Guð er góður?!!!!

Það er við lestur þessarar skýrslu ljóst að Guð gerir vel við sína menn. Mér er spurn hvort að önnur trúarsamfélög sem stunda fjársafnanir og almennt snap frá borurunum þurfi ekki að skila inn almennilegur bókhaldi. T.d. er allaf verið að segja á Omega að þeir þurfi milljónir hér og milljónir þar fyrir tækjum til að breyða út orð Guðs en síðan virðist veltan þar vera svo mikil að þeir voru að kaupa heilann skóla og jörð ásamt fullt af húsum fyrir nokkrum mánuðum.

EN aftur að þessari skýrslu: Laun virðast hafa takk fyrir verið bara ágæt. Þ.e.

 

Athygli vekur að launagreiðslur Byrgisins á árinu 2005 námu einungis 5,5 m.kr. samkvæmt ársreikningi, eða rúmlega 460 þús.kr. á mánuði. Alls þáðu fimm einstaklingar greiðslur frá Byrginu á árinu 2005. Við nánari eftirgrennslan kom í ljós að greiðslur til einstaklinga voru í raun mun hærri en samtals höfðu 28,4 m.kr. verið bókaðar á launareikninga. Yfir árið var ýmiss konar útlagður kostnaður, samtals að fjárhæð 15,7 m.kr., færður til lækkunar á greiðslum, oft án fullnægjandi skýringa og bókhaldsgagna. Í árslok 2005 voru síðan um 7,2 m.kr. fluttar á aðra lykla með ýmsum millifærslum, m.a. bókaðar 3,1 m.kr. sem afskrifuðvistgjöld, fyrrgreindar 2,2 m.kr. sem framlag til KFM og rúmlega 1 m.kr. til eignarhaldsfélags Byrgisins vegna eignaleigu bifreiða.

Þannig að mér sýnist að þetta hefi verið um 28,4 milljónir. Sem gera takk fyrir á sjöttumilljón á stöðugildi og kannski meira á suma sem voru nær Guði.

Síðan er þetta hér fyrir neðan sniðugt því að Guðmundur virðist hafa stofnað bílaleigu til að reka bifreiðakost Byrgisins og það eru engir slorbílar. Bara LandRover Discovery af árgerð 2006 undir hann og fleiri.

Bifreiðar

Byrgið leigir þrjár bifreiðar af eignarhaldsfélagi Byrgisins, sem er í eigu forstöðumanns Byrgisins, og hefur félagið bifreiðarnar á rekstrarleigu. Um er að ræða tvo LandRover Discovery af árgerð 2006 sem forstöðumaður og aðstoðarforstöðumaður Byrgisins hafa til umráða og eina Renault Master sendibifreið af árgerð 2005 sem notuð er til að sækja vistir fyrir Byrgið. Öll útgjöld eignarhaldsfélagsins vegna þessara bifreiða eru gjaldfærð yfir á Byrgið auk þess sem Byrgið greiðir kostnað við rekstur þeirra. Vert er að geta þess að bifreið forstöðumanns Byrgisins hefur verið endurnýjuð árlega.

Eignarhaldsfélagið er að auki með tvær bifreiðar á sínum vegum sem eru leigðar einstaklingum; annars vegar LandRover Discovery sem einn starfsmanna Byrgisins hefur til afnota og greiðir sjálfur af og hins vegar Renault Mégane sem dóttir forstöðumanns Byrgisins hafði til afnota á árinu 2006. Að sögn forstöðumanns var bifreiðin m.a. notuð til skólaaksturs. Ætlast er til þess að afborganir af þeirri bifreið séu dregnar af launum forstöðumannsins samkvæmt munnlegum samningi, en þess sjást þó engin merki í bókhaldi Byrgisins. Ríkisendurskoðun hefur ekki undir höndum nauðsynleg gögn til að staðfesta kostnað Byrgisins vegna viðkomandi bifreiðar. Þó er ljóst að kostnaðurinnnemur a.m.k. 500 þús.kr. árið 2006.

 

Samkvæmt ársreikningi 2005 nam leiga vegna bifreiða af eignarhaldsfélaginu alls um 8 m.kr. á árinu 2005 og á fyrstu tíu mánuðum ársins 2006 er sambærileg gjaldfærð tala um 5,7 m.kr. Heildarrekstrarkostnaður bifreiða Byrgisins og greiddur akstur til starfsmanna Byrgisins nam samtals um 13,3 m.kr. á árinu 2005, eða um 28% af bókfærðum heildarrekstrarkostnaði ársins

Ég er að vinna að því að reyna að ná sambandi við Guð (gengur illa) og semja við hann um réttinn til að stofna söfnuð sem á að heita: "Gerum Magga ríkann segir Guð" Og þegar ég hef náð samningum þá ætla ég að stofna til söfnunar á peningum og fólki til að vinna fyrir mig.

 

Frétt af mbl.is

  Innlegg úr söfnun fóru jafnóðum inn á persónulegan bankareikning forstöðumanns
Innlent | mbl.is | 15.1.2007 | 15:41
Í skýrslu Ríkisendurskoðunar um fjármál meðferðarheimilisins Byrgisins er m.a. fjallað um fjársafnanir, sem skipulagðar voru fyrir Byrgið. Fram kemur m.a. að í einni söfnun, sem einstaklingar höfðu frumkvæði að og stóðu fyrir, voru innlegg á söfnunarreikning jafnóðum millifærð af forstöðumanni Byrgisins inn á hans persónulega bankareikning.

Innlegg úr söfnun fóru jafnóðum inn á persónulegan bankareikning forstöðumanns

Athugasemdir

[Magnús Helgi Björgvinsson, 15.1.2007 kl. 23:13]

Hjá okkur þjóðinni með "Gullfiskaminnið" er það svona um 10 mínútur. Við verðum sjálfsagt með stjörnurnar í augunum yfir Guðmundi og fórnfýsi hans aftur eftir nokkur ár og dælum i hann peningum.

[Jón Valur Jensson, 16.1.2007 kl. 00:51]

Eigi skaltu leggja nafn Drottins Guðs þíns við hégóma.

[Gunnar Jóhannesson (IP-tala skráð) 16.1.2007 kl. 09:16]

Ekki þykir mér smekklegt að tengja þetta hörmulega mál við Guð eða trú almennt, hvað þá á gamansaman hátt, og það enda þótt að starfsemi Byrgisins hafi verið með trúarlegu yfirbragði. Kannski er pottur brotinn víðar en í Byrginu, hvort sem um trúfélag sé að ræða eða ekki, það veit ég ekki, en ætli það sé ekki hægt að finna slíka þverbresti í mannlegum stofnunum á öllum tímum. En ruglum ekki saman trúarlegum boðskap, t.d. kristnum boðskap, og gjörðum sums trúaðs fólks, t.d. kristins fólks, sem greinilega á við mikinn vanda ð stríða og veikindi, eins og hér virðist raunin. Misgjörðir eins eða nokkurra vitna ekki um trú almennt. En hvað sem því líður þá er ekki viðeigandi að henda gaman að slíkum harmleik með þessum hætti, hvort sem málið gleymist fyrr eða síðar. 

[Magnús Helgi Björgvinsson, 16.1.2007 kl. 10:07]

En hefur þetta ekki allaf verið svona. Kirkjan átti orðið stóran hlut af Íslandi hér áður og þessvegna borgum við prestum laun því það var inn í samningi við kirkjuna þegar ríkið tók við jörðum frá þeim. Hér áður þá Seldi Kaþólska kirkja  aflátsbréf til að standa undir bruðli og hóflífi presta og páfa. Hér í dag er hægt að horfa á þessar stóru byggingar sem kirkjunar eru og spyrja sig hvort að það sé Guði þóknanlegt.

[Jón Valur Jensson, 16.1.2007 kl. 10:20]

Æi, Magnús minn, viltu ekki búa í húsi? Kýstu heldur að gerast útigangsmaður? En ég ætlaði að láta mér nægja að taka hér undir ágæt orð Gunnars (séra Gunnars, held ég, á Hofsósi). Nú verð ég víst, þökk sé þér, að svara í heldur fleiri orðum.

Já, kirkjan átti orðið um þriðjung af Íslandi hér áður, en kirkjan var líka sameignarfélag, og sem landsdrottinn reyndist hún leiguliðum mun betur en höfðingjarnir veraldlegu, sagði hinn sósíalíski sagnfræðiprófessor dr. Björn Þorsteinsson okkur nemendum sínum. Svo er ennfremur rangt hjá þér, að hin "kaþólska kirkja [hafi selt] aflátsbréf til að standa undir bruðli og hóflífi presta og páfa".