Um þetta mál er bara ekki hægt að tjá sig í dag

Því er ég kominn í tímbundið bloggfrí á meðan ég hugsa málið

PS og móðir mín sagði upp Mogganum í dag eftir 45 ára áskrift á hennar heimili

Davíð og Haraldur ritstjórar

Bara svona að velta fyrir mér!

Ef maður les fjölmiðla og net nú um stundir gæti manni skilist að hér á landi væri einskonar Sovét. Það eru allir að bíða eftir því að ríkið komi með lausnir á öllum vandamálum ! Nú kemur fram í þessari frétt að 70% af fyrirtækjum séu með erlend lán og allir séu að missa móðinn! Nú spyr ég svona í framhjáhlaupi: Eru fyrirtæki í verslun og þjónustu kannski of mörg? Minni á allar þær gríðarlegu byggingar sem hafa sprottið upp hér um allt höfuðborgarsvæðið síðustu ár. Það hafa margir vellt því fyrir sér hvað öll þessi fyrirtæki eru að gera. Hvað hafa þau að gera við alla þessa milljónir fermetra sem fara undir skrifstofur og verslun þegar við erum bara um 300 þúsund. Og hversvegna eru þau að eyða milljónum og milljörðum í rándýrt húsnæði sem er miklu stærra en þau þurfa og taka svo allt að láni?

Hvernig væri nú að fyrirtæki og fólk reyndi nú líka að bjarga sér sjálf. Það þarf jú að styrkja gegnið það vita allir en hér liggja ekki peningar á lausu til að gera það og eins þá er holt fyrir þessa menn að muna að ríkið er ekki eitthvað fyrirtæki sem einhverjir aðrir eiga. Við erum ríkið og allar tekjur þess eru frá okkur komin bæði beint og óbeint. Fyrirtækin flest byggja á tekjum frá okkur fólkinu, við borgum vörunar og þjónustuna þannig að allir skattar eru frá okkur komnir.

Og menn ættu að vita að vegna brjálæðislegra fjárfestinga fyrirtækja sem fengu óábyrg lán frá bönkum.

Uppgjöf meðal atvinnurekenda

Kannski allt í lagi að benda á þetta í tengslum við þessa frétt!

Nú þegar að allir tala um að virkja allsstaðar eins og það sé ekkert mál er rétt að benda á þessa frétt í tengslum við það. Svona í fljótu bragði hljóðar þessi frétt upp á að erlendir aðilar verði fengnir til að stofan fyrirtæki um virkjanir. Og þar með verður sú staða sem fólk var að æsa sig yfir með HS orku komin til með að vera hér á landi. Þ.e. að útlendingar eigi nýtingarrétt að hluta eða öllu leyti á nýjum virkjunum sem byggðar verði hér

Forsvarsmenn stóru orkufyrirtækjanna eru sammála um að á Íslandi skorti fjármagn til að geta farið út í ný verkefni. Þau þurfa því að leita óhefðbundinna leiða eins og að stofna sérstök fyrirtæki í kringum verkefni, hvort sem það er virkjun eða annað.

 Jafnvel þarf að hleypa inn fjármagni úr einkageiranum sem er kallað verkefnafjármögnun. Landsvirkjunar, Orkuveitunnar og HS orku sátu fund iðnaðarnefndar. Skúli Helgason, formaður nefndarinnar segir fyrirtækin hafa verið fengin á fundinn til að ræða sína framtíðarsýn og helstu virkjanakosti framtíðarinnar og til þess að upplýsa nefndarmenn um stöðu orkumála.

www.ruv.is

Og eins rétt að benda fólki sem fer mikið í að kvarta yfir að ekki skuli vera farið af stað um allt land og virkjað. Hvað halda menn að það sé líklegt að við fáum hér lán á þeim kjörum að þessar virkjanir séu reknar með hagnaði. Þegar að ljóst er að íslensk fyrirtæki þurfa að sæta því að lán eru með 3 til 4% skuldatryggingarálag.

Svo leyfa sjálfstæðismenn sér að tala um þetta eins og þetta sé bara að gefa leyfi fyrir þessu og þá sé málið í höfn. En öll orkufyrirtækin hafa gefið til kynna að þau þurfi sennilega að stofan fyrirtæki um þessar virkjanir með erlendum aðilum. Og um það þarf að ræða. Ekki það að ég sé á móti því ef að eign okkar er algjörlega á hreinu varðandi auðlindirnar. Og nýtingarrétturinn sé ekki seldur til of langstíma.

Orkuvinnsla aðeins heimil á 2% Gjástykkis

Mikil ábyrgð þeirra sem eru að fara í kring um gjaldeysishöftin!

Eftir lestur þessa viðtals við Baldur Pétursson ætti öllum að vera ljóst að það koma fótum undir krónuna er það mikilvægasta sem við getum tekið okkur fyrir hendur. Og á sama tíma erum við sífellt að fá fréttir af m.a. útgerðamönnum sem að í stað þess að koma með gjaldeyrir hingað heim, eru að kaupa ódýrar krónur erlendis og flytja hingað heim. Og þetta viðheldur lágu gengi krónunnar.  Nú og svo er að koma í ljós að braskið á þessum útgerðarmönnum eru búnir að koma fiskinum okkar í hættu á að komast í eign erlendra aðila. Sem er jú skrýtið miðað við hvað LÍÚ berst á móti ESB til að útlendingar komist ekki að gjafakvótanum þeirra.

Athyglisvert að skoða það t.d. að ef að krónan mundi styrkjast um 30% mundu heildarskuldir okkar vegna IceSave mundur lækka úr nú um tæplega 800 milljörðum niður í rúmlega 500 milljarðar. Gengisbundin íbúðarlán mundu lækka um 30% þ.e. 30 milljóna lán færi niður í 20 milljónir.

Og þá er nauðsynlegt fyrir fólk að huga að eftirfarandi úr þessu  viðtali.

Eini möguleikinn við lausn þessa risavaxna gjaldmiðilsvanda er að auka trúverðugleika krónunnar og styrkja hana að jafnvægisgengi með samstarfi og samningum við Seðlabanka Evrópu og ESB um fjármála- og gjaldmiðilsstöðugleika, sem fyrst, á grunni EES-samningsins og umsóknar um aðild að ESB, eins og stefnt er að, vegna þeirra neyðarstöðu sem hér er. Eftir það mætti minnka eða afnema gjaldeyrishöftin. Í þessu sambandi skiptir afar miklu að Ísland hefur þegar sótt um aðild að ESB.

Og

Starfhæf króna

„EINA varanlega lausn gjaldeyrisvandans er samstarf við ESB og Seðlabanka Evrópu, á grunni neyðarréttar innan EES-samningsins og umsóknar um aðild að ESB, til að gera krónuna að starfhæfum gjaldmiðli, sem allra fyrst þar til evra yrði tekin upp, og aflétta höftum á gjaldeyrismarkaði, þar sem kerfisáhætta krónunnar er of mikil,“ segir Baldur. „Styrkja þarf gengi krónunnar um a.m.k. 30% til að ná langtíma jafnvægisgengi, sem einnig væri æskileg staða við skiptingu yfir í evru þegar hún yrði tekin upp innan 2ja til 3ja ára. Sé slíkt mögulegt myndi það lækka erlendar skuldir um 1.000 milljarða og innlendar skuldir einnig eitthvað, vegna lækkunar verðlags.“

Hlutfallslega stærsta áfallið

BALDUR segir að þrátt fyrir að stjórnvöld á Íslandi hafi unnið mikið afrek í björgunaraðgerðum á ýmsum sviðum, s.s. að halda bönkum gangandi, umsókn um aðild að ESB og afgreiðslu Icesave við afar erfiðar aðstæður, séu gríðarlega mikilvægar aðgerðir í gjaldmiðlamálum framundan.

 

„Þetta stafar af því að áfallið sem Ísland varð fyrir er hlutfallslega langstærsta gjaldeyris- og fjármálakreppa sem nokkurt land hefur nokkru sinni lent í á friðartímum. Af þessum ástæðum er verið að glíma við vanda af stærðargráðu og flækjustigi sem engin þjóð hefur glímt við áður.“

Þetta væri fólki holt að hafa í huga þegar verið er að gagnrýna ríkisstjórnina

Erlendar skuldir 30% of háar

Þetta er eina leiðin sem við höfum!

Fólki væri kannski holt að kíkja á fréttaaukann sem var á RUV áðan. Þar sem fjallað er um ástandið í Lettlandi. Þetta er sama staða og var í Finnlandi þegar kreppan skall á þeim upp úr 1990. Svo ætti fólk að bera þetta saman við ástandið hér. Held að þá komi nú stjórnvöld betur út en fólk hefur sagt.

Síðan væri gaman að þeir sem tala um allsherjar niðurfærslur mundu skýra hvernig að ríkið á að ná í hundruð milljarða aukalega í það.

Nú er verið á 3 árum að eyða halla á fjárlögum upp á um 200 milljarða. Ef að við bætum flötum niðurskurður  á íbúðalán við íbúðarlánasjóði og lífeyrissjóðum við hvernig halda menn að skattar yrðu hér þá. Já og niðurskurður og þjónustugjöld!

Og þegar menn tala um að ekki þurfi að hækka skatta því að með því að efla atvinnulífið þá muni auknar tekjur koma til ríkisins ættu kannski að hugsa til þess að fyrirtæki t.d. munu næstu ár nota tap síðasta árs til að sleppa við alla skatta. Og fólk mun nota auknar tekjur til að greiða niður önnur neyslulán eins og yfirdrætti, Visa skuldir og bílalán.

Og við erum ekki farinn að tala um sveitarfélögin enn.

Þetta verður erfitt það áttu allir að vita og það var alltaf ljóst að allir þurftu að taka þetta á sig.

Það á síðan að leggja áherslu að koma í veg fyrir að fólk þurfi að lenda í aðstæðum eins og í Lettlandi þar sem sjúkrahús loka, lækniskostnaður hækkar, skólar loka og fólk verður að leita í súpueldhús jafnvel þau hafi vinnu.

Þetta er dauðans alvara og við höfum ekki efni á því næstu árin að halda uppi sama lífsstandard og var hér fyrir hrun.

Miklar skattahækkanir í farvatninu

Þetta hefur nú legið ljóst fyrir síðan rétt eftir hrunið

Furðulegt stundum hvernig fjölmiðlar láta. Það hefur legið ljóst fyrir að atvinnuleysi yrði svona hátt um tíma. Og bæði núverandi og fyrrverandi ríkisstjórnir hafa sagt að auðvita kæmi ríkið til ef að atvinnuleysissjóður tæmdist. Hér sl. vor var talað um að hann mundi tæmast í lok ársins. En nú er það um mitt næsta ár.

En nú láta allir eins og þetta sé nýr sannleikur og hræðileg staðreynd. Auðvita er þetta slæmt en það er nokkuð ljóst að ríkið hefur ekki um margt að velja. Það eru ekki til peningar til að skapa atvinnubótavinnu fyrir allan þennan fjölda. Og stjórnarandstaðan hótar nú að leggja allt Alþingi undir frekari umræður um IceSave! Jafnvel þó þeir viti að IceSave hafi haldið aftur af öllum möguleikum Íslands að fá hingað fé frá AGS og norðurlöndum. Og um leið haldið fjárfestum að mestu hér frá landinu þar sem að framtíð okkar er ekki ljóst vegna þess að áætlanir okkar eru ekki að ganga upp fyrr en frá þessum málum hefur verið gegnið.

Atvinnuleysistryggingasjóður að tæmast

Þetta er væntanlega það sem framsókn telur mikilvægast næstu mánuði!

Við erum að tala um atriði sem varðar stöðuna 2024. Og framsókn og sjálfstæðisflokkurinn eru tilbúnir að leggja Alþingi undir í læti næstu mánuði út af þessu!

Þ.e. hvort að eins og segir í lögunum nú að 2024 verði samið um eftirstöðvarnar eða hvort að nú þegar verði samið um að lánið lengist sem nemur eftirstöðvum þ.e. með ríkisábyrgð.

Og svo er fólk skv. skoðunarkönnunum tilbúið að kjósa þessa flokka! 

Óttast beitingu bráðabirgðalaga

Æ byrja þau aftur

Svona miðað við viðbrögð annarra sem maður hefur heyrt í þá leyfi ég mér að segja að ég held að sjálfstæðismenn séu nú að reyna að kaupa sér athygli. Ég get ekki séð hvað þau halda að það hjálpi okkur og sér í lagi heimilum að vera að setja allt í loft upp aftur.

Eru þau að vona að næstu 2 til 3 mánuðir fari í annað eins þras og var hér í allt sumar. Og svo þegar búið var að setja inn allt sem þau óskuðu í þessa fyrirvara þá gátu þau ekki einusinni staðið að málinu, heldur sátu hjá.

Þessi mynd hér fyrir neðan segir allt um málflutning þeirra:

Ríkisábyrgð tekur ekki gildi

Ég er svona að velta fyrir mér hvað Hagsmunasamtökin ætla að gera fyrir mig?

Nú bý ég í búsetuíbúð.

Ég borga um 100 þúsund á mánuði í búsetugjald.

Vegna fyrri íbúðakaupa og fleira skulda ég

Eitt lífeyrissjóðslán sem ég tók 1989 og var upp á 1. milljón. Ég hef borgað af því í rúm 20 ár og reiknast til að ég sé búinn að borga af því um 2,5 milljónir.  Og enn eru 500 þúsund eftir af því

Annað lífeyrislán sem ég tók fyrir nokkrum árum upp á 1. milljón og stendur nú í um 1,2 milljónum

Loks er ég með bankalán sem er óverðtryggt og stendur í 400 þúsundum í dag.

Svo keypti ég notaðan bíl á 690 þúsund á kaupleigu í erlendri körfu og er búinn að borga um 600 þúsund og lánið stendur í 600 þúsundum.

Á móti þessu á ég búseturétt upp á 1,5 milljón og 2 bíla sem eru að virði um 500 þúsund saman í dag.

En formlega séð á ég ekki íbúð á ég þá ekki að fá neina leiðréttingu á mínum lánum aðeins að borga hærri tekjuskatt til að hægt sé að lækka lán á þá sem eiga íbúðir?

Ég væri gaman að vita hvað með alla sem leigja íbúðir í dag. Dóttir mín er að leigja rúmlega 100 fm íbúð á 150 þúsund. Og það eru tugir þúsunda sem búa í leigu og búsetuhúsnæði í dag og eru margir að borga dýra leigu. Á ekkert að gera fyrir þau? Hvað með bændur sem hafa verið að taka há erlend lán til endurbóta hjá sér? Á ekkert að gera fyrir þá? Nú og svo öll fyrirtæki og aðrir sem skulda. Á ekkert að gera fyrir þá?

Hvar halda menn að þetta endi? Ef að allir fengju flatan niðurskurð þá þýðir þetta mörg hundruð milljarða. Og a.m.k. öll lán íbúðarlánasjóðs og lífeyrissjóða sem verða lækkuð þarf að bæta viðkomandi. Og það þýðir hækkun á tekjuskatti hjá okkur því að allur niðurskurður og skattahækkanir nú fara í að tækla fjárlagagatið nú upp á 200 milljarða..

Og hvað með unga fólkið sem ekki skuldar neitt og útskrifast úr skólum næstu árin. Halda menn að þau endist hér á landi þar sem þau þurfi að borga kannski 65% í beina og óbeina skatta næstu áratugina. Það eru væntanlega um 5000 skuldlausir einstaklingar sem koma á atvinnumarkaðinn á ári næstu ár. Og þau fara væntanlega ekki að kaupa hér húsnæði ef að skattar verða eins og þeir gætu orðið ef við eyðum mörg hundruð milljörðum núna í viðbót við allt.

Nú tala menn um að þessar leiðréttingar eigi að greiða t.d. með skuldabréfum frá ríkinu til 30 - 40 ára sem væntanlega verður til þess að tekjuskattur verður hærri sem því nemur næstu áratugina. Er það ekki þá einmitt það sem fólk sagði við Icesave að þessir kynslóð sé að setja sínar skuldir yfir á næstu kynslóðir.

Væri nú ekki ráð að breyta hér á landi um hugsun? Af hverju rekum við hér svona harða stefnu um að allir eigi sitt húsnæði? Nú hef ég prófað bæði og segi það að ég kann betur við búsetukerfið heldur en að eiga íbúðir. Og ég veit að svo væri um marga ef að leigu og búsetukerfinu væri gert hærra undir höfði. Og eins að aðstoð við heimilin tryggi að fólk geti búið áfram í húsnæði sínu á viðráðanlegum kjörum. Fólk finnur jú ekkert fyrir því þó eignarhluti þeirra sé tímabundið lítill ef það er ekki að hugsa sér að flytja úr húsnæðinu.

Troðfullur salur í Iðnó

Maður verður nú hugsi yfir þessum baráttumönnum fyrir hagsmunum heimilana

Björn Þorri Vigfússon hefur farið hér mikinn síðustu mánuði um niðurfærslu skulda og framkomu banka og alla þá spillingu. Og svo heyrir maður í fréttum RUV að hann rekur 2 lögmannsskrifstofur og 2 fasteignasölur og þá skilur maður þessa baráttu hans frekar og að þetta sé nú ekki bara góðmennska hans og göfugmennska. Og nú er hann búinn að stofna ný fyrirtæki um rekstur sinn og skilur eftir fullt af skuldum í gömlu fyrirtækjunum. Þetta er það sem kallað hefur verið kennitöluflakk.

Björn Þorri rekur við annan mann, tvær lögmannsstofu og tvær fasteignasölur.
Eitt fyrirtækja hans hét til skamms tíma Lögmenn Laugardal ehf. og var stofnað árið 1996. Nú heitir það félag því sérkennilega nafni M182-A ehf. og er kennitalan er sú sama. Nýtt fyrirtæki hefur hins vegar verið stofnað utan um lögmannstofuna og þótt nafnið sé hið sama er kennitalan glæný.

Annað fyrirtæki Björns Þorra og félaga er síðan fasteignasalan Miðborg ehf. Sem var einnig stofnuð fyrir 13 árum. Miðborg heitir nú M182-B ehf. sem er nýtt nafn en sama kennitala.
Aftur á móti ber nýtt fyrirtæki nafn fasteignasölunnar Miðborgar og er kennitalan frá því í ár og samþykktir félagsins eru dagsettar 1. júlí 2009.

Samkvæmt ársreikningum gömlu félaganna fyrir árið 2007 skulduðu þau umtalsvert fé, tugi milljóna í svissneskum frönkum og japönskum jenum. Þetta var áður en krónan hrundi og lánin því umtalsvert hærri nú sé gert ráð fyrir að þau ekki verið greidd upp.Björn Þorri rekur við annan mann, tvær lögmannsstofu og tvær fasteignasölur.
Eitt fyrirtækja hans hét til skamms tíma Lögmenn Laugardal ehf. og var stofnað árið 1996. Nú heitir það félag því sérkennilega nafni M182-A ehf. og er kennitalan er sú sama. Nýtt fyrirtæki hefur hins vegar verið stofnað utan um lögmannstofuna og þótt nafnið sé hið sama er kennitalan glæný.

Annað fyrirtæki Björns Þorra og félaga er síðan fasteignasalan Miðborg ehf. Sem var einnig stofnuð fyrir 13 árum. Miðborg heitir nú M182-B ehf. sem er nýtt nafn en sama kennitala.
Aftur á móti ber nýtt fyrirtæki nafn fasteignasölunnar Miðborgar og er kennitalan frá því í ár og samþykktir félagsins eru dagsettar 1. júlí 2009.
Samkvæmt ársreikningum gömlu félaganna fyrir árið 2007 skulduðu þau umtalsvert fé, tugi milljóna í svissneskum frönkum og japönskum jenum. Þetta var áður en krónan hrundi og lánin því umtalsvert hærri nú sé gert ráð fyrir að þau ekki verið greidd upp. (www.ruv.is )