Með þessa stuðningsmenn ríkisstjórnarinnar þarf stjórnaranstaðan ekki að hafa áhyggur!

Held að ég hafi bara ekki lesið meiri vitleysu en þetta blogg sem finna má hjá Páli Vilhjálmssyni. Og ekki skánar það þegar bloggið er að mestu tilvitnun í Vigdísi Hauksdóttur

Þriðjudagur, 26. maí 2015

Vigdís hafnar ríkissósíalisma Eyglóar

Tilraunir Eyglóar Harðardóttur félagsmálaráðherra að ríkisvæða heimili landsmanna með allsherjarmillifærslum úr ríkissjóði mæta andstöðu samflokksmanna Eyglóar. Vigdís Hauksdóttir skrifar í fésbókarfærslu

ríkisstyrktar bætur út á húsnæði - hverju nafni sem þær nefnast - koma ekki okkur til góða = húsaleigubætur fara í vasa fjárfesta/þeirra sem eiga margar íbúðir til að leigja út - í formi hækkaðrar leigu og vaxtabætur eru "verðlaun" fjármálastofnana hér á landi sem haf vexti í botni - til að landsmenn geti réttlætt það fyrir sér að taka húsnæðislán. Vaxtabætur og húsaleigubætur eru ríkisstyrkir til fjármálaaflanna og hafa ekkert með velferð að gera.

Stórfellt millifærslukerfi fyrir öll heimili landsins er algerlega út úr kú. Til að slíkt kerfi mismuni ekki yrðum við að hafa ríkisverktaka sem byggðu ríkishúsnæði handa öllum landsmönnum. Sósíalismi af þessari sort rann sitt skeið á síðustu öld.

Væri nú gaman að einhver skýrði út fyrir Vigdísi eftirfarandi:

• Ef að ekki kæmu til vaxtabætur eða húsaleigubætur þá gætu þeir sem eru á lágum og millilaunum ekki keypt né leigt.
• Hér á landi eru vextir svo háir að fólk á lágum launum gæti ekki greitt af húsnæðislánum og geta ekki í dag þrátt fyrir vaxtabætur
• Vaxtabætur og húsaleigubætur eru í raun aðferð til að fólk á lágum launum og milliháum geti lifað við krónuna!

Þó að Vigdís sé með sæmileg laun í dag þá eru flestir sem jafnaldrar hennar og yngri að basla við að kaupa sér húsnæði nú eða leigja og þetta eru kaldar kveðjur til þeirra. Fjármálastofnanir fá ekki vaxtabæturnar eða hússleigubætur heldur er það fólkið sem borgar. Nú annars þyrfti hér að borga helmingi hærri laun.

En aðallega er þetta kjaftshögg frá henni til Eyglóar og verður Vigdísi ekki til framdráttar enda þarf hún hvort eð er að éta þau ofan í sig þegar hún í fjárlagnefnd þarf að samþykkja nýju lögin og útgjöldin þegar þar að kemur. Hún gerir það alltaf.

Um Pál þarf ekki að fjölyrða. Hann hefur ekki minnsta áhuga á hag annarra! Það er bara hann!

Þveröfug áhrif húsaleigufrumvarps

Athugasemdir

[Jón Valur Jensson, 27.5.2015 kl. 00:12]

Tókstu ekki eftir vefsíðunni nýju og nytsamlegu:

https://www.facebook.com/pages/Bönnum-lausagöngu-samfóista/578432108961456

[Eyjólfur G Svavarsson, 27.5.2015 kl. 11:10]

Magnús ertu ekki að verða búinn úr glasinu?

[Anna Sigríður Guðmundsdóttir, 27.5.2015 kl. 18:19]

Magnús Helgi. Ég veit ekki hver er hvað, né hvað er hvers, í raunheimum jarðarinnar. Hef reyndar aldrei vitað meir en það sem reynsla og skynjun mín hefur sagt mér.

Ef ekki væri fyrir húsaleigubætur og sérstakar húsaleigubætur frá Hafnarfjarðarbæ síðustu 7 árin, og ómetanlega góðra einstaklinga sem leigja mér íbúð, þá væri ég mjög trúlega verr stödd en dáin núna, árið 2015.

Sumir myndu kannski verð-meta það sem svo, að farið hefði fé betra héðan af hótelinu: Móður Jörð.

En hér er ég nú ennþá, og þakka öllu því góða fólki sem hefur gert mér það mögulegt hingað til, að vera til í þessari siðlausu vítisvél kerfisglópagulls-steinsteypu-braskaranna.

Ég held að Páll Vilhjálmsson misskilji okkur sem erum raunverulega trúuð á æðri algóð máttarvöld, því eitt sinn heyrði ég hann segja að fólk væri bara í trúarbragðastarfi eða trúað, vegna ótta við hvað yrði um það þegar það deyr. Ég lærði að trúa á almáttugu góðu adaorkuna þegar ég þoldi ekki meir af óréttlæti og siðblindu kerfis-spillingarinnar. Til að þola að lifa áfram hér í lögleysisillskunnar siðleysi á Íslandi, þurfti ég eitthvað kærleiksorkuleiðbeinandi til mótvægis við þá óþolandi illsku. Páll hefur líklega misskilið, og óvart snúið þessu við. En enginn er sjálfvals-viljandi vondur.

Enginn getur kennt fólki að trúa "rétt" með sínu eigin hjarta, nema einstaklingsviljinn sjálfur. Frjáls vilji. Hvað er það?

Siðareglur, sem mögulega gætu bætt samfélagið, og okkur öll innan samfélagsins:

    Boðorðin 10.

Takk fyrir mig.

M.b.kv.