Smá fróðleikur um launakröfur og kjaradeilur!

Samtök atvinnulífsins og Ríkisstjórnin hamra á að 300 þúsundkrónu laun eftir 3 ár setji hér allt á hausinn.

• Fyrir það fyrsta man ég ekki eftir þeim kjaradeilum sem ekki hafa endað á að enginn fekk allt sem hann fór fram á. Það er yfirleitt samið sem þýðir að allir slá af kröfum þegar samninga nálgast en þó þannig að ákveðin markmið nást.
• Ríkið hefur einmitt oft komið að svona deilum með tilboð um skattabreytingar eða annan stuðning þannig að hægt væri að koma á móts við kröfur sérstaklega um þá sem standa lægst.
• Yfirleitt hefðu kjaradeilurnar átt að vera komnar á stig þríhliða viðræðna fyrir löngu síðan en ríkisstjórnin magnaði upp þessar deilur t.d. þegar Sigmundur Davíð fagnaði kröfum um krónutöluhækkanir en er síðan að tala um allt annað. Svo sagði Bjarni allt annað.
• Nú svo má ekki gleyma að BHM er nú þegar búið að standa í verkföllum í nærri mánuð og ríkisstjórninni er nákvæmlega sama.

Rúmlega 10 þúsund í verkfalli

Óhamingju ríkisstjórnarinnar verður allt að vopni

Þessi fyrirsögn hér að ofan er fengin að láni frá bloggara hér á blog.is. Hann heitir J ón Baldur Lorange og hefur verið öflugur á blogginu og klárlega mikill stuðningsmaður stjórnarinnar eins og hann segir á bloggi sínu. Rakst á þessa færslu eftir hann hér dag þar sem hann segir m.a. eftirfarandi og ég verð að segja að ég get tekið undir hvert orð:

Ástandið hjá okkur er að verða hálf-skuggalegt hvert sem litið er. Heilbrigðiskerfið er að nýju komið í uppnám og alvarlega veikir sjúklingar fá ekki meðferð eins og þeim ber þar með taldir krabbameinssjúklingar. Landbúnaður í landinu er í uppnámi þar sem dýralæknar eru m.a. í verkfalli, og Fjársýsla ríkisins er hálf-lömuð sem fer m.a. að valda sveitarfélögum miklum vandræðum þá og þegar. Stórir hópar bíða þess að fara í verkfall og þá lamast aðrir þættir þjóðfélagsins með afleiðingum sem enginn þorir að hugsa til enda. Ríkistjórnin virðist hafa sofið á verðinum í aðdragandi kjarasamninga og því fór sem fór, því við erum fyrir löngu komin framhjá þeim krossgátum þar sem hægt var að koma í veg fyrir þá alvarlegu stöðu sem upp er komin. 

Og eins og þetta sé ekki nóg þá eru ráðherra og fyrrverandi ráðherra annars stjórnarflokksins að lenda í sjálfsskaparvíti sem dregur úr trausti og trú almennings á að ríkisstjórnin ráði við verkefnið.  Sama gera ummæli einstakra stjórnarliða sem ala á úlfúð og ósætti. Já, hvernig dettur Hönnu Birnu Krisjánsdóttur, varaformanni Sjálfstæðisflokksins, að koma á þessum tímapunkti inn stjórnmálasviðið þegar stjórnarliðar eiga fullt í fangi með að ná tökum á stöðunni? Mál ráðherra daga uppi á Alþingi og ráðaleysið er okkur stuðningsmönnum ráðgáta. Óhamingju ríkisstjórnarinnar verður allt að vopni.

Satt best að segja hefði ég aldrei trúað því fyrir nokkrum vikum síðan sem gallharður stuðningsmaður þessarar ríkisstjórnar að svo hratt gæti fjarað undan henni sem raun ber vitni. Ég er eiginlega kjaftstopp.( Tekið héðan )

 

Bjarni tekur upp hanskann