Á morgun eru líkur á að komið hafi verið á móts við allar kröfur mótmælenda.

Það verður gaman að sjá hvað þá tekur við. Nú er þetta sennilega að nálgast að vera lífsstíll hjá ákveðnum hópum að mótmæla. Nú á morgun er líklegt að staðan verði svona:

Ég er að velta fyrir mér hvort að mótmælin séu að verða lífstíll. Og þá hvað fólk gerir nú þegar felst 

 

• Reikisstjórn burt! Hún fer og ekki seinna en eftir 100 daga
• Stjórn fjármálaeftirlist burt! Hún er búin að segja af sér og forstjórinn hættir 1 mars.
• Þeir sem áttu bankana eru búnir að missa þá og eiga ekki að hafa áhrif þar lengur
• Davíð verður vonandi settur af á morgun. Sem og bankastjórnin. Jón Sig þegar búinn að ákveða að segja af sér í stjórn. 
• Geir er að hætta 
• Búið að ákveða að auglýsa stöður bankastjóra Landsbanka og Glitnis
• Hafin rannsókn á bankahruninu
• Samfylking búin að lýsa yfir að það verði tekið til í stjórnkerfi sem þýðir að einhverjir fleiri embættismenn fjúka á næstunni.
• Líkur á að Árni Matt verði færður eða segi af sér.

 

Það er spurning hvort að mótmælendum finnst sniðugt að skipta um stjórn núna. Menn hafa talað um utanþingsstjórn og nefnt ýmsa til að leiða hana. Veit ekki? Um þá flesta er það að segja að maður hefur nú ekki séð þá stýra einu eða neinu hvað þá hagsmunum 320 þúsundmanna þjóðar. Það tekur menn örugglega mánuði að komast inn í störfin og þá eru komnar kosningar.  Held að flestir þeir sem nefndir hafa verið ættu kannski frekar heima sem ráðgjafar þá nýrrar stjórnar eða sem fulltrúar á stjórnlagaþingi. 

Munum að ný stjórn þarf að eiga í samskiptum við marga og ólíka aðila innanlands sem utan. Og nú á næstunni reynir mjög á samskipti okkar við erlendar þjóðir.

Held líka að fólk haldi að með nýrri stjórn verði strax hægt að lækka lánin þeirra, skatta og skapa störf. Held  að fólk sé alltaf í einhverjum drauma heimi. Það hafa verið þurrkaðir út úr þessu samfélagi þúsundir milljarðar sem í raun voru aldrei til hér. Og eftir sitjum við með skuldir vegna lána sem bankarnir tóku m.a til að lána okkur. Og þessar skuldir þarf að borga. Og til þess þarf að skera niður.  Og fólk þarf að borga lán sín því annars lendir það öðrum með hærri sköttum. Stjórnvöld eiga að gera fólki það mögulegt með ráðstöfunum en ef láni er aflétt á einum þarf annar að borga meira fyrir vikið.

En það verður gaman að sjá hvað fólk gerir á morgun. 

Mótmælt við Seðlabankann

Af hverju þarf þetta að vera svona flókið?

Geir ætti það að vera fullkunnugt að nær öll heimsbyggðin treystir ekki Davíð.

• Hann er ábyrgur fyrir að setja fjármálakerfinu leikreglur og vera svo grænn að halda að halda að kerfið mundi halda sjálft utan um sín má og gæta að sér.
• Hann seldi bankana í algjörum fljótheitum mönnum sem aldrei höfðu rekið banka. Þeir höfðu efnast á því að sölsa undir sig Sambandsfyrirtæki og með því að fara með gömul bruggtæki til Rússlands.
• Hann hefur sem Seðlabanakstjórn markvisst unnið að því að létta öllum kvöðum á bankana til að aðstoða þá við að þennjast út
• Hann hafði ekki hugsun á því að koma upp voldugum gjaldeyrisvarasjóði hvorki sem forsætisráðherra né sem Seðlabankastjóri.
• Hvernig má það vera að maður með hans reynslu er ekki búinn að segja af sér.

 

Nú verður honum í raun sparkað og síðan verður hann í kennslubókum um allan heim um mann sem setti landið sitt á hausinn. Og sem víti til varnaðar öllum framtiðar seðalbankastjórum um allan heim.

Hefði ekki verið betra fyrir hann að hætta í október og komast hjá þessari niðurlægingu? 

Vonast eftir að Davíð verði látinn víkja

Lögregla ekki hress með Vg og Ögmund

Var að lesa www.vb.is þar segir m.a.

 „Ég lýsti áhyggjum mínum af hagsmunaárekstri er varðar Ögmund Jónasson sem er formaður BSRB og í áberandi hlutverki mótmælenda og framvarðasveit VG.“

Þannig byrjar tölvupóstur sem lögregluvarðstjóri sendi öllum lögreglumönnum landsins í gær og Viðskiptablaðið hefur nú undir höndum en þarna vitnar varðstjórinn í samtal sem hann átti í síma við Snorra Magnússon, formann Landssambands lögreglumanna þá um morguninn.

„Þá þóttu mér ummæli hans undarleg að undanförnu og  hefur ekki legið á liði sínu við að safna sér atkvæðum með að þegja þunnu hljóði er varðar framkomu manna við lögreglu þrátt fyrir að vera formaður BSRB sem við erum aðili að,“ segir jafnframt í tölvupóstinum. 

 

Eins kemur fram í þessari frétt:

 Þá segist varðstjórinn hafa óskað eftir því að framkvæmd yrði könnun meðal allra lögreglumanna og hug þeirra til þess að slíta Landssamband lögreglumanna úr BSRB og „færa þangað sem hagsmunum okkar er frekar borgið,“ segir í tölvupóstinum.

Forsvarsmenn Landssambands lögreglumanna hittu þingmenn VG
Viðskiptablaðið er einnig með undir höndum svar Snorra Magnússonar þar sem hann segist hafa farið á fund Ögmundar Jónassonar til að koma á framfæri við hann, umbúðalaust eins og það er orðað, þeim ábendingum sem til hans hefðu borist.
Þar kemur fram að Ögmundur hafi vísað því á bug að hann hefði ekki tjáð sig um málefni lögreglunnar í þeirri orrahríð sem verið hefur undanfarna daga.
Þá kemur fram að Snorri hafi við annan mann átt fund í kjölfarið með Atla Gíslasyni, þingmanni VG þar sem sömu málefni voru rædd „og framganga einstakra þingmanna m.a. hans og Álfheiðar Ingadóttur í garð lögreglu,“ segir í svari Snorra.
Leiðréttu „vankunnáttu“ Atla Gíslasonar á valdbeitingartækjum

 

Það má nú líka benda á að Ögmundur situr í stjórn Lífeyrissjóðs Starfsmanna Ríkisins var formaður en er nú varaformaður og gaman að vita hvernig peningar lífeyrissjóðsins hafa farið í hruni fjármálastofnana hér.

Sjóðurinn hefur tapa 10 til 20% á þessu hruni. Spurning hvar var fjárfest.

Þannig að ég skil félaga í Lögreglumana félaginu og reyndar fleiri að það sé erfitt að hafa Ögmund báðum megin við borðið og jafnvel allt í kring um borðið. 

 

Steingrímur J: „Dæmigert fyrir ríkisstjórn í upplausn“

Björgvin axlar ábyrgð!

Það er athyglisvert að þeir 2 ráðherrar hingað til sem hafa sagt af sér hér á landi eru báðir jafnaðarmenn.Björgvin er maður af meiru að hafa viðurkennt sína ábyrgð og sagt af sér.

Eins og hann sagði líka þurfa að verða miklar hreinsanir.

Eins þá er athyglisvert að Jón Sigðursson og aðrir í stjórn FME segja af sér um leið og þeir gera starfslokasamning við Jónas Fr Jónsson.

Frábært Björgvin og takk fyrir að leggja þítt af mörkum til að koma á einhverju trausti milli stjórnmála og fólksins í landinu. 

 

[Gleymdi sjálfstæðismönnunum Albert og 2 stykkum af Magnúsum sem hafa sagt af sér] 

Björgvin segir af sér

Væri ekki ágætt að leyfa Vg að spreyta sig fram í maí!

Gæti ekki Samfylking ekki leyft Vg að mynda minnihlutastjórn fram í maí. Það væri hægt að semja um að þeir hreyfðu ekki við IMF láninu og samningum. Nei það er sennilega hættulegt.

Rakst á þetta á www.visir.is 

Hugmyndir um að skila láninu frá Alþjóðagjaldeyrissjóðnum eru mjög hæpnar, að mati Þorvalds Gylfasonar hagfræðiprófessors við Háskóla Íslands. En þessa hugmynd hafa forystumenn Vinstri grænna viðrað að undanförnu.

„Ef láninu yrði skilað að þá væri gengi krónunnar miklu ótryggara og miklu líklegra til þess að falla um skeið þegar byrjað verður að slaka á gjaldeyrishöftunum," segir Þorvaldur. Hann bendir hins vegar á að ekki hafi komið fram hvers konar breytingar Vinstri grænir leggi til á efnahagsáætlun ríkisstjórnarinnar, sem gerð var í samkomulagi við Alþjóðagjaldeyrissjóðinn. Hann geti því ekkert tjáð sig um þann þátt málsins.

Og þetta kom fram á www.ruv.is 

 

Glapræði að hætta við lán frá AGS

Gylfi Zoega hagfræðiprófessor segir það glapræðigagnvart fólkinu í landinu og heimskuleg skilaboð til umheimsins ef hætt yrði við efnahagsáætlun Alþjóðagjaldeyrissjóðsins.

Öryggi landsmanna geti legið við því enginn annar vilji lána þjóðinni peninga. Gylfi lét þessi orð falla í fyrirlestri hjá Nordea-bankanum í Ósló. Hann telur að vantraust á fjármálastofnunum Íslendinga sé nú einn helsti vandi þeirra innanlands og utan. Gylfi sagðist í fyrirlestri sínum telja að aðgerðaáætlun Alþjóðagjaldeyrissjóðsins hefði þegar skilað árangri. Hann varaði jafnframt sterklega við því að samvinnu við Gjaldeyrissjóðinn yrði hætt.

 Þetta er nú það sem Vg hafa verið að bjóða. Þarna tala 2 af þeim hagfræðingum sem fólk hefur verið að nefna að ættu jafnvel að vera í utanþingstjórn.

Þó ég geti fallist á margt sem Vg hefur fram að færa eins og varðandi náttúruvernd, varðandi kvótamál, og áherslur á lítil og meðalstór fyrirtæki þá mundi ég ekki treysta þeim einum og óstuddum til valda. Og vandamál Samfylkingar  við að mynda með þeim stjórn næstu 100 daga fram að kosningum væri það að fólk yrði held ég fyrir ofboðslegum vonbrigðum með árangur þessa stutta tíma. Fólk er búið að gera sér svo miklar vonir. Margir gera sér grein fyrir að skuldirnar okkar hverfa ekki og við verðum að skera niður en aðrir halda að ný stjórn reddi þessu í hvelli. Margir halda það að breytingar á stjórnarskrá sé bara eitthvað sem hægt er að redda á nokkrum dögum. Svo er ekki. Það þarf eflaust ár það minnst til að koma með stjórnaskrá sem stenst allar þær kröfur sem þarf að gera til hennar. Og svo þarf að kjósa um hana tvisvar og rjúfa þing á milli. Margir halda að við getum aflétt af þeim skuldum eða lækkað þær verulega. En margir vita líka að skuldir hverfa ekki heldur þarf þá ríkið að greiða þær og þarf með þarf að hækka skatta eða auka enn á niðurskurð. Veit ekki hversu erfitt er að breyta vertryggingu en því verður varla lokið á skömmum tíma. 

Þannig held ég að hver sem verður við stjórn næstu mánuði eigi eftir að upplifa að almenningur verðu vonsvikinn. Spurning um hvort að núverandi flokkar eða einhverjir aðrir græði á að vera í stjórn þennan tíma.

Nema að því leiti að mig minnir að þegar við sömdum um IMF lánið þá var talað um að jafnvel í mars gætu stýrivextir farið að lækka.

Meiri biðlund á landsbyggðinni

Það eru fleiri en Össur sem fara hamförum á kvöldin og nóttinni á blogginu sínu.

Held að hann hafi kallað á sig hafsjó af bloggum núna! Dómsmálaráðherra ætti nú kannski ekki að vera að ögra fólk nú í miðjum mótmælafasa.

Segir þingmenn VG hafa veist að lögreglu

Vg stærsti flokkur landsins í skoðanakönnunum - Hvaða lausnir býður hann nú?

Nú þegar að 32% þjóðarinnar segir að þau mundur kjósa Vg er allt í lagi að fara að velta fyrir sér hvaða lausnir hann bíður fólki í þessu hruni sem við höfum orðið fyrir síðasta misseri.

• Samningur við Alþjóðagjaldeyrissjóðinn IMF:Steingrímur og Ögmundur fóru hamförum þegar að samningur var gerður við AGS. Þeir hafa m.a. sagt að í samningnum felist að að við missum yfirráð yfir auðlyndum okkar og getum aldrei greitt þetta. En skv. því sem mér skilst er meiningin að nota þessa peninga ekki heldur geyma þá í gjaldeyrisvarasjóð og þar eru þeir á vöxtum.  En hvað vildi Vg þá gera? Það hafa þeir aldrei sagt. Þeir vita eins og aðrir að enginn var tilbúinn að lána okkur nema að við værum í samstarfi við AGS? En hvaða lausnir hefur Steingrímur? Hann sem er á móti pukri bauðst reyndar til að fara leyniferð til Noregs og reyna að fá þá til að aðstoða okkur. En hann vissi að Norðmenn eins og aðrir vildu fá áætlun frá AGS áður en þeir skoðuðu það.
• IceSave: Vg vill að við skrifum ekki undir samninga um lámarksábyrgð á IceSave reikningum. Heldur láta þetta fara fyrir dóm. Vg veit væntanlega að þar með mundi milliríkjadeila okkar við Breta og Holland magnast aftur og þeir mundu beita sér og ESB gegn okkur. Loka á viðskipti sem og setja allar skorður aftur á gjaldeyrisviðskipti við okkur.
• Þeir vilja auka útgjöld töluvert í viðbót á fjárlögum en tala ekkert um hvernig við vinnum okkur út úr skuldum.
• Framtíðarsýn: Ég hef ekkert heyrt frá þeim um hvernig þeir sjá fyrir sér að best sé fyrir Ísland að koma sér út úr þessari kreppu.
  • Þeir vilja ekki ganga í ESB
  • Þeir vilja ekki taka upp evru
  • Þeir vilja breyta EES samningi okkar yfir í tvíhliða samning við ESB. Eins og ESB séu ólmir í það.
  • Þeir hafa nefnt myndsamstarf við Noreg. En ég get ekki séð að Noregur sem er nú ekki risa myntsvæði geti tekið áhættu á að fara í slíkt samstarf. Enda benti Norski Seðlabankastjóri á að það þjónaði ekki hagsmunum okkar.
• Hvaða hugmyndir hafa þeir varðandi lausnir sem auka atvinnutækifæri núna? Ekki í framtíðinni heldur næstu 2 ár. Til að vinna gegn atvinnuleysi.

Þannig að ég er að velta fyrir mér þegar fólk segist ætla að kjósa Vg hvað það horfir til hjá þeim annað en að þeir hafa ekki verið í stjórn áður.

Fylgi VG mælist rúmlega 32%

Skemmdarverk á vefsíðu Nýs lýðveldis

Ömurlegt  af vsir.is

Skemmdarverk á vefsíðu Nýs lýðveldis

Ólína Þorvarðardóttir.

Skemmdarverk hafa verið unnið á nýstofnaðri síðu Nýs lýðveldis þar sem skorað er á forseta og Alþingi að hlutast til um myndun utanþingsstjórnar og boðun stjórnlagaþings, að fram kemur í tilkynningu frá Ólínu Þorvarðardóttur sem er einn af forsvarsmönnum Nýs lýðveldis. Aðstandendur síðunnar hugleiða nú stöðuna og munu snúa sér með málið til lögreglu.

Í morgun höfðu rúmlega þrjú þúsund undirskriftir borist á síðuna en hún hafði þá verið opin í rúman sólarhring. Um svipað leyti urðu aðstandendur síðunnar varir við að eitthvað undarlegt var á seyði, því birtum undirskriftum fór fækkandi. Nú sýnir talingin 0.

,,Það er sorglegt að svona skuli komið fyrir umræðu og tjáningarfrelsi í landinu á þessum erfiðu tímum; að einhver skuli leggja á sig að eyðileggja frjálsan, opinn, umræðuvettvang til þess að þagga niður þessa eðlilegu kröfu. Það mun ekki takast," segir Ólína.

Talsverðan tíma tekur að undirbúa kosningar

Krónan dáin - Framtíð okkar í ESB

Þessi frétt er í raun grafalvarleg. Það vilja nær engir lána okkur vegna þess að þeir eru brendir af bankahruninu hér. Og nú eru þeir að horfa í stjórnmálaástandið hér og óróleikan. Þeir segja að stjórnarskipti breyti engu hér um.

Alþjóðleg matsfyrirtæki lækkuðu lánshæfiseinkunn íslenska ríkisins verulega á síðasta ári. Haft er eftir Michael Ganske, sérfræðingi hjá Commerzbank, að veikindi íslenska forsætisráðherrans og nýjar kosningar bæti ekki úr skák. Og þótt ekki sé hægt að segja að íslenska ríkisstjórnin hafi verið sérlega farsæl muni þessir atburðir enn auka á óstöðugleikann.

Eina sem við gætum gert væri að sækja um aðild að ESB og upptöku evru. Sbr.

Kenneth Orchard, sérfræðingur hjá matsfyrirtækinu Moody´s, segir að fylgst verði grannt með stöðu mála á Íslandi næstu mánuðina. Nauðsynlegt sé að þar komist á stöðugleiki þannig að stjórnvöld geti slakað á þeim höftum, sem sett hafi verið á gjaldeyrisviðskipti og peningamál.

Moody's segir, að fyrirtækið myndi líta á tilraunir Íslendinga til að ganga í Evrópusambandið jákvæðum augum en stjórnmálaþróunin á Íslandi væri þó minna áhyggjuefni. 

 

Stjórnarskipti breyta engu

Kerfið hefði hrunið hvað sem við gerðum!

Samkvæmt þessari frægu skýrslu Willem H. Buiter og Anne Sibert gerðu og var víst stungið undir stól hefði bankakerfið hér sennilega aldrei lifað af. Og eini raunhæfi möguleiki okkar þegar hún var gerð var að flytja alla banka erlendis. Og samkvæmt skýrslunni átti mönnum að vera þetta ljóst þegar bankarnir voru einkavæddir og þeir fóru að alþjóðavæðast. Bankar sem ætluðu sér að sækja á markaði erlendis gátu ekki gengið í svona litlu penigakerfi eins og hér var.

 ......nýjum inngangi í skýrslunni, sem birtur var á netinu, stendur að Ísland hefði ekki átt að stofna til alþjóðabankakerfis án evrunnar. Það hefði verið ljóst í júlí 2008, rétt eins og í apríl og janúar sama ár. Það hefði átt að vera ljóst árið 2006, sem og 2004 og 2000.

Þau segja í skýrslunni að það hefði skipt sköpum ef við hefðum verið með Evru. Og samkvæmt þessari greiningu þeirra sem lesin er út úr þessu glærum hefðum ósköp lítið getað gert þegar hún birtist.

• Hugsanlega farið í að safna gríðarlegum gjaldeyrisforða. Þá held ég að almenningur hefði nú orðið brjálaður út af öllum lántökunum.
• Jú selt eða flutt bankana úr landi. Þá held ég að allir hefðu orðið brjálaðir.  Og þetta túlkað sem greiði við eigendur til að losna við skatta hér

Hefðum betur verið búin að ganga í ESB fyrir löngu! Og eins að vanda okkur betur við sölu bankana. En það er einmitt flokkurinn sem nú ríkur upp í vinsældum sem stóð fyrir því ásamt Davíð. Þræðir Davíðs liggja um allt þetta hrun okkar og hann verður að víkja.

Samfylkin kemur að þessu á þeim tíma sem fátt virðist mögulegt til bjargar. Við vitum að Geir, Ingibjörg og Davíð fóru um allt til að afla gjaldeyris en það gekk ekki. Davíð hafði reyndar man ég neitað nokkrum lánum af því honum líkuðu ekki kjörinn. En mér finnst Samfylkingin dæmd of hart fyrir sinn þátt í þessu.

Hrunið óumflýjanlegt