Lykilstarfsmenn skulduðu bankanum jafn mikið og Noregur er að lána okkur

Þetta sýnir svo um er villst að þeir sem stýrðu bankanum voru gjörsamlega búnir að missa alla glóru. Og ekki voru eigendurnir skárra. Held að Bakkavarar menn ættu nú snarlega að hætta afskiptum af sínum fyrirtækjum og reyna að finna einhverja sérfræðinga til að stjórna fyrir sig til að bjarga því sem bjargað verður. Að hafa ekki fylgst betur með hvað menn eru að gera í banka sem þeir eiga stóran hlut í bendir til þess að árangur þeirra í viðskiptum fram að þessu hafi verið heppni sem síðustu ár snérist í höndunum á þeim og þeir kunnu ekkert til verka.

Ef menn eru að reka fyrirtæki þá leyfa þeir starfsfólki ekki að blanda sínum fjármálum svona gríðarlega inni reksturinn. Því þá geta þeir ekki treyst að ákvarðanir starfsmanna séu með hag annarra eigenda í fyrirrúmi.

Um 80. milljarðar!!!!!!!!! Það er ljóst að það voru fjárglæframenn eða kannski fjárglæpamenn við stjórn. Og minnir á þá umræðu að það þurftir að borga þeim svo hátt kaup til að þeir yrðu ekki fengnir til starfa í erlendum fyrirtækjum. Það hlýtur þá að vera slegist um þá núna.

Þessir skuldsæknu starfsmenn eiga ekkert heima í ríkisbanka. Það er ekki hægt að treysta þeim. Þeim þótti þetta allt í lagi og af hverju ættum við að treysta þeim til að byggja upp heilbrigða banka.

Lykilmenn skulduðu 80 milljarða króna

Það tók ekki nema nokkur andartök að koma þessum ófögnuði á

Það á ekki að vera neitt vandamál að fella út nokkrar greinar sem eru ekki ásættanlegar. Og það á einum degi. Það eru atrið eins og að geta þegið eftirlaun þó menn séu í fullu starfi, að fræði og ritstörf komi ekki til frádráttar og í raun eru þetta aðalatriðin.

Hvað tefur eftirlaunin?

Kaup starfsmanna á hlutum í fyrirtækjum sem þeir starfa hjá!

Hef verið að velta fyrir mér þessari áráttu sem verið hefur síðustu ár og birtist í að starfsmenn eru að fá kauprétti í fyrirtækjum sem þeir starfa hjá og eins að þeir eru að kaupa og selja hluti í þeim umfram kauprétti.

Nokkur atriði:

• Er það virkilega gott fyrir fyrirtæki að starfsmenn séu á vinnutíma að annast eigin hagsmuni og vesenast í eigin hlutafélögum.
• Hagsmunir starfsmanna og fyrirtækis fara ekki alltaf saman. Er ekki hætta á að starfsmenn fari að starfa að eigin hagsmunum og þar með gegn hagsmunum fyrirtækis? Með því að taka ákvarðanir í rekstri sem hentar ekki fyrirtækinu en starfsmenn hagnast.
• Maður hefur jú heyrt að það sem hafi keyrt upp lántöku æðið hafi einmitt verið að starfsmenn voru að hugsa um eigin hag og aukna bónusa en vitað ósköp vel að t.d. bankarnir voru komnir í óefni.

Voru skuldir stjórnenda Kaupþings afskrifaðar?

Hannes heldur því fullum fetum fram að bankakreppa og staða okkar sé Ólafi Ragnari að kenna.

Ég held að Hannes Hólmsteinn hafi slegið öll met í vitleysunni í dag. Heyrði bút úr viðtali við hann á Útvarpi Sögu. Þar hélt hann því virkilega fram að með því að neita að skirfa undir fjölmiðlalögin þá hafi Ólafur Ragnar hrundið þessu öllu af stað. Með því hafi hann komið málum svo fyrir að auðmenn hafi átt öll blöðin og blaðamenn ekki þorað að rannsaka málin hér.

Svei mér þá þá held ég að honum takist illa að dreyfa málinu svona. Það hljóta allir að sjá í gegnum þetta. Það er rétt að Ólafur valdi að styðja við útrásina en svo gerðu flestir ráðherrar og seðalbankastjórar líka. En Hannes verður að viðurkenna að Ólafur hafði ekkert með lög og reglur að gera né eftirlit. Og þó maður fljúgi með viðskiptamönnum til útlanda þá er hann ekki sekur um neitt nema að hafa ekki fengið viðvaranir eins og aðrir frá stofnunum sem áttu að vara okkur við og stoppa þetta brjálæði.

Hér er frétt af www.visir.is um málið.

Hannes Hólmsteinn Gissurarson

Hannes Hólmsteinn Gissurarson er harðorður í garð þeirra auðmanna sem eiga fjölmiðlana á Íslandi. Í viðtali hjá Arnþrúði Karlsdóttur á Útvarpi Sögu í dag sagði hann Ólaf Ragnar Grímsson vera klappstýru auðmannanna og sakaði fjölmiðlamenn á Ríkisútvarpinu um meðvirkni og hræðslu í garð auðmanna.

„Með því að auðmennirnir eignuðust fjölmiðlana minnkaði allt aðhald," segir Hannes í viðtalinu og tekur nokkur dæmi. Þar nefnir hann m.a þegar Inga Jóna Þórðardóttir eiginkona forsætisráðherra sagði sig úr stjórn Flugleiða vegna þess að henni hefði ekki líkað hvernig komið var fram þar að sögn Hannesar.

„Fjölmiðlarir gerðu ekki neitt með þetta því þeir voru í eiguumsjón auðmannanna."

Hann sagði fólkið ekki treysta fjölmiðlunum því þeir væru allir keyptir eða leigðir af þessum auðmönnum og miðlarnir myndu ganga erinda þeirra.

Aðspurður hversvegna Ríkisútvarpið hefði ekkert látið í sér heyra segir Hannes að fjölmiðlafólk þar hafi verið meðvirkt því einn daginn gæti það misst vinnuna. „Og þá gæti það eingöngu farið að vinna á fjölmiðli sem auðmennirnir áttu. Þannig að fjölmiðlamennirnir á Ríkisútvarpinu urðu meðvirkir með fjölmiðlamönnum á öðrum stöðum."

Hann sagði einnig að það hefði verið ákveðin samtrygging þeirra sem áttu blöðin um að gagnrýna ekki hver annan. „Það var ekkert heilbrigt aðhald."

Hannes sagði að afrifaríkt skref hefði verið tekið í ranga átt árið 2004 þegar fjölmiðlafrumvarp Davíðs Oddssonar hefði verið synjað af forseta Íslands.

„Ólafur Ragnar Grímsson og auðmennirnir settust upp í einkaþoturnar og lystisnekkjurnar, eignuðust fjölmiðlana, bankana, stærstu viðskiptavinana og gleyptu þetta allt."

Þetta heitir í minni bók að "hengja bakara fyrir smið."!

 

 

Árvakur verði almenningshlutafélag á næstu árum

Annað segir visir.is

Reyndar á þetta að hafa gerst í vikunni áður en Kaupþing var þjóðnýttur en hlýtur að vera ólöglegt.

Fréttastofa kannaði í dag hvað væri hæft í þessum orðrómi sem hefur vakið gríðarlega reiði hjá almenningi. Og hann virðist ekki úr lausu lofti gripinn. Fréttastofa hefur heimildir fyrir því að stjórn Kaupþings hafi skömmu fyrir þjóðnýtingu bankans ákveðið að fella niður skuldir æðstu stjórnenda, lán sem viðkomandi einstaklingar höfðu tekið til að fjármagna kaup á bréfum í bankanum.

Það er á huldu hversu margir fengu þessa lúxusmeðferð, að skuldum þeirra hafi verið sópað út af borðinu, en talið er að þeir hlaupi á tugum.

Gríðarlegar fjárhæðir munu hafa verið felldar niður með þessum hætti, og samkvæmt heimildum fréttastofu munu endurskoðendur bankanna hafa rekið augun í að þarna væri maðkur í mysunni.

Sjá nánar

Og á www.ruv.is  stendur líka m.a

Kaupþing afskrifaði skuldir fjölda starfsmanna bankans í lok september, örfáum vikum áður en bankinn var þjóðnýttur. Heimildarmaður fréttastofu, sem ekki vill láta nafns síns getið, segir að stjórn bankans hafi tekið þessa ákvörðun. Fjárhæðirnar munu vera háar og skuldir fjölda starfsmanna munu hafa verið afskrifaðar.

Samkvæmt heimildum fréttastofu voru skuldir margra stjórnenda Nýja Kaupþings afskrifaðar. Sigurður Einarsson, fyrrverandi stjórnarformaður Kaupþings vildi ekki svara spurningum fréttamanns þegar náðist í hann í dag. Ekki náðist í Hreiðar Má Sigurðsson, fyrrverandi forstjóra Kaupþings, né Finn Sveinbjörnsson, forstjóra Nýja Kaupþings

FME hefur ekki samþykkt niðurfellingu skulda

Það eru farnar að berast furðulegar sögur frá bönkunum.

Þetta bréf gegnur nú ljósum logum á netinu.

“Yfirmaður áhættustýringar Kaupþings tapaði 2 milljörðum (mest tekið að láni) og allar skuldir hreinsaðar við hann og mörg hundruð aðra bankastarfsmenn sem tóku lán frá 10-1000 milljónir til að kaupa hlutabréf,sumir fengu sér cruiser 100 jeppa, fjármögnuðu heimsreisur og lúxusheimili. Allar skuldir hreinsaðar upp svo þeir geti hafið störf í nýju ríkisbönkunum okkar. Rökin sem FME og ráðamenn færa fyrir þessu er að það sé ómögulegt að manna yfirmannastöður í nýju bönkunum nema þetta sé gert, því lögum samkvæmt mega gjaldþrota einstaklingar ekki starfa fyrir banka!!! Fyrir mér er þetta stríðsyfirlýsing við okkur venjulegu borgarana í þessu landi sem erum flest með lán í þessum bönkum. Ef skuldir og sukk þessara óreiðumanna eru sópaðar útaf borðinu þá vil ég að það sama gangi yfir alla!!!!!! tugþúsundir töpuðu stórum hluta af sparnaði sínum, tugþúsundir venjulegra hluthafa í bönkunum töpuðu öllu sínu.... ég gæti haldið endalaust áfram... ég hef aldrei reiðst eins mikið á ævi minni og þegar ég heyrði þetta.

Þetta er hámark spilingarinnar og hvet ég ykkur til að hafa samband við sem flesta og beina reiði ykkar að þingmönnum okkar. Þetta endar með ofbeldi annars.“

Og þetta las ég á blogginu hennar Oddnýjar Sturludóttur:

Nú hefur dómsmálaráðherra falið ríkissaksóknara að gera skýrslu um stöðu og starfsemi íslenskra peninga- og fjármálastofnana á tímamótum í rekstri þeirra og eignarhaldi. Skýrsluhöfundar eiga að afla staðreynda um starfsemi bankanna og fyrirtækja í þeirra eigu og tilfærslu eigna, einkum á síðustu mánuðum starfseminnar. 

Ríkissaksóknarinn Valtýr Sigurðsson og fyrrverandi ríkissaksóknari Bogi Nilsson stýra gerð skýrslunnar og efnisöflun. 

Valtýr á son. 

Sá sonur er forstjóri Exista hf. sem er stærsti hluthafi Kaupþings hf., hann er líka stjórnarformaður Vátryggingafélags Íslands hf., Lýsingar hf., Líftryggingafélags Íslands hf., Íslenskrar endurtryggingar hf., Exista Invest ehf. og Exista Trading ehf. Meðal annars.

Bogi á líka son. 

Sá sonur er forstöðumaður á lögfræðisviði Stoða hf. Hann er jafnframt stjórnarformaður og fer með prókúru fyrir Stoðir Capital ehf., Stoðir Eignarhaldsfélag ehf., Stoðir Finance ehf. og FL Bayrock Holdco ehf. Meðal annars. 

Hafa menn ekkert lært? Þarf íslenska þjóðin ekki á því að halda núna að þessi mikilvæga skýrsla verði unnin af þeirri almestu fagmennsku sem völ er á? 

Svo er þessi færsla hjá Pétri á http://eyjan.is/hux/

Þegar litið er yfir ríkisstjórnarborðið kemur í ljós að Björn Bjarnason, dómsmálaráðherra og yfirmaður ríkissaksóknara, er tengdafaðir Hreiðars Más Guðjónssonar, lykilstjórnanda í viðskiptaveldi Björgólfs Thors Björgólfssonar. Eiginmaður Þorgerðar Katrínar Gunnarsdóttur menntamálaráðherra er Kristján Arason, sem var yfirmaður einkabankaþjónustu hjá Kaupþingi. Björgvin G. Sigurðsson viðskiptaráðherra er svili Sigurðar G. Guðjónssonar, sem sat í stjórn Glitnis. Geir H. Haarde forsætisráðherra er stjúpfaðir Borgars Þórs Einarssonar, sem starfaði í lögfræðideild Landsbankans. Eiginkona Geirs, Inga Jóna Þórðardóttir, sat sem kunnugt er í stjórn FL Group en sagði sig úr stjórninni 2005 af ástæðum sem enn eru að miklu leyti óljósar.

Þetta sýnir að fullþörf er að fara ofan í kjölin á öllum þessum málum og rannsaka málin vel og þá þarf að finna menn sem ekki hafa tengsl við þessa banka. Held að það sé nauðsynlegt að þeir komi erlendis frá.

Árás á fullveldi þjóðarinnar

Fleiri þingmenn þurfa að fara að átta sig á vilja þjóðarinnar varðandi ESB

Fór í fljótheitum yfrir þingmannalista og hvaða skoðun ég held þeir hafi á aðildarviðræðum við ESB

Arnbjörg Sveinsdóttir (ArnbS)	5. þm.	Norðaust.	Sjálfstfl.	formaður þingflokks	Nei
Atli Gíslason (AtlG)	7. þm.	Suðurk.	Vinstri-gr.		nei
Ágúst Ólafur Ágústsson (ÁÓÁ)	4. þm.	Reykv. s.	Samf.		Já
Álfheiður Ingadóttir (ÁI)	11. þm.	Reykv. s.	Vinstri-gr.		Nei
Ármann Kr. Ólafsson (ÁKÓ)	4. þm.	Suðvest.	Sjálfstfl.		Nei
Árni Páll Árnason (ÁPÁ)	11. þm.	Suðvest.	Samf.		Já
Árni Johnsen (ÁJ)	6. þm.	Suðurk.	Sjálfstfl.		Nei
Árni M. Mathiesen (ÁMM)	1. þm.	Suðurk.	Sjálfstfl.	fjármálaráðherra	Nei
Árni Þór Sigurðsson (ÁÞS)	9. þm.	Reykv. n.	Vinstri-gr.		nei
Ásta R. Jóhannesdóttir (ÁRJ)	8. þm.	Reykv. s.	Samf.	1. varaforseti	Já
Ásta Möller (ÁMöl)	7. þm.	Reykv. s.	Sjálfstfl.		nei
Birgir Ármannsson (BÁ)	9. þm.	Reykv. s.	Sjálfstfl.		nei
Birkir J. Jónsson (BJJ)	6. þm.	Norðaust.	Framsfl.		Já
Bjarni Benediktsson (BjarnB)	3. þm.	Suðvest.	Sjálfstfl.		Ath
Bjarni Harðarson (BjH)	8. þm.	Suðurk.	Framsfl.		nei
Björgvin G. Sigurðsson (BjörgvS)	2. þm.	Suðurk.	Samf.	viðskiptaráðherra	Já
				ráðherra norrænna samstarfsmála
Björk Guðjónsdóttir (BjörkG)	9. þm.	Suðurk.	Sjálfstfl.		Nei
Björn Bjarnason (BBj)	6. þm.	Reykv. s.	Sjálfstfl.	dómsmálaráðherra	nei
Einar K. Guðfinnsson (EKG)	5. þm.	Norðvest.	Sjálfstfl.	sjávarútvegs- og landbúnaðarráðherra	nei
Einar Már Sigurðarson (EMS)	7. þm.	Norðaust.	Samf.	4. varaforseti	Já
Ellert B. Schram (EBS)	11. þm.	Reykv. n.	Samf.		Já
Geir H. Haarde (GHH)	1. þm.	Reykv. s.	Sjálfstfl.	forsætisráðherra	nei
Grétar Mar Jónsson (GMJ)	10. þm.	Suðurk.	Frjálsl.		nei
Guðbjartur Hannesson (GuðbH)	2. þm.	Norðvest.	Samf.		Já
Guðfinna S. Bjarnadóttir (GSB)	3. þm.	Reykv. n.	Sjálfstfl.		Ath
Guðjón A. Kristjánsson (GAK)	6. þm.	Norðvest.	Frjálsl.		nei
Guðlaugur Þór Þórðarson (GÞÞ)	1. þm.	Reykv. n.	Sjálfstfl.	heilbrigðisráðherra	nei
Guðni Ágústsson (GÁ)	3. þm.	Suðurk.	Framsfl.		nei
Gunnar Svavarsson (GSv)	2. þm.	Suðvest.	Samf.		Já
Helgi Hjörvar (HHj)	7. þm.	Reykv. n.	Samf.		Já
Herdís Þórðardóttir (HerdÞ)	8. þm.	Norðvest.	Sjálfstfl.		nei
Höskuldur Þórhallsson (HöskÞ)	10. þm.	Norðaust.	Framsfl.		Já
Illugi Gunnarsson (IllG)	3. þm.	Reykv. s.	Sjálfstfl.	varaformaður þingflokks	Ath
Ingibjörg Sólrún Gísladóttir (ISG)	2. þm.	Reykv. s.	Samf.	utanríkisráðherra	Já
Jóhanna Sigurðardóttir (JóhS)	5. þm.	Reykv. n.	Samf.	félags- og tryggingamálaráðherra	Já
				starfsaldursforseti
Jón Bjarnason (JBjarn)	4. þm.	Norðvest.	Vinstri-gr.		nei
Jón Gunnarsson (JónG)	7. þm.	Suðvest.	Sjálfstfl.		nei
Jón Magnússon (JM)	10. þm.	Reykv. s.	Frjálsl.	formaður þingflokks	Já
Karl V. Matthíasson (KVM)	7. þm.	Norðvest.	Samf.		Já
Katrín Jakobsdóttir (KJak)	4. þm.	Reykv. n.	Vinstri-gr.	varaformaður þingflokks	nei
Katrín Júlíusdóttir (KaJúl)	5. þm.	Suðvest.	Samf.		Já
Kjartan Ólafsson (KÓ)	4. þm.	Suðurk.	Sjálfstfl.	3. varaforseti	nei
Kolbrún Halldórsdóttir (KolH)	5. þm.	Reykv. s.	Vinstri-gr.		nei
Kristinn H. Gunnarsson (KHG)	9. þm.	Norðvest.	Frjálsl.	5. varaforseti	Ath
				varaformaður þingflokks
Kristján Þór Júlíusson (KÞJ)	1. þm.	Norðaust.	Sjálfstfl.		nei
Kristján L. Möller (KLM)	3. þm.	Norðaust.	Samf.	samgönguráðherra	Já
Lúðvík Bergvinsson (LB)	5. þm.	Suðurk.	Samf.	formaður þingflokks	Já
Magnús Stefánsson (MS)	3. þm.	Norðvest.	Framsfl.	varaformaður þingflokks	Já
Ólöf Nordal (ÓN)	9. þm.	Norðaust.	Sjálfstfl.		nei
Pétur H. Blöndal (PHB)	6. þm.	Reykv. n.	Sjálfstfl.		nei
Ragnheiður E. Árnadóttir (REÁ)	9. þm.	Suðvest.	Sjálfstfl.		nei
Ragnheiður Ríkharðsdóttir (RR)	12. þm.	Suðvest.	Sjálfstfl.	6. varaforseti	nei
Sigurður Kári Kristjánsson (SKK)	8. þm.	Reykv. n.	Sjálfstfl.		nei
Siv Friðleifsdóttir (SF)	10. þm.	Suðvest.	Framsfl.	formaður þingflokks	Ath
Steingrímur J. Sigfússon (SJS)	4. þm.	Norðaust.	Vinstri-gr.		nei
Steinunn Valdís Óskarsdóttir (SVÓ)	10. þm.	Reykv. n.	Samf.	varaformaður þingflokks	Já
Sturla Böðvarsson (StB)	1. þm.	Norðvest.	Sjálfstfl.	forseti	nei
Valgerður Sverrisdóttir (VS)	2. þm.	Norðaust.	Framsfl.		Já
Þorgerður K. Gunnarsdóttir (ÞKG)	1. þm.	Suðvest.	Sjálfstfl.	menntamálaráðherra	Já
Þórunn Sveinbjarnardóttir (ÞSveinb)	8. þm.	Suðvest.	Samf.	umhverfisráðherra	Já
Þuríður Backman (ÞBack)	8. þm.	Norðaust.	Vinstri-gr.	2. varaforseti	nei
Ögmundur Jónasson (ÖJ)	6. þm.	Suðvest.	Vinstri-gr.	formaður þingflokks	nei
Össur Skarphéðinsson (ÖS)	2. þm.	Reykv. n.	Samf.	iðnaðarráðherra	Já

Þetta gera

25 sem ég er viss um að vilji prófa að sækja um

33 sem ég tel að vilji ekki sækja um

5 sem eru ekki vissir eða ég veit ekki hvaða skoðun þeir hafa

Nokkuð ljóst að Alþingi endurspeglar ekki vilja þjóðarinar nú.

Tilbúin að endurskoða afstöðu

Eðlilegt að Samfylking vilji ekki bera ábyrgð á Seðlabankanum

Finnst þetta (ef rétt er) algjörlega eðlilegt. Ef að Samfylkingin getur ekki sætt sig við störf ákveðins embættismanns og hann er ekki látinn fara, þá er eðlilegt að neita því að hann starfi í þeirra umboði.

Nú er það Geir sem ber ábyrgð á Seðlabanka og hann neitar að gera þar breytingar og hann ber því ábyrgð ásamt Sjálfstæðismönnum á verkum Davíðs.

Nú er Seðlabanki rúin trausti og allir kalla eftir því að þar verði skipaður maður með mikla þekkingu til að takast á við vandamálin sem steðja að peningakerfi. Jafn vel útlendan. En öll svör Geirs eru að ekki sé tímabundið að ræða þau mál. Eins og með ESB og samskipi við Breta.

Samfylking afneitar Davíð

Vinstri sveifla en er hún til góðs? Evrópuflokkur?

Ég sem jafnaðarmaður fagna náttúrulega að fólk skuli átta sig á að til að manneskjulega verði tekið á þeim vandamálum sem við göngum nú í gegn, verði það að leita til þeirra flokka sem leggja áherslu á jöfnuð. En til þess að við fáum einhverja almennilega framtíðarsýn er ég þó hugsi vegna andstöðu Vg við aðildarumsókn að ESB.

Því tel ég grundvöll nú fyrir að fólk úr öllum flokkum sem vilja taka upp viðræður við ESB kljúfi sig út úr sínum flokkum og myndi tímabundið flokk sem hefði það að höfuð markmiði að ganga í ESB. Önnur helstu baráttumál þess flokks yrði einskonar sáttmáli milli ólíkra aðila í Evrópuflokknum. Flokkurinn gæti sett sólarlag um hversu lengi hann ætlaði að starfa og yrði slitið eftir að við erum gengin inn í ESB eða fyrir næstu kosningar þar á eftir. 

Síðan yrði þá samstaf við Samfylkingu eftir næstu kosningar um aðildarumsókn að ESB

Held að vegna þess að Framsókn og Sjálfstæðisflokkurinn ætla ekki að taka tillit til vilja meirihluta þjóðarinnar sé þetta eini möguleikinn ef við ætlum ekki að bíða í 10 eða 20 ár eftir ákvörðun eða næsta hruni efnahagslífsins.

Samfylking með langmest fylgi

Ég hvet fólk til að lesa heimasíðu Björns. Nú á að kæfa ESB umræðu aftur.

Mér er t.d. hulin ráðgáta af hverju alltaf er verið að vitna í Jón Daníelsson eins og hann hafi hina einu réttu skoðun. Hann m.a. predika að prenta seðla og taka í kjölfarið á okkur gríðarlega verðbólgu. Í hann vitnar björn um að hættulegt sé að tala um evru og ESB að svo stöddu.

Og m.a. vitnar Björn í viðtal við Jón Daníelsson sem segir:

„Það er langtíma pólitísk spurning, sem íslenska þjóðin getur tekið afstöðu til þegar stundir líða fram. Það er fullkomlega ótímabært. Þar fyrir utan hefur Evrópusambandið nóg að gera og hefur engan tíma til að taka afstöðu til Íslands um þessar mundir. Ef landið verður svo rjúkandi rúst eftir einhverja mánuði er vafamál að sambandið hafi áhuga á að fá Íslendinga í hópinn.“

Þarna er Jón farinn að gefa sér full mikið finnst mér. Hvað í ósköpunum á maðurinn við? Heldur hann að þarna séu bara nokkrir starfsmenn? Og hvað eigum við að hans mati að bíða lengi. Kannski þar til að næsta hrun skellur á okkur. Menn hafa bent á að nær allar þjóðir sem gegnið hafa í ESB undafarna áratugi hafa gengið þar inn eftir að hafa orðið fyrir efnahagsáfalli. T.d. Svíþjóð, Finnland og mun fleiri ríki.

Og síðar segir Björn:

Evrópuumræðum verður enn á ný að skipa á þann veg, að þær þvælist ekki fyrir hinum brýnu úrlausnarefnum líðandi stundar.

Held að þetta eigi að vera stefna Sjálfstæðismanna þ.e. að drepa þessa umræðu niður og koma aftur á sama kerfi og hér hefur verið.

Ríkisstjórn og seðlabanki verða að ganga í takt