Bjarni hreinlega laug úr ræðustól í dag

Hann ræddi um að skattar á tekjur yfir 500.000 mundi hækka um 30%. En raunin er önnur. Tökum dæmi af sköttum skv. þessu hugsanlega nýja skattafyrirkomulagi. Eins og ég rak hér í fyrri færslu mundu skattar á lægri tekjur en 300.000 kr lækka eitthvað.  Skatta upp að 500.000 kr mundu hækka um kannski að meðaltali um 5 til 10 þúsund.

Gefum okkur að einhver hafi 700.000 kr. í laun

 

Nú í dag væru skattar á þau laun þá 37,2% sem gera þá 260.400 svo kæmi persónuafsláttur upp á 42 þúsund þannig að skatturinn yrið væntanlega 218,400.

Stig skipti skatturinn mundi leggjast svona á 800.000 kr.

• af fyrstu 250.000 kr væri 36% skattur sem er 90.000 kr
• Af næstu 250.000 kr væri 41,1&% skattur sem er 102.750 kr
• Og af þeim 200.000 kr sem eru yfir 500.000 væru greiddur47% sem gerir 94.000 kr 

Og samtals eftir nýja kerfinu væru því reiknaðir skattar 286.750 kr. Og drögum frá persónuaslátt upp á 42 þúsund og þá er eftir 244. 750 kr.

Þannig að maður/kona með 700 þúsund kr. í mánaðarlaun borgar ef þessar breytingar komast á kannski um 30 þúsund meira í skatt. Það eru nú öll ósköpin

PS hér er myndin af útreikningi skv. Sjónvarpinu

Rætt um skattamál á þingi á föstudag

Athugasemdir

[Skarfurinn, 10.11.2009 kl. 17:58]

Þú segist taka dæmi um manneskju með 800.000 í laun en virðist svo gleyma 100.000 krónum ekki satt ? þú segir 2 sinnum 250 plús 200 sem gera 700 þúsund. Samkvæmt mínum reikning borgar þessi manneskja 291.750 í skatt og að auki á hún að borga 8% hátekjuskatt á laun yfir 700.000, semsagt á 100.000 sem gera þá 8000 í viðbót og skatturinn þá alls= 299.750, rétt skal vera rétt. Ef þetta er rétt hjá mér eykst skattur þessa einstaklings um 81.350 krónur sem er allnokkuð.  

[Skarfurinn, 10.11.2009 kl. 18:06]

Smá leiðrétting, sé núna að þar sem þú segir skattinn í dag vera 218.400 þegar persónuafsláttur hefur verið dreginn frá, þá ert þú örugglega með launin 700.000 í huga en ekki 800.000, ég notaði þína tölu (218.400) þannig að þetta er ekki alveg rétt. Réttur hækkun samkv. nýju tillögunum yrði þá 44.150 kr. 

[Magnús Helgi Björgvinsson, 10.11.2009 kl. 18:37]

Já fyrirgefðu sé það er rétt hjá þér. Ég reiknaiði þetta út frá 700 þúsund. Laga þetta í færslunni

[Magnús Helgi Björgvinsson, 10.11.2009 kl. 18:42]

Reyndar held ég að skattaauki á 800 þúsund yrði um 35 þúsund ekki mikið meira.

[Magnús Helgi Björgvinsson, 10.11.2009 kl. 19:10]

Skv. sjónvarpinu í kvöld þá eru greiðslur í lífeyrisstjóð sennilega frádráttarbærar frá tekjum því hækkaninar voru enn minni en ég reiknaði út. Þannig var skattaukning skv. ruv um 30 þúsund á 1000.000 kr.

[Hólmfríður Bjarnadóttir, 10.11.2009 kl. 23:58]

Það er þá ekki í fyrsta skipti sem Íhaldið skrökvar um skattamál. Árni Matthísen þrætti fyrir auknar skattbyrgðar með hann var með ríkiskassann í sinni vörslu. Stefán Ólafsson lektor við HÍ kom hvað eftir annað í sjónvarpið með vandleg útfærð dæmi um hækkanir og samt þrætti ÁM.

[Helga Kristjánsdóttir, 11.11.2009 kl. 02:07]

 Það er þó hægt að reka ofan í hann ef hann skrökvar um skattamál, í ræðustóli á Alþingi,þar sem allt er opið og gegnsætt. Sýnist nú ekki betur en ykkur verði á í útreiknigum, (hér)  hafið þó ráðrúm til að leiðrétta ykkur.Í áraraðir hlustaði ég á stjórnarandstæðinga,karpa um fjárlög ríkisins. Seinasti ræðumaður hrakti jafnan útreikninga þeirra sem á undan töluðu. Ekki minnist ég að þeir segðu eins og Magnús;fyrirgefðu,þetta er rétt hjá þér". Er samt jafnviss að þeir komast ekki upp með að fela neitt  í dag.        Það virðist  þó  ekki skipta máli "Ráðstjórnin" gerir það sem henni sýnist.