Sammála Össuri um margt í þessu en þó ekki öllu.

Fyrir það fyrsta finnst mér að menn eigi að hefja innri skoðun og endurskoðun stefnu sinnar og verka innan hóps en ekki í fjölmiðlum.

Þá væri gott að einhver benti Össuri á að það hafa engar skuldalækkanir farið fram í tíð þessarar nýju stjórnar. Og því er lof hans á Sigmund Davíð í bestafalli full fljótt á ferðinni. Eigum við ekki fyrst að sjá frumvörp koma fram og hvort að framkvæmd þeirra standis fyrir dómsstólum ef að þau fara þessa leið. Eða hvort að gera þarf samninga við þrotabú bankana og þá að þeir samningar verði ekki afleikur hjá okkur.

En Össur er refur og ég held að nú sé í gangi hjá honum einver skák sem þar sem hann er búinn að leggja grunn einhverju loka tafli og sigri sem hann stefnir að. Vona að það sé sigur fyrir jafnaðarhugsjónina og stefnu Samfylkingar en ekki bara fyrir hann sjálfann.

En ég er algjörlega á því að Samfylking að að styðja öll mál sem koma sér vel fyrir fólkið í landinu ef þær eru framkvæmanlegar og hafa ekki aukaverkanir sem við þurfum svo að fást við til langrar framtíðar.

Þannig bíð ég eftir að sjá ný frumvörp um skuldalækkanir og í framhaldi skoðun á alfeiðingum þeirra.

Samfylking fari í naflaskoðun

Eftir allt sem á undan er gengið er bara eitt að segja nú!

"Íslendingaheilkennið!"

Alveg frábær greining á Íslandi og Íslendingum í Fréttablaðinu i dag.  Sem ég bara set hér inn í heild sinni. Hún er eftir Árni Richard Árnason stærðfræðing sem ég hef ekki heyrt um fyrr, en hann tekur okkur fyrir og finnur út að við erum haldin sérstöku heilkenni sem finnst sennilega hvergi annarstaðar.

Kaupmáttur meðaltímakaups á Íslandi er lægri en á Spáni, þrátt fyrir að Íslendingar séu ríkir af auðlindum og fái fleiri ferðamenn miðað við höfðatölu. Því veldur óhagkvæmni einangraðs íslensks hagkerfis þar sem störf eru varin og mynduð með íhlutun stjórnmálamanna.
Íslenskt hagkerfi einkennist af stjórnlyndi og ríkissósíalisma, og almenningur virðist halda að hlutverk stjórnmálamanna sé að skapa störf og hagvöxt. Hér eru einkenni að verki sem ég kalla Íslendingaheilkennið, en mætti líka nefna Þetta-reddast-heilkennið eða frekar Reddið-þessu-heilkennið. Ég ætla að reyna að gera þessu heilkenni skil með þessum pistli.

Einkennin
Sá sem er haldinn Íslendingaheilkenninu er með eindæmum skammsýnn. Hann aðhyllist ekki langtímalausnir, heldur töfralausnir. Hann hugsar oft stórt, en ekki mjög djúpt, og mest í eigin þágu. Hann virðist frjálslyndur gagnvart því hvernig annað fólk lifir sínu lífi, sem er stundum mistúlkað sem umburðarlyndi eða virðing, en í rauninni er honum sama um annað fólk á meðan það skaðar hann ekki. Hann óttast útlendinga sem geta svipt hann lífsviðurværi sínu og jafnvel stolið auðlindum þjóðar hans. Hann vill auka ríkidæmi sitt hratt, til dæmis með því að láta virkja fallvötn og byggja álver sem skapar gervihagvöxt.

Fylgifiskur gervihagvaxtar er þó að hann gengur til baka, með tilheyrandi samdrætti, en það stöðvar ekki þann sem er haldinn Íslendingaheilkenninu því hann hugsar ekki svo langt. Hann þolir illa viðvaranir eða svartsýnisböl, sérstaklega ef slíkt kemur frá útlendingum. Hann lætur sér ekki segjast, enda væri það „aðför að sjálfstæðinu“ að fylgja ráðgjöf útlendinga. „Allt sem er íslenskt er gott, sérstaklega hin blessaða króna sem kemur hagkerfinu til bjargar með sveigjanleika sínum.“ Þó er krónan í hlekkjum og blóðsýgur íslenskt hagkerfi, þar sem blóðið er í formi vaxtagreiðslna til erlendra lánardrottna og kröfuhafa.

En sá sem er haldinn Íslendingaheilkenninu er eindæma þrjóskur þegar kemur að því sem íslenskt er, enda er hann íslenskari en páfinn. Ef lausnir bjóðast sem fela í sér langtímasamstarf við útlendinga þá er þeim hafnað á þeim forsendum að lausnirnar séu ekki töfralausnir, nema með þeirri undantekningu að um styrki sé að ræða. „Þetta er líka allt saman útlendingum að kenna. Íslendingar eru svo sjálfstæð þjóð. Þetta reddast.“

Áhrif á samfélagið
Íslendinga sem eru veikir af Íslendingaheilkenninu er að finna í öllum starfsstéttum á Íslandi, og þeir gegnsýra allt íslenskt samfélag, svo að tala má um faraldur í þessu samhengi. Birtingarmynd þessa er einkum skýrust í fjármálaheiminum, fjölmiðlum og stjórnmálum.

Um það fyrstnefnda þarf ég ekki að fara mörgum orðum, enda þekkja allir þann skaða sem hefur hlotist af Íslendingaheilkenninu á þeim vettvangi, þó að fæstir kunni góð skil á heilkenninu sjálfu. Íslenskir fjölmiðlar eru að mestu leyti slúðurfréttamiðlar með það meginmarkmið að endursegja hvað fólk sagði í stað þess að greina og skýra hvað gerðist eða mun gerast.

Eitt vinsælasta viðfangsefni fjölmiðlastéttarinnar er fjölmiðlastéttin sjálf. Hvar annars staðar í heiminum birtast reglulega fréttatilkynningar um óléttu fjölmiðlakvenna? Hvar annars staðar í heiminum getur fólk orðið „frægt“ fyrir ekki merkilegri afrek en að vera fyllibyttur eða dópistar?

Lágkúrulegar slúðurfréttir eru vinsælasta efni veffjölmiðlanna og framboðið mætir eftirspurn.
Íslendingaheilkennið og grunnhyggnin ráða ríkjum. Ástandið minnir óþægilega mikið á gamlar zombí-kvikmyndir, með þeirri undantekningu að zombí-áhrifin eru aðeins innvortis, smitast sennilega ekki við bit, og gætu verið meðfædd.

Kjósendur vilja skammtímalausnir
Alþingi er helsta vígi Íslendingaheilkennisins. Þar ræða hugsjónalausir stjórnmálamenn skammtímalausnir sem eru best fallnar til þess að kaupa atkvæði auðkeyptra kjósenda. Sem betur fer fyrir stjórnmálamenn þá muna kjósendur ekki langt aftur, og hugsa ekki langt fram í tímann, enda flestir haldnir Íslendingaheilkenninu. En stjórnmálamönnum er refsað fljótt ef þeir finna ekki skammtímalausnir hið fyrsta sem gefa fólki aura í vasann, og því eiga stjórnmálamenn með framtíðarsýn ekki upp á pallborðið hjá kjósendum.

Til allrar hamingju fyrir ráðandi stjórnmálamenn þá hafa þeir þjálfað hæfni sína í að finna fjármuni og þeir geta jafnvel tekið þá af framtíðarskattgreiðslum, jafnvel þó að óvíst sé að þær muni nokkurn tímann eiga sér stað. Kjósendur hafa engar áhyggjur af því, enda er það þeim ofviða að hugsa svo langt fram í tímann. „Þetta reddast.“

Að svo komnu er Íslendingaheilkennið einangrað við Ísland sökum legu landsins. Ef þú býrð utan Íslands, þá hef ég þetta að segja: Don‘t panic.

( tekið af visir.is)

Rétt að benda á frétt RUV um þetta mál. Og smá skúbb!

Undirritaður hefur fyrir því heimildir að auk þessa sem segir hér fyrir neðan í frétt RUV þá hafi fengist samþykkt að skipuð verði þverpólitísk nefnd um tillögur að úthlutun afla í nýjum tegundum og gjaldtöku fyrir það á næsta ári.

Svo bendi ég sérstaklega á  það sem kemur um miðbik fréttarinnar þ.e. að hætt er við komugjöld á sjúkrahús, aukið fé í rannsóknarsjóði. Þannig að það er rétt hjá Árna að þau í stjórnarandstöðunni hafa komið viti að einhverju marki fyrir stákana í stjórninni. 

Samkomulag hefur náðst milli stjórnar og stjórnarandstöðu á Alþingi um þinglok. Eins og fram kom í tíufréttum í kvöld þá sagði forsætisráðherra það gleðiefni að tekist hafi að færa fjármagn til svo mögulegt verði að greiða út desemberuppbót til atvinnuleitenda.

Samkvæmt heimildum fréttastofu mun líka hafa náðst samkomulag um að hætta við komugjöld við innlögn á sjúkrahús og þá mun hafa náðst samkomulag um að bæta fjármagni við rannsóknarsjóði. Formenn flokkanna og þingflokksformenn hafa fundað í þinghúsinu í kvöld til að semja um afgreiðslu mála þótt enn sé óljóst hvenær þingstörfum ljúki fyrir jól. Hins vegar bendir allt til þess að atkvæðagreiðsla að lokinni annarri umræðu um fjárlög fari fram síðdegis á morgun.

Góður árangur af góðri vinnu minnihluta á Alþingi og í raun merki um að flokkar geti samið um mál á Alþingi sem eru okkur almenning til framdráttar. 

Samþykkt að greiða desemberuppbót

Skoðun mín á nokkrum atriðum fjárlagafrumvarpsins 2014

• Nokkuð ljóst að ég er ekki ánægður með að auðlegðarskattur var tekinn af. Veiðigjald lækkað, vsk. á gistinætur lækkaður. En í stað þess eru sett þjónustugjöld á sjúklinga, aukin gjöld á þá sem skrá sig í háskóla og skorið niður í rannsóknum og nýsköpun.  Þ.e. það er verið að flytja þessar byrgðar á milli þeirra sem hafa það hvað best núna yfir á þá sem standa lægst.
• Það er talað um að leggja 5 milljarða í að draga úr skerðingum á bótum almannatrygginga síðustu ára. En gera menn sér grein fyrir því að með óbreyttum skattleysismörkum kemur rikð til með að taka sennilega um 37% til baka í sköttum.
• Ég er algjörlega mótfallinn því að ríki sem er í hópi þeirra 20 ríkja í heiminum þar sem fólk hefur það best skeri niður þróunarsamvinnu. Enda má líta á að þetta sé mögulega fjárfesting til framtiðar því að komist samstarfsríki okkar upp úr eymdinni þá verða þau kaupendur að vöru og þjónustu m.a. t.d. vörum og þjónustu varðandi háhita.
• Ég vill meina að ef við hefðum haldið t.d. vsk. á gistingu og hærri veiðigjöldum en um leið haldið útgjöldum í hófi þá þyrftum við ekki að setja á legugjöld, ekki hækka skráningargjöld í HÍ og fleiri skólum og samt sem áður átt milljarða umfram til að greiða niður skuldir.
• Þá er ég á því að t.d. náttúrumynjasafnið verði að komast í almennilegt húsnæði þar sem við þurfum að huga að því t.d. að geta boðið þessum væntanlega milljónum ferðamanna upp á fjölbreytni og þar gæti það safn komið sterkt inn.
• Eins og fjárlagafrumvarpið er í dag með 500 milljóna afgangi sé dæmt til að mistakast. Þar sem þar eru vanáætluð útgjöld og niðurskurður í starfsmönnum og verkefnum ráðuneyta er ekki skynsamlegur og gengur ekki upp nema að ráðherrar ætli að vera nær verklausir . Það eru jú starfsmenn sem vinna að framgangi og útfærslna ákvarðana ráðherra og þings.  Sem og alla umsýslu málefna viðkomandi ráðuneytis og þeirra málaflokka sem falla undir þau. 

Las upp sparnaðartillögur SUS

Ragnheiður Elín ætti nú að kynna sér málin almennilega. Þetta segir Hörður hjá Landsvirkjun

Úr frétt á ruv.is

Landsvirkjun getur ekki annast orkuöflun fyrir álverið í Helguvík nema að litlu leyti að sögn forstjórans. Álverð þyrfti að hækka um 30 til 40 prósent svo að hægt yrði að ljúka samningum.

Og svo bætir hann við. Takið sérstaklega eftir þeim kafla þar sem ég breytti lit á letrinu. Vekur mann til umhugsunar um stöðu annarra virkjana vegna álverana hér. 

„Við munum aldrei geta tekið við þessu verkefni“

Michael Bless forstjóri Century Aluminumm sem á Norðurál, hefur sagt það verð sem HS orka og Orkuveitan hafi boðið sé óviðunandi. Landsvirkjun hefur aðeins 50 til 100 megavött til umráða fyrir virkjunina sem er aðeins lítill hluti af þeirra raforku sem álverið þyrfti fullbúið. Samningar um þá orku hafa staðið yfir í þrjú ár en lítið þokast að undanförnu. Hörður Arnarson er forstjóri Landsvirkjunar. „Það er ljóst að þeir aðilar sem störtuðu þessu þurfa að bera hitann og þungann af orkuöfluninni. Vissulega erum við tilbúin til að aðstoða eins og við getum en við munum aldrei getað tekið við þessu verkefni,“ segir Hörður. 

Hörður gagnrýnir misræmi í upplýsingagjöf álfyrirtækisins. „Hérna á Íslandi er gefið í skyn að verkefnið geti farið af stað innan mjög skamms tíma en undanfarin þrjú ár hafa þeir tjáð sig mjög skýrt í Bandaríkjunum með að það væru ýmis ljón í veginum og því miður hefur atburðarrásin verið í samræmi við upplýsingagjöf þeirra í Bandaríkjunum. Það er ljóst að þetta misræmi á upplýsingagjöf hér og í Bandaríkjunum tel ég afar óheppilegt.“

Erfitt er að segja til um hvenær óvissu um framtíð álversins verði eytt. „Ég held að það sem þurfi að gerast er að álverð þarf að hækka. Það er mjög lágt og það þarf hækka held ég um 30 til 40 prósent, það myndi hjálpa verkefninu mikið,“ segir Hörður. 

 

Ekki búið að slá Helguvík af

Það er bara þannig að Sigmundi tekst að snúa öll sem aðrir segja á haus.

Jam nú er að ESB sem er að slíta viðræðum! Bíddu hvað átti Sigmundur þá við þegar hann sagði við þá í sumar þegar þeir voru að láta vit að viðræður væri komnar í bið. Þá segir Sigmundur sjálfur að hann hafi sagt þeim

Sigmundur Davíð sagðist ekki hafa óskað eftir að haldið yrði áfram að styrkja ný verkefni, þvert á móti hafi hann tekið fram að hann sýndi því fullan skilning ef sambandið hætti slíkum greiðslum. 

Held að skattgreiðendur í ESB ríkjum hefðu nú gert athugasemdir við það að þegar að Utanríkisráðherra fer út tilkynnir hlé á viðræðum og kemur svo heim og segir að viðræður haldi ekki áfram á hans vekt í ráðuneytinu og engin þjóðaratkvæðgreiðsl um áframhaldið fari fram fái hann einhverju ráðið. Halda menn að þetta fréttist ekki út fyrir landssteinana.

ESB sjálft slitið viðræðunum

Fjárlög verða ekki afgreidd nema að atvinnulausir fái desemberuppbót

Held að því fyrr sem að Framsókn áttar sig á að fjárlög komast ekkert áfram nema að fundnir verði peningar til að fjármagna desemberuppbót, því fyrr komist önnur mál eitthvað áfram og með því að bjóða stjórnarandstöðu upp á að sleppa þessu nýju komugjöldum á sjúkrahús þá sé komin grundvöllur til að möguleiki sé á að koma fjálögum í gegn fyrir áramót.

Og ef að skoðaðar verða auknar tekjur ríkisins af ferðamönnum t.d. vsk hækkun, einhver auðlegðarskattur eða annað til að sleppa t.d. samdrætti í sjóðum fyrir rannsóknir og nýsköpun þá séu líkur á að þetta komist allt í gegn. Jafnvel hægt að skila með þessu hærri  afgangi á pappírnum fyrir næsta ár þó við vitum að það verður farið verulega yfir því það er svo margt óvissu háð á næsta ári eins og kjarasamningar, staða íbúðalánasjóðs og fleira. 

En annars má búast við málþófi fram að áramótum. 

Komugjöld á sjúkrahús!

Árni Þór í vinstri grænum sagði í dag að
skv. áætlunum heilbrigðisráðuneytis er áætlað að 297 milljónir skili sér
í komugjöld á sjúkrahús. Sem skv. fjölda innlagna gæti þýtt um 11
þúsund að meðaltali. En þar sem öryrkjar, aldraðir og börn fá afslátt þá
gæti þetta gjald fyrir okkur hin verið hugasnlefga frá 15 upp í 20
þúsund krónur. Og það í hvert skipti sem fólk þarf að leggjast inn.

Engin desemberuppbót fyrir atvinnulausa!

En samt ýmsir fjárlagaliðir árið 2013 ekki fullnýttir en á að nýta þá í vinnu við að stytta framhaldsskólan á næsta ári. M.a. eru þarna einhverjir peningar sem áttu að nýtast í nám er vinnandi vegur fyrir atvinnulausa. En úps Illuga langar til að nota þá á næsta ári og því fá atvinnulausir enga desemberuppbót.   Skilst að kostanaður við það gæti verið rúmlega 200 milljónir og að Illugi fái uppsafnaða fjárlagaliði 2013 og þeir verði fluttir milli ára upp á kannski 170 milljónir.  Held að fjárlaganefnd hefði nú getað fundið fé í þetta auðveldlega.