Hvað er þessu Sjálfstæðismönnum?

Vær gott að einhver benti Sigurði Kára á að stjórnarskrá og breytingar á henni er ekkert einkamál Jóhönnu. Og ef þingmaður sem reyndar komst á þing eftir að annar úr hans  flokki hrökklaðist þaðan er að halda svona fram um stjórnarskrá þá hann bara ekki heima á þingi. Ný stjórnarskrá verður grunvöllur að allri okkar framtíð. Þar sem að öll lög, reglur, réttindi og stjórnskipulag byggist á stjórnarskrá þá geta menn ekki snúið þessu upp í dægur pólitík. Ef menn gera það þá eiga þeir ekki heima á Alþingi og ættu að hypja sig. Stjórnarskrá er fyrir lýðveldið Ísland og þar með alla þjóðina. Það var enginn þingmaður á móti þessu frumvarpi á þingi þó að sjálfstæðismenn skiluðu auðu því þeir vildu ekki að þjóðin hefði neitt með þetta að gera.

Kosningaþátttakan áfall fyrir Jóhönnu

Þetta er nú auma þjóðin!

Það eru allir að blaðra um "Nýtt Ísland" "nauðsynlegan aðskilnað framkvæmdar-, löggjafar og dómsvalds. Við skulum ekki einu sinni minnast á eignarhald á auðlindum. En svo þegar að fólk hefur tækifæri á að taka þátt í að breyta grundvallarforsendu Lýðveldisins Íslands þá nennir það ekki að taka þátt.  Er alveg sama. Nennir ekki að fylla út 25 númer og kynna sér hvað fólk hefur fram að færa. Þetta var kannski klukkutíma vinna að finna 25 einstaklinga á listann og svo 5 mínútur að skrá niður númerin á seðil á kjörstað. En nei þetta var allt of erfitt fyrir fólk. Þetta áhugaleysi er æpandi. 6 af hverju 10 nenntu þessu ekki

Kosningaþátttaka líklega um 40%

Furðulegt upphlaup Gunnars!

Nú hefur komið fram í fjölmiðlum áður:

Guðríður segir Gunnar ekki lýsa því rétt að honum hafi verið vikið af fundi.

„Ég spurði hvort hann ætlaði að sitja með okkur og hann svaraði já. Ég sagði þá að það væri skrýtið þar sem hann hugðist ekki aðstoða við áætlunina," segir Guðríður og bætir við að það sé erfitt að berja saman fjárhagsáætlun og enn erfiðara ef einstaklingur situr þar með yfirlýst markmið að vera á móti. Í kjölfarið yfirgaf Gunnar fundinn að hennar sögn.

Aðspurð hvort það væri ekki heldur mikil óbilgirni að meina Gunnari að njóta starfskrafta fjármálastjóra bæjarins svarar Guðríður: „Þetta eru reglur sem hann setti sjálfur í sinni bæjarstjóratíð."

Og sé ekki hvernig að starfsmenn bæjarins ættu að anna að vinna að 2 áætlunum. Það er ljóst að 10 bæjarfulltrúar vinna að því að koma saman 1 áætlun. Á svo einn bæjarfulltrúi að fá að dunda sér við að búa til eina fyrir sig og hafa  starfsmenn bæjarins undir. Það er nokkuð ljóst að fjárhagsáætlun sem allir nema einn leggur fram verður samþykkt.

„Valdníðsla af verstu sort“

Það kaus engin Ólaf til þessara verka!

Ólafur Ragnarvar sannarlega ekki kosinn til að stjórna eða túlka sína skoðun í utanríkismálum og samningum milli ríkja! Og alls ekki að hann hafi nokkurn rétt á að tala fyrir ákveðnum skoðunum erlendis, sem skoðunum þjóðarinnar. Enda hefur hann ekkert fyrir sér í þessum málum nema einhverja skoðanakannanir og svo þjóðaratkvæðagreiðslu sem var haldin eftir að ríkisstjórn var fallinn frá þeirri lausn sem kosið var um.

Held að fólk geri sér ekki grein fyrir í hvað stefnir. Hvað myndi t.d. fólk segja ef að Ólafur færi í Bloomberg og segði að Íslenska þjóðin tækju fagnandi að geyma fyrir þjóðir heims geislavirkan útgang gegn greiðslu. Eða að Ísland hafi ekkert í Sameinuðuþjóðunum að gera því þær hefðu ekki styrkt okkur. Hann kynnti ekki framboð sitt með þessum hætti og getur ekki farið gegn ríkisstjórn því þá eru t.d. engir sem vilja semja við hana hvorki vegna lána eða t.d. varðandi Icesave.

Ólafur virðist alltaf uppveðrast þegar erlendir fjölmiðlar tala við hann. Þeir viriðast halda að hann sé hér nær einráður þjóðhöfðingi eins og í Rússlandi. Þetta er svona svipað og Sænski Konungurinn færi að skipta sér að samningum milli Sænska ríkisins  og erlendra aðila. Eða Elísabet í Bretlandi.

Hér á landi er fólk sem var kosið á þing til að fara með þessi mál. Ólafur var ekki kosinn til þessara verka.

Guðni: Ólafur Ragnar gæti haldið áfram

Er þetta ekki rétt hugsað hjá mér?!

Það er talað um að meðal skuld þeirra heimila  í vandræðum sem eru með verðtryggð lán

• sé um 18 milljónir.
• Ef að um almennar niðurfærslu  upp á 15,5%
• Þá væri meðal skuldari að fá lækkun upp á  2.790 þúsund.
• Sem gerir að meðallán verða upp á 15.2 milljónir hjá þessu fólki.
•  Það er talað um að hver milljón þýði afborgun upp á um 5 þúsund á mánuði.
• Sem þýðir þá þessi niðurfærsla þýðir að afborganir per mánuð lækka úr svona cirka 90 þúsundum í um 76 þúsund. Sem þýðir lækkun á greiðslubirgði um 14 þúsund á mánuði.  Eða um 164 þúsund á ári. Sé ekki að þetta skipti skuldug heimili sköpum.
• Enda ljóst að svona aðgerð kostar ríkið milli 170 til 250 milljarða sem þarf þá að taka einhverstaðar á móti. Annað hvort með sköttum eða niðurskurði.

Held að fólk haldi að þetta sé miklu meira en það er í raun

Held að stjórnarandstaðan og fleiri séu nú ekki heiðarlega þegar þau þrá stagast á þessari almennu niðurfærslu sem allsherjarlausn.

 Halda menn virkilega að þetta skipti sköpum varðandi afkomu heimila heilar 14 þúsund.  Þetta gildir bara um verðtryggð lán. Þessi almenna niðurfærsla getur ekki verið varðandi gengistryggð lán um þau gilda væntanlega dómarnir og nýtt frumvarp að lögum sem er í þingi.

En ef við setjum dæmið upp þannig að einhver sé með 50 milljóna lán  sem fær niðurfærslu upp á 15.5% þá erum við að tala um allt annan hlut.  Þá lækkar lánið úr 50 milljónum niður í 42,250 milljónir sem þýðir lækkun á greiðslubirgði úr 250 þúsund niður í 211 þúsund. þannig að þar er lækkun á greiðslubirgði um 39 þúsund.

En í fjótu bragði sé ég ekki að þetta skipti heldur sköpum fyrir fólk. Hefði haldið að lækkun greiðslubirgði kannski um 50% eins og sjálfstæðisflokkur lagið til eða hækkun vaxtabóta verulega til kannski næstu 5 ára hefði hjálpað fólki betur.

Þingmenn óska eftir fundi með ráðherrum

Spurning til spekinga hér á landi!

Nú hefur "fræðingar" hér bæði á þingi og utan keppst við að segja okkur að við hefðum aldrei átt að kalla hér til AGS! Og best fyrir okkur væri að losa okkur við þá hið fyrsta. Nú eru Írar væntanlega mun fleiri en við og hagfræðingar þar fleiri en hér og sérfræðingar stjórnarinnar enn fleiri en hér. Svo mér er spurn:

Af hverju eru Írar nú að að fara að samþykkja að kalla eftir aðstoð AGS og ESB og taka lán hjá þessum aðilum gegn áætlun um að koma sér út úr þessum vanda? Eru þeir svona vitlausir. Af hverju gera þeir ekki eins og Lilja, Sigmundur og fleiri hafa ráðlagt að lýsa yfir greiðslu falli, neita að greiða af lánum, láta bankana falla eða láta skuldir þeirra lenda á erlendum kröfuhöfum? Ef þetta hefði verið svona auðvelt fyrir okkur þá ætti það að vera þeim létt. Af hverju gera ekki eins og Argentína og neita að borga erlendar skuldir sínar? Eins og Lilja hefur oft stungið upp á!

G7 ríkin funda um Írland

Svona smá ráð til Lilju!

Svona í ljósi þessa óánægju hennar með störf á flokksráðsfundi Vg!

Lilja verður að átta sig á að Vg er ekki einn flokka í stjórnarmeirihluta. Ályktun flokkráðs eru væntanlega bindandi fyrir þingmenn flokksins. Og því væri það fáránlegt að samþykkja svona tillögur um breytingu á stefnu stjórnar án þess að vera búin að semja um það við hinn flokkinn í stjórn.

Eins verður Lilja að átta sig á að stjórnvöld hafa ákveðið að fara ákveðna leið. Aðgerðir hingað til hafa miðast við þá leið. Margir fræðimenn hafa meira að segja fundið að því að við höfum farið of hægt í niðurskurð og það að gera það ekki fyrsta árið hafi verið mistök hjá okkur.

Með þessa tillögu Lilju sem og hugmyndir hennar um að innskatta inneignir í séreignarsköttum, þá vantar allar útreikninga hjá henni. T.d. nú er verið að leyfa fólki að taka út séreignarsparnað bæði 2009, nú á þessu ári og því næsta. Það er því spurning hvað er eða verður mikið eftir af séreignarsparnaði til að taka skatta af? Og svo líka hvað koma tekjur ríkisins næstu áratugi til að skerðast mikið vegna þess að þegar verður búið að skattleggja þessa peninga og þar með eru þeir skattfrjálsir í framtíðinni? Eins verður Lilja að sýna fram á hvort að hvati til að spara verður eins mikill þegar að 37% af öllum peningum sem þú leggur inn í séreign er tekinn strax af upphæðinni og verður því ekki með í að auka ávöxtun peningana. Verður ekki jafnvel betra fyrir fólk að hætta þessu og leggja sjálft í banka og fá þar hærri ávöxtun til lengri tíma.

Eins þegar rætt er um að fara hægar í niðurskurð. Þá verður Lilja að segja okkur hvernig við náum að að borga af háum lánum okkar næstu árinn án þess að grípa þá til frekari niðurskurðar. Eins í ljósi þess að Íslensk fyrirtæki eru nú að flýja krónuna a.m.k. þau sem eru í útflutningi Hvernig reiknar hún með að hagvöxtur hér verði viðvarandi til framtíðar þannig að við eigum hreinlega fyrir útgjöldum?

En aðallega verður hún og aðrir í Vg að átta sig á því að þau geta ekki með góðum móti mætt á flokksráðsfundi og samþykkt bara allt sem þeim dettur í hug. Eins og álykta að dómsmálaráðherra stoppi bara dómsmál í héraðsdómi. Hverskonar hlutleysi dómsstóla væri það? Og hverskonar fordæmi væri það að ráðherra stoppaði bara mál fyrir dómi.

Og eins að flokkráð getur ekki bara álytað um stórkostlega breytingar á áætlunum að öðrum flokknum forspurðum. Og sér í lagi ef að oddviti flokksins hefur mótað þá stefnu sem fylgt er.

Líkjast kommúnistaflokkunum

Ætli Sigumundur Davið eigi ekki sinn þátt í að 2 ár hafa farið til spillis?

Það væri t.d. gaman að velta fyrir sér hvað Icesave hafi kostað okkur.

Þannig mæli Guðmundur Gunnarsson:

Óábyrgastir allra voru formenn Sjálfstæðisflokks og Framsóknar. Forseti lýðveldisins stóðst ekki mátið að stíga lýðskrumsölduna í örvæntingarfullri tilraun til þess að víkja sér undan þeirri smán, að hafa farið næstur á eftir Hannesi Hólmstein sem helsta klappstýra blöðruselanna, sem blésu upp kúluna sem kom Íslandi í þrot. Allt í boði afskiptaleysis Seðlabanka og Fjármálaeftirlits

Hann talar um að Icesave og lætin í Sigmundi varðandi það  og uppblásin umræða um að ekkert mál sé að fella niður skuldir á öllum sé:

Allt þetta hefur valdið óþarfa eins árs kyrrstöðu á lausnum fyrir atvinnulífið í eðlilegum samskiptum við erlendar lánalínur og tafið viðsnúning á almennum vinnumarkaði. Stór hluti hinna 15 þús. manns sem enn eru atvinnulausir eru það að sakir lýðskrumsins. Sama má segja um úrlausnir á stöðu þeirra fjölskyldna verst standa.

Nú liggur þessi heita kartafla í fangi framangreindra manna og fylgisveina. Sigmundur Davíð gengur enn fram fyrir skjöldu og sýnir okkur þá hlið að hann hefur hvorki burði eða drengskap til þess að axla ábyrgð á gjörðum sínum.

Og svo segir Andri Geir Arinbjarnarson í dag:

Íslendingar eru byrjaðir að borga fyrir Icesave.  Ný hagspá OECD upp á 1.5% fyrir 2011, er mikið áhyggjuefni.  Hagvaxtahorfur fyrir 2011 hafa nú lækkað um 2% stig sem jafngildir rúmum 30 ma kr.  Þetta er helmingur af Icesave reikninginum sem verður líklega upp á 60 ma kr.

Ástæðan er fyrst og fremst að stóriðjuframkvæmdir hafa tafist vegna skorts á fjármagni.  Erlendir lánamarkaðir eru í Icesave frosti.  Lánamarkaðir munu ekki opnast á viðráðanlegu verði fyrr en semst um Icesave.  Á meðan hægist á hagkerfinu, atvinnuleysi eykst, kaup stendur í stað og fólk og fyrirtæki hyggja á landflótta.

Ef við gefum okkur að áhrif Icesave á hagvöxt verði -1% 2010, -2% 2011 og -1% 2012, þá verðum við búin að borga Icesave einu sinni áður en við förum að borga Icesave í annað sinn.

Ef við neitum að borga Icesave og hagvaxtatapið verður varanlegt þá margfaldast „reikningurinn“ sem lendir á næstu kynslóð.

Það er borðleggjandi að niðurskurður og skattahækkanir 2011 og 2012 verða meiri með Icesave óleyst en leyst.

Ráðist að grunnstoðum

Sorry er ekki að hægt að tala við einhvern annan en Ásmund Einar!

Þessi strákur hefur bara ekkert vit á því sem hann er að segja. Hvað á formaður Heimssýnar með t.d.

„Ég hef áhyggjur af því að menn hafi í rauninni verið að hafna ferlinu sem er nú í gangi, en á móti kemur að það er enginn mótleikur um það hvað menn vilja í staðinn.“

Hefði nú haldið að hann hefði nú átt að segja fólki hvaða framtíðarsýn hann hefði fyrir fólk í stað Heimssýnar og hvernig hann ætlaði að höfða til ungs fólks hér á landi með mikla menntun að vera hér áfram með krónu og verðtryggingu þegar þeim býðst svo miklu betri og öruggari framtíð annarstaðar. Því stefna Vg felur væntanlega ekki í sér mikinn hagvöxt hér næstu ár. Sem og að öll helstu fyrirtæki eru farin að huga að því að koma sér yfir í annan gjaldmiðil.

Hann sem bóndi tekur alltaf dæmi um hvað ESB sé slæmt og aðlögun með dæminu um greiðslumiðlun Landbúnaðarins. Getur hann einhvertíma sagt okkur hvað sé slæmt við það?

Hann tekur sem dæmi, máli sínu til stuðnings, að ESB geri þá kröfu að íslensk stjórnvöld setji upp greiðslustofnun í landbúnaði. Sú stofnun hafi umsjón með öllu styrkjakerfinu eins og það sé uppbyggt í Evrópusambandinu. Það sé hins vegar byggt upp með öðrum hætti en hér á landi.

Og hvað er slæmt við þessar breytinga. Á þetta bara að vera eins og bændur vilja hafa þetta?

Eins finnst mér eins og margt annað sem frá þessum manni kemur þetta óskiljanlegt:

„Það er mikið atriði að fá það samþykkt hér að við leggjumst alfarið gegn slíkri aðlögun. Við leggjumst alfarið gegn fjárstreymi inn í slíka aðlögun, og það setur umsóknarferlið í uppnám,“ segir Ásmundur Einar í samtali við mbl.is.

Af hverju er menn svona mikið á móti að fá fjármagn til að vinna að undirbúning brettingana ? Af hverju eru menn þá jafnframt að skammast yfir kostnaði? Og ég velti fyrir mér hvaða peningum sem koma að utan geta Vg samþykkt. Manni finnst það almennt að nær allt sem felur í sér fjármagn að utan séu Vg á móti. En þeir eru um leið á móti nær öllum niðurskurði. Og hluti þeirra talar fyrir miklum útgjöldum á næstu árum í viðbót. Svo hvernig halda menn að gangi að koma landinu hér á réttan kjöl aftur ef að allar þessar hugmyndir kæmust að?

Setur ESB-aðlögunarferlið í uppnám

Svona bara að velta fyrir mér hvaða dómsstól hafa þeir í huga?

Svona bara að velta fyrir mér hvaða "Alþjóðlegi dómsstóll" það er sem þessir þingmenn vilja að málið fari fyrir? Nú er var þessi aðgerð þeirra byggð á breskum lögum. Getum við farið með þetta fyrir hvaða dómstól sem er.

Eins sé ég ekki hvað Indefence kemur þessu máli við?

Og svo þegar maður les þessa greinargerð þá finnst manni það skrýtið að vitnað sér í einn lögfræðing héraðsdómslögmann sem viðraði þessa skoðun sína í blaðagrein 2009 sem og tilvitnun í Andrés Magnússona framkvæmdarstjóra um afleiðingarnar.

Svona að velta fyrir mér hvort að tímasetning þessarar þingályktunar er vegna þess að lýkur séu á að Icesave sé leysast og þingmenn vilji hrista upp í Bretum áður en skrifað er undir. Þ.e. gera þá reiða og koma öllu í bál og brand aftur til að geta barið áfram á ríkisstjórninni hér?

Vilja höfða mál gegn Bretum