Bjarni er ekki allt í lagi hjá þér!

Það var mikil óvissa um hvað myndi gerast þegar að forsetinn synjaði lögunum staðfestingu. Hann í raun tók áhættu fyrir hönd þjóðarinnar. Hér hefði allt getað farið til andskotans varðandi samskipti okkar við erlendar þjóðir . Og í raun höfum við greitt Icesave dýru verði líka í formi lánakjara sem okkur hefur boðist ef okkur hafa boðist erlend lán yfir höfuð. Þá vorum við þá að tala um vextir sem þessar sömu þjóðir eru að bjóða Írum. En náttúrulega frábært að betri kjör buðust nú og ég kaupi að Bretar og Hollendingar eiga ekki að græða á þessum lánum.

En þjóðaratkvæðagreiðslan var ekki svona gildishlaðinn eins og menn láta nú. Viðsemjendur okkar voru búnir að bjóða betri kjör og Steingrímur og Jóhanna hvöttu ekki til að þessir samningar yrðu samþykktir eftir það. Fyrir Steingrími og fleirum vakti það að koma þessu Icesave frá svo hægt væri að fara að stunda hér eðlileg viðskipti og fjárfestingar á viðráðanlegum kjörum. Og þegar bæði Icesave 1 og 2 voru var hér allt önnur staða.

Nú eiga menn bara að fagna því að hér er komið betri samningur og drífa hann í gegnum Alþingi. Allar líkur á að eigur Landsbankans gamla standi undir allri skuldinni.

Og þegar Bjarni horfir til fortíðar ætti hann að rifja upp sitt innlegg í þessi mál. Þetta sagði hann m.a. í lokaræður sinni 2008 um heimild ríkissjórnar til að ganga til samninga út á sameiginleg viðmið deiluaðilar sem voru upp á 6.7% vexti:

Ég held að það sé afskaplega mikil einföldun á þessu máli öllu saman að telja í raun og veru að það hafi verið valkostur fyrir íslensk  stjórnvöld að standa stíf á lögfræðilegri túlkun og halda henni til streitu,  jafnvel fyrir dómstólum, hvort sem það væri á alþjóðlegum vettvangi eða hér heima fyrir íslenskum dómstólum. Ef menn ætla að fara að taka þann slag verða menn líka að vera tilbúnir til að tapa því máli ef á það mundi reyna. Þeir sem  tala fyrir því að þá leið hefði átt að velja eru auðvitað tilbúnir til að gera það eftir á vegna þess að þeir geta gefið sér það í umræðunni að við hefðum sigrað þá lagaþrætu. Það er fínt að gera það í dag vegna þess að það liggur  fyrir að sú leið verður ekki farin, en eru þeir hinir sömu þá tilbúnir til að  fallast á að við mundum taka herkostnaðinn af þeirri ákvörðun ef niðurstaðan  yrði okkur í óhag? Það er alveg ljóst að sú leið sem valin var og sá farvegur  sem málið er í núna mun alveg örugglega skila okkur hagstæðari niðurstöðu en við  hefðum fengið með því að láta reyna á rétt okkar og ef við hefðum síðan mögulega  tapað þeirri þrætu fyrir dómstólum. Það er alveg öruggt.

Þess utan er líka afar líklegt, eins og m.a. hefur komið fram í  máli hæstv. utanríkisráðherra, að á meðan málið væri í slíkum farvegi hefðum við  ekki fengið fyrirgreiðslu hjá Alþjóðagjaldeyrissjóðnum, það liggur fyrir, og auk  þess eru verulegar líkur á því að Bretarnir hefðu ekki dregið úr aðgerðum sínum  á grundvelli hryðjuverkalaganna eins og þeir hafa reyndar þegar gert þó að ekki hafi þeir látið af öllum aðgerðum sínum á grundvelli laganna, þ.e. enn þá eru  eignir Landsbankans kyrrsettar í Bretlandi. Þar til viðbótar má leiða líkum að  því að á vettvangi samstarfsins um Evrópska efnahagssvæðið hafi verið látið  reyna á það hvort hægt hefði verið að hindra eða stöðva eða þvælast fyrir með einhverjum hætti frjálsum viðskiptum okkar inn á svæðið á grundvelli  öryggishagsmuna. Allt eru þetta atriði sem þarf að taka með í reikninginn þegar  menn eru að gera upp á milli þeirra valkosta sem við stóðum frammi fyrir í þessu
máli

Af hverju ekki að fagna nú betri árangri og hætta að velta sér upp úr fortíðinni og reyna að horfa smá bjartsýnni fram á veginn.

„Þurfa að svara fyrir fyrri samning“

Athugasemdir

[Sverrir Jónsson (IP-tala skráð) 9.12.2010 kl. 22:31]

Maðurinn hefur nákvæmlega ekkert gáfulegt fram að færa. Afturhald og niðurrif. Af öllum flokkum er formaður SJ'ALFSTÆÐISFLOKKSINS að ræða um ábyrgð!!!

[Geir (IP-tala skráð) 9.12.2010 kl. 22:36]

Þú barðist nú hart fyrir því að Íslendingar ættu að borga svavars samninginn, sem betur fer er aðeins örlítill hluti Íslendinga heiglar og landsölulið eins og þú, það er mín skoðun að skaðlega menn eins og þig ætti að fjarlægja af netinu.

[Hans Haraldsson (IP-tala skráð) 9.12.2010 kl. 22:44]

"Og í raun höfum við greitt Icesave dýru verði líka í formi lánakjara sem okkur hefur boðist ef okkur hafa boðist erlend lán yfir höfuð."

Áttu við að við hefðum getað verið á fullu að taka lán á sömu kjörum og Írar (sem fylgja boði "alþjóðasamfélagsins" og gangast undir skuldbindingar án þess að hafa hugmynd um það hvort eða hvernig þeir ráða við þær) allan þennan tíma?!!

Ó, hvílíkur skaði!

[Ari (IP-tala skráð) 9.12.2010 kl. 22:54]

Magnús, þú segir þetta hérna að ofan.......

"Hér hefði allt getað farið til andskotans varðandi samskipti okkar við erlendar þjóðir ."

Þetta er bara einfaldlega RANGT!  Ég fullyrði að aðrar þjóðir hafi með þessu fengið aukna aðdáun á okkur íslendingum fyrir að standa á okkar rétti gagnvart bretum og hollendingum. 

[Andri (IP-tala skráð) 9.12.2010 kl. 22:56]

Ég held það viti allir allt um ábyrgð Sjálfstæðisflokksins sem stuðningsmenn Samfylkingar og Vinstri grænna vilja endilega benda á í þessu máli. 

En það breytir því ekkert að Samfylking og Vinstri grænir tóku mjög ranga ákvörðun og ætluðu að gera það í hreina andstöðu við vilja stórs hluta þjóðarinnar.  Þeir þurfa að bera ábyrgð á því, þetta er stór og mikil ábyrgð að hafa ætlað að koma þjóðinni í svona hræðilega stöðu án þess að þess þyrfti í raun og veru, án þess að fá erlenda sérfræðinga til þess að taka þátt í samningaviðræðum fyrir Íslands hönd.

p.s. þar sem ég veit hvernig svona tilgangslaust stjórnmálaþras virkar þá vil ég bara benda á að ég tengist Sjálfstæðisflokkinum ekki neitt, hef, að mig minnir, aldrei kosið flokkinn.  Ég hef hins vegar kosið VG einu sinni fyrir löngu.

VG og Samf. brugðust þjóðinni þarna og þurfa að bera ábyrgð á því, merkilegt nokk þá var það Ólafur Ragnar sem bjargaði þeim þarna, þó þau hafi ekki verið sátt á sínum tíma.

Nú hafa þessir tveir flokkar sammælst um að ráðherra megi kæra fyrir afglöp í starfi, sbr. Geir Haarde.  Þá er bara spurning hvort það teljist afglöp þegar forsetinn bjargar flokkunum fyrir horn.  Við vitum allavega að ef forsetinn hefði ekki bjargað þeim þá væri Ísland í mjög slæmum málum.

[Andri (IP-tala skráð) 9.12.2010 kl. 22:58]

Þá á ég við hvort það teljist afglöp hjá Samf. og VG að samþykkja Icesave á sínum tíma.

Forsetinn bjargaði þeim svo með því að senda samninginn í þjóðaratkvæðagreiðslu.

[Ingibjörg Guðrún Magnúsdóttir, 9.12.2010 kl. 23:03]

Magnús hvað hefur þú að óttast...

Það er eins og þú sért að missa þig....

[Helga (IP-tala skráð) 9.12.2010 kl. 23:14]

Þetta er rangt hjá þér. Þegar Bjarni hélt þessa ræðu voru hin sameiginlegu viðmið til grundvallar. EKKI ÞESSIR VEXTIR SEM ÞÚ NEFNIR. Reyndu að hafa staðreyndir á hreinu ef þú þykist vita eitthvað um þetta mál.

[Magnús Helgi Björgvinsson, 9.12.2010 kl. 23:32]

Tekð af síðu Gisla Baldvinssonar:

Betri samningur þegar allt er reiknað?

9.12 2010 |  22:15 | 1 ummæli

Jæja, þá er enn einn Icesave samningurinn kominn á umræðuborðið. Tvennt gerir það að verkum að þessi samningur er „hagstæðari“.
*     Vextir eru hagstæðari og munar um minna (40- 50 miljarðar)
* Gengi krónunnar hefur styrkst svo reikningurinn batnar um 20 – 30 miljarða.
Þannig má reikna sig niður um 60 – 80 miljarða plúsmegin á skuldareikningnum.
En . . . Hvað hefur þessi töf (tæpt ár) kostað í uppbyggingunni?
Getur verið að það kosti meir en debethliðin?
Á þessari stundu veit ég ekki, né aðrir hvert lokauppgjör verður. Einhver sagði að það væri sagnfræðinga frekar en hagfræðinga að segja til um slíkt.
Eitt veit ég.
Reynum nú einu sinni að ræða þetta Icesave mál án upphrópunar.
Hér á ég við þann populisma að „Við greiðum ekki skuldir óreiðumanna“
-
Það eru dýrustu orð Íslandssögunnar – dýrari en orðin „eigi skal höggva“

[Magnús Helgi Björgvinsson, 9.12.2010 kl. 23:49]

Af ruv.is

Fyrst birt: 09.12.2010 22:57 GMT

Síðast uppfært: 09.12.2010 22:59 GMT

Hægt var á samningaferlinu

    Lárus Blöndal, fulltrúi stjórnarandstöðu í Icesave-samninganefndinni, segir að ákveðið hafi verið að hægja á samningaviðræðum í september þegar mótmæli voru tíð í þjóðfélaginu. Samningurinn nú sé sá besti sem unnt hafi verið að ná.   

Lárus segir að nýi samningurinn hafi í för með sér 47 milljarða króna kostnað fyrir íslenska ríkið en ekki 162 milljarða króna eins og sá samningur sem hafnað var í þjóðaratkvæðagreiðslu. Í þessu er miðað við sömu forsendur og giltu síðast.
Munurinn liggur í vaxtakostnaði, segir Lárus.

Svo talar Bjarni Ben um að þessi samningur sé 200 milljörðum betri eða þannig segir mbl.is frá ummælum Bjarna. Við erum hugsanlega að tala um 100 milljarða mun og einhver hluti af því er sökum hærra gengis.

Síðan á eftir að vinna rannsókn í framtíðinni hvað það kostaði Ísland að hafa þetta ófrágengið í nærri 2 ár.

[Guðmundur Ingi Kristinsson (IP-tala skráð) 9.12.2010 kl. 23:51]

Legðu nú frá þér bjórkolluna og sjá dagar koma.

[Árni Karl Ellertsson, 9.12.2010 kl. 23:54]

Magnús, farðu nú að hafa vit á því að loka lúðrinum.

[Ómar Bjarki Kristjánsson, 9.12.2010 kl. 23:59]

Eigum við ekki að bíða eftir því að indefens og þeirra spekingar fari að reikna þetta uppí trilljón skrilljónir sem allar falli á ríkið?

Jú, held það.  Eg allavega bíð eftir því.

[Magnús Helgi Björgvinsson, 10.12.2010 kl. 01:02]

Árni Karl Ellertsson ég bara á ekki neinn lúður svo ég get ekki lokað neinum lúðri fyrir þig.  Þú hefur kannski tekið eftir því að þetta er hljóðlaust blogg þannig að þó ég myndir þegja þegar ég slæ inn texta þá tækir þú bara ekki eftir því. Og ég skirfa bara hér eins og ég vill.

[stebbi (IP-tala skráð) 10.12.2010 kl. 01:06]

Ja hérna.....

furðulegt að menn leggi á sig að verja þessa ríkisstjórn.

[Lykillinn. (IP-tala skráð) 10.12.2010 kl. 02:59]

Þegar Gordon Brown forsætisráðherra Bretlands setti hryðjuverkalögin, samin fyrir óvini Hins Frjálsa Heims, á þá eitt hæststandandi land í heiminum, siðferðilega sem á öðrum sviðum, Ísland, með lengstu alþingishefð í veröldinni..............herlaust land sem var á toppnum á Global Peace Index sem friðsælasta og mest friðelskandi land heims......

þá sveik hann Vestræna menningu eins og hún lagði sig. Lagði lóð á vogarskálar þeirra sem vilja tortýma henni með að gera lítið úr hryðjuverkalögunum, og lagði eyðingaröflunum lið með að bera þau saman við 30 misvitra íslenska bankamenn.

Að láta þjóðina alla gjalda siðferðis örfárra óvinsælla bankamanna er sama "lógík" og var að baki Helförinni, sem nazistar, óvinir Vestrænnar menningar eins og Gordon Brown og terroristarnir vinir hans sem þakka honum fyrir að vera komnir á blað með Íslandi og þar með hvítþvegnir, töldu sanngjarna laus við hinu svokallaða "gyðingavandamáli".

Ef Íslendingar taka á sig þessar skuldir munu þeir hljóta slæmt karma fyrir, afþví skuldaþrældómur er helsta ástæða sárrar fátæktar fátækustu ríkja heims, en ekki skortur á matvælum eða annað. Þeir sem ekki þekkja til ættu að kynna sér "Make Poverty History" átakið sem Bono í U2 var front maður fyrir. Við skuldum þessum þjóðum að við látum ekki þjóðirnar sem hnepptu þau í þennan þrældóm og hafa með því svellt milljónir og milljarða barna í hel......hneppa okkur í þrældóm líka. Ef við sleppum við að borga, opnar það smugu fyrir þau að hætta að borga. Svo mikilvægt er okkar hlutverk, og ófyrirgefanlegt að bregðast því núna, og erum við þá persónulega ábyrg fyrir sveltandi Afríkubúum og höfum með því að taka á okkur óréttlátar skuldir lagt persónulega blessun íslensku þjóðarinnar yfir meðferðina á okkar minnstu bræðrum meðal þjóða heims.

Að lokum skal hafa í huga að Þroskastríðið er ekki á enda. Bretar hafa arðrænt þjóðir heims hvað mest allra þjóða og heiminum blæðir enn undan heimsvaldastefnu þeirra. Þeir hafa lengi ásælst auðlindir okkar.

Frelsi - Jafnrétti - Bræðralag!

Á lykiltímum í veraldarsögunni þýðir ekki að hugsa smátt...Ísland verður að rísa undir hlutverki sínu.....

VAKNIÐ!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!