, þurfi svipað vatnsmagn og meðal virkjun í kælingu. Þetta fer að minna mann á Austur Þýskaland þegar það stóð sem hæst.

ruv.is

• » Fréttir
• » Frétt
Fyrst birt: 02.12.2006 18:23

Síðast uppfært: 02.12.2006 18:45

BNA: Ferðamenn vaktaðir

Embættismenn í landamæraeftirliti í Bandaríkjunum hafa á undanförnum árum skráð víðtækar upplýsingar um nær alla ferðamenn sem koma og fara frá landinu, þar á meðal bandaríska ríkisborgara.

Þetta kerfi var sett á laggirnar eftir hryðjuverkaárásirnar í september árið 2001 en til þessa hafa fáir vitað af tilvist þess. Það var fréttastofa Associated Press sem sagði frá þessu kerfi á fimmtudaginn. Það kallast á ensku ATS, eða Automated Targeting System. Þessi gagnabanki safnar þannig upplýsingum um nær alla þá sem fara yfir landamæri Bandaríkjanna; t.d. upplýsingum um vegabréf, brottfararstað, greiðslumáta farseðla, ökuferilsskrá, og jafnvel hvernig mat viðkomandi einstaklingur hefur pantað á flugferðum; allir fá nokkurs konar einkunn sem gefur til kynna hættumat.

Þessar upplýsingar eru síðan geymdar í gagnabanka í einni af byggingum heimavarnarráðuneytisins í Virginíu ríki og eru virkar í 40 ár, samkvæmt frétt Associated Press, og það er engin leið fyrir almenning, Bandaríkjamenn eða aðra, að sjá sínar upplýsingar, til dæmis til að fara fram á leiðréttingu. Opinberir aðilar sögðu frá tilvist þessa kerfis í síðasta mánuði í því sem kalla mætti lögbirtingablaðið vestra, en söfnun þessara upplýsinga og einkunnagjöf hefur farið fram undanfarin fjögur ár.

Um 400 miljón manns fara yfir landamæri Bandaríkjanna á hverju ári, þar af tæplega 90 miljónir um flugvelli landsins. Engar upplýsingar liggja fyrir um hvort hryðjuverkamenn hafi náðst með notkun þessa kerfis en í fréttum AP kemur fram að á hverjum degi sé um 45 manns snúið við á landamærum Bandaríkjanna.

Talsmenn samtaka ferðamanna vestra og fulltrúar stofnana sem fjalla um persónuvernd hafa undanfarna daga mótmælt þessari söfnun upplýsinga og sérstaklega því að einstaklingar geti ekki fengið aðgang að upplýsingum um sjálfa sig. Og einn af leiðtogum demókrata í öldungadeild Bandaríkjaþings, Patrick Leahy, sem verður formaður dómsmálanefndar deildarinnar í janúar, hefur lofað auknu eftirliti með þessari starfsemi.

Landsvirkjun ekki hagkvæm fyrir okkur eigendur hennar.

Hef verið að hugsa um það að við sem eigum Landsvirkjun fáum lítinn aðrð af öllum þeim framkvæmdum sem hún stendur í. Við almenningur notum brota brot af allri þeirri orku sem framleidd er og um 90% fer til stóriðju sem skaffar svona 3 til 4000 manns laun. Annar arður af þessum verksmiðjum fer að mestu til útlanda.

En þrátt fyrir allar þessar framkvmdir þá virðist aldrei koma til þess að þeir geti lækkað verðið til okkar. Verksmiðjurnar fá rafmagn sem sveiflast með markaðsverði á hráefnis sem þeir framleiða. EN hjá okkur hækkar bara verðið. Það væri gaman að vita hversu mikið af tekjum Landsvirkjunar kemur frá verksmiðjunum miðað við orku sem þær kaupa og svo hvað okkar hluti er miðað við það magn sem við almenningur og lítil fyrirtæki nýtum. Að minnstakosti finnst mér að ef það er bullandi hagnaður af þessu þá ættum við að njóta þess í lægra verði.

Frétt af mbl.is

  Segir verðhækkanir Landsvirkjunar endurspegla kostnaðarhækkun OR
Innlent | mbl.is | 1.12.2006 | 17:42
Orkuveita Reykjavíkur hefur sent frá sér tilkynningu vegna tilkynningar Landsvirkjunar þar sem dregið er í efa, að 2,4% boðuð hækkun á gjaldskrá OR sé eingöngu vegna vegna 10% hækkunar á raforku í heildsölu frá Landsvirkjun á undangengnum tveimur árum. Segir OR, að verðhækkanir Landsvirkjunar endurspegli ágætlega kostnaðaraukningu, sem orðið hafi á tímabilinu.

Segir verðhækkanir Landsvirkjunar endurspegla kostnaðarhækkun OR

Í tilefni "Rauðanefsdagsins"

Ég mannaði mig upp í kvöld og gerðist "Heimsforeldri". Hafði lengi hugsað mér að gera það en hef ekki komið því í verk hingað til.

Í framhaldi af þessu kvöldi þá fór ég að hugsa um eftirfarandi:

• Ef að þjóðir heims færu nú almennt að taka við sér og færu að takast á við örbirgð þá sem er víða í heiminum, þá væri svo auðvelt að leysa úr þeim hörmungum sem þetta fólk býr við.
• Ef við hugsum um alla þá peninga sem Vestrænarþjóðir eyða í stríðsrekstur þá verður maður hugsi:
• Hvað ef þessum fjárhæðum heði frekar verið eytt í aðstoð við almenning í þessum löndum. Væri það ekki mun virkara til að koma í veg fyrir hryðjuverk gegn vestrænum þjóðum. Með aðstoð og stuðningi við hinn almennaborgara þá mundu skæruliðar missa neistan sem hvetur fólk til að ganga til liðs við þá.
• Ef þessar fjárhæðir færu til t.d. Afríku til að leysa úr menntunarskorti, tæknivæðingu og svo náttúrulega til fæða þau sem svelta, þá yrði ekki lengur um hungursneið að ræða. Þetta gildir náttúrulega um aðra staði í heiminum.
• Ef að þessar fjáhæðir væru notaðar til að draga úr eða eyða skuldum þessara ríkja þá yrðu þær í mun betri stöðu til að verða sjálfbjarga.
• Hvað hefur stríðsrekstur skilað Vesturveldum nú síðustu áratugi nema sífellt fleiri þjóðir og þjóðfélög þar sem Vesturlönd eru hötuð og tengd arðránum og kúgun fyrir þetta fólk sem þarna býr.
• Mundi ekki verða mun friðsælla í heiminum ef að þjóðir sameinuðust um að óháð stjórnvöldum væri það æðsta markmið að tryggja að allir íbúar jarðar byggju við aðstæður þar sem grunn þörfum er fullnægt. Því að stríð og óáran bittnar nær eingöngu á óvopnuðum, saklausum almenning.
• Ef það yrði friðsælla í heiminum yrði ekki eins mikil þörf fyrir vígbúnað - þannig að þetta er sparnaður til lengri tíma.

 

Það er þá eins gott að menn séu ekki að paufast við þetta í myrkinu. Og ég sem er með 10 tumalputta gæti lent í vandræðum. Má varla við fleiri mistökum! Svona "Tæknileg mistök"

Vísir, 01. des. 2006 22:00

Smokkur sem er spreyjað á

Þýskir kynfræðslukennarar áætla að þróa smokk sem verður spreyjað á kynfæri karlmanna og á hann að passa á allar stærðir þeirra. Jan Vinzenz Krause frá þýsku Smokkastofnununni, sem er ráðgefandi aðili um notkun smokka, að varan ætti að hjálpa fólki að lifa einfaldara og öruggara kynlífi.

"Við erum að reyna að þróa hinn fullkomna smokk sem á að passa fullkomnlega á alla karlmenn" sagði hann og tók ennfremur fram "Okkur er full alvara."

Hópur Krause vinnur að því að þróa spreybrúsa sem viðkomandi myndi setja getnaðarlim sinn inn í, þvínæst ýta á hnapp utan á honum og myndi þá smokkurinn spreyjast á.

"Þetta virkar þannig að latexi er spreyjað frá öllum hliðum - við köllum þetta 360° ferlið. Þetta er ekki ósvipað bílaþvotti."