Í sambandi við þessi skrif Björns Inga!

Í kjölfar þessara skrifa hef ég lesið athugsemdir þar sem fólk tengir þessi mótmæli við Samfylkingu og Vinstri græna. Nú er inn á ýmsum hópum Samfylkingar og get upplyst að hvorki Samfylkingin né einstakir hóppar þar komu að boðun þessara mótmæla. Enda ef fólk skoðar fréttamyndir þá sjást þar menn og konur sem hafa ekkert með þessa flokka að gera. Ég sá þarna fólk sem var m.a. í Borgarahreyfingunni, fólk sem var hinum ýmsu hópum/félögum m.a. þeir sem berjast fyrir nýrri stjórnarskrá.

Einu skiptin sem ég hef fengið upp á facebook boð á mótmæli hefur verið þegar Alþingi hefur verið að fjalla um ESB umsóknina.Enda væri það skrítið ef við vildum ekki láta vita hug okkar þar.

Ég mætti ekki þarna og fannst eftir að hafa séð þetta í sjónvarpi að það hefði mátt sleppa þessum köllum og látum a.m.k meðan að kórarnir sungu og fjallkonan flutti ljóðið og jafnvel á meðan að stúdentar lögðu blómsveig að styttu Jóns. En ræðu forsætisráðherra gátu allir séð í fjölmiðlum strax og hann flutti hana. Og við hann átti þetta fólk erindi.

En það að kenna Samfylkingu og Vg um öll mótmæli er bara út í hött. Í þessu hóp mótmælenda er fólk sem eru m.a. öryrkjar, lífeyrisþegar, fólk sem er á móti kvótanum, fólk sem vill nýja stjórnarskrá. Þarna eru t.d. Píratar í hópum.  En hægri menn í framsókn og sjallar eru svo blindir í hatri sínu á Samfylkingunni að þeir kenna henni um allt. Það verður hægt að hlægja að þeim á næstu árum þegar þeir fatta í að heilögu stríði þeirra við Samfylkinguna líta þeir algjörlega fram á að nýir flokkar eru að ná að koma sér fyrir og koma til með að ná mögulega af þeim völdunum sem er þeim heilagra enn allt. 

Þess vegna er þeim svo ummunað að hygla okkur millitekjufólkinu af því að þeim finnst þeir sem hafa það verst í þjóðfélaginu ekki nógu stór markhópur og ekki nógu vís atkvæði til að nenna að gera nokkuð fyrir þau. Og það er þau sem láta mest í sér heyra þegar það er mótmælt.

Mótmælendur hafi skemmt fyrir

Athugasemdir

[Kristjan (IP-tala skráð) 18.6.2015 kl. 00:44]

Það ríkir gagn kvæmt hatur (ást) á mlli vinstri flokkanna (VG, SF, BF) og hægri flokkana (Sjálfst, Framsókn) en enginn af þessum flokkum vinna að heildar hag þjóðarinnar þvi er ég ekki hissa öllum þessum motmælum eftir hrun. En auðvitað reina spuna meistarar þessara flokka að tellja almenningi sem heima situr trú að mótmælinn seu hinum aðilanum að kenna. En maður hefur það nú orðið á tilfinningunna að almenningur sé ekki eins auðtrua og áður og með tilkomu netsins er erfiðara að gleyma hvar sagði hvað og hvenær. Þannig að gammli fjórflokkurinn gæti mist undir tökinn í íslenskum stjórnmálum ef framheldur sem horfir. 

[Snorri Hansson, 18.6.2015 kl. 01:45]

Samfylkingin á þessi mótmæli frá A til Ö og menn munu minnast þeirra.

Þetta tal um fjórflokkinn byrjaði þegar Samfylkingin var að reyna að dreifa athyglinni frá eigin gjörðum. ( Moka yfir eigin skít )

Sjóræningjarnir bæta ekkert, því miður. Þeir tala í slaufum en innihaldið er rírt.

[Halldór Egill Guðnason, 18.6.2015 kl. 01:59]

Snorri neglir þetta. Punktur og basta.

Góðar stundir, með veðju að sunnan.

[Halldór Egill Guðnason, 18.6.2015 kl. 01:59]

"Með kveðju" átti þetta að vera.

[Halldór Egill Guðnason, 18.6.2015 kl. 02:04]

Það er grátlegt að fylgjast með færslum "millitekjumannsins", sem síðu þessa ritar, réttlæta kúgun og undirgefni á sjáFUM SÉR. 

GÓÐAR STUNDIR, MEÐ KVEÐJU AÐ SUNNAN.

[Guðmundur (IP-tala skráð) 18.6.2015 kl. 02:58]

Ég velti því fyrir mér á hvaða vegferð við erum. Því miður hafa margir ekki nægjanlega há laun og svo eru vissir hópar á Íslandi í dag sem að eru í tilvistarkeppu og hafa ekki atvinnu vegna einhverra erfiðleika og svo eru aðrir sem að glíma við sjúkdóma og eiga erfitt.

Á þeim 50 árum sem að ég hef lifað þá hefur þjóðfelagið breyst. Til hins betra veit ekki en það eru of margir sem að lifa ekki með reisn og ná sér ekki á strik í samfélaginu. Því miður.

Það vilja flestir ríkisstarfsmenn að ríkið vaxi og að báknið verði stærra og að þeir fái betri laun og kjör. Það eru samt takmörk hvað við skattþegar á Íslandi getum sætt okkur við. Það þarf meiri framleiðni og betri fyrirtæki sem að græða vel og minni ríkisumsvif. Það tala fáir um það.

Það væla allir yfir kjörum sínum en það er ekki ávísun á betri hag að fá fleiri krónur í umslagið. Það eru lágir skattar, vel rekið ríkisbákn og stöðugur kaupmáttur. Kauphækkanir upp á 40 prósent er ekki liður í þeirri viðleitni.

Skil að fólk mótmæli en ekki á 17. júní annars er lágkúran á Íslandi staðreynd.

[Magnús Helgi Björgvinsson, 18.6.2015 kl. 09:25]

Það er fínt af að menn finna ró í hjarta sínu að kenna samfylkingunni um þetta bara allt! Verði ykkur að góðu! En held að þið farið villu vegar. Vildi bara benda á þetta! Held að þeir sem eru duglegastir að mæta á austurvöll hafi bara ekkert með Samfylkinguna að gera! Þarna í gær voru menn að "jarða kvótan" þarna voru menn að mótmæla að ný stjórnarskrá hefði ekki verið samþykkt. Þarna voru hjúkrunarfræðingar að mótmæla lögum sem sett voru á verkföll. Þarna voru öryrkjar, atvinnulausir og menn sem fóru illa í hruninu.

Varðandi ríkisstarfsmenn þá vil ég benda fólki á að störf hjá ríkinu eru um 17 þúsund. Af þeim eru nærri 25% starfandi hjá Landspítala og um helmingur í heilbrigðiskerfinu öllu. Þ.e. um 9 þúsund minnir mig. Auk þess eru einhver þúsund starfandi sem kennarar í framhaldskólum og og Háskólum.. Skrifstofufólkið sem fólk sér fyrir sér að allir opinberir starfsmenn séu er mikill minnihluti starfsmanna ríkisins.

[Magnús Helgi Björgvinsson, 18.6.2015 kl. 09:36]

P.s. ef að einhverjum finnst skrif mín grátleg þá kann ég ráð við því. EKKI LESA ÞAU! Ef að rök manna er ekki betri en að reyna að gera lítið úr mér persónulega þá vildi ég gjarnan að þeir haldi sig sem mest á öðrum síðum.

Ég hef aldrei sagt að ég eða þessi síða sé eitthvað annað en mína hugmyndir og skoðanir. Og hér er málfrelsi.

En semsagt að svona málefnalegar athugsemdir eru ágætar en leiðinda skot og skætingur er eitthvað sem ég yfirleitt leiði hjá mér og les ekki. Og vildi gjarnan að menn héldu þeim sem mest á sínum bloggsíðum. Þar sem vinir þeirra geta hlegið með þeim að!

Og já í ljósi sögunar er mér mein illa við Framsókn og Sjálfstæðisflokk og tal þá báða ganga hagsmuna útvaldra. Og því sé nauðsyn þegar þeir eru við völd að halda þeim við efnið til að sem minnst af þannig málum komi til framkvæmda!