Alcan getur hugsanlega breytt núverandi húsnæði sínu og aukið framleiðslu í 350 þúsund tonn

Heyrði viðtal við Lúðvík bæjarstjóra í Hafnarfirð. Meðal annars koma fram í fréttinni að með því að rífa eldri skála álversins og byggja þar þá skála sem voru hugsaðir sem viðbót þá geti þeir aukið framleiðslu sína upp í a.m.k. 350 þúsund tonn innan núverandir skipulags. Þannig að eftir sem áður getur Alcan stækkað um helming án þess að til þurfi að koma breytinga á skipulagi. Því held ég að það sé langt í að álverið fari.

Held að menn hefðu nú getað sparað stóru orðinn um að álverið mundi hlaupa í burtu og ekkert nema eymd og vesöld biði hafnfirðinga

frétt af www.ruv.is

Fyrst birt: 02.04.2007 19:00

Síðast uppfært: 02.04.2007 19:04

Alcan gæti enn stækkað í Straumsvík

Alcan gæti hæglega stækkað álver sitt í Straumsvík upp í 350.000 tonn, miðað við gildandi deiliskipulag þrátt fyrir niðurstöðu íbúakosningarinnar í Hafnarfirði á laugardaginn. Ekki er hægt að útiloka að þetta verði gert segir bæjarstjórinn.

Hafnfirðingar felldu sem kunnugt er um helgina, deiliskipulagstillögu sem gerði ráð fyrir stækkun álversins í Straumsvík upp í 460.000 tonna framleiðslugetu. Nú er árlega hægt að framleiða 180.000 tonn af áli í Straumsvík í þremur kerskálum. Í tveimur hinna eldri er hægt að framleiða 55.000 tonn í hvorum skála en 70.000 tonn í þeim nýjasta. Tillagan sem kosið var um á laugardaginn gerði ráð fyrir að hægt yrði að reisa tvo nýja kerskála og í hvorum um sig mætti framleiða 140.000 tonn á ári. Samtals stóð því til að tvöfalda framleiðslugetuna, upp í 460.000 tonn. Samtals áttu því skálarnir að verða fimm.

Hins vegar á Alcan enn leik á borði sem er að rífa tvo elstu skálanna, sem samtals framleiða um 110.000 tonn, og reisa í staðinn þá skála sem til stóð að bæta við þar sem samanlögð framleiðslugetan er 240.000 tonn. Þannig gæti því framleiðslugeta álversins í Straumsvík farið upp í 350.000 tonn án þess að samþykkja þurfi nýtt deiliskipulag.  Þegar er fyrirliggjandi starfsleyfi fyrir allt að 460.000 tonna verksmiðju og umhverfismatið liggur líka fyrir þótt kannski þurfi að gera á því lítilsháttar lagfæringar.

Alcan: Niðurstöður kosninganna í Hafnarfirði skoðaðar

Veiðiheimildir og Evrópusambandið

Var að lesa pistil Össurar Skarphéðinssonar í Fréttablaðinu í dag.  Þar er hann að fjalla um skýrslu Evrópunefndarinnar og segir m.a.

Fréttablaðið, 02. apr. 2007 06:00

Ísland færist nær Evrópu

Íslendingar munu ekki tapa aflaheimildum þó þeir gangi í Evrópusambandið. Það er ein merkasta ályktunin sem draga má af ítarlegri skýrslu Evrópunefndar, sem út kom á dögunum.

Í henni kemur skýrt fram að úthlutun aflaheimilda innan sambandsins byggist á sögulegri veiðireynslu sem miðast "við nýlegt tímabil sem gæfi eðlilega mynd af veiðum undanfarin ár." Þar sem ekkert ríkja sambandsins hefur veitt svo neinu nemur í íslenskri landhelgi undanfarna þrjá áratugi þarf því enga undanþágu til að tryggja forræði Íslendinga á veiðum í lögsögu landsins. Þar með er lögð endanlega til hvílu ein þrálátasta röksemd andstæðinga aðildar Íslands að Evrópusambandinu.

Ótvírætt forræði yfir fiskveiðum

Forræði Íslands yfir sjávarauðlindinni við inngöngu í Evrópusambandið var niðurstaða æðstu embættismanna sambandsins á sviði sjávarútvegsmála sem komu fyrir Evrópunefndina. Sumir þeirra voru svo bjartsýnir fyrir okkar hönd að telja að harðsnúnir samningamenn af Íslands hálfu gætu tryggt okkur auknar veiðiheimildir í krafti nýrra fiskveiðisamninga sem sambandið kynni að gera við þriðju ríki, eða gegnum vannýtta samninga sem þegar eru fyrir hendi.

Þetta er athyglisverð niðurstaða og mikilvæg. Andstæðingar aðildar hafa árum saman dregið upp þá mynd, að gengju Íslendingar í sambandið þýddi það innrás erlendra ryksuguskipa inn í landhelgina sem myndu engu eira. Þetta hefur verið harðasta og tilfinningaríkasta röksemdin gegn því að Ísland sækti um aðild. Skýrsla Evrópunefndarinnar hefur afgreitt þá bábilju endanlega út af borðinu.

Athyglisvert.

Smá spurning um álver

Hefur einhver velt því fyrir sér afhverju að þessu erlendu fyrirtæki sækjast eftir því að framleiða ál hér? Nú hefði maður haldið að þeir gætu fengið ódýrt rafmagn t.d. í Suður Ameríku og í Asíu. Og ódýrara vinnuafl í Austur Evrópu. Og sjálfssagt fengið að virkja þar líka. Hér er skv. því sem sagt er margföld laun á við þar sem er annarstaðar.

Maður hlýtur að álykta að það sé vegna þess að hér fá menn rafmagn á útsöluverði sem og að skattar og gjöld sem samið er um séu óvenju hagstætt.

Við verðum að gera þá kröfu að þau álver sem hugsanlega rísa hér í framtíðinni borgi almennilega fyrir orkunna sem og að þau greiði skatta og skyldur eins og önnur fyrirtæki hér á landi. Við megum ekki hugsa þetta sem ráðstafanir til að bjarga atvinnumarkaði eða eitthvað svoleiðis. Við látum þau berjast um orkunna og metum einnig hversu góðar mengunarvarnir þau ætla að nota. En við bíðum með frekari álver þar til að við eru orðin sátt um umhverfisáætlanir, náttúruvernd og virkjanakosti. (jú ég veit að það verða aldrei allir sammála, en aukinn meirihluti væri góður)

Ofsalega er ég þreyttur á þessu tauti í Jóni Sigurðssyni sem heldur áfram þessum söng sínum á www.ruv.is

Fyrst birt: 02.04.2007 08:21

Síðast uppfært: 02.04.2007 09:15

Iðnaðarráðherra hafnar stóriðjustoppi

Jón Sigurðsson iðnaðar- og viðskiptaráðherra segir úrslit kosninganna í Hafnarfirði þar sem stækkun álvers Alcan var hafnað ekki þýða að lokað verði á frekari framkvæmdir um land allt.

"Þjóðin mun ekki kjósa yfir sig afturkipp og atvinnuleysi" segir hann. Hann segir að þó að stækkun álversins í Straumsvík "frestist" - hafi það eitt og sér ekki mikil áhrif á efnahagslífið.Hann hafi hvergi heyrt nema kannski hjá hörðustu afturhaldsöflum að það komi til greina að skrúfa fyrir allar áætlaðar framkvæmdir í landinu hérna hafi einungis verið um að ræða eitt fyrirtæki á einum stað.

Jón segir að íslenska hagkerfið hafi aldrei verið sterkara í sögu þjóðarinnar - margir hafi þó haft áhyggjur af því að framkvæmdir í Straumsvík myndu valda þenslu í efnahags og atvinnulífi. Það hefði þó ekki þurft að verða - en nú sé óvíst hvaða áhrif úrslitin hafi á fjárfestinga- og viðskiptaumhverfið í landinu.

Jón telur úrslitin í Hafnarfirði ekki vera fyrirboða fyrir úrslit alþingiskosninganna.

 

Mikilvægur áfangi í náttúruverndarbaráttunni

Hélt fyrst að þetta væri aprílgabb

Alveg yrði það það rosalegt ef satt reynist að þarna hafi verið brögð í tafli. Finnst það órtrúlegt að að allt að 700 manns hafi flutt lögheimili sitt til Hafnarfjarðar til þess að geta kosið. Þessu hefðu líka Hagur í Hafnarfirði átt að koma á framfæri fyrr. Því þá hefði verið hægt að kæra kjörskránna. Það er ömurlegt ef að úrslitum íbúakosningar yrði hnekkt vegna þess að fólk hafi svindlað sér inn á kjörskrá en líka er spurning hvort það sé eitthvað svindl og kannski bara löglegt. En hef einhverstaðar heyrt að það sé óheimilt að ljúga til um heimilisfestu og lögheimili.

Frétt af mbl.is

  Hagur Hafnarfjarðar segir brögð í tafli
Innlent | mbl.is | 1.4.2007 | 20:15
Samtökin Hagur Hafnarfjarðar segjast hafa um það rökstuddan grun að um 700 manns hafi flutt lögheimili sitt til bæjarins eingöngu til að kjósa gegn stækkun álversins. Haft var eftir Jóhönnu Dalkvist, stjórnarmanni í samtökunum, í fréttum Sjónvarpsins að stjórnin hygðist funda um málið á þriðjudag og ákveða hvort kosningasvik yrðu kærð. ´

Úr frétt á www.visir.is

Hafnfirðingar höfnuðu stækkun álversins í kosningunum í gær en aðeins munaði 88 atkvæðum á stríðandi fylkingum. Að sögn Jóhönnu Dalkvist, framkvæmdarstjóra Hags Hafnarfjarðar leikur grunur á að um að allt að 700 manns hafi skráð sig með lögheimili í Hafnarfirði gagngert til þess að kjósa gegn stækkuninni en samkvæmt reglum kjörstjórnar þá máttu aðeins þeir taka þátt í korningunum sem skráðir voru með lögheimili í Hafnarfirði fyrir 10. mars síðastliðinn.

Hagur Hafnarfjarðar hyggst funda um málið á þriðjudag og þá verður tekin ákvörðun um það hvort krafist verði rannsóknar á því hvort um stórfellt kosningasvindl hafi verið að ræða að hálfu andstæðinga stækkunarinnar.

Hagur Hafnarfjarðar segir brögð í tafli

Jæja nú sýna frjálslyndir sitt rétta andlit.

Nú á að fara að reyna að rugla fólk í rýminu og telja því trú um að ef hingað hefðu ekki komið útlendingar þá værum við með helmingi hærra kaup og allt væri betra. Þeir gleyma því blessaðir mennirnir að ef þessi fjöldi útlendinga hefði ekki komið þá værum við ekki að framkvæma nokkuð þar sem hér er ekki atvinnuleysi. Og það væri engin mannskapur til að borga göng og þessháttar því hann væri staddur á Reyðarfirði á ofurkaupi að vinna að borunum sem lyki þá einhverstaðar um 2010.

Úr frétt Fréttablaðsins

Samtök kvenna af erlendum uppruna íhuga að kæra Viðar Helgi Guðjohnsen, sem skipar fimmta sæti Frjálslyndaflokksins í Reykjavíkurkjördæmi suður, vegna ummæla hans í garðútlendinga á Íslandi.
Ummælin sem um ræðir birtirViðar á heimasíðu sinni undir yfirskriftinni „Ísland fyrir Íslendinga– Um hvað snýst málið.Hvað erum við hjá Frjálslyndumað tala um!“ Á eftir fylgir greinargerðþar sem Viðar rekur hættur og vandamál sem gætu skapastí landinu með fólksflutningum.
Meðal þeirra atriða sem eru nefnd í tengslum við útlendinga eru skipulagðar nauðganir, berklasmit,
hnignun heilbrigðiskerfis, misskipting í samfélaginu og því haldið fram að fjölmenningarsamfélög hafi aldrei virkað.
„Mér finnst þetta ekki of djúpt í árinni tekið,“ segir Viðar um skrif sín. Guðjón Arnar Kristjánsson,
formaður flokksins, vildi ekki tjá sig um málið, sagði það ekki koma sér við.

Frétt af www.visir.is 

Vísir, 01. apr. 2007 10:29

Áhersla frjálslyndra: Hömlur á innflytjendur

Frjálslyndi flokkurinn birtir heilsíðuauglýsingu í Fréttablaðinu í morgun undir yfirskriftinni: Viljum við sitja uppi með sömu vandamál og aðrar þjóðir sem hafa leyft óhindraðan innflutning erlends vinnuafls. Spurt er hver kaup og kjör íslenskra iðnaðar- og byggingaverkamanna verði þegar hægist um á vinnumarkaði. Þá er fullyrt að geta okkar til að kenna öllu því fólki íslensku sem
flyst til landsins sé takmörkuð.

Frjálslyndi flokkurinn, sem lagði aðaláherslu á baráttu gegn kvótakerfinu fyrir síðustu kosningar, virðist því ætla að gera þetta að einu helsta baráttumáli sínu nú, það er að setja hömlur á innflutning erlends vinnuafls til landsins.

Eins las ég eftirfarandi á www.mannlif.is

Frjálslyndir keyra á innflytjendavanda

31 mar. 2007

Forsvarsmenn Frjálsynda flokksins eru nú að hefja auglýsingaherferð þar sem grímulaust er gert út á innflytjendavanda. Þykjast menn þar merka áhrif Jóns Magnússonar, sem leiðir flokkinn í Reykjavíkurkjördæmi suður. Frjálslyndir hafa undanfarið farið halloka í könnunum eftir að hafa mælst með hátt í 15 prósenta fylgi og mælast nú við mörk þess að detta út af þingi. Klofningsframboðið, Íslandshreyfingin, sem stýrt er af Ómari Ragnarssyni og Margréti Sverrisdóttur mælist með svipað fylgi. Augljóst er að Guðjón A. Kristjánsson og félagar hans hyggjast slá margar keilur með því að gera beinlínis út á meintan innflytjendavanda með heilsíðuauglýsingum ...

Brennisteinsvetni nýjasta mengunin í Reykjavík

Var að lesa þessa frétt. Kemur mér á óvart hve miklu munar á viðmiðunarmörkum hér á landi miðað við það sem er í Kaliforníu. En þar eru mörkin um 42 mikrógrömm en hér á landi er miðað við 1500 mikrógrömm. Ef við værum með viðmiðunarmörk eins og í Kaliforníu þá hefði gildi brennisteinsvetni farið 48 sinnum yfri mörkin á einu ári. Enda þegar vindur er að austan og þá finnur maður oft hveralykt hér á Höfuðborgarsvæðinu.  Þetta er náttúrulega eitthvað sem eykst með aukinni nýtingu á háhita við orkuframleiðslu.

Ég vildi gjarnan að við Íslendingar færum að verða duglegri að stunda rannsóknir sjálf á mengun. Mér er t.d. sagt að álverin sjái sjálf um megnið af rannsóknum á mengun frá framleiðslu sinni.  Land sem gefur sig upp fyrir aða vera eitt það hreinasta í heimi verður líka að sjá til þess að hér sé vel fylgst með mengun.

Frétt af mbl.is

  Brennisteinsvetni hefur aukist í andrúmslofti í Reykjavík
Innlent | mbl.is | 1.4.2007 | 0:10
Mælingar Umhverfisstofnunar sýna, að magn brennisteinsvetnis í andrúmslofti á höfuðborgarsvæði hefur aukist frá því í september þegar Hellisheiðarvirkjun var gangsett. Stofnunin segir, að magnið sé hinsvegar langt undir viðmiðunarmörkum þótt gamalkunn hveralykt finnist iðulega í austari hverfum borgarinnar, sérstaklega þegar hægur vindur stendur af austri

Ekki hlustuðu Bandaríkjamenn mikið á svona rök þegar þeir fluttu menn í kippum til Guantanamo

Ferðamenn og ýmsir sem bandaríkin týndu upp í Afganistan og Írak og sendir til Guantanamo og sviptir öllum réttindum. Ég held að það væri betra fyrir Breta að biðja Bandaríkjamenn að skipta sér ekkert að þessu.

Frétt af mbl.is

  Bush segir handtöku 15 breska sjóliða vera óafsakanlega
Erlent | mbl.is | 31.3.2007 | 21:24
George W. Bush, Bandaríkjaforseti, hvatti í kvöld til þess að 15 breskir sjóliðar, sem Íranar handtóku á Persaflóa fyrir rúmri viku, verði látnir lausir. Sagði hann að handtaka bresku hermannanna væri óafsakanleg framkoma af hálfu stjórnvalda í Íran

Bush segir handtöku 15 breska sjóliða vera óafsakanlega

Stefnuskrá Íslandshreyfingarinar eins og snýtt útúr stefnuskrá Samfylkingarinnar

Nú loks er komið líf á heimasíðu Íslandhreyfingarinar. Þar má sjá stefnu flokksins og undir aðgerðaráætlun má sjá svonan helstu slagorð þeirra. Og viti menn þetta hægra framboð eru nú ekki meira til hægri en svo að þau hafa tekið inn í stefnuskrá sína megnið af stefnuskrá Samfylkingarinnar. t.d.

• Skoða á kjörtímabilinu hugsanlega inngöngu í ESB
• Afnema styrkjakerfi í landbúnaði
• Færa málefni fatlaðra með fjármagni til sveitarfélaga
• Eitt atvinnumálaráðuneyti
• Afnema tolla á landbúnaðarvörum
• Ríkisrekið heilbrigðiskerfi sem þó er hægt að fela einkaaðilum að framkvæma ef það er hagstæðara
• Jafnan rétt allra til náms.

Og fullt af öðrum góðum hugmyndum. Það er bara verst að þær eru flestar fengnar úr stefnuskrá Samfylkingarinnar. T.d. kemur jafnaðar og jöfnuður oft fyrir þarna.

En þetta getið þið skoðað hér

Margrét: Stjórnmál 21. aldar snúast um mannauð, hugvit og nýsköpun