Ég á ekki orð! Hvaða framtíðarsýn vill fólk fyrir Ísland?

Það væri nú gaman að fólk sem er á móti ESB aðildarviðræðum færi að tjá sig um hvaða framtíðarsýn það hefur varðandi gjaldmiðil okkar! Er þetta fólk virkilega að halda því fram að það sé tilbúið að taka áhættu á að hafa krónuna áfram? Og eiga kannski yfir okkur að við getum aldrei aflétt gjaldeyrishömlum hér aftur? Að við getum upplifað það aftur að gjaldmiðillin falli um 30 til 40% á nokkrum dögum með tilheyrandi verðbólgu, hækkun skulda og matvælaverðs?

Er þetta fólk ekki tilbúið að horfa til reynslu annarra Norðurlanda eins og Finna, Svía og Danmörku. Finnar eru þegar komnir með evru, Danir eru að taka hana upp og Svíar eru með sænska krónu bundna við evru. Allar þessar þjóðir telja sig betur settar innan ESB. En nei hér er fólk svo forpokað að það gleypir við kjaftasögum um að ESB sé bara að reyna að komast yfir allar auðlyndir okkar! Það lýtur á ESB eins og stjórnlaust batterí. Þó að allir viti að það er framkvæmdaráð sem stjórnar ESB sem í sitja fulltrúar frá öllum löndum ESB. Það eru engar stórar breytingar gerðar á ESB öðruvísi en að það sé borið undir atkvæði í öllum löndum. Það hefur verið sýnt fram á að enginn fær að veiða hér nema við. Þó að hugsanlega erlendir aðilar eignist hér útgerðarfyrirtæki þá skil ég ekki hvað fólk hræðist. Í dag streyma peningar frá þessu útgerðum hér í verkefni hérlendis og erlendis. Kvótaeigendur halda hér kvótakaupendur sem leiguliðum og lifa vel á leigunni. Á meðan að smábátaveiðimenn lepja dauðan úr skel og útgerðin orðin stórskuldug.

Fólk vill ekki einu sinni fara í aðildarviðræður þó að þar fengjum við svart á hvítu hvað okkur stæði til boða.

Fólk miðar við að Noregur hafi fellt þetta 2X en gleymir því að Noregur hefur gas og olíu sjóði sem þeir hafa ávaxtað út um allan heim og geta notað til þrautavara en við höfum ekkert. Noregur er líka mun fjölmennari en við og þar eru þá yfir 40% sem hafa verið jákvæð gagnvart því að ganga í ESB. Minni á að Norðmenn þyrpast til Svíþjóðar að kaupa inn þar sem vöruverð þar er mun lægra.

Minni líka á að nú eru 27 þjóðir í ESB, nokkrar á leiðinni, Þannig að þjóðir í Evrópu utan ESB verða eftir nokkur ár aðeins teljandi á fingrum annarrar handar. Og þá verður erfiðara fyrir okkur að ganga inn.

Meirihluti andvígur ESB-umsókn

Athugasemdir

[Þór (IP-tala skráð) 1.3.2009 kl. 22:17]

Fólk er greinilega ekki eins heimskt og ESB heldur, sumir eru náttúrulega eins og rollur að elta úlfinn og vilja ganga í ESB, en það er bara eigingjarnt eða heimskt fólk. Því miður eru ákveðnir hópar af fólki sem eru enn á þeirri skoðun að ESB sé eitthvað betra fyrir það eða landið, en ég vona svo sannarlega að þetta fólk fari að hugsa og skoði málið.

[Þór (IP-tala skráð) 1.3.2009 kl. 22:56]

ESB er að hrynja! Er það, það hrun sem þú vilt að við tökum þátt í til að sumir vakna?!

[Ómar Bjarki Kristjánsson, 1.3.2009 kl. 22:59]

Það sem er í rauninni athyglisvert í könnuninni er að hún virðist gefa til kynna að  um 1/4 sjalla sé fylgjandi en 4/5 samfylkingar.

Framsókn og VG svo rétt innan við helming fylgjandi.

Hvað má ráða af þessu ? Jú, það að sjallaflokkur er einhver mesti framfarahemill hér á landi á og algjör plága á þessari þjóð.

[k (IP-tala skráð) 1.3.2009 kl. 23:18]

Sæll,

Þú sagðir á annari síðu um afskriftir skulda:
Það erun nú fleir en Steingrímur sem er þá að misskilja þetta. Hef heyrt þetta frá flestum hagfræðingum sem hafa fjallað um þetta mál. Og hvar kemur fram að bankarnir hafi afskrifað íbúðarlán um 50% hef aldrei heyrt þá seja þetta?

Á forsíðu Fréttablaðsins í dag/gær kemur fram að fjármálastofnanir afskrifa 6000 milljarða vegna bankahrunsins. 

[Hjörtur J. Guðmundsson, 1.3.2009 kl. 23:20]

Frelsi og fullveldi Íslands er ekki til sölu, ekki einu sinni fyrir evrur!

[Halldór (IP-tala skráð) 1.3.2009 kl. 23:40]

"Það væri nú gaman að fólk sem er á móti ESB aðildarviðræðum færi að tjá sig um hvaða framtíðarsýn það hefur varðandi gjaldmiðil okkar!"

Hvers vegna að fara í ESB og bíða í svona 5 ár til að taka upp evruna, hví ekki bara taka upp dollarann, tæki miklu styttri tíma.

Og hvers vegna ættu þeir að gera einhverja spes samninga við okkur þar sem þeir gefa sig ekkert eftir fyrir aðra?

Og hvað varðar framtíðarspá þá er nokkuð athyglisverð lesning frá einum söguhagfræðingi sem hélt því fram að það væri best fyrir okkur að halda okkur utan ESB og halda krónunni, þar sem við gætum rétt okkur af miklu fyrr með henni og einnig að við höfum ýmsar auðlindir sem verða eftirsóttar í framtíðinni, þar á meðal orku. Er ekki í lagi að trúa því eins og öllum þeim sem segja hvað krónan sé ónýt??

"Er þetta fólk ekki tilbúið að horfa til reynslu annarra" já akkúrat, hvað með reynslu t.d. Írlands??

En nei hér er fólk svo forpokað að það gleypir við kjaftasögum um að ESB sé bara að reyna að komast yfir allar auðlyndir okkar!

Ekki segja mér að þú haldir í alvörunni að ESB sé að tala um að bjóða okkur inn af einskærri góðmennsku??

Getum við ekki bara alveg eins látið danina taka við hér aftur, fáum Danksar krónur og þurfum ekki að hugsa sjálfstætt?

[Ómar Bjarki Kristjánsson, 1.3.2009 kl. 23:59]

Halldór, þú missir þetta alveg.  Sko, ástæðan fyrir því að ísland á að sækja um aðild að esb er vegna þess að ísland hefur rétt á því.  Why ? Jú, vegna þess að ísland er í Evrópu og er lýðræðisríki sem byggir á sama eða svipuðum grunni og esb ríki.  Það að ganga í danmörk er ekkert í kortunum núna.  Auk þess er danska krónan bundin evru og að taka upp danska krónu er í rauninni það sama og að taka upp evru. 

Þú er bara eins og Árni Jónsen sem sagð hreykinn úr ræðustól  á Þingi að líklega væri best að taka upp færeyska krónu í staðinn fyrir evru !  Færeyska krónan er það sama og dönsk króna.

[Magnús Helgi Björgvinsson, 2.3.2009 kl. 00:24]

"K" Bankarnir eru að afskrifa skuldir við fyrirtæki og erlenda aðila upp á 6000 milljarða af skuldum sínum. En 40% er talið öruggar skv. þessari grein. Þ.e. skuldir banka við aðrar stofnanir. Ef að við skerum niður um 20 af lánum sem bankarnir eiga fyrir línunna þá minnka eignir þeirra. Og við það þurfa þeir aukið fé á móti skuldunum sem þeir verða að greiða. Og hver heldur þú að leggi þeim til fé? Jú við! Með sköttum!

[Magnús Helgi Björgvinsson, 2.3.2009 kl. 00:27]

Hjörtur þú sem sagt villt að við förum bara lóðrétt á hausinn á næstu árum? Þú veitst væntalega að enginn vill versla með krónur og við fáum engin lán út á krónur?

Þannig að skv. þinni leið verður það væntanlega þannig að við verðum gjaldþrota og yfirtekin af einhverju ríki, kannski ESB sem fær styrk frá alþjóðasamfélaginu til að að sjá til þess að við sveltum ekki.

[Magnús Helgi Björgvinsson, 2.3.2009 kl. 00:32]

Halldór það er samt staðreynd að sérfræðingar hér á landi og erlendis ráðleggja okkur flestir að sækja um aðild að ESB og evru. Meira að segja Norðmenn hvetja okkur til þess.

En eins og þegar við vorum vöruð við fyrir hrunið þá "vitum við betur" og þessir menn eru bara asnar. Og við leitum dauðaleit að einhverjum sem segir að ESB sé ömurlegt og hengjum okkur í það. Yfir 80% af ríkjum Evrópu eru nú þegar í ESB. Þetta eru stærri lönd með hópa af sérfræðingum sem skoðuðu málið frá öllum hliðum og meirihluti þeirrra sem og landsmanna þar kusu að ganga í ESB. Ef að þetta væri svona slæmt er skrítið að einu þjóðirnar sem hafna inngöngu í ESB skuli vera Norðmenn og við.

[Sigur!, 2.3.2009 kl. 00:34]

Ég hef ekki tíma til að fara út í djúpar umræður um þetta núna en það er engin tilviljun að Olli Rehn skuli hafa sagt mögulega aðild Íslands hvalreka fyrir sambandið, sambandið þarf nauðsynlega að fá inn framleiðsluþjóðir sem færa því meira en þær taka frá því. ESB er ekki góðgerðarstofnun og verður spennandi að sjá hvaða aðgerðir þeir munu taka til varnar sínum ríkjum (enn sem komið er eru þær engar og ekki er hægt að segja að td. Írar séu í vænlegri stöðu)

Og Ómar, hvað sem öðrum verkum Árna líður þá voru þessi orð hans látin falla í sambandi við loforð Færeyinga um fjárhagslega aðstoð við okkur, sem nokkurs konur þakkarræða, þau átti augljóslega ekki að taka bókstaflega eins og þú leiðir líkur að.

Að lokum þá er það ráðherraráðið en ekki Framkvæmdarstjórnin sem ræður lyktum flestra málefna innan bandalagsins og er öflugasta stofnun þess og innan þess fengjum við langt undir 1% atkvæðavægi.

ps. Það er góð ástæða fyrir því að fullveldisréttur sjálfsstæðra þjóða er fremstur reglna þjóðaréttar og Evrópudómstóllinn hefur margoft sagt hreint út að með því að samþykkja stofnsáttmála bandalagsins afsali þjóðir sér fullveldisrétti sínum.

[Magnús Helgi Björgvinsson, 2.3.2009 kl. 00:36]

Þór ESB er ekki skepna eða ríki. Þannig að svona frasar eins og "Fólk er greinilega ekki eins heimskt og ESB heldur, " er bara kjaftæði.  Ef þú veist það ekki er ESB samstarfgrundvöllur 27 sjálfstæðra ríkja sem hafa kosið að hafa samvinnu um ákveðna þætti svo sem viðskipti, umhverfisvernd, iðnað, landbúnað og sjávarútveg.  Við erum þegar að mörguleiti bundin af þessum reglum og lögum. En við höfum engin áhrif.

[Sigur!, 2.3.2009 kl. 00:36]

Magnús, bentu mér á það hvar Norðmenn hvetja okkur til að ganga í ESB!

Norðmenn og Íslendingar eiga lang vænustu náttúruauðlyndir allra Evrópuþjóða.

[Þór (IP-tala skráð) 2.3.2009 kl. 00:38]

Rosalega ertu vitlaus magnús! ESB er ekkert á eitthvað betri leið en við. Við getum komið okkur út úr þessu, og ekki svo erfiðlega. Það eru bara kellingar eins og þú, sem eru að hægja á batanum. Hvað í fjandanum græðiru á því að tala Ísland niður?! Ég legg til að ef að kellingar og föðurlandssvikarar eins og þú viljið tala okkur niður, þá stofnið saumaklúbb.

[Magnús Helgi Björgvinsson, 2.3.2009 kl. 00:44]

Sigur ´Rétt hjá þér  Þetta má náttúrulega lesa á www.esb.is  "Ráðherraráðið (Council of the European Union) er vettvangur aðildarríkjanna og er skipað einum ráðherra frá hverju aðildarríki. Ráðherraráðið fer með löggjafarvald í ESB ásamt Evrópuþinginu, undirritar samninga við önnur ríki og samtök, samhæfir stefnu og aðgerðir aðildarríkjanna í mörgum málaflokkum og hefur ákveðið framkvæmdavald. Hvert aðildarríkjanna á einn fulltrúa í ráðherraráðinu, óháð íbúafjölda. Samsetning ráðsins fer eftir málaflokkum. Þannig funda landbúnaðarráðherrar um landbúnaðarmál, umhverfismálaráðherrar um umhverfismál o.s.frv. Ráðið tekur ákvarðanir ýmist með einróma samþykki (100% atkvæða), auknum meirihluta (73,9%) eða með einföldum meirihluta (51%) eftir því hvaða málefni er til umræðu. Atkvæðavægi ríkjanna fer eftir stærð þeirra. Þann 1. nóvember 2004 tók gildi ný skipting á atkvæðavægi ríkjanna samkvæmt Nice-sáttmálanum. Fleiri ákvarðanir eru nú teknar með auknum meirihluta en áður. "

Framskvæmdarráðið er skv www.esb.is

"Framkvæmdastjórnin (European Commission) fer með framkvæmdavald í sambandinu og er staðsett í Brussel. Framkvæmdastjórnin er skipuð 27 fulltrúum (commissioners) tilnefndum af aðildarlöndunum og samþykktir af þinginu. Hvert ríki tilnefnir einn fulltrúa. Markmið framkvæmdastjórnarinnar er tryggja að sameiginlegi markaðurinn/tollabandalagið virki eins og til er ætlast og að vernda hagsmuni Evrópusambandsins inn á við og gagnvart öðrum ríkjum og samtökum. Framkvæmdastjórnin hefur einkarétt á að leggja fram tillögur að nýrri löggjöf. Hún tekur þátt í að skapa, framfylgja og hafa eftirlit með EB rétti og hefur umboð til samningagerðar við önnur ríki. Framkvæmdastjórnin lítur á sig sem „verndara sáttmála Evrópusambandsins“. Hún gætir þess að aðildarríkin og aðrir uppfylli þær skuldbindingar sem sáttmálarnir mæla til um. Auk þessara mikilvægu verkefna kemur framkvæmdastjórnin fram fyrir hönd aðildarríkjanna gagnvart öðrum ríkjum og fjölþjóðlegum samtökum, sérstaklega þegar samið er um viðskipta- landbúnaðar- og sjávarútvegsmál. Hún hefur einnig hlutverk sem málamiðlari, þar sem hún leitast við að aðstoða aðildarríkin við að fá niðurstöðu í deilumálum. Forseti framkvæmdastjórnarinnar er kosinn til fimm ára og er hann æðsti yfirmaður um 26.000 starfsmanna. José Manuel Barroso hefur gegnt stöðu forseta framkvæmdarstjórnarinnar síðan  árið 2004."

Svo er náttúrulega evrópuþingið. En framkvæmdarstjórnin fer með dagleg málefni ESB og hina ýmsu samninga.

[Magnús Helgi Björgvinsson, 2.3.2009 kl. 00:58]

Þór þú talar af mikilli þekkingu! Ég get ekki rökrætt þetta við svona snilling.  Enda segir þú sennilega alveg satt að ég sé vitlaus. En ég ólíkt þér hef lært smá kurteisi. Óg af hverju finnst þér það flott að kalla mig "kellingu"? Ert þú að meina að konur séu eitthvað óæðri?

[Þór (IP-tala skráð) 2.3.2009 kl. 01:01]

Og heldur þú virkilega að eftir framgöngu ESB til þessa, að 0.002% atkvæðarétturinn okkar dugi til að segja eitthvað í þessum nefndum?! Rosalega eru menn bjartsýnir og auðtrúa, eða bara heilaþvegnir vitgrenningar.

[Magnús Helgi Björgvinsson, 2.3.2009 kl. 01:01]

Sigur! Norski utanríkisráðherrann var hér í síðustu viku. Hann var spurður hvort að við gætum átt í samstarfi við Norðmenn um norska krónu. Hann svaraði á þá leið að norska krónan væri fyrir Norðmenn en aftur á móti þá væri evran minnt sem væri fjölþjóðleg. Fannst það vera ábending til okkr. Líka má benda á að norksi Seðlabankastjórinn taldi eðlilegt að við litum til evru. Norski forsætisráðherran hefur líka sagt þetta.

[Magnús Helgi Björgvinsson, 2.3.2009 kl. 01:04]

Hvað áttu við með framgöngu ESB til þessa Þór? Og bendi þér á að nú í dag höfum við ekkert um það að segja hvað fer þarna fram en verðum að leiða það í lög hjá okkur sem þeir ákveða á mörgum sviðum.

[Þór (IP-tala skráð) 2.3.2009 kl. 01:07]

Neinei, ég er bara að segja að karlmenn eigi ekki að vera svona hræddir við að takast á vandamálum sem steðjar að hjá þeim og halda að ef þeir gefist upp, þá verði allt í lagi. Mér finnst það frekar aumingjalegt. Við erum Íslendingar og við höfum þurft að berjast fyrir sjálfstæðinu lengi, síðan kemur smá vandamál upp og þá vilja ákveðnir aðilar gefast strax upp og halda að það sé eitthvað betra. Það kalla ég kellingaskap, alveg óháð kyni.

[Þór (IP-tala skráð) 2.3.2009 kl. 01:10]

Það er EES samningurinn, allt annað en ESB. Við þurfum ekki að samþykkja neitt þar sem að við erum ósátt með, né gefa frá okkur auðlindirnar og sjálfstæðið. Þú hlýtur að sjá mun þar á.

[Þór (IP-tala skráð) 2.3.2009 kl. 01:13]

ESB hefur ávallt hag stærstu ríkja í fyrirrúmi, þar værum við langminnsta þjóðin með mestu auðlindirnar, á höfðatölu, að tapa. Svo einfalt er þetta reikningsdæmi. Afhverju fattar fólk þetta ekki, þegar 5ára krakkar ættu auðveldlega að geta reiknað þetta.

[Magnús Helgi Björgvinsson, 2.3.2009 kl. 01:43]

Þór hefur þú heyrt um að einhver hafi gefið ESB auðlyndir sínar? Hefur ESB t.d. stolið skógunum í Finnlandi og Svíþjóð? Hvað auðlyndir ert þú að tala um og hvað á ESB að gera með þær? Það gætu erlendir aðilar hugsanlega komði og fjárfest hér! Er það eitthvað verra en þeir fjárfestar sem við erum nú að gera upp skuldirnar fyrir?

 Og mundir þú segja að Svíþjóð og Finnland, Bretland og Frakkland væru ekki sjálfstæðar þjóðir?

EES samningurinn skuldbindur okkur til að taka upp reglur ESB að mörgu leyti.

[(IP-tala skráð) 2.3.2009 kl. 02:01]

Hvernig væri að setja upp annan vinkil á þetta. Af hverju eigum við að velta okkar vandamálum yfir á aðrar þjóðir????  Og við getum hæglega tekið upp aðra mynt án þess að ganga í ESB, það er bara spurning um ákvörðun, nú eða binda krónuna við aðra mynt.

ESB springur framan í sjáft sig áður en langt um líður, það er bara spurning um tíma. Hagsmunir þessara landa eru svo ólíkir að ekki verður þess langt að bíða að einhver steiti á skeri, og þá fara fínheitin að liðast í sundur á neglingunum.

[Magnús Helgi Björgvinsson, 2.3.2009 kl. 02:29]

Við getum ekki tekið upp aðra mynnt skv. helstur sérfræðingum því þá hefðum við ekki banka til þrautarvara/Seðlabanka.  Auk þess sem að við það mundi hér jökla- og krónubréf rjúka út og skilja okkur eftir í skuldum. Og eins þá mundi gengi myntar sem við tækjum upp einhliða sveiflast eftir allt öðrum hagmunum en okkar.

ESB liðast ekki í sundur. Það eru erfiðleikar hjá ESB þjóðum en það er líka samdráttur í Japan, Kína, USA, Rússlandi og um allan heim.

ESB er samstarf þjóða sem nær allar Evrópuþjóðir (nema við og nokkrar íhaldsamar þjóir) kjósa að vera í.

Einhliða upptaka Evru, samanburður við núverandi ástand

Kostir:	Gallar:
Innlendur gjaldmiðill öðlast sama stöðugleika og evra gagnvart öðrum erlendum gjaldmiðlum Vextir munu væntanlega lækka í átt til vaxta á Evrusvæðinu, en verulegt áhættuálag verður áfram á vöxtum hér á landi vegna vantrausts á íslenskum efnahag Viðskiptakostnaður minnkar	Sjálfstæði peningastefnu glatast án þess að öryggi fjármálakerfisins sé tryggt Myntsláttuhagnaður tapast (áætl. 2-5 ma.kr. á ári) Upphaflegur aukakostnaður vegna kaupa   á evrum til að setja í umferð (125 ma.kr.) Íslenskir bankar hafa ekki seðlabanka til stuðnings í lausafjárvanda Fjármagnsflótti getur sett ríkið í alvarlegan greiðsluvanda
Hvaða vandamál leysast ekki:
Verðbólga færist ekki sjálfkrafa að verðbólgu í Evrópu Aukið seðlamagn í kjölfar þrýstings t.d. vegna lausafjárskorts bankanna gæti leitt til aukinnar verðbólgu Útganga erlendra fjárfesta af innlendum peningamarkaði og skuldabréfamarkaði kallar áfram á nýtt erlent lánsfé Fjármagnsflótti Íslendinga kallar áfram á nýtt erlent lánsfé Fjármagnsflótti getur sett bankakerfið í lausafjárvanda (og þar með á endanum í eiginfjárvanda). Ríkið getur þurft að koma til aðstoðar Einhliða upptaka evrunnar auðveldar ekki íslenskum einkaaðilum eða opinberum aðilum aðgang að erlendu lánsfé a.m.k. ekki litið til nokkurra næstu ára.

Þetta er álit:

Axel Hall	Hagfræðingur
Ásgeir Daníelsson	Hagfræðingur
Ásgeir Jónsson	Hagfræðingur
Benedikt Stefánsson	Hagfræðingur
Edda Rós Karlsdóttir	Hagfræðingur
Friðrik Már Baldursson	Hagfræðingur
Frosti Ólafsson	Hagfræðingur
Gauti Eggertsson	Hagfræðingur
Gylfi Magnússon	Hagfræðingur
Gylfi Zoega	Hagfræðingur
Hallgrímur Snorrason	Hagfræðingur
Helga Jónsdóttir	Hagfræðingur (framkvæmdastjóri BSRB)
Jón Daníelsson	Hagfræðingur
Jón Sigurðsson	Hagfræðingur (fyrrverandi bankastjóri NIB)
Katrín Ólafsdóttir	Hagfræðingur
Kristín Pétursdóttir	Hagfræðingur
Lilja Mósesdóttir	Hagfræðingur
Lúðvík Elíasson	Hagfræðingur
Magnús Harðarson	Hagfræðingur
Ólafur Darri Andrason	Hagfræðingur
Ólafur Ísleifsson	Hagfræðingur
Páll Harðarson	Hagfræðingur
Rannveig Sigurðardóttir	Hagfræðingur
Sveinn Agnarsson	Hagfræðingur
Tryggvi Þór Herbertsson.	Hagfræðingur
Yngvi Örn Kristinsson	Hagfræðingur
Þorvarður Tjörvi Ólafsson	Hagfræðingur
Þóra  Helgadóttir	Hagfræðingur
Þórarinn G Pétursson	Hagfræðingur
Þórður Friðjónsson.	Hagfræðingur
Þórólfur Mathíasson	Hagfræðingur

Þetta má sjá hér ásamt rökum fyrir að taka ekki upp evru einhliða. Heldur ganga í ESB og myntbandalagið

[Hólmfríður Bjarnadóttir, 2.3.2009 kl. 05:58]

Fólk er ekki komið úr sjokkinu ennþá og ruglar saman útrás og ESB.

Útlönd = ægilegt.

[Hólmfríður Bjarnadóttir, 2.3.2009 kl. 06:00]

Rökfræðin segir okkur allt annað og þar er ESB auðvitað eina leiðin og við munum fara hana, ÞAÐ ER ÉG HANDVISS UM.

[(IP-tala skráð) 2.3.2009 kl. 08:36]

Bara sorrý en ég er ekki í neinu sjokki, því enn sem komið er  eru þetta ekki vandamál sem ég hræðist, þ.e kreppan, veit alveg hvað það er að eiga ekki neitt og að missa allt, ekkert nýtt þar.

það sem hræðir mig er að lesa Lissabon sáttmálann og vita að til er fólk hér á landi sem er tilbúið að skrifa undir hann, það sem hræðir mig er hvað fólk trúir enn á hagfræðinga sem höfðu ekki glóru um hvað var að gerast í fjármálaheiminum og sjá enn ekkert nema það að sá heimur fari að rúlla sem fyrst aftur ( sem þýðir auðvitað inngöngu í ESB) og sem þýðir einnig að ef sá heimur fer að rúlla á ný "eðlilega " eins og hagfrræðingar vilja að  þá er það sama og segja.... við viljum svona kreppu á 20-30 ára fresti til að leiðrétta misræmið og henda út gjafabréfunum sem "hagfræðingar" og "fjármálasnillingar" hafa selt hverjir öðrum til að auka verðmæti þeirra    En mikið eigið þið gott að vera svona sannfærð um að þið vitið það eina rétta um ESB og þykist þess umkomin að dæma þá sem ekki aðhyllast slíikan gjörning fyrir þjóðina, og Hólmfríður ég átti nú von á öðru eftir að hafa lesið blogg þitt annað slagið,  en svona hroka frá þé. En ég er líka handviss um að mín rökfræði er bara ekkert verri en þín eða þeirra annara sem inngöngu vilja.

[Magnús Helgi Björgvinsson, 2.3.2009 kl. 09:07]

Sigurlaug sérfræðingar sem ég treysti segja að Lissabonsáttmáli hafi einmitt átt að gera ESB lýðræðislegra. Og eina þjóðin sem hafnaði honum voru Írar því að misvitrir menn voru búnir að ljúga í þá að sáttmálinn mundi þýða að fólk frá austur evrópu mundi flæða yfir til Írlands. Sem og launalækkanir of fleira sem engin fótur var fyrir.

Hugsunin með Lissabonsáttmála var/er:

Skipta má innihaldi hins nýja sáttmála í þrennt - eftir þeim markmiðum sem menn höfðu að leiðarljósi við smíð samningsins: 

Lýðræðislegra ESB

• Evrópuþingið fær aukin völd í gegn um samákvörðunarferli. Í gegn hið svokallaða samákvörðunarferli (eða co-decision procedure) mun Evrópuþingið fá jöfn tækifæri á við ráðherraráðið til að móta nýja löggjöf og mun þessi tegund ákvarðanatöku ná til fleiri mála en áður. Allt að 40 mikilvægir málaflokkar munu, samkvæmt Lissabon sáttmálanum, falla undir samákvörðunarferlið.

• Ákvæði um beina þátttöku borgaranna til að hafa áhrif á ákvarðanatöku hefur verið komið inn.

• Þingmönnum á Evrópuþinginu fækkar úr 785 í 750. Hámarksfjöldi þingmanna per aðildarríki verður 96 og lágmarksfjöldi 6.

• Þjóðþingin munu fá aukið hlutverk sem eftirlitsaðili um nálægðarregluna: í gegn um hina svokölluðu nálægðarreglu (the principle of subsidiarity) skulu ákvarðanir ekki teknar á hærra stjórnsýslustigi en nauðsynlegt er. Með öðrum orðum skal ekki ákvarða það í Brussel sem ákvarða má með góðu móti innan aðildarlandanna. Þessi regla er enn betur styrkt í sessi með hinum nýja sáttmála og munu þjóðþing aðildarríkjanna fá 8 vikur til að koma á framfæri athugasemdum um fyrirhugaða löggjöf, ef þau telja að ESB sé að fara inn á verksvið aðildarríkjanna - og þar með brjóta nálægðarregluna.

Skilvirkara Evrópusamband

• Leiðtogaráð ESB fær forseta sem kosinn verður til 2,5 árs í senn. Gert er ráð fyrir að sú tilhögun komi til framkvæmda árið 2009. Aðildarríkin munu áfram skiptast á um að fara með formennsku í leiðtogaráðinu í 6 mánuði í senn en sú breyting verður gerð á að nú mun samstarfið fara fram í gegn um þriggja ríkja samráðsvettvang. Saman munu starfa það ríki sem gegnir formennsku hverju sinni, það ríki sem gegndi formennskunni hálfárinu á undan viðkomandi ríki og það ríki sem taka á við formennskunni sex mánuðum síðar.

• Evrópusambandið fær einn sameiginlegan talsmann í utanríkis- og varnarmálum, sem mun starfa sem fulltrúi fyrir þennan málaflokk bæði í leiðtogaráðinu og í framkvæmdastjórninni. Í núverandi fyrirkomulagi eru það tveir aðilar sem fara með utanríkismál; annarsvegar framkvæmdastjóri utanríkismála í (Benita Ferrero-Waldner) og talsmaður utanríkismála hjá leiðtogaráði ESB (Javier Solana).  Stofnuð verður utanríkisþjónusta með sendiráðum og fastanefndum sem mun heyra undir talsmanninum.

• Aðilum í framkvæmdastjórn ESB fækkar. Í stað þess að aðildarríkin hafi hvert sinn framkvæmdastjóra (27), mun fjöldi þeirra vera 2/3 af fjölda aðildarríkja, þ.e. 18 miðað við núverandi fjölda. Löndin munu skiptast jafnt á að hafa fulltrúa í framkvæmdastjórninni. Þessi breyting kemur ekki til framkvæmda fyrr en árið 2014. Einnig er nýmæli að forseti framkvæmdastjórnarinnar verður nú valinn af Evrópuþinginu.

• Breytt atkvæðavægi ríkja og breytt atkvæðagreiðsla í ráðherraráði ESB. Atkvæðavægi ríkja mun breytast þannig að það endurspegli betur íbúafjölda ríkjanna. Þetta felur í sár að til að meirihluti náist þarf 55% aðildarríkja, með 65% af samlögðum fólksfjölda sambandsins á bak við sig, að samþykkja tillöguna. Þetta nýja atkvæðagreiðslukerfi  mun ekki koma til framkvæmda fyrr en árið 2014.

ESB með skýrari völd

• Greint er frá nokkrum grundvallar markmiðum og gildum sem Evrópusambandið leitast við að ná og standa vörð um. Sem dæmi má nefna er sérstaklega tilgreint að ríkin snúi skilyrðislaust bökum saman ef vá, svo sem vegna náttúruhamfara eða hryðjuverkafrá, ber að dyrum. Ákvæðum um fána, söng, trúarbrögð eða önnur lífsgildi var haldið utan sáttmálans.

• Í mörgum málefnaflokkum er neitunarvald aðildarríkjanna afnumið,  m.a. á sviði samstarfs í lögreglu- og dómsmálum þar sem áður þurfti einróma samþykki. Samkvæmt nýjum sáttmála þarf aðeins aukinn meirihluta til samþykkis.

• Skýrt er kveðið á um rétt aðildarríkja um að halda úti sinni eigin utanríkisþjónustu og stefnu í þeim málaflokki.

• Réttindaskrá ESB í sáttmálanum sem verður lagalega bindandi. Bretland og Pólland hafa ákveðið að taka ekki þátt í þessu samstarfi og verður réttindaskráin því ekki lagalega bindandi þessum löndum.

Aðdragandinn : Umræðan um framtíð Evrópu

Hvernig mun ESB líta út eftir tíu ár eða eftir fimmtíu ár? Hvers konar Evrópusamband vilja Evrópubúar? Hver á framtíð Evrópu að vera? Þetta eru spurningar sem hafa verið mikið til umræðu að undanförnu. Þann 1. maí 2004 fór sambandið í gegnum stærstu stækkun sína hingað til og milljónir Evrópubúa eru með í að móta framtíð Evrópu. Stofnanir og skipulag ESB verða líka að taka breytingum í kjölfar stækkunarinnar og er það hluti umræðunnar um framtíð Evrópu.

Leiðtogar ESB landanna urðu einhuga um það í desember 2000 að nauðsynlegt væri að ný ríkjaráðstefna tæki upp og færi yfir sáttmála sambandsins. Þeir settu fram fjögur atriði sem fjallað skyldi um:

-Hvaða málaflokkar skulu vera innan valdsviðs ESB annars vegar og aðildarlandanna hins vegar?
-Hvernig er hægt að einfalda sáttmála ESB?
-Á réttindaskrá ESB að vera lagalega bindandi?
-Hvernig er hægt að gera þjóðþingin að þátttakendum í hinu pólitíska ferli innan sambandsins?

Stjórnarskrársáttmálinn 

Til þess að svara þessum spurningum setti ESB á fót svokallaða málefnaráðstefnu. Þar komu saman fulltrúar þinga og ríkistjórna aðildarlandanna, svo og fulltrúar frá stofnunum ESB.  Sumarið 2003 lagði ráðstefnan fram drög að stjórnarskrársáttmála sem síðan var samþykktur af leiðtogum ríkjanna ári síðar.

Þú sérð á þessar tilvitnun í esb.is  að Bretland og Pólland kjósa að taka ekki þátt í ákveðnum hlutum Lissabonssáttmálans og eru því ekki bundin af þeim hlutum. 

[Þór (IP-tala skráð) 2.3.2009 kl. 11:21]

Hvað varðar afsal á auðlindum, þá eru bretland og pólland alveg örugglega bundin því

[Ómar Bjarki Kristjánsson, 2.3.2009 kl. 12:13]

Það er í rauninni alveg sérstakt rannsóknarefni hvernig and-sinnar snúa öllu á haus ef þeir sjá eða heyra minnst einhversstaðar í ESB.  Stórmerkilegt í sjálfu sér.

Það er þó ekki séríslenskt fyrirbrigði því á slíku ber líka í öðrum löndum.  T.d varð frægt þegar írar felldu naumlega Lissabonsáttmálann vegna atriða sem komu honum ekkert við.  Það varð frægt.

En að mínu mati verður auðveldara fyrir and-sinna að spinna upp einhverja dellu hér á landi en víða annarsstaðar.  Eg held það.  Þar koma inní sérstakar sögulegar og landfræðilegar ástæður ss. aldalöng einangrun og inngróin útlendingaparanoja.

Sem dæmi um hve menn telja að hægt sé að hamra járnið er, að svo virðist sem búið sé að stofna sérstakan flokk sem nánast eingöngu á að matreiða and-kræsingar.

[Magnús Helgi Björgvinsson, 2.3.2009 kl. 14:17]

Þó bendi þér á þessa kausu frá evrópunefnd Sjálfstæðisflokksins og þú finnur þessar upplýsingar út um allt.

Rétt er að benda á að Lissabonsáttmálinn snertir ekki eignarhald á auðlindum eða auðlindastjórnun. Ekki frekar en Rómarsáttmálinn eða aðrir grundvallarsáttmálar sambandsins. Þar að auki er rétt að geta þess að fyrir liggja áætlanir um gagngera endurskoðun sameiginlegu sjávarútvegsstefnunar sem ljúka á eigi síðar en árið 2012. Viðamiklar breytingar eru væntanlegar. Ætlun ESB er að leggja fram grænbók í byrjun þessa árs sem á að leggja grunninn að umræðum. Samantekt athugasemda við grænbókina verður birt 2010 og framkvæmdastjórn ESB stefnir á að leggja fram tillögur sínar seinna sama ár með það að markmiði að nýjar reglur líti dagsins ljós árið 2012. Á óformlegum ráðherrafundi ESB þann 29. september síðastliðinn var fjallað um endurskoðun sameiginlegu sjávarútvegsstefnunar. Á þeim fundi kom m.a. fram að ráðherrarnir aðhyllast langtímaáætlanir við ákvörðun heildaraflamarks og úthlutun kvóta, enda tryggi það betur stöðugleika útgerðarfyrirtækja. Jafnframt kom fram að þeir styðja grundvallarsjónarmiðin um hlutfallslegan stöðugleika og hina svokallaða nálægðarreglu þegar kemur að stjórnun aflaheimilda.