Held að menn séu nú að missa glóruna.

Kýkti kíkti inn á þessa síðu www.sorprit.com og verð að segja að þarna fer lið sem maður vildi síður að kæmust til valda hér á landi. Þetta pakk er þarna nafnlaust með hótanir og segist hafa fjársterkan aðila á bakvið sig. Þeir fela sig á bakvið blogspot síðu og eru algjörlega nafnlausir. Svo til að kóróna hlutina kunna þeir ekki Íslensku íslensku.

Þessi setning er t.d. algjör augnabrjótur:

Burt með DV - Sorprit með lygamörða í ritstjórastól á ekki rétt á sér á Nýja Íslandi

Og eins er þetta skrítið:

DV ritstjórarnir, feðgarnir Reynir Traustason og Jón Trausti hafa nú báðir verið staðnir að því að ljúga að þjóðinni. Þeir kunna ekki að skammast sín og hafa haldið áfram í leiðurum blaðsins.

Hvað eiga menn við með "Þeir kunna ekki að skammast sín og hafa haldið áfram í leiðurum blaðsins."

Finnst nú lágmark að menn sem hafa fyrir því að skrá síðuna á sér lén og senda út föx á alla auglýsendur, fari yfir það sem þeir láta frá sér.

Spurning hvort að þessir menn hafi hugsað um að þeir eru að vega að vinnu kannski 20 til 40 manns? Fólks sem ekkert hefur gert af sér?

Auglýsendum DV hótað með válista?

Athugasemdir

[Pétur J. (IP-tala skráð) 21.12.2008 kl. 02:12]

Það er vafasamt þegar menn reyna að gengisfella skrif annarra með því að þau séu ekki á nógu góðri íslensku, sérstaklega þegar þeir eru ekki vel skrifandi á málið sjálfir og því hittir Magnús sjálfan sig verst fyrir. Hann skrifar ,,kýkti" en þetta danska tökuorð á auðvitað að skrifa ,,kíkti". Hann skrifar lið réttilega í eintölu en lætur síðan sögnina á eftir vera í fleirtölu, ,,kæmust". Þá skrifar Magnús ,,íslensku" ranglega með stórum staf og þannig mætti áfram telja. Það lýsir ekki góðum málstað þegar menn reyna að gera lítið úr skoðunum annarra með umvöndunum um málfar, sérstaklega þegar þeir eru ekki sterkir á svellinu sjálfir. Margt gott fólk getur ekki komið frá sér lýtalausum texta en hefur auðvitað jafnmikinn rétt á því að tjá skoðanir sínar og aðrir án þess að menn eins og Magnús Helgi setji sig á háan hest gagnvart þeim.

[Magnús Helgi Björgvinsson, 21.12.2008 kl. 02:33]

Ég bendi hér erum við á einkabloggsvæði mínu. Ég nota hana til að skirfa mínar skoðanir á fréttum og málefnum. Ég skirfa þetta jafnóðum og ég les þessar fréttir en ligg ekki yfir textanum, enda er ég ekki í forsvari fyrir einn eða neinn. Ég er ekki í herferð gegn neinum.

Ég er að benda á í þessum skrifum hér að ofan að aðilar sem ætla að ráðast gegn dagblaði sem er vinnustaður fjölda manna eru nú ekki merkilegur papír ef þeir vísa á síðu sem er illa sett upp ekki lesin yfir og státa af orðum eins og "lygamörða" og setningum eins og "DV ritstjórarnir, feðgarnir Reynir Traustason og Jón Trausti hafa nú báðir verið staðnir að því að ljúga að þjóðinni. Þeir kunna ekki að skammast sín og hafa haldið áfram í leiðurum blaðsins" Hverju hafa þeir t.d. haldið áfram skv. þessari grein?

Síðan finnst mér leiðinlegt þegar að netið er notað í svona hótanir.

[Brynjar Jóhannsson, 21.12.2008 kl. 02:56]

Þessi gagnríni þín varðandi stafsettningavillur er brosleg. Þú gleymir því að mögulega hafi þeir sem skrifuðu þetta ekkert verið að vanda sig sjálfir. Mér finnst alltaf ótrúlega smáborgaralegt að hæða fólk fyrir innsláttarvillur.

Í fyrsta lagi vegna þess að viðkomandi gæti átt við les eða skrifblindu að etja eða hans megin kunnátta sé á öðrum sviðum en að munda takkaborð eða penna.

Í öðru lagi er það vegna þess að fólk sem stendur í svona lágkúrulegri gagnríni er of upptekið að hæðast af hlutum sem hafa ekkert með meginástæður málsins að gera. Ég t.d væri mögulega á þínu máli en núna eftir þennan upphafning þinn á öðru fólki með því að telja þig betri en það í íslensku, hefur öll orkan farið í að úthúða þig með skömmum í stað þess að tala um MEGINATRIÐI MÁLSINS sem digurbarkaleg skrif sem hljóma veruleikafirt.  

[Björn Heiðdal, 21.12.2008 kl. 10:55]

Folk seem ekkki kannns stafstefningu á náttúrlega ekki að bloggga, eða hvað??  En annrz er ég alveg sammala Magga drykkjumanni að þeir sem ekki eru almennilega skrivandi á ísLNska túnngu séu vont fölk.  Kannski ekki vónt fólk en svona f´ölk sem ekki ætti að vera tjá sig opinberlaega.  En blaggið hanns Magnaúsar er ekki opinber vettveangur að hanns máti. 

Þvílikur bullari.  Hann slær sjálfum Ástþóri Magnússynbi út með bullinu í sjálfum sér. ha hahah.

[Magnús Helgi Björgvinsson, 21.12.2008 kl. 11:27]

Held að menn hafi skilið það sem skrifaði á annan hátt en ég reiknaði með! Ég ætlaði að megin inntakið í þessari færslu væri

• Maður/menn eru að hóta fyrirtækjum sem auglýsa á ákveðnum fjölmiðlum að þeir verði settir á "DV válista" sem að auglýstur verður.
• Menn eru að hóta að ráðast á vinnuvettvang tuga manna.
• Finnst þegar menn eru að ráðast í svo alvarlegar aðgerðir og eru búnir að vinna vinnu m.a. með því að safna saman upplýsingum um þá sem auglýsa í DV og senda þeim pósta með hótunum. Þá séu menn búnir að undirbúa málið almennilega.
• En svo þegar maður skoðar síðuna þeirra www.sorprit.com þá er hrekkur maður við Þetta hér fyrir neðan er grundvöllur þessarar herferðar og ég verð að segja að þessi texti er eitthvað sem ég hnýt um:

Verslum ekki við
DV auglýsendur
DV eignaraðild er leppuð fyrir Jón Ásgeir Jóhannesson

DV er ritskoðað af eigendum þegar þeim hentar

DV ritstjórar hafa krafist afsagna annarra fyrir spillingu en innleitt aðrar reglur fyrir sjálfa sig
DV hefur árum saman stundað ómálefnalegar árásir með ærumorðum og lygum
DV "Guðfaðirinn" Jónas Kristjánsson og Mikael Torfason hrökkluðust úr ritstjórnarstólum eftir að eitt fórnarlamba DV framdi sjálfsmorð og þjóðin sagði NEI EKKI MEIRA TAKK!

DV ritstjórarnir, feðgarnir Reynir Traustason og Jón Trausti hafa nú báðir verið staðnir að því að ljúga að þjóðinni. Þeir kunna ekki að skammast sín og hafa haldið áfram í leiðurum blaðsins.
DV ritstjórarnir hylma enn yfir það hver hótaði að stöðva prentun blaðsins og koma þannig í veg fyrir að spillingin innan fjölmiðla sé afhjúpuð!

Burt með DV - Sorprit með lygamörða í ritstjórastól á ekki rétt á sér á Nýja Íslandi

• Svo ég er að leyfa mér að mótmæla því að þessir menn sem standa í svona herferð komi að því að móta "Nýja Ísland"  Ég spyr bara hvað kemur næst? Verður okkur sem verslum við Bónus eða þeir sem lesa DV hótað barsmíðum ef við hættum þvi ekki.

 Ég sætti mig ekki við þessar aðferðir og vill bara fá að hafa mínar skoðanir.

Ég er ekki að ráðast að lesblindum og ekki að halda því fram að ég skrifi rétt. Ég skrifa snarvitlaust oft á tíðum og sérstaklega þegar ég er ekki með lesgleraugun mín.

Björn ég get aftur móti haft húmor fyrir athugasemd þinni. Öllu nema Ástþórs kaflanum. Það er illa gert gagnvart Ástþóri að blanda honum í mín mál.

[Magnús Helgi Björgvinsson, 21.12.2008 kl. 19:59]

PS var að lesa eftirarandi í athugasemdum á www.sorprit.com :

Samkvæmt http://whois.domaintools.com/sorprit.com er þetta tengt ip-tölu á íslandi sem er 213.181.100.145 sem vísar á forsetakosningar.is ef slegið er inn http://213.181.100.145 sem þýðir að þetta er vistað af sama aðila.

Sem sagt Ástþór Magnússon