Nokkur góð ár án Sjálfstæðisflokksins í Kópavogi! Er það til ofmikils mælst?

Af hverju að kjósa Samfylkinguna í Kópavogi ?

Finnst nauðsynlegt að fólk muni það að síðustu ár hefur Samfylkingin ásamt fleirum tekið nokkra slagi í bæjarstjórn Kópavogs sem hafa leitt til þess að hlutir hafa færst til betri vegar.  Allir Kópavogsbúar hljóta að muna eftir spillingarorðinu sem lág yfir Kópavogi. Við munum öll eftir fjölmiðlaumræðum þegar Samfylkingin hefur bent á tengsl t.d. velunnarra Sjálfstæðisflokks sem fengu án mikilar fyrirhafnar lóðir og verk í Kópavogi. Fyrirtæki jafnvel kjörinna fulltrúa fengu að margra mati óeðlilega mikið af verkum án útboða. Og jafnvel fjölskyldur kjörina fulltrúa fengu óeðlilega mikð af ýmsum verkum og úr varð mikil fjölmiðlaumræða. Þeir sem fóru fremstir í flokki Samfylkingarinnar þurftu að taka á sig hreinlega hatur frá Sjálfstæðismönnum og orðbragðið var ekki vandað í garð þeirra. En þau stóðu það af sér! Jafnvel málaferli!

 

Með því að vera dugleg að benda á þettta virðast ríkjandi flokkar láti að mestu af þessu og ekki þorað að hverfa til baka. Enda fundu þeir fyrir þessu í kosningunum 2010.

 

Samfylkingin ásamt fleirum tók við bænum þegar hann var næstum gjaldþrota 2010. Lögðust i mikla tiltekt sem Sjálfstæðismenn ásamt hækjum sínum hrósa sér nú af.

 

Ég má ekki til þess hugsa að sjálfstæðismenn og framsókn fái góða kosningu aftur og hverfi til fyrri iðju að hygla ættingjum og vinum. 

 

Því held ég að fólk ætti að horfa til fyrri kjörtímabila þegar Sjálfstæðismenn og Framsókn réðu hér um áratugi og muna hvernig þetta var hér í bæ.  Þegar að aðalmetnaðurinn var að þenja út bæinn minnir að þeir hafi verið farnir að láta sér dreyma um byggðir upp í Lækjabotnum. Byggðu iþróttahallir eða þurftu að taka þær fyrir vegna gjaldþrota ævintýramanna. Keyptu ónýt hesthús á okurvirði til að redda fjárfestum og svo mætti lengi telja. Fólk ætti að muna  að þetta skildi bæinn eftir i skuldasúpu!

 

Held að það sé Samfylkingunni að þakka að hér hefur þó orðið betri stjórnsýsla og vinum er ekki hyglað eins og var.  Þau hafa verið óhrædd að taka slagin og náð árangri.

 

Framsókn og Sjálfstæðismenn hafa sýnt það í kosningabaráttu sinni að þeir hafa engar hugmyndir varðandi velferð bæjarbúa heldur þurfa að fá þær lánaðar frá stefnskrá Samfylkingarinar.  Öll þeirra sýn snýst um að halda völdum og byggja bæinn upp í fjöll!

 

Er þá ekki betra að kjósa flokkinn sem er þó með frumhugmyndirnar

 

Ég set X við S

Hugmyndasnauðir Sjálfstæðismenn - Kosningabaráttan í Kópavogi kafli 2

Í fyrri færslu fjallaði ég um að Framsókn í Kópavogi hefði stytt sér leið varðandi kosningastefnuskrá sína og bætt við hana nærri því beint frá Samfylkingu þegar þeir sáu að ekki dugði að bjóða Kópavogsbúum bara að þeir ætluðu sko að tryggja að Sjálfstæðisflokkurinn héldi hér völdum.  Því er ekki úr vegi að fjalla aðeins um Sjálfstæðisflokkinn og kosningabaráttu hans!

Nú Sjálfstæðisflokkurinn hefur farið sömu leið og Framsókn. Svona um það bil þegar hann fattaði að bæjarbúar væru ekki ginkeyptir fyrir að nýjar lóðir og flott íþróttarhús væru það sem væri nauðsynlegt til að auka lífsgæði þeirra sem þegar búa í Kópavogi. Sérstaklega þar sem nær allar íbúðir sem byggðar hafa verið í Kópavogi síðustu ár og áratugi hafa verið langt fyrir ofan kaupgetu þeirra sem ekki eru með mjög há laun og sérstaklega þeirra sem eru að kaupa í fyrsta skipti. Fólk vill fá stuðning við börnin og þétta innviðina m.a. þjónustu við aldraða. 

Eins og með Framsókn er hægt að fara yfir það að þeir hófu kosningabaráttunna og kynningu á henni og þegar þeir fengu ekki nægar undirtektir þá fóru þeir að tíma upp atrið úr stefnuskrá Samfylkingarinnar a.m.k. hef ekki skoðað hvernig þeir nýttu sér stefnu annarra flokka. 

Þannig hafa Sjálfstæðismenn um árabil lagst gegn því að frístundakort/styrkir til barna væru hækkaðir eða nýta mætti þá í fleiri en eina grein en viti menn - Síðustu vikur hefur þetta þróast hjá þeim úr að fjalla ekkert um það í að það þurfi að endurskoða þá! Og svo hefur þetta þróast áfram í það að nú eru þeir komnir upp í 54 þúsund svona til að toppa Samfylkinguna! Auðvita ágætt að menn vakni en er þetta trúlegt þegar flokkar hafa verið við völd í áratugi og ekki viljað breyta þessu í a.m.k. áratug. 

Eins gæti ég sýnt ykkur dæmi um þegar sjálfstæðismenn gleypa upp leiðir Samfylkingar við að kynna sig fyrir kosningar. Þannig koma þeir með sömu viðburði og videó alltaf nokkrum dögum eða vikum eftir að Samfylkingin hefur framkvæmt eitthvað.  Ég sýndi þetta í fyrri færslu með Framsókn og þetta er alveg eins. 

En lengst ganga þeir í að stela leturgerð sem Samfylkingin notar í öllum sýnum gögnum og hefur gert síðan 2013 m.a. man ég að það byrjaði á landsfundi. Þetta er sérstök leturgerð og það vekur furðu mína að Sjálfstæðisflokkur hafi ekki meira hugmyndaflug  en þetta.

 

 

 

 

Kópavogsbúar varist eftirlíkingar!

 

Sjá fyrri færslu um Framsókn