54% Vestmanneyinga telja Árna Johnsen hæfastann til að stjórna Íslandi

Var að kýkja á þessa könnun og það sem vekur athygli mína er að 54% Vestmanneyinga telur að Árni Johnsen sé hæfastur til að stjórn hér á landi!

D og S listi stærstir

Já takk!

Auðvita er þetta rétt hjá Jóhönnu. Það á að hefja ESB viðræður strax eftir kosningar. Það á ekki að leyfa einhverjum afdalamönnum hér að halda utan við samfélag Evrópu þjóða. Ef þessi afturhalds öfl fá að ráða verða engar breytingar á stöðumála hér.

Við verðum í höftum með ónýtan gjaldmiðil eftir nokkur misseri og þurfum í stað krónunnar að fara að nota skömmtunarseðla þar að það verður takamarkað sem við getum flutt inn. Allur okkar gjaldeyrir fer fljótt í afborganir af þeim lánum sem við erum nú með og erum að taka og engin vill lána okkur til að endurfjármagna lán t.d. orkufyrirtækja. Því tætum við upp gjaldeyrisforðann og þá eigum við ekki neinn gjaldeyrir nema það sem við fáum fyrir útflutning okkar og það nægir aðeins fyrir brýnum nauðsynjum eins og hveiti og sykri. Og það verður skammtað líka verður olía og bensín skammtað og í raun flest sem við þurfum að kaupa að utan.

ESB-viðræður í júní?

Nú eru sjálfstæðismenn farnir að örvænta

Björn Bjarnason er alveg ótrúlegur í þessari grein. Hann er að reyna að plata þann stóra hóp sem hefur yfirgefið Sjálfstæðisflokkinn inn aftur í flokk sem var að hafna ESB. Nú eiga menn að koma í flokkinn og berjast við Björn og Co til að breyta stefnu flokksins sem hann var að samþykkja.

Hann leyfir sér að kenna Ingibjörgu Sólrúnu um andstöðu Sjálfstæðismanna við ESB. Held að menn séu nú ekki í lagi! Er hann að halda því fram að Ingibjörg Sólrún ráði því hvað Sjálfstæðismenn telji best fyrir þjóðina?

ESB-aðildarsinnar urðu undir á landsfundi Sjálfstæðisflokksins. Það auðveldaði okkur andstæðingum aðildar róðurinn á fundinum, hve ögrandi Ingibjörg Sólrún Gísladóttir, þáverandi formaður Samfylkingarinnar, hélt á Evrópumálum gagnvart sjálfstæðismönnum.

Ég get ekki lesið annað út úr þessu. Þetta eru nú auma liðið í þessum FLokk ef að andúð þeirra á ákveðinni manneskju ákveður hvaða skoðun þeir hafa varðandi framtíð Íslands 

 

Engin ESB-aðild án atbeina Sjálfstæðisflokks

Kosningabarátta - Góðir hlutir og slæmir

Framsókn má eiga það að þeir eru frumlegir í kosningabaráttu sinni. Þeir fara mikinn í að kynna 20% leiðina sína og svo t.d. þetta með alþjóðaveislu.

Eins var frumlegt að sjá Þráinn Bertelsson upp á kassa fyrir Borgarahreyfinguna. Þá má segja að Vg hafi verið heiðarleg í sinni baráttu. Ástþór sjálfum sér líkur í sinni. Frjálslindir gera mikið úr könnun þar sem að þeir sem tóku afstöðu voru 251 og rúmlega 9% þeirra ætla að kjósa Adda Kidda Gau.

En sjálfstæðismenn fara aftur þá leið að snúa út úr öllu sem aðrir segja, færa það í stílinn og helst ljúga upp á fólk.

Þar á ég t.d. við auglýsingu þeirra um skattahækkanir sem þeir segja að Vg og Samfylking hafi lagt til en þau kannast ekki við það. Síðan kaupa þeir heilsíðu auglýsingu þar sem þeir hræða fólk með þessu. Þar fara þeir frjálslega með hvernig þeir stilla upp tölum. Blanda ýmist saman mánaðarlaunum og skattgreiðslum á ársgrundvelli. Silja Bára fer ágætlega yfir það hér
reiknings- og kosningakúnstir

Þá eru þeir búnir að koma sér upp síðum sem eru órekjanlegar þar sem ráðist er að þingmönnum Vg. Sú síða er kölluð http://aha-hopurinn.com/

Eins má sjá auglýsingar þar sem þeir boða að Vg og Samfylking séu að koma í veg fyrir álver í Helguvík og á Bakka og segja að þar megi skapa 6000 störf. Bæði er ljót að ljúga því að fólki að þessar framkvæmdir séu að fara af stað nú. Það er ljóst að orkufyrirtækin og álfyrirtækin eru eins og önnur fyrirtæki hér í vandræðum með að fá lán. Og ég held að menn verði að átta sig á að lánadrottnar eru ekki tilbúnir að lána þær gríðarlegu upphæðir sem þarf til lands sem er hér með ónýtan gjaldmiðil, álverð í sögulegu lágmarki og orkufyrirtækin eiga erfitt með að endurfjármagna sig. Helguvík er nú þegar komin með öll leyfi og ríkisstjórn hefur leyfi til að semja vð þá en ég held að það verði engin 3000 störf sem koma þar næstu misseri. Og það er nefnilega það sem þeir gleyma að segja fólki. Þeir tala eins og þetta gæti gerst strax eftir kosningar.

Svo má ekki gleyma nýjast útspili þeirra með að við gætum tekið upp Evru með aðstoð Alþjóðagjaldeyrissjóðsins.

Það sýnir sig að þegar Sjálfstæðismenn eru komnir frá völdum þá er þetta flokkur sem hefur lítið annað til að bera en smjörklípur, hagsmunagæslu og klíkuskap en ekkert annað.

 

 

Kosningakjötsúpa

Rétt og rangt um Evrópusambandið

Bendi fólki á að lesa þessa samantekt um ESB þar sem tekið er á öllum hræðsluáróðri sem andstæðingar ESB hafa haldið að þjóðinni:

Þar stendur m.a.

Þetta er sagt:

Ísland missir fullveldi sitt við aðild að ESB.

 Rétt er:

ESB er samband fullvalda og sjálfstæðra þjóða, sem hafa ákveðið að deila hluta af fullveldi sínu í sameiginlegum stofnunum til að skapa öllum innan sambandsins sama rétt við atvinnu og í viðskiptum. Í slíku framsali felst ekki missir fullveldis þegar rétt er á málum haldið, heldur víðtækari réttur. Dani eða Breta virðist ekki skorta fullveldi eftir rúman aldarþriðjung í ESB. Svíar eða Finnar eru engar nýlenduþjóðir. Ýmislegt annað alþjóðlegt samstarf felur í sér svipað framsal fullveldis, svo sem aðild að mannréttindasáttmálum. Aðild Íslendinga að slíkum samningum hefur ekki reynst óheillaspor.

Aðild að Evrópusambandinu fæli raunar í sér frekara fullveldi Íslands en núverandi staða lýðveldisins í EES-samstarfinu. Nú þurfa Íslendingar að taka upp um þrjá fjórðu hluta af efnisreglum ESB-réttar án þess að hafa nokkur formleg áhrif á ákvarðanatökuna. Með aðild getum við haft áhrif á allar slíkar reglur, og reynslan sýnir að smáar þjóðir hafa veruleg áhrif innan ESB þar sem þær kjósa að beita sér af fullum þrótti.

Og eins t.d. þetta:

Þetta er sagt:

ESB mun úthluta kvóta í íslenskri lögsögu eftir eigin kerfi

Rétt er:
ESB hefur engin afskipti af kvótakerfum aðildarríkjanna, svo framanlega sem ekki er mismunað á grundvelli þjóðernis. Sum aðildarríki hafa framseljanlegar aflaheimildir önnur ekki. Íslensk stjórnvöld munu áfram úthluta kvóta eftir því kerfi sem Alþingi og ríkisstjórn ákveður.

 

Þetta er sagt:

Eftirlit á miðunum mun versna, þar sem eftirliti hjá ESB er ábótavant

Rétt er:
Eftirlit er á ábyrgð strandríkja í ESB, sem þýðir að íslenska landhelgisgæslan mun áfram bera ábyrgð á eftirliti á miðunum. Hlutverk ESB er einungis að tryggja að eftirlitið uppfylli lágmarkskröfur ESB.

 Bábiljum sem svarað er eru hér fyrir neðan.. Smellið á þær og hættið svo að bulla um þetta vonda ESB sem ætli að stela auðlindum okkar. Sjáið þið það ekki fyrir ykkur að einhver komi hér og styngi raforkuverunum í vasann og fari með það heim. En með því að smella á viðeigandi tengil þá fáið þið svör við þessu.

• Rétt og rangt um Evrópusambandið
• Ísland missir fullveldi sitt við aðild að ESB.
• Það er ekki hægt að segja sig úr ESB. Þar er engin útleið ef þjóðin ákveður aðild.
• Atvinnuleysi stóreykst á Íslandi ef við göngum í ESB.
• Það tekur óratíma að fá evruna, það borgar sig ekki að ganga í ESB til þess að sitja svo bara og bíða.
• ESB er lokaður klúbbur ríkra þjóða. Þær verja sig með háum tollamúr og er slétt sama um fátæku löndin í heiminum.
• Við inngöngu Íslands í ESB fyllist hér allt af spænskum togurum og öðrum ESB-flota sem mundu þurrausa miðin okkar á skömmum tíma.
• ESB mun úthluta kvóta í íslenskri lögsögu eftir eigin kerfi
• Eftirlit á miðunum mun versna, þar sem eftirliti hjá ESB er ábótavant
• Verði Ísland aðildarþjóð ESB kaupa erlend fyrirtæki upp íslensk sjávarútvegsfyrirtæki og flytja verðmætin beint út.
• Við inngöngu Íslands í ESB mundi íslenskur landbúnaður líða undir lok.
• Erlend stórfyrirtæki mundu sölsa undir sig orkuauðlindirnar ef við gengjum í ESB.
• ESB-aðild hindrar viðskipti Íslendinga við ríki utan sambandsins.
• Þetta er sagt: Evran er fín fyrir okkur. Við eigum bara að taka hana strax upp sjálf, og sleppa öllum umsóknum og þrasi.
• Innflytjendum og útlendingum á Íslandi fjölgar við ESB-aðild.
• ESB hefur óstöðvandi staðlaáráttu og vill staðla allt mögulegt, meðal annars bogann á agúrkum.
• ESB er ógurlegt skriffinnskubákn með óteljandi starfsmönnum og risasjóðum.

Evruvextir fara ekki í núllið

Gleymdi Ástþór að ýta á "refresh"

Ég get nú ekki betur séð en að þarna sé tengill á Lýðræðishreyfingunna og þarna eru listarnir líka en ruv.is var í vandræðum með þá þar sem að efstu menn eru ekki tilgreindir þar. Og aðeins eru birtir 10 efstu af hverjum lista. Því eru þarna fyrir lýðræðishreyfingu aðeins 10 fremstu í stafrófsröðinni.

 

Kallaði lögreglu að Útvarpshúsinu

Hvað eru menn að fara með þessu?

Fyrir nokkru var það upptaka Norskrar krónu en Norðmenn vildu ekki sjá það!

Og lengi verið talað um upptöku Dollars einhliða. En margir bent á að það skapi gríðarleg vandræði þar sem að við yrðum þá að kaupa alla þá Dollara sem við þyrftum og eins til að eiga sem bakhjarl fyrir allar þær innistæður sem eru hér í bönkum. Og þetta sé ekki framkvæmalegt hjá þjóð sem ekki færi lán nema á okurvöxtum.
Bendi líka á vandræðin sem Ekvador er komið í núna þegar að olíuhagnaður þeirra dregst saman þá geta þeir  ekki keypt nóg af dollurum til að borga af lánum og innflutningi.

Nú grípa menn í að horft til að Alþjóðagjaldeyrissjóðurinn stingur upp á að nokkur Austur Evrópuríki taki upp ESB einhliða. EN menn gleyma því að þau lönd sem umræðir eru öll í ESB nú þegar.

Algjörleg út í hött hjá sjálfstæðismönnum að halda að AGS geti stutt okkur til að taka upp Evru. Hverskonar stuðning eru menn að tala um? Menn hljóta að gera sér grein fyrir að við verðum í alveg sömu stöðu og með Dollar þar sem við verðum ekki í samstarfi við Evrópubankann þó að AGS styðji það.

Þetta er með því mesta bulli sem ég hef heyrt.

Vilja upptöku evru í samvinnu við AGS

Jæja þá er einu færra að hafa áhyggjur af.

Gamla Kaupþing getur gert þessa reikninga upp.

Ég hinsvegar er að velta fyrir mér með IceSave og því sem Jóhanna sagði varðandi lán og vaxtagreiðslur af þeim næstu árin.

Vantar ekki inn í þessa hugsun aðeins. Ef að eignir gamla Landsbanka eru lánasöfn sem á að passa að selja ekki strax á brunaútsölu. Þá hlýtur að eiga að halda þeim virkum. Er þá ekki rétt hjá mér að það hljóta að verða tekjur af þeim á þeim tíma sem við eigum þau?  Þ.e. að það verður borgað af þeim eða aðrar eignir teknar upp í skuldir þarna erlendis?

 

Eignir Kaupþings duga fyrir Edge

Sjálfstæðismenn skammist ykkar

Ég krefst þess að þeir sem ætluðu að kjósa Sjálfstæðisflokkinn af gömlum vana, endurskoði hug sinn og kjósi einhvern annan flokk. Ég sting upp á Borgarhreyfingunni eða framsókn fyrir þá sem ekki vilja kjósa vinstra megin við miðjuna.

Sjálfstæðismenn hafa sýnt sig nú sem flokk sem treystir ekki þjóðinni og ver hagsmuni útgerðamanna og annarra þó að hagsmunir þjóðarinnar séu fótum troðnir í í kjölfarið. 

Ofbeldi og skemmdarverk

Til athugunar fyrir Steingrím og aðra ESB andstæðinga!

Tvær greinar sem ég hef rekist á í dag sem ættu að ýta við andstæðingum aðildarviðræðna við ESB. Báðar spá því að ef við gerum ekkert í málinu þá sé líkur á öðru hruni fljótlega!

Á www.eyjan.is er vitnað í grein sem Sigurður Már Jónsson, aðstoðarritstjóri Viðskiptablaðsins skrifar og segir m.a.

„Undirritaður hefur fyrir því heimildir að það sé góður möguleiki á því að semja við Seðlabanka Evrópu á grundvelli aðildarumsóknar strax núna í sumar. Það væri þá samningur sem fæli í sér að Seðlabanki Evrópu myndi styðja við krónuna sem við núverandi aðstæður gæti orðið eina björgun hennar. Það byggist á því að í EES-samningnum er innifalinn svokallaður neyðarréttur sem ekki hefur reynt á ennþá. Ef hann fæst nýttur þá gæti komið þar sá bakstuðningur sem krónan þarfnast svo sárlega,“ segir Sigurður í pistlinum.

Hann segir íslenskt efnahagslíf ekki þola gengisvísitölu langt yfir 200 stigum í langan tíma, og þjóðargjaldþrot sé yfirvofandi. Hann segir að fjármálaleg einangrun blasi við landinu, sem sé augljóslega stórhættuleg staða. Hann segir undarlega lítið fjallað um þessa hættu og líkir því við þá litlu umfjöllun sem hættuleg staða bankanna fékk í fyrra.

Sigurður segir að ef þessi möguleiki sé ekki nýttur sé verið að kalla yfir þjóðina nýjar hörmungar. “Við þolum ekki fleiri áföll í líkingu við það sem átti sér stað síðasta haust,”

Greinin hans Sigurðar heitir: " Verður Ísland gjaldþrota á kjördag"

Og í henni tala hann líka um:

.......haldi gengi krónunnar áfram að þróast með sama hætti og undanfarið bendi margt til þess að landið verði orðið gjaldþrota á sjálfan kjördag. Sigurður segir að varla verði séð að annað geti orðið okkur til bjargar en að sækja um ESB aðild.

Og svo er rétt að vitna í grein  Benedikts Jóhannessonar framkvæmdastjóra og ritstjória Vísbendingar, vikurits um efnahagsmál, sem sagð í grein í mogganum í gær:

Annað stóráfall er framundan á Íslandi verði ekki sótt um aðild að Evrópusambandinu. Þjóðin verður þá um langa framtíð föst í fátæktargildru.

Og síðan segir í frétt www.eyjan.is af þessu máli þ.e. greininni hans Benedikst:

Benedikt spyr hvað gerist ef þjóðin sæki ekki um aðild að Evrópusambandinu. Hann svarar sjálfur:

1. Stórfyrirtæki flytja höfuðstöðvar sínar úr landi
2. Útlendingar þora ekki að fjárfesta á Íslandi
3. Fáir vilja lána Íslendingum peninga
4. Þeir sem vilja lána þjóðinni gera það gegn okurvöxtum
5. Atvinnuleysi, vaxtaokur og gjaldþrot verða viðvarandi
6. Þjóðin missir af Evrópulestinni næstu tíu ár
7. Íslendingar verða áfram fátæk þjóð í hafti

Benedikt segir að þeir sem hafni nú Evrópusambandsaðild hafi ekki bent á neina aðra leið úr rústum bankahrunsins.Eina úrræði þjóðarinnar sé að taka málin í sínar hendur og krefjast þess að stjórnmálamenn setji málið á dagskrá.

Hafa ekki leyst ágreining um ESB