Nú er eiginlega nauðsynlegt að upplýst sé hverjir þetta voru?

Með hverjum var Sigmundur Davíð að funda í tómu atvinnuhúsnæði og kjallaraíbúðum? Af hverju þurftu þessir fundir að fara svona leynt? Af hverju var hann að kvarta yfir leynd hjá stjórnvöldum ef hann var sjálfum í reykfylltum bakherbergjum að plotta? Og eru þessir menn sem hann kallar andspyrnuhópa að komast til valda nú með þeim félögum Simma og Bjarna? Og er hugmyndin að ná bönkunum undir einhverja ákveðna menn í væntanlegum aðgerðum gegn kröfuhöfum? Þetta verður að upplýsa. Það gengur ekki að einhverjum útvöldum verði umbunað með að fá t.d. bankana á hrakvirði í kjölfar samninga við kröfuhafa.

Leynifundir og andspyrnuhópar

Þessi frétt hefði ekki birtst á mbl.is fyrir kosningar!

Það eru nokkur atrið sem menn voru ekki að tala mikið um fyrir kosningar þegar að lækkun lána voru aðalmálið og áttu m.a. að koma markaðnum á fullt. En sorry ef fólk hefur ekki tekjur til þess þá fær það ekki óverðtryggð lán nema að það geti sýnt fram á greiðslugetu. Og af óverðtryggðum lánum er greiðslubirgðin um 30% hærri en af verðtryggðum lánum.

En í þessri frétt segir líka:

„Maður veltir því fyrir sér hvort greiðsluviljann skortir eða hvort málið snúist eingöngu um greiðslugetu. Sú spurning vaknar jafnframt„Maður veltir því fyrir sér hvort greiðsluviljann skortir eða hvort málið snúist eingöngu um greiðslugetu. Sú spurning vaknar jafnframt hvort óvissa um lögmæti lána og loforð sem gefin hafa verið um niðurfærslu verðtryggðra lána leiði til þess að margir bíði með að gera upp sín mál. Alvarleg vanskil eru að aukast á sama tíma og atvinnuleysi er að minnka og kaupmáttur að aukast. Það er umhugsunarefni,“ segir Samúel Ásgeir White, forstöðumaður fyrirtækjasviðs Creditinfo

Þetta finnst mér nú ekki flókið því að það hafa verið flokkar, félög og hagsmunasamtök sem hafa verið að hvetja fólk til að hætta að borga eða lofað að öll lán verði lækkuð. Þannig að hópur fólks er hættur að reyna að bjarga sér þó þau gætu það auðveldlega.

Allir hrópa á afnám verðtrygginar þrátt fyrir að marg hafi verið bent á að meðan við höfum krónuna og svona örhagkerfi verið vextir á lánum mjög háir.  Þannig að ungar fjölskyldur, fólk sem ekki er með háar tekjur getur þá í framtíðinni ekki keypt nema að þau eigi allt að 50% af íbúðaverði þegar til reiðun sbr. 

Það er alveg ljóst að kerfisbreyting yfir í óverðtryggð lán og aukið eftirlit með lánveitingum og eflt greiðslumat mun þýða að færri geta eignast húsnæði. Greiðslubyrðin verður hærri og breytilegri auk þess sem veðhlutföllin verða líklega lægri og það mun útiloka ákveðinn hóp heimila frá því að eignast sitt húsnæði. Það er alveg ljóst,“ segir Þorvarður Tjörvi og vísar til þess aðspurður að í stjórnarsáttmálanum segir að horfið skuli frá verðtryggðum lánum, en þau hafa almennt lægri greiðslubyrði en óverðtryggð lán.

En þetta vildi fólk. Það verður þá þannig að ungfólkið býr lengur hjá foreldrum eða flytur til útlanda þar sem það getur keypt sér húsnæði á lægra verði. Og öll sú hreyfing sem fólk reiknar með að lækkun á lánum komi til með að valda verður ekki nema að þá þannig að það verði fjárfestar sem kaupi íbúðahúsnæði og okri svo á leigu til að græða á því. 

Þetta rýmar illa við það sem Simmi og Bjarni Ben hafa haldið fram síðustu mánuði ásamt öðrum snillingum, vinum sínum. 

Breytt viðhorf til alvarlegra vanskila?

Ætli hann vilji þá að stjórnarandstaðan taki hann og félaga hans til fyrirmyndar?

Væri ekki við hæfi að núverandi stjórnaranstaða mundi grandskoða framkomu Einas K Guðfinnsonar og félaga hans síðasta kjörtímabil og hagaði sér skv. því út þetta kjörtímabil! Ef að hann ætlast til einhverrar ákveðinar framkomu þá hlýtur hann að hafa verið fyrirmynd síðustu 4 ár um hvernig á að starfa í stjórnarandstöðu. Annar eins skotgrafarhernaður hefur ekki sést frá nokkri stjórnarandstöðu nokkurntíman.  Eða eins Gísli Marteinn sagði í dag í pistli:

Á tíma síðustu ríkisstjórnar fannst mér ömurlegt að heyra stjórnarandstæðinga óska stjórninni alls ills, og þeir hinir sömu gátu ekki einu sinni glaðst þegar góðar fréttir bárust af ríkisfjármálum, minnkandi atvinnuleysi eða góðri afkomu fyrirtækja. Heiftin í garð pólitískra andstæðinga var sterkara afl en óskin um bættan hag landsmanna.

 

En grínlaust finnst mér svona yfirlýsingar bara orðin tóm komandi frá gömlum ref. Vona að aðrir á þingi taki samt málin í sínar hendur og móti gott vinnulag á þessu þingi sem nú er að hefja störf. 

„Þakklátur fyrir tækifærið“

Allur þessi tími og plagg sem samþykkt er af hunduð manna og samt stendur þar:

 

 

 

Sem sagt að öll flokksráð Framsóknar og Sjálfstæðisflokks samþykktu stjórnarsáttmála sem segir: leggja áherslu á aðgerðir gegn fjármálalæsi í grunn- og framhaldskólum! Hefði ekki verið betra fyrir þá að borða aðeins minna af þjóðrembingi og vinna vinnuna sína almennilega. 

Íslensk þjóðmenning í hávegum

Verður tékkinn svona sem við fáum?

Maður hlýtur að reikna með að:

Maður hlýtur að reikna með því í ljósi þess hvað viðræður um stjórnarmyndun hafa dregist þrátt fyrir allt gangi svo vel að við fáum í næstu viku nákvæma útfærslu á öllum aðgerðum næsta kjörtímabils. Það er ótrúlegt annað nema að mesti tími þeirra fari bara í að baka pönnukökur og borða eitthvað gott.

Það er jú kominn um mánuður frá kosningum tæplega og ljósi þess að strákarnir sem nú ræða saman hafa sagt að það megi engan tíma missa í að breyta öllu sem fyrri stjórn gerði þá hljótum við í ljósi þess tíma sem nú er liðinn að reikna með að fá tímasett loforð um öll þau atriði sem þau boðuðu fyrir kosningar. 

Við sem höfum ekki trú á þeirri stefnu sem nú er boðuð verðum kannski að éta ofan í okkur það sem við höfum sagt, en það geri ég ekki nema að hafa fyrst borið saman launa og greiðsluseðla mína frá síðustu áramótum við þá sem ég fæ um næstu áramót auk þess sem maður hefur þá næstu fjárlög til segja okkur um horfurnar 2014. Ég vill að ríkið verði ekki rekið með halla því þá er lengra í að hér komist á jöfnuður í ríkisútgjöldum og því líkur á að börnin mín og barnabörn þurfi að borga fyrir mistök mín og annarra að leyfa Framsókn og Sjálfstæðisflokk að stjórna hér og breyta þjóðfélaginu og gefa algjört frelsi á árunum 1994 til 2007.

Tíðinda er að vænta innan skamms

Pistill dagsins

Hann er fenginn frá „stórskáldinu" úr Kópavogi

Ef maður hefur ekkert um að tala
ekki bara rassgat í bala
best er að þegja
og ekkert að segja
Erfitt þegar maður er með horn og hala.

Maður veltir fyrir sér tilganginum!

Sko maður veltir fyrir sér eftirfarandi.

Ísland er 330 þúsund manna þjóð. Af hverju þarf að fjölga ráðherrum? Svona eins og þeir hafa starfað hér um áratugaskeið þá virðist þetta þannig uppbyggt að hver ráðherra ber ábyrgð á sínum málaflokk og hefur þar haft nokkuð sjálfstæði um hvaða mál hann leggur áherslur á og hvernig þau frumvörp til breytinga eru sem frá ráðuneytunum koma.  Svona í ljósi allra þeirra breyttu áherslna sem væntanleg ríkisstjórn boðar hefði maður haldið að best væri fyrir þá að hafa þetta minni og samheldari hóp. 

Rökin fyrir að skipa Velferðarráðuneyti upp vegna stærðar viðfangsefna er þó skiljanlegt að hluta þó að við vitum að í sjálfu sér eru það starfsmenn ráðuneytis sem vinna vinnuna það er ráðherra sem leggur línurnar og tekur stærstu ákvarðanir.  Og verra er að þessir málaflokkar eru svo nátengdir að það er vont að mörgulbiti að slíta þá í sundur. 

En ég get ekki skilið að dómsmálaráðuneyti þurfi að verða sérráðunneyti aftur. Bara næ því ekki. Það hlýtur bara að vera til að skapa stöðu fyrir ákveðin þingmann.  

Og svo ef menn ætla að fara  flutninga á málefnum milli ráðuneyta þá eru þeir örugglega að kalla yfir sig mánuði eða misseri þar sem að mikð óöryggi og tafir verða á málum á meðan að nýtt skipulag er að taka gildi og viðkomandi ráðuneyti eru að aðlaga sig nýjum hlutverkum.  

Því verður fróðlegt að heyra skýringar þeirra á þessu. 

Maður er nú engin sjálfspíningarmaður og vill að okkur farnist vel. En finnst allt um upphaf þessarar ríkisstjórnar minna mig á öllu fyrri ævintýri íslendinga. 

• Allur þessi gróði sem við ætlum að hafa kröfuhöfum. Minnir mig á hlutabréfabóluna hér fyrir hrun. 
• Finnst það sem stjórnarflokkarnir boða minna mig á Decode ævintýrið. Þar sem voru margar góðar hugmyndir sem búið er að framkvæma og almenningur leggja mikið fé í en fyrirtækið aldrei skilað hagnaðir og búið að tapa fé sínu nokkrum sinnum. Frábært starfsfólk og sklað flottum og gagnlegum uppgvötvanir en enginn kunni að láta þetta skila sér rekstralega.

En vonandi gengur þetta allt upp! Hef samt á tilfinningunni að atvinnurekendur og fjármálaöflin séu nú búin að ná stjórn á landinu. Það verði gert eitthvað í upphafi svona fyrir almenna kjósandann um leið og létt verður öllum þeim sköttum og kvöðum sem hægt er á fjármálamarkaði, fjárfesta og fyrirtæki. Og þeim síðan smátt og smátt velt yfir á fólkið. En það er þá okkar að fylgjast með því hvað þessir félagar eru að gera. Og gera fólki viðvart. Maður á eftir að skoða launaseðla fyrir og eftir skattabreytingar og sjá hverju það munar t.d. Maður á eftir að fylgist með að stjórnvöld fari ekki þegjandi og hljóðalaust með okkur í ógöngur. 

Því eins og ég sagði þá eru líta hugmyndir oft vel út á pappír en virka svo ekki í raunveruleikanum. 

T.d. hefur maður varla heyrt af því að erlendir kröfuhafar í nokkru landi hafi fjármagnaði skuldaniðurfellingar. Maður hefur heyrt af því að þeir hafa lækkað kröfur sínar í einstökum löndum en ekki fjármagnað lækkun skulda annarra einstaklinga eða fyrirtækja.  Ég skil að þeir séu tilbúnir til að slá af eign sinni til að komast út úr krónunni. Og um leið mund krafa á ríkið lækka en ekki að þar verði til peningar til frjálsra afnota fyrir skuldugt ríki.  En flott ef þetta tekst. Þeir eru búnir að lofa því. 

Eins fæ ég ekki skilið að öll þau útgjöld sem þeir félagar hafa boðað fyrir kosningar og lækkun skatta eigi að ganga í nánustu framtíð.  Sýnist að ef allt er tekð þá séum við að tala um tekjutap ríkisins vegna þessa upp á um 60 til 80 milljarða á ári.  Það er ljóst í mínum huga að það má ekki auka neyslu hér á landi að neinu ráði því þá eyðum við gjaldeyrir og af honum verðum við að eiga nóg næstu árin til að borga af lánum.  Og því skil ég ekki hvar þeir ætla að ná í alla þessa "breikkun skattstofna"? Þetta gæti verið raunhæft til lengdar en sé ekki að þetta sé annað í dag en boðun þess að skuldasöfnun ríkisins eigi að halda áfram. Og það þýðir að við erum að velta skuldum á börn og barnabörn okkar. 

Þetta allt verður gaman að sjá útskýringar á. Og þá vonandi frá mönnum sem vit hafa á þessu. Ekki drengjum sem koma úr auðugum fjölskyldum, eru sterkefnaðir sjálfir og hafa ekki þurft að lifa að ráði á tekjum sem almenningur hefur. 

Ný stjórn tekur á sig mynd

Svona er þessar stjórnarmyndunarviðræður og biðin eftir öllum loforðunum að fara með mig

Brjálæðingarnir eru að taka við landinu! :)