Hvernig væri nú að einhver skoðaði málin áður rokið er í blöðin

Það eru margir  að tala um störfin sem hefur fækkað um hjá ríkinu og hversu mörg af þeim störfum hafi verið skipuð konum. Nú ég skoðað þetta aðeins í dag og viti menn. Um 70& starfsfólks ríkisins eru konur. A.m.k. hjá SFR og hjá BSRB. Það er því eðlilegt að konur séu í meirihluta þeirra sem hafa hætt störfum.

Og svo væri nú gott að einhver skýrði út fyrir okkur vitleysingunum hvort að það ætti þá ekki að fækka konum skv. þessu enn meira svo að það verði jafn margar konur og karlar sem vinna hjá ríkinu. Loks væri gott að einhver legði sig almennilega fram við að kynna fyrir okkur hvað er átt við með kynjaða hagfræði. Hvað hún gengur út á og hverju hún á að skilað?

Kynjuð hagstjórn orðin tóm

Furðuleg rök Atla og Lilju varðandi kynjuð fjárlög

Atli sagði á blaðamannafundinum að eitt af því sem þau fyndu að aðgerðum stjórnvalda væri sá ógurlegi munur sem væri milli kynjana í þeim stöðum sem skornar hafa verið niður. Ég fór að skoða þetta aðeins og skv. þeim tölum sem ég hef séð þá eru konur um 70% af öllum starfsmönnum ríkisins. Hefði nú ekki veirð vit hjá Atla að kynna sér þetta áður en hann notaði þetta sem rök.

Halda áfram í ríkisstjórninni

Þetta fólk talar um vinnubrögð annarra. En hvað er þetta?

Bergur Sigurðsson framkvæmdastjóri þingflokks VG segir tilkynningu þingmannanna Lilju Mósesdóttur og Atla Gíslasonar hafa komið samstarfsfólki þeirra algjörlega í opna skjöldu enda hafi þau fyrst heyrt af málinu í kjölfar tilkynningar sem send var á alla fjölmiðla. (www.smugan.is )

Er þetta drengilegt. Sem og að þau sögðu á blaðamanna fundi að þau hafi kynnt þetta útvöldum í gær í trúnaði. Er þetta ekki að koma í bakið á félögum sínum?

Ætla ekki að styðja stjórnina

Farið hefur fé betra!

Nú geta þau bullað eins og þau vilja en stjórnin á möguleika á að fara að vinna eins og heild. Vildi að Jón Bjarnason og Ásmundur hefðu getað farið líka. En þá hefði stjórnin ekki meirihluta.

Segja sig úr þingflokki VG

Held að sumir skilji ekki alveg EES samninginn!

Svona til að byrja með erum við ekki í ESB og því er furðulegt að skrifa forseta ESB þetta bréf. Siðan er efni bréfsins svona kafli út af fyrir sig.

Hvað vilja þau að forseti ESB geri? Við erum ekki í ESB

Hvað eiga þau við að Landsbankanum hafi borið að vera með Icesave undir bresku og hollensku innistæðutrygginarkerfi. Það vita allir að það þurfti hann ekki skv. EES þar sem um útibú var að ræða. Þá má nefna að Kaupþing Edge var dótturfélag og því giltu innistæðutrygginarkerfi Breta og Hollendinga þar. Bretar og Hollendingar reyndu nú tölvert að fá Landsbankan til að gera slíkt hið sama en fengu ekki næga aðstoð frá Íslenskum stjórnvöldum til þess.

Hvaða réttlæti sér þetta fólk að Íslenskur banki sem starfar undir lögum og eftirliti okkar, fari með leyfi eftirlitsstofnana okkar til annaralanda með sín útibú og taki við innistæðum. Flaggi góðum orðum FME og fleiri stofnana hér sem og vilyrðum fyrir því að innistæðutryggingarkerfi okkar yrði stutt af stjórnvöldum til að standa við skuldbindingar sínar ef til þess kæmi.

Hvað á fólk við með að innistæðutryggingar hafi orðið að taka á sig fall 90% af bönkum landsins? Það hefur óvart ekkert lent á Innistæðutryggingarsjóð nema Icesave.

Fólk virðist líka gleyma því að innistæðutrygginarkefi Breta og Hollendinga hafa greitt fólki vegna Icesave eftir sínum lögum varðandi lágmarkstryggianr þeirra landa. Sem er langt yfir það sem við erum rukkuð um. Það er verið að rukka okkur um þá upphæðir sem okkar lög kveða á um að við eigum að tryggja.

Síðan er ágætt að benda þessu fólki að skuldir og innstæður allra banka á Íslandi hafa kostað Íslenska ríkð. Það er ekki eins og þessar innistæður séu þær einu sem lenda á okkur. T.d. kostuðu innistæður gamla Landsbankans um 300 milljarða sem nýji Landsbankinn verður að greiða þeim gamla.

Sendu bréf til forseta ESB

Ég legg til að Vigdís Hauksdóttur verði gert að yfirgefa Alþingi

Konan bullar bara stöðugt. Hvaða manneska lætur hafa svona eftir sér í fjölmiðlum án þess að kanna málið

„Maður hélt að þetta væri bara í svörtustu Afríku, en svona hefur þessi ríkisstjórn hagað sér. Og í raun og veru, í þessum málum sem eru búin að vera fyrir dómstólum, að þá hefur ríkisstjórnin verið að hóta dómstólum með ýmsum hætti óbeint í gegnum fjölmiðla," segir Vigdís. Þetta megi ríkisstjórnin ekki gera.

Verður manneskjan ekki að nefna nein dæmi til að styðja við málflutning sinn. Það þýðir ekki að styðjast við orð einhvers embættismanns sem er sár þar sem hann var settur af sem ríkissaksóknari í málefnum eigenda bankanna vegna þess að sonur hans var það í innsta hring.

En Vigdís ríkur í fjölmiðla af minnsta tilefni sem og í ræðustól Alþingis og þar sér maður skelfingar svip á öðrum alþingismönnum þegar það gerist því að yfirleitt fer hún þar með fleipur, misskilning og hreinlega eitthvað sem hún les á bloggum einhverstaðar og ræðir málin eins og þarf fari einhver sannleikur.

Hún er oft leiðrétt en nú á síðustu mánuðum finnst mér eins og menn leyfi henni bara að röfla og hlusti ekkert á hana.

Hún er nú fræg fyrir að gjaldfella orð eins og "landráð" og kenna starfsmönnum þingsins um mistök sín við frumvarpsgerð. Og málflutningur hennar í ESB umræðum á Alþingi voru náttalega til skammar þegar hún kom upp í tugum andsvara og sagði nákvæmlega sama hlutinn aftur og aftur.

Sorry tek bara ekkert mark á þessum manni.

Bara það að þessi maður vann um árabil hjá Jóni Steinari Gunnlaussyni gerir það að verkum að ég tek ekkert mark á honum. Sem og að hann var á kafi í samkrulli með útrásarvíkingum m.a. eigandi að hluta í Atorku sem og framkvæmdarstjóri þar.

Síðan finnst mér út í hött þegar lögfræðingur er að segja að við séum að fara að borga hitt og þetta. Hann hlýtur að vita að það er Innistæðusjóður sem borgar Icesave með því sem innheimtist úr þrotabúi Landsbankans gamla. Ríkið er hinsvegar að ábyrgjast að Innistæðusjóður eigi fyrir greiðslum af Icesave.

Svo ef maður googlar Reimar sér maður ekkert um að hann hafi unnið að málum sem snerta EES eða ESB eða milliríkjasamninga. Hann er með framhaldsmenntun frá USA en sé ekki að hann hafi nokkuð unnið að milliríkja samningum eða deilum

Finnst hann láta eins og fjárfestarnir hér áður "að taka bara sjénsin" og hugsanlega sé hægt að græða á því. Hann hlýtur að gera sér grein fyrir hversu óábyrgur málflutningur þetta er. Held að hann sé aðeins að beita sér sem hluti af Davíðsliðinu og endurspegla skoðun Davíðs og Jóns Steinars. Eins og Skafti Harðóson, Hannes Hólmsteinn og fleiri. Allt sagt og gert til að valda þeim erfiðleikum sem hægt er og koma stjórnarflokkum illa. Alveg ljóst að ráðherrar sjálfstæðismanna voru búnir að sjá að þetta væri eina færa leiðin strax árið 2008. Og eins þingmenn þeirra flestir nú í vetur eftir að hafa skoðað þetta mál vel. En það sættir Davíð sig ekki við .

Þarf heimild í fjárlögum

Eru engin takmörk fyrir hverjir koma sér í fréttir?

Geir Ólafs virðist hafa frjálsan aðgang að fjölmiðlum með bullið í sér. Hann hefur ár eftir ár fengið viðtöl og fréttir um að hann sé að slá í gegn á heimsvísu. Það hefur nú ekki gerst ennþá.

Nú mætir hann til Steingríms með víxil og það er komið í Moggan. Veit ekki alveg hvað hann er að pæla, því það er tryggingarsjóður sem greiðir Icesave. Það sem menn eru að velta fyrir sér er ríkisábyrgð á að Trygginarsjóður ráði við að greiða Icesave með eignum Landsbankans gamla. Eða hvort að ríkið þurfi að leggja tryggingarsjóði hugsanlega til eitthvað fé ef að eignirnar duga ekki.

Held að miðað við að Geir hefur ekki tekist neitt af því sem hann hefur lýst yfir hingað til, séu nú fáir sem láni honum eitt né neitt. Og sér í lagi ekki óúfylltan víxil.

Geir Ólafs afhendir Steingrími óútfylltan víxil

Kannski rétt að benda framsóknarmönnum á eftirfarandi

Gunnar Bragi kom í ræðustól Alþingis og sagði að Icesave væri ekki að koma í veg fyrir lán til Íslands. Og nefndi lán sem Landsvirkjun væri að fá nú sem dæmi um það. En úps!

Lán sem Landsvirkjun gætið fengið frá Norræna fjárfestingarbankanum til að fjármagna Búðarhálsvirkjun er háð því skilyrði að önnur fjármögnun takist. Í raun gæti fyrirvarinn þýtt að lánið fáist ekki nema Icesave-deilan leysist (www.visir.is )

Þetta sýnir eins og svo margt annað barnalegarn málflutning meirihluta þingmanna Framsóknar og ábyrgðarlausan málflutning þeirra og lýðskrum. Um leið  í raun þann vanda sem Icesave er að skapa atvinnuuppbyggingu í landinu. Um leið er ekki skritið að samtök atvinnuveitenda og verkalýðshreyfingin vilji að Icesave samningur sé samþykktur.

Fjárfesting fari í 18-20%

Flest öll hagsmunasamtök, sérfræðingar og aðrir mæla með því að við samþykkjum Icesave

• Samtök atvinnulífsins
• Verkalýðshreyfingin
• Samtök Iðnaðarins
• Flestir sérfræðingar í þessum málum
• Flestir innan stjórnsýslunar
• Seðlabankinn
• Erlendir sérfræðingar
• 44 þingmenn sem hafa kynnt sér málið almennilega

Að ofan eru þeir sem eru nú þegar búnir að lýsa því yfir að öruggast fyrir okkur að ganga að Icesave. 

Þeir sem mæla með að við höfunum Icesave samningi eru:

• Nokkrir sjálfskipaðir sérfræðingar
• Hópur manna sem vill ekki að Icesave leysist því það grafi undan stjórninni og haldi henni máttlausri fram að kosningum
• Hópur manna sem tengist Davíðsarmi Sjálfstæðismanna
• Nokkrir bloggarar sem ganga með stjórnmálamann í maganum eða frægð í bloggheimum.
• Nokkrir þingmenn sem halda á lofti ýmiskonar lýðskrumi varðandi Icesave og í fleiri málum. Svona hókus pókus menn sem telja fólki trú um að öllu megi redda með því að smella fingrunum.

Svo það held ég er auðvelt fyrir fólk að sjá fyrir hvað sé skynsamlegasta lausnin.

Lýsa stuðningi við Icesave