Nafn Vilhjálms Þorsteinssonar, fjárfestis, var ekki að finna í Panamaskjölunum

En hann sagði af sér sem gjaldkeri Samfylkingarinnar þrátt fyrir það. Tók hagsmuni flokksins fram yfir stöðu sinnar sjálfs.

Nafn Vilhjálms Þorsteinssonar, fjárfestis, var ekki að finna í Panamaskjölunum sem fjallað var um sérstökum Kastljósþætti í kvöld. Þetta staðfestir Jóhannes Kr. Kristjánsson hjá Reykjavík Media. Hann segir að þeir hafi leitað að nafni Vilhjálms í gagnagrunni gagnalekans en nafn hans hafi ekki komið upp.

Vilhjálmur upplýsti sjálfur í athugasemd á Facebook fyrir fjórum dögum að hann ætti félag í Lúxemborg.  Seinna greindi Stundin frá því að Vilhjálmur hefði ekki upplýst um félag sem hann ætti í Kýpur. Vilhjálmur sagði í framhaldinu af sér sem gjaldkeri Samfylkingarinnar. ruv.is

Varaformaður Framsóknar: „Ekkert nýtt“

Athugasemdir

[Bjarni (IP-tala skráð) 3.4.2016 kl. 20:14]

"Tók hagsmuni flokksins fram yfir eigin hagsmuni"

Whatever - við höfum engin not fyrir fólk sem lætur "hagsmuni flokksin" hafa forgang fyrir hagsmunum þjóðarinnar.

 

[Sigrún Guðmundsdòttir (IP-tala skráð) 3.4.2016 kl. 21:24]

Ó hvað ég myndi hlæja að þér ef mér væri ekki svona flökurt af tvöfeldninni, hefnigirninni - og "friðhelginni".

En Jóhannes er kannski ekki búinn, þessir annars atvinnulausu blaðamenn þykjast komnir í feitt og ætla að skammta þessu í okkur eftir hentugleikum fyrir nokkrar millur í viðbót :p

[Anna Sigríður Guðmundsdóttir, 3.4.2016 kl. 21:41]

Ekki ætla ég að verja skipulögð skattsvik og óheiðarleika af nokkru tagi. Síður en svo.

En þessi þáttur var rammpólitískur!

Jóhannes Kr. Kristjánsson og hans aðferð, voru eiginlega stærstu vonbrigðin, vegna pólitískrar slagsíðu í þessum þætti. Þar með tapaði hann trúverðugleika um nauðsynlegt hlutleysi og heiðarleika í starfi.

Gat hann ekki látið það á móti sér að flokkspólitík-skemma þessa umfjöllun, og gera raunverulegt gagn fyrir heildina?

Hver treystir Lúxemborgar-upplýsingaveitum, sem eru undir eftirlitslausum verndarvæng heimsveldisins bankarænandi og hertakandi?

Þessi pólitíska árás minnir á bankahryðjuverk Bretlands og Hollands með vanvirkt fjármálaeftirlit á sínum reglurugls-snærum yfir reikninga/félaga-svindlið. Minnir líka á pólitísku réttarhöldin yfir Geir H. Haarde.

Það er greinilega ekki verið að leita að heildaruppgjöri af sanngirni og hlutleysi. Það var ekki von á því frá pólitískt herteknu RÚV-inu.

M.b.kv.