Vigdís Hauksdóttir um Sæstreng til Bretlands.

Vigdís sem er með ESB á heilanum færir hér sín furðulegu rök um að rafstrengur til Bretlands gæti verið hluti af leynimakki varðandi ESB umsóknina!

„Ein af ástæðum þess að hagkvæmt kann að þykja að leggja rafstreng milli Íslands og Bretlands er að framkvæmdin getur dregið úr þörf fyrir óendurnýjanlega orkugjafa í Bretlandi og þannig stuðlað að samdrætti í losun gróðurhúsalofttegunda þarlendis. Að sama skapi getur framkvæmdin verið liður í að uppfylla markmið Bretlands (og Evrópusambandsins) um hlutfall endurnýjanlegrar orku.“

Virðulegi forseti. Ég bara spyr: Er það hlutverk Íslendinga að sjá til þess að Bretar geti uppfyllt skilyrði sín varðandi Kyoto-bókunina? Ég segi nei. Við eigum nóg með okkur, sérstaklega í ljósi þess að Samfylkingin og Vinstri grænir fóru með það í gegnum þingið á síðasta kjörtímabili að ganga þessu losunarkerfi á hönd og þar með var sóað út úr höndunum á okkur sem þjóð fleiri milljarða eign sem fólst í íslenska ákvæðinu í losunarkerfinu. Mér finnst þetta því vera orðin ansi mikil samþætting á milli Íslands og ríkja Evrópusambandsins og þá einkum Bretlands ef við eigum að fara að bera ábyrgð á þeim þáttum fyrir Breta.

Henni dettur náttúrulega ekki í hug að þarna hefur Landvirkjun verið að skoða möguleika á að selja umframorku og jafnvel meira til Evrópu fyrir um 5x meira en við fáum frá stóriðju hér.  Þ.e. að hagnast á að selja umframrafmagn sem rennur í sjóinn  í dag þar sem við þurfum að vera með umframrafmagn til að tryggja stóriðjunni stöðugt rafmagn. En vissu lega finnst manni að ekki eigi að virkja bara til að selja út. Norðmenn gera þetta 

Eins segir Vigdís: 

Í fyrsta lagi mundi það breyta ásýnd okkar sem þjóðar. Við yrðum hreinræktaðir hrávöruframleiðendur fyrir Evrópuþjóðir í stað þess að flytja út fullunna vöru og vera fullvinnsluþjóð eins og sífellt er verið að kalla eftir, t.d. varðandi sjávarútvegsauðlindina okkar. Það er eitthvað sem ég vil ekki sjá, að við yrðum hrávöruframleiðendur að rafmagni fyrir ríki Evrópusambandsins með þessum streng. Við skulum fara aðeins yfir hvað þetta þýðir raunverulega og hversu risastórt verkefnið er. 

Veit blessuð kona að við erum í dag hrávöruframleiðendur. Stóriðja hér byggist á því að koma hiingað með súrál og nota orku  okkar og flytja héðan ál. Við vinnum það ekki neitt. Við vinnu fiskinn nærri ekki neitt nema að flaka hann og hreinsa. Kjót fer út óunnið svo ég held að Vigdís ætti nú að hugsa áður en hún talar. Orkan er þó eitthvað sem við myndum vinna og selja á góðu verði

En mesti brandarinn er þetta:

Verði sæstrengnum komið fyrir í sjó og við verðum farin að flytja rafmagn fram og til baka, því að þetta er ekki einstefnuvegur, erum við þá tilbúin til að blanda okkar hreinu orku saman við orku Evrópusambandsríkjanna sem er búin til á kolum og kjarnorku? Ég segi nei takk. Við erum því með því að fara í þetta verkefni um leið að gjaldfella okkar eigin orku og menga hana með þeirri skítugu orku sem þarna er að finna. Ég hafna því, virðulegi forseti, og tel að okkur sé betur komið með því að selja orkuna til fullvinnslu innan lands.

P.s. ég er ekki búinn að mynda mér skoðun á þessum með sæstreng og orkusölu en rök Vigdísar eru bara hlægileg. 

Hér getur fólk séð ræðunn í held

http://www.althingi.is/altext/upptokur/raeda/?raeda=rad20131105T143832

 

Athugasemdir

[Ásgrímur Hartmannsson, 9.11.2013 kl. 06:59]

Ég hef litla rú á þessum streng þeirra. Hef grun um að almenningur á Íslandi yrði látinn borga með þessu, vegna orkutapsins. Það er nefnilega nokkuð mikið orkutap á svona löngum strengjum.

[Valdimar Samúelsson, 9.11.2013 kl. 15:54]

Ef einhverjir vilja kaupa þ.e. ef rafmagn er til sölu þá geta þeir lagt streng sjálfir. Við skulum samt ekki bíta á agnið því við verðum að kaupa jafnmikið rafmagn af Bretum og þeir af okkur. So,,,, trúum bara Vigdísi hún veit lengra en nef hennar nær.

[bergur (IP-tala skráð) 9.11.2013 kl. 17:52]

Þegar kolareykurinn liðast úr innstungunum þá vitum við að rafmagnið er að leka til baka frá bretunum

[Deutscher (IP-tala skráð) 10.11.2013 kl. 02:07]

Er enginn Framsóknarmaður og verð aldrie, en ALLT siðmenntað fólk er á móti kjarnorku af siðferðisástæðum og vill að sjálfsögðu ekki koma nálægt slíku. Það kemur uppi um hyldjúpa hræsni og óendanlegt fals íslenskra (gerfi)"vinstri"manna þegar þeir hneykslast á Vigdísi á sama tíma og þeir fordæma kjarnorkuvinnslu Bandaríkjamanna. Evrópumenn hafa meiri tækifæri og möguleika á að sleppa henni alfarið en Kaninn, en neita því samt, af hreinni græðgi og heimsku.  

[Deutscher (IP-tala skráð) 10.11.2013 kl. 02:24]

Kjarnorkuvinnsla í hvaða formi sem er ER siðferðilega óhrein geti menn unnið orku með öðru móti. Og það geta allar Vestrænar þjóðir léttilega í dag. En slíkt þarf að gerast á heiðvirðan hátt. Eiga Íslendingar ekki að leysa vandamál heimsins með að blanda sínu hreina vatni við drulluga vatnið í Eþíópíu? Þangað til tæknileg lausn finnst sem tryggir að ekkert af þessari viðurstyggilegu kjarnorku berist hingað, illa fengin og siðferðilega óréttlætanleg sem hún er, þá eigum við að sjálfsögðu ekki að gjaldfella og eyðileggja okkar orku. Eina sem gerist við að blanda saman hreinu og óhreinu vatni er að þá deyja öll börnin. Eina sem gerist við að blanda saman hreinni og óhreinni orku (kjarnorku) er að þá verðum við sem þjóð einnig sek um umhverfisnýð sem stofnar allri framtíð mannkynsins í hættu. Kjarnorku í öllu formi nema þar sem ýtrasta nauðsyn krefur til (og það yrði ALDREI við almenna orkuþörf almennings) ber að uppræta með öllu móti. Þá hættir að vofa yfir ógn á þriðju heimsstyrjöldinni. Vestræn ríki hafa ráð og kraft til að uppræta kjarnorkunýðingsstarfsemi en gera það ekki af nísku og skort á framsýni. Hjálpum þeim ekki að stinga höfðinu í sandinn með svona heimsku. Og þar sem allir nema vistmenn á sambýlum hljóta að SKILJA hvað Vigdís á við, eru þeir sem væna hana um eitthvað annað en hún meinar sekir um útúrsnúning sem er jafn alvarlegur og hrein meinyrði og því lögbrot, eða það sama og eitt af boðorðunum tíu fordæmir sem að "bera ljúgvitni gegn náunga þínum". Enginn segir "Viðbjóðslegi rasisti" ef einhver fordæmir Mugabwe í Zimbabwe nema þá einhver algjörlega vangefinn maður og líklega einnig veikur á geði. Vigdís gerir rétt að fordæma kjarnorkuvinnslu og kalla hana það sem hún er og aðrir ráðamenn heimsins ættu að fylgja hennar fordæmi, hugrekki og dirfsku í þessu máli. Segi ég sem hef aldrei verið henni sammála fyrr og verð líklega seint aftur. Og hafi þeir skömm sem ljúga upp á konuna og gera henni til ljótar meiningar síns eigin hjarta og rasismann sem þar grasserar og þeir sjá því út um allt.