Alveg er Vg samir við sig.

Þær byrja vel tillögur Vg en í lokinn þegar þeir eru búnir að stinga upp á ágætum leiðum til að spara þá allt í einu á að eyða þeim sparnaði og gott betur. Þessar tillögur koma þeir með rétt eftir að fulltrúi AGS var að segja okkur að við verððum að spara enn meira á næsta ári og skera niður. Halda menn virkilega að þá sér skynsamlegast að draga úr sparnaðar aðgerðum núna. Þá verður bara enn meiri niðurskurður næst. Guð hjálpi okkur ef þessir menn væru við stjórnvölinn núna. Þeir hafa barist á móti því að við tækjum lán, semdum við Breta og í raun öllu nema að þeim fannst að við ættum kröfu á að Noregur reddaði okkur. Ef þeir réðu núna þá sætum við hér á landi með engin millilandaviðskipti, án Erlendsgjaldeyris til að versla fyrir. Hefðum takmarkað eldsneyti og værum á leið aftur í gráa forneskju.

 

Vinstri grænir kynna þrjú frumvörp um skattabreytingar

Athugasemdir

[Óli Gneisti (IP-tala skráð) 19.12.2008 kl. 18:50]

Fyrir ári síðan ítrekaði Steingrímur Joð afstöðu VG á þingi um að það ætti að auka gjaldeyrisvarasjóðinn og þá meðal annars til að koma í veg fyrir bankakreppu. Þá var hæðst að honum. Um mánuði fyrir fallið sagði Steingrímur Joð að við ættum að auka gjaldeyrisforðann sama þó kjörin væru slæm. Það var hlegið að honum. Það hefði nú verið betra að hlusta á hann þá því við hefðum allavega ekki sokkið jafn djúpt enda var helsti vandi okkar skortur á gjaldeyri.

Hefur þú yfirhöfuð kynnt þér hvað VG hefur fram að færa í málum eða treystir þú á skoðanir bloggara sem eru jafn illa að sér um málin og þú og rugla bara?

[Líney (IP-tala skráð) 19.12.2008 kl. 18:59]

bíddu á hvaða leið erum við annað en aftur í gráa forneskju akkúrat núna?

Þú ættir kannski að staldra við og pæla í hvort við værum í svona slæmri stöðu ef VG hefði fengið að stjórna einhverju?
Þeir voru allavegana eini flokkurinn sem varaði við þessu ástandi í tíma!
EN nei þeir eru svo aðhaldssamir og gamaldags... 

Sjálf bý ég utanlands og skammast mín fyrir stjórnarhætti hér á Íslandi. Það er hlegið af þeim hér úti!

[Nonni, 19.12.2008 kl. 19:01]

Þetta blogg er alveg típísht sjálfstæðis áróður ... ég er ekki sáttur með hvernig ísland er í dag en við skulum ekki breyta neinu.

[Magnús Helgi Björgvinsson, 19.12.2008 kl. 21:55]

Ég held að þú misskiljir aðeins Nonni. Ég er ekki sáttur við hvernig Ísland er í dag og vil alherjar uppskurð á öllu. Ég vill að m.a. að við leggjum áherslu á að móta hér

1. þjóðfélag sem byggir á jöfnuði.
2. Þjóðfélag sem skarar framúr í umhverfismálum.
3. Þjóðfélag með skýrar leikreglur sem allir fara eftir.
4. Þjóðfélag í nánu samstarfi við nágrana okkar í Evrópu. 

Ég bendi á að ég er vinstrisinnaður jafnaðarmaður og hef ekki farið dult með það. Sbr. http://maggib.blog.is/blog/maggib/about/

Ég hef lesið bæði síðu Vg og hlustað reglulega á Alþingi þar sem að fulltúar Vg eru væntanlega að tala skv. stefnu Vg. Ég er sammála Vg. mörgu varðandi umhverfismál og áherslur á ferðamannaiðnað. En mér hefur fundist lausnir Vg í öðrum málum vera skammsýnar, teknar oft án þess að hugsa út frá hag heildarinnar sem og afturhaldssamar. Sbr. þeir hafa verið á móti innflutning á kjöti, móti flestum breytingum sem hefur verið mælt fyrir. Nefni sérstaklega Jón Bjarnason sem er yfirleitt á móti öllu.

Svona til að koma í veg fyrir frekari misskilning þá er rétt að benda á að ég er flokksbundinn í Samfylkingunni og mundi flokka mig vinstramegini í stjórnmálum.

Fyrir ári síðan hóf Seðlabankinn að reyna að afla gjaldeyris en fékk hvergi. Steingrímur varaði við þessu og margir fleiri. Menn gera sér væntanlega grein fyrir því að nú væri væntanlega það lán ef það hefði fengist verið fullnýtt í september og við sætum eftir með hundruð milljarða lán en peningarnir rokið út í Krónu og Jöklabréfunum. 

Það er orðið ljóst að bankarnir voru komnir í þrot flestir og að gjaldeyrisforðinn hefði ekki dugað til að bjarga þeim. Mynni á að t.d. Kaupþing fékk um tugi milljarða síðustu dagana lánaða í gjaldeyri sem bara hurfu í hítina. Það þurfti að skera upp bankana en enginn hafði rænu á því.