Eru menn í landbúnaðarráðuneyti tregir?

Hvað eiga menn við með þessu:

Í tilkynningu frá sjávarútvegs- og landbúnaðarráðuneytinu segir, að ráðherra telji að liggja þurfi ljósar fyrir, að sú áætlunargerð sem ESB krefjist feli ekki í sér aðlögun né breytingar á lögum eða regluverki, áður en aðild hafi verið samþykkt.

Þá sé ekki sjálfgefið að lögð sé fram áætlun um verkefni sem samningsaðilar hafi ekki rætt um né komist að samkomulagi um hvort henti Íslandi.

 

Þegar í bréfi ESB kemur fram:

Af þessum ástæðum hefur ESB með bréfi til samninganefndar Íslands lýst því yfir að viðræður um landbúnaðarmál muni ekki hefjast fyrr en Íslendingar hafa lagt fram tímasetta áætlun um hvernig þeir ætli að standa að innleiðingu löggjafar ESB á sviði landbúnaðarmála þannig að Ísland verði að fullu reiðubúið til þess að njóta þess ávinnings og axla þær skyldur sem aðildarsamningi fylgja frá fyrsta degi aðildar, samþykki íslenska þjóðin aðildarsamning í þjóðaratkvæðagreiðslu. (www.eyjan.is)

Ætli það sé ekki frekar að það fari í taugarnar á Jóni Bjarnasyni og Bændasamtökunum hans að ESB er tilbúið að skoða sérlausnir sem taka tillit til sérstöðu Íslands og þar með eru rök Bænda gegn ESB runnar út í sandinn:

 

„Í dag barst íslenskum stjórnvöldum niðurstaða Evrópusambandsins vegna rýnivinnu um landbúnað og dreifbýlisþróun sem er liður í viðræðum Íslands um aðild að ESB. Í svonefndri rýniskýrslu Evrópusambandsins endurspeglast málflutningur fulltrúa Íslands í viðræðuferlinu hingað til um mikilvægi og sérstöðu íslensks landbúnaðar en í henni kemur m.a. fram:

Í svonefndri rýniskýrslu Evrópusambandsins endurspeglast málflutningur fulltrúa Íslands í viðræðuferlinu hingað til um mikilvægi og sérstöðu íslensks landbúnaðar en í henni kemur m.a. fram:

1.        Að landbúnaður sé mikilvægur vegna dreifbýlisþróunar, fæðuöryggis og sjálfbærni.

2.        Að sérstaða íslensks landbúnaðar sé rík einkum vegna erfiðra loftslagsskilyrða og strjálbýlis.

3.        Stjórnsýslan sé sniðin að innlendum aðstæðum, umfangi og eðli landbúnaðarins og koma verði í veg fyrir að stjórnsýsla verði of umfangsmikil.

4.        Til að hægt sé að mæta þörfum landbúnaðarins muni verða nauðsynlegt að leita sérstakra lausna fyrir Ísland.

Ennfremur er vakin sérstök athygli á því að Ísland hyggst ekki breyta íslenska landbúnaðarkerfinu í tengslum við aðildarviðræðurnar fyrr en eftir samþykkt aðildarsamnings í þjóðaratkvæðagreiðslu eins og samninganefnd Íslands hefur lagt áherslu á.

Niðurstaða sambandsins er kynnt með bréfi til íslenskra stjórnvalda. Þar kemur fram að sambandið telji að forsenda þess að hægt sé að hefja samningaviðræður um landbúnað sé að íslensk stjórnvöld leggi fram tímasetta vinnuáætlun. Áætlunin kveði á um hvernig Ísland hyggist verða að fullu reiðubúið til þess að njóta þess ávinnings og axla þær skyldur sem af aðildarsamningi leiða á fyrsta degi aðildar, samþykki íslenska þjóðin aðildarsamning í þjóðaratkvæðagreiðslu. Í bréfinu tekur Evrópusambandið sérstaklega fram að taka skuli tillit til sérstakra aðstæðna á Íslandi. (www.eyjan.i)

Þ.e. að á Íslandi sé svo sérstæðar og erfiðar aðstæður að ESB telur að taka þurfi tillit til þeirra og samningurinn verði að tryggja búsetu í dreifðum byggðum sem og að bændur þurfi sérstakar lausnir umfram aðra í ESB

Og endilega hætta að nota þetta úrelta orð "Aðlögun". Ef að ekki verður gengið inn í ESB er ekkert skipulag sem ekki má hætta við eða snúa til baka.

Vilja nánari skýringar frá ESB

Athugasemdir

[Ingibjörg Guðrún Magnúsdóttir, 5.9.2011 kl. 19:41]

Ætli það fari ekki frekar í taugarnar á ykkur ESB sinnum að þið eruð ekki að komast upp með að gera þessar breytingar á bak við lokaðar dyr vegna þess að öðruvísi getið þið það ekki...

Þið ESB sinnar hafið ekki stuðning frá meirihluta Þjóðarinnar og það er komin tími til þess að þið gerið ykkur grein fyrir því Magnús Helgi...

[Vilhjálmur Stefánsson, 5.9.2011 kl. 20:06]

Viljið þið ESB sinnar gefa ESB fiskmið okkar, ég tek undir með Íngibjörgu,95% þjóðarinnar stiður ekki inngöngu í  ESB..

[Sleggjan og Hvellurinn, 5.9.2011 kl. 21:11]

Góður pistill.

Vilhjálmur

Hlutfallslegur stöðugleiki tryggir okkur veiðirétt innan við 200mílna lögsögu.