Furðuleg vinnubrögð ríkisstjórnar og Alþingis

Nú var það tilkynnt þegar ríkisstjórn Sigurðar Inga tók við síðasta vor að kjörtímabilið yrði stytt um einn vegur eða þing. Og um leið lagður fram listi yfir mál sem þeir vildu klára.

En svo tekur við furðulegur tími. Það er gefið frí á Alþingi frá byrjun júní fram í miðjan ágúst og lítið sem ekkert virðist hafa verið unnið í þeim málum sem lögð var áhersla á að klára í haust. Bara ekki neitt. Og nú sitja þingmenn og gera ekki neitt meira  að segja var ekki fundað í nefndum. Og nú er farið að tala um að breyta starfsáætlun og lengja þingiið fram eftir september. Manni er fyrirmunað að skija af hverju ekki var starfað í sumar svona fyrir það fyrsta og af hverju er ekki fundað nú frá morgni fram á kvöld bæði í nefndum og á þingfundum að klára mál sem þó liggja ljós fyrir.

Einhverjir segja að rifist séu um mál eins og búvörusamninga, aðrir segja að þeir ætli að koma með mál nær kosningum til að nota svo í kosningabaráttunni. 

En mér er sama. Ef þetta er stór mál hefði verið betra að leggja þau fyrr fram til að þau hefðu fengið næga yfirferð þannig að útkoman hefði verið sem best fyrir okkur almenning.