Svona virkar krónan KAFLI 4 Svona skrifar Egill Helgason

Íslenska krónan – og dýrtíðin

Vigdís Hauksdóttir bar saman kassakvittanir í Bónus og komst að því að verðlag á Íslandi hefði hækkað óskaplega. Það er alveg rétt.

Við eru afskaplega háð innflutningi í þessu landi – og sjálfum okkur nóg um frekar fáa hluti. Svoleiðis er það bara og breytist ekki nema við förum aftur á í frumþurftabúskap. En meira að segja hann var erfiður á Íslandi vegna lélegra aðfanga.

Skýringin á þessum verðhækkunum er svosem ekki flókin – hún er minnst komin til vegna innlends verðbólguþrýstings. Maður finnur það vel þegar maður kemur til útlanda, þar virkar verðlagið svo hátt að Íslendingum finnst þeir vera afskaplega fátækir.

Hér er meginskýringin. Hún birtist á Facebook-síðu Láru Hönnu Einarsdóttur. Hér sést gengisskráning Seðlabankans 31. desember 2007, 31.desember 2008 og  föstudaginn 18. janúar 2013 – frá því fyrir helgi. Myndin er nokkuð óskýr, þið getið opnað hana í myndaforriti til að sjá betur, en svona lítur þetta út:

Á fyrstu myndinni er dollarinn 62 krónur, pundið, 123 krónur, danska krónan 12 krónur en evran 91 króna.

Á mynd númer tvö er dollarinn 120 krónur, pundið 175 krónur, danska krónan 23 krónur og evran 170.

Á þriðju myndinni, þeirri nýjustu, er dollarinn 129 krónur, pundið 205, danska krónan 23 krónur en evran 172 krónur.

Sjá hér

Svona virkar krónan KAFLI 3 Svona skrifar Bubbi Morthens

Framtíð fyrir börnin okkar

Krónan veikist og heimili landsins veikjast. Börnin mín líða fyrir þetta, þjóðin líður fyrir þetta.  Skuldir mínar og þínar hækka. Gjaldeyrishöftin áttu að vera í 10 mánuði, já 10 fokking mánuði. Fólk verður að skilja að krónan er versti óvinur alþýðumanna hér á landi. Krónan veikist þrátt fyrir gjaldeyrishöftin. Þetta þýðir að að þeir sem eiga að stjórna því að hlutirnir gangi rétt fyrir sig, hafa misst tökin. Erlendir vogunarsjóðir voma yfir landinu líkt og soltnir hrafnar sem mæta á blóðvöllinn og ráðamenn láta sem lítið sé að.
 
Það er kominn tími á að losna við krónuna! Hvað er óeðlilegt við það að vilja hafa gjaldmiðil sem er í lagi? Ekki í plati. Krónan er fyrir örfá fyrirtæki sem græða á hroðanum. Það eru kosningar í nánd. Viltu bjarta framtíð fyrir börnin þín?

Viltu eiga möguleika að lifa mannsæmandi lífi líkt og fólk í nágrannalöndum okkar? Ef svo er kjóstu þá fólk sem vill breytingu. Fólk sem þorir að vaka og horfa á sólina rísa en ekki fólk sem vill lifa í myrkri liðins tíma. Fólk sem trúir því að það sé hægt að vinna í þágu fólksins  og er tilbúið að gera það en ekki leggja hvert annað í einelti á Alþingi þar sem lausnir snúast um að halda öllu í svarta myrkri.

Ef hér væri annar gjaldmiðill væri lífið annað á heimilum manna. Þá væru menn, konur og börn að ganga annan veg en þann sem nú er í boði.

Láttu ekki spunameistara og úrtölufólk draga úr þér kjarkinn. Það er vel hægt að fá nýjan gjaldmiðil. Þú átt rétt á að lifa lífinu frjáls en ekki í hlekkjum gjaldmiðils sem er ónýtur. Þú átt rétt til að lifa og njóta en ekki lifa til þess að hnjóta um platgjaldmiðil sem bregður fyrir þér fætinum í hvert sinn sem þú stendur upp. Sjá hér

Svona virkar krónan KAFLI 2

Þessa mynd var búið að birta hér áður. En nú er búið að reikna út ákveðnar sláandi staðreyndir.

Matarkarfan  hér fyrir neðan kostaði 5810 kr  En nú kostar hún  11910 krónur

Ef við hefðum verið með evru eða dollar þá hefði karfan kostað

2007  í evrum  65.27 eða dollurum   92.61

Sama karfa hefði kostað 2012 í evru eða dollar

í evrum  71.41 eða dollurum 92.99. 

Nær engin hækkun frá 2007 til 2012 .

Hækkun hennar í búð hjá okkur er eingöngu vegna falls krónunar

Er ekki komin tími til að þjóðin vakni. Nýjan gjaldmiðil takk.

 

Þetta sögðu formaður Sjálfstæðisflokks og þingflokksformaður í lok 2008

Bjarni og Illugi vilja aðildarviðræður við ESB

Vísir Innlent 13. desember 2008 10:09

Bjarni Ben formaður utanríkismálanefndar.

Tveir frammámenn Sjálfstæðisflokksins á þingi, Bjarni Benediktsson og Illugi Gunnarsson, lýsa því yfir í Fréttablaðinu í dag að þeir vilji að Ísland hefji aðildarviðræður við Evrópusambandið og að innganga í sambandið verði borin undir þjóðina í þjóðaratkvæðagreiðslu.

Bjarni og Illugi segja í aðsendri grein í blaðinu að krónan muni reynast okkur fjötur um fót til lengri tíma. Þó megi ákvörðun um aðild ekki eingöngu snúast um gjaldmiðilinn. Þeir segja að stjórnvöldum hafi mistekist á undanförnum árum að tengja saman ríkisfjármál og stjórn peningamála. Vextir hafi orðið ein helsta útflutningsafurð þjóðarinnar og því hafi gengi krónunnar orðið sterkara en verðmætasköpun þjóðarinnar gat staðið undir. Einkavæðing ríkisbankanna hafi þó ekki verið mistök en þeir telja að herða hefði þurft reglur um eignarhald bankanna. Þá hafi Fjármálaeftirlitið verið of veikt og benda þeir á að enn sé það aðeins með um 60% af mannafla Fiskistofu.

Þá segja Bjarni og Illugi að atburðir síðustu mánaða hafi dregið úr trausti fólks á stjórnmálamönnum. Þeir telja því nauðsynlegt að endurskoða kosningafyrirkomulagið. Hvert sú endurskoðun ætti að leiða skýra þeir ekki frekar.

Hvað breyttist eiginlega nema að þeir lentu í því að vera í stjórnarandstöðu? Og þá þurfa menn að vera á móti öllu. Nú eru þeir á móti aðildarviðræðum, vilja minnka eftirlit og nú segja þeir að ekkert hafi verið að einkavæðingu bankana. Þetta hafi bara verið "meint hrun" og alþjoðleg vandamál. 

Það fyrsta sem hinn ungi formaður ungra framsóknarmanna ætti að gera!

Leiðrétta þann leiða misskilning sem formaður Framsóknar og fleiri halda fram að einhver öfga umhverfisvernd sé að tefja fjárfestingu hér sbr.ruv.is

Virkjanir upp á 800 megawött undirbúnar

Fyrst birt: 20.01.2013 13:26, Síðast uppfært: 20.01.2013 13:28

Unnið hefur verið að undirbúningi við Bjarnarflag. Safnmynd.

Tólf virkjanir sem nú eru í nýtingarflokki eru í undirbúningi, en mjög mislangt komnar. Sumar eru enn á undirbúningsstigi, meðan hönnun og rannsóknarboranir eru hafnar á öðrum stöðum.

Sextán virkjanakostir voru settir í nýtingarflokk í nýsamþykktri rammaáætlun. Landsvirkjun á sjö þeirra. Bjarnarflag og tvær virkjanir á Þeistareykjum eru nú í útboðshönnun og þá stendur verkhönnun yfir á þremur virkjunum í Kröflu. Vatnsaflsvirkjun í Blönduveitu er svo í umhverfismati. Þessar sjö virkjanir geta orðið allt að 450 megavött samtals.

Hjá HS Orku eru Eldvörp komin í umhverfismat, Sveifluháls á Krýsuvíkursvæðinu er á byrjunarstigi og þá er búið að veita leyfi fyrir stækkun Reykjanesvirkjunar. Þessar þrjár virkjanir geta samtals framleitt allt að 220 megavött af raforku. Hinir tveir virkjanakostirnir, Stóra-Sandvík á Reykjanesi og Sveifluháls á Krýsuvíkursvæðinu eru hins vegar ekki í undirbúningi eins og er.

Þrjár virkjanir á Hengilssvæðinu eru einnig í nýtingarflokki sem eru á vegum Orkuveitu Reykjavíkur. Aðeins ein þeirra. Hverahlíðarvirkjun, er í undirbúningi en búið er að ljúka umhverfismati á henni. Hún á að vera allt að 90 megavött. Gráuhnúkar og Meitillinn, sem einnig eru í nýtingarflokki, eru ekki á dagskrá.

Þá er ein virkjun óupptalin, Hvalárvirkjun í Árneshreppi sem Vesturverk undirbýr, og er í skipulagsvinnu. Hún á að vera 30 megavött.
Samtals er því undirbúningur hafinn á tæplega 800 megavöttum af virkjunum sem nú eru í nýtingarflokki, en til samanburðar er Kárahnjúkavirkjun 690 megavött. Undirbúningurinn er hins vegar mjög mislangt kominn og mörg ár, jafnvel áratugir, gætu liðið áður en sumar þeirra verða að veruleika - auk þess sem ekki er víst að allar virkjanirnar verði jafn stórar og stefnt er að.

 Þetta er nú í samræmi við rammaáætlun sem Framsókn og Sjálfstæðisflokkur reyndu að tefja.

Síðan ætti hann að spyrja þingmenn flokksins afhverju þeir berjast svona á móti nýrri stjórnarskrá þegar ferlið er nærri þvi algjörlega eins og Framsókn vildi: 

 

 

Og loks ætti hann að spyrja af hverju þingmenn flokksins sviku strax það sem landsfundur framsóknar samþykkti fyrir síðustu kosnignar að það ætti að sækja um aðild að ESB gegn ströngum skilyrðum og bera niðurstöðu þess samnings  undir þjóðaratkvæði. 

Og svo í framhaldi af því ætti hann að kynna sér og svo fyrir öðrum afhverju að fólk ætti að trúa að nokkuð sem þau segja nú komi til með að standast. Svona eins og hókus pókus lausnir formanns flokksins um að hægt sé að lækka skuldir,skatta og öll gjöld af fólki án þess að nokkuð þurfi að skera niður í staðinn. 

Kosinn formaður ungra framsóknarmanna

Svona virkar krónan

Hér er mynd af skjali sem einhver tók saman og bar saman verð 2007 á ákveðnum vörum og svo hvernig staðan er núna. Neðst má sá hvernig gengi krónunar hefur rýrnað frá 2007 miðað við Evru og Dollar. Og ef fólk bætir hækkun á launavísitölu við þá eru skýringar á flestum hækkunum komin. Þ.e. að Krónan hefur hækkað hér vöruverð um nærri 100%

 

(smella 2x á mynd til að sækka)

Stefna Sjálfstæðisflokks fær á kjaftinn. Haraldur ætti að berjast fyrir breytri stefnu.

Af ruv.is

Árstekjur 100 ríkustu manna heims eru fjórfalt hærri en sú upphæð sem þyrfti til að útrýma fátækt í heiminum. Þetta kemur fram í nýrri skýrslu frá bresku hjálparsamtökunum Oxfam.

Ríkasta eitt prósent jarðarbúa er með 60% hærri tekjur í dag en fyrir 20 árum. Ójöfnuður hefur því aukist mikið. Jeremy Hobbs, framkvæmdastjóri Oxfam í Bretlandi, segir að það sé löngu orðið ljóst að þessi auðsöfnun sé ekki til góðs fyrir heiminn.

Gagnstætt því sem haldið hafi verið fram sé ekkert sem bendi til þess að þeir fátæku njóti góðs af velgengni hinna ríku, þvert á móti dragi slík auðsöfnun úr hagvexti og skaði allt samfélagið til lengri tíma litið. Það sé kerfisbundin mismunun sem hafi gert þeim ríkustu kleift að margfalda auðæfi sín og sleppa við að greiða skatta.

Skýrslan verður rædd á Alþjóðlega efnahagsþinginu, World Economic Forum, sem hefst í Davos í Sviss í næstu viku. Þar verður meðal annars rætt um aðgerðir til að berjast gegn skattsvikum og loka svokölluðum skattaparadísum.

 Brauðmola hagfræði Hannesar Hólmsteins og fleiri gekk og gengur út á að ef að við lækkum skatta og leyfum óheft frelsi manna í frjáfestingum þá verði þeir svo ríkir að aðrir lifi góðu lífi af brauðmolum sem falla af þeirra borði.  Þetta er að sýna síg að sé bull. Eykur bara misskiptingu og fátækari verða fátækari því að þessir ríku eyða gríðalegum kröftum í að borga ekki neitt til samfélagsins og til að aðstoða þá sem verst standa. 

 

Hættir sem formaður Bændasamtakanna

Sjálfstæðisflokkur! Hvers vegna ætlar fólk að kjósa hann?

Nú er von að maður velti fyrir sér hvað sérstaklega veldur því að um 40% sé tilbúið að kjósa Sjálfstæðisflokk!

• Er það Bjarni Ben? Nú var hann þingmaður Sjálfstæðisflokks í hruninu sagði margt þá sem hann hefur dregið allt til baka.
• Er það kannski af því að hann stóð sig svo vel sem stjórnarformaður BNI eða hvað það hét sem keypti N1 og skuldsettu til andskotans. Keyptu og keyptu öll hjólbarðaverkstæði, varahlutaverslanir og fóru svo kyrfilega á hausinn.  Halda menn að það sé besta leiðin fyrir Ísland í dag?
• Er það Einar Guðfinns. Stóð hann sig svo vel sem ráðherra?
• Er það styrkjakóngurinn Guðlaugur Þór?
• Er það Birgir Ármannsson? 
• Er það af því að fólki líkar svo vel við hvaða stefnu Sjálfstæðisflokkur hefur gagnvart útgerðinni og fiskveiðilögum?
• Er það vegna þess að þeir hafa boðað að þeir ætli að afnema auðlegðarskattinn? Og hver á þá að borga hann í staðinn?
• Er það af því að þeir vilja virkja þó það sé engin kaupandi að orkunni í augnablikinu og því líkur á því að orkan verði nærri gefin?
• Er það kannski Árni Johnssen sem vekur áhuga fólks?
• Er það kannski Jón Gunnarsson? Hefur fólk heyrt hann flytja ræðu án þess að virkjun komi fyrir í henni?
• Er það kannski möguleikinn á að þeir selji Landsvirkjun sem vekur fólki löngun til að kjósa flokkinn?
• Er það kannski allar lausnirnar sem þeir eru með varðandi krónuna, vertryggingu, gjaldeyrishöft og svo framvegis? Nei úps þeir eru ekki með neinar!
• Er það kannski fyrri árangur Sjálfstæðismanna varðandi einkavinavæðingu banka?
• Er það kannski vegna þess hvernig þeir hafa valið embættismenn og dómara?

Hvað skildi það vera sem fær fólk til að gefa Sjálfstæðisflokkinn upp flokkinn sinn í kosningum. 

P.s.smá viðbót. Síðunni barst bréf. Þar var viðkomandi búin að bera saman kannanir Fréttablaðsins frá því í des 2011. Og þá má sjá að fylgi Sjálfstæðismanna er nú ekki að aukast skv. þeim.

 

 

 

Og hann bréfaskrfari bætti síðan við:

 

Kannanir þessar eru gerðar þannig að hringt er þangað til 800 svör hafa fengist.

Fréttablaðið og Stöð2 hafa tekið fram við allar þessar kannar að vegna þessa lága svarhlutfalls eigi að taka niðurstöðum um fylgi flokkanna með fyrirvara.

Minni á að það sem Gunnar Helgi Kristinsson prófessor í stjórnmálafræði sagði um könnunina 10. des 2011 í Fréttablaðinu má heimfæra upp á allar þessar kannanir: „Líklegt er að þeir sem hafi kosið stjórnarflokkana, Samfylkinguna og Vinstri græna, í síðustu kosningum séu síður tilbúnir að taka afstöðu til flokka en þeir sem styðji Sjálfstæðisflokkinn eða Framsóknarflokk. Því megi búast við því að stjórnarflokkarnir eigi eitthvert fylgi inni þegar komi að kosningum.“

 

Sjálfstæðisflokkurinn stærstur - Björt framtíð í þriðja

Meirihluti vill klára þessar viðræður. Það hefur ekki breyst!

Það er ekki sambærilegt að bera saman kannanir frá fyrri árum því í þessari er spurt um möguleika sem var ekki spurtu um síðast. Þ.e. að setja umsókn um aðild í bið.  Þannig að skv. þessari könnun þá yrði niðurstaða í þjóðaratkvæðagreiðslu nokkuð ljós að meirihluti landsmanna vill klára þessar viðræður. Minnihluti vill hætta við umsókn.

 

 

 

Frétablaðið 18 jan bls 4

 

48,5% vilja ljúka viðræðum við ESB

Ef við værum í ESB! - Þetta þyrftu margir að sjá áður en þeir mynda sér skoðun.

 Tekið af www.pressan.is

 http://www.pressan.is/Kaffistofan/Lesakaffistofu/lifskjaramunurinn

 

 

„Þarf að leita til þjóðarinnar“