Ef við fengjum lán frá Norðmönnum!

Ég er svona að velta fyrir mér eftirfarandi varðandi það ef við fengjum lán frá Noregi og mundum slíta samstarfi við AGS:

• Við þyrftum væntanlega að borga það til baka aftur líka!
• Þeir voru ekki tilbúnir að lán okkur áður nema á 6,7% vöxtum! Og það eru kjörin á þvi láni sem við höfum fengið frá þeim
• Lán frá Noregi mundi væntanlega ekki losa okkur undan því að við þyrftum að koma hér efnahagslífinu á réttan kjöl. Þ.e. við þyrftum að skera niður samt sem áður og auka skatta. Því Norðmenn mundu væntanlega ekki sætta sig við að misvitri lögfræðingar hér finndu leiðir til að komast hjá því að greiða lánið til baka
• Þannig að við þyrftum sjálfsagt að leggja fyrir Noreg áætlun um hvernig við ætluðum að koma hér á skömmum tíma fram umbótum sem miðuðu að því að koma hér landinu á rétt ról. Og sennilega mundum við endurnýta þá áætlun okkar sem við lögðum fyrir AGS þegar við sóttum um fyrirgreiðslu hjá þeim. Þetta mundi væntanlega þýða að við þyrftum að hafa hér vexti háa til að koma í veg fyrir að Norska lánið mundi streyma út úr landinu með erlendum eignum hér í Jökla og ríkisbréfum.
• Við þyrftum væntanlega að hafa hér höft á gjaldeyrir til að tæma ekki gjaldeyririnn úr landi.
• Við hefðum hinsvegar ekki stuðning frá AGS varðandi erlenda fjárfesta sem horfa náttúrulega í mat AGS á því hvernig okkur gengur sem og þann stuðning að aðrar þjóðir og fjárfestar horfa í að AGS hefur samþykkt áætlun okkar og telja að hún gangi upp.
• Sennilega yrði horft til þess að við séum ekki tilbúin til að taka á okkar málum og viljum aðeins fara auðvelda leið sem byggist á aukinni skuldsetningu þjóðarbúsins.
• Lán frá Norðmönnum yrði sjálfsagt skuldbundið líka um að við leystum IceSave deiluna því annars væru líkur á að Norskt lán mundi streyma úr landi upp í skuldir síðar.

Svo ég leyfi mér að velta fyrir mér hversu betur við værum sett með norskt lán í staðinn. Þ.e. ef það væri raunhæfur möguleiki á að fá slíkt lán, sem er víst ekki nema í huga ákveðinna manna.

Lán óháð AGS óraunhæft

Bíddu hvaða fólk er þetta?!

Hef auðsjáanlega ekki verið að fylgjast með:

• Hvaða fólk er þetta?
• Hvaðan kemur það?
• Hvaðan kom það upprunalega?
• Og hvað hefur það verið hér lengi?
• Og hvað er átt við að mótmælendur tengist þeim persónulega?

Og hvað heldur fólk að það vinni með því að mótmæla við hús Dómsmálaráðherra?

Er það ekki útlendingareftirlitið hér sem fjallar um þessi mál? Er það ekki að standa sig eða fara eftir lögum og reglu? Og afhverju á að leyfa þessu fólki að setjast hér að frekar en öðrum?

Sé reyndar í frétt á mbl.is að :

„Þetta er ómannúðlegt vegna þess að þessir menn eru búnir að mynda tengsl, eignast fjölskyldu og vini. Það er skelfilegt til þess að hugsa að þetta mun rústa fjölskyldulífinu,“ segir Diljá, sem bendir á að mennirnir eigi börn hér. 

Eru þeir þá búnir að vera hér í nokkur ár?

 

Nágrannarnir kvarta

Jæja herra Neikvæðir - Hvað segið þið þá?

Skv. Þeim sem tala um að

• ESB sé ógeðslegt saman safn af vondum þjóðum sem ætli að stela öllu hér og neita að hjálpa okkur. Og leyfa sér að ganga eftir því að við greiðum skuldir okkar sem þær allar eru sammála um að við eigum að greiða.
• Og svo Norðurlandaþjóðirnar sem neita að veita okkur lán fyrr en að AGS samþykkir það.
• Og AGS sem er svo vondur að vilja að við gerum upp IceSave samninginn.
• Og svo Bandaríkjamenn sem neituðu að lána okkur,
• Kína sem neitaði að lána okkur.
• Og nú Rússar sem neita að lána okkur.  Nú fara að verða fáar þjóðir sem við getum þá haft samskipti við skv. þessum sömu mönnum. Held að það sé næsta ljóst að við eigum enga vini lengur og ættum því að læsa bara að okkur. Borða hundasúrur og fjallagrös og eiga bara vöruskipti milli okkar með plat pengingum sem við höfum kalla krónu.

En ég veit að þessir menn halda áfram að hamra á því að Stefán og Ragnar Hall hafa svo miklu réttar fyrir sér en allar hinar þjóðirnar, og að AGS sé á mála hjá stórum fyrirtækjum sem vilja eignast orkuna og flytja hana úr landi. Og þannig halda þeir áfram að röfla næstu misserin. Sjá ekkert nema svartnætti þrátt fyrir að hér smátt og smátt fari að batna ástandið.

Þessir sömu menn eru mjög áfjáðir um öll okkar orka fari í 2 álver sem eru kannski framtíðarstörf fyrir 800 manns. Þeir hugsa ekkert út í að þessa framkvæmdir auka kannski skuldir þjóðarinnar um 4 til 500 milljarða og líkur á að allar tekjur af orkunni næstu 40 árin fari í að greiða fyrir byggingu þeirra. Eins að þessi álver eru með sér samninga sem tryggja þeim mjög lága skatta. Þannig að tekjur til framtíðar fyrir okkur eru mjög litlar af þeim flestum. Hagnaður falin þar með því að stofna til skulda við móðurfélög þeirra og því borga þau ekki einu sinni nema hluta af þeim sköttum sem þau ættu að borga.

Er virkilega farinn að hugsa til þess að komist þessi sjónamið til valda hér þá verðum við aftur komin í skítinn eftir nokkur ár nema að okkur takist að komast inn i ESB

Rússar hafna láni til Íslands

- " Látið okkur bara í friði" -

Þetta er að verða tísku setnng í málefnum Álvera í Helguvík og á Bakka! Ég hef verið að velta því fyrir mér hvað fólk á við með þessu? Þetta mundi kannski ekki vera svona fáránlegt ef að orka í þessi Álver lægi á lausu í þessum sveitarfélögum en því er ekki að skipta.

Fyrir Norðan hafa þeir jú Þeysareyki og ég fór að velta því fyrir mér hvort að þar væri kannski næg orka. En skv. lauslegum lestri á netinu þá er talið að þar sé aðeins um 200 Mw. En fullbúið 360 þúsund tonna álver notar um 630Mw.  Svo ég held að ef þau væru látin vera að koma sér upp álverinu þá yrði það ekki nema 90 þúsund tonn og það væri kannski bara ágætt. En skv. því sem menn hafa rætt þýðir svo stórt Álver að nær allir virkjunarkostir norðan heiða fara í þetta. Allt frá Skagafirði og austur um allt norðurland og þar með væri sú orkua næstum búin.

Eins er þetta með Helguvík. Það hefur verið færð rök fyrir því að Helguvík fullbúið komi til með að nýta um 70% af allri orkunni sem hægt er að vinna hér á SV landi og suðurlandi líka. Og því aðeins eftir orka hér sem samsvarar þörf til að byggja hálft álver hér á svæðinu í framtíðinni. Og við erum að tala um næstu 40 til 70 árin.

Nú á tímum þegar allir eru að horfa í skuldir sem við séum að leggja börnin okkar og barnabörn. En við erum tilbúin að fórna allri orku sem þau gætu þurft til að auka hér atvinnu næstu hálfa öldina.

Er þetta ekki vanhugsað?

Þoli ekki svona yfirlýsingar!

Svigrúm sé til að lækka útgjöldin umtalsvert, t.a.m. niður á sama stig og var á fyrri hluta áratugarins.

Gott að benda þessu ágæta fólki þarna í Sjálfstæðisflokknum að þessi umfang hins opinbera er ekki mælanlegt í krónum. Vissulega hefur umfangið aukist í krónum enda voru innan ríkisins stéttir sem voru með laun nærri undir öllu velsæmi. Þannig hafa t.d. laun starfsfólks við umönnun fatlaðra aukist mikið í prósentum en lægstu laun þar eru enn um 170 þúsund krónur. En í % hafa þau samt hækkað um tugi %

Eins er með fólk á sjúkrahúsum, hjúkrunarheimilum og fleira.

Og þegar menn segja að þarna sé auðvelt að skera niður þá þurfa þeir að koma með fullmótaðar tillögur um það og á hverjum það á að bitna. Annars geta þeir ekki sagt:

Svigrúm sé til að lækka útgjöldin umtalsvert, t.a.m. niður á sama stig og var á fyrri hluta áratugarins.

En hugmynd þeirra um innsköttun á lífeyrissjóði og skatta nú á séreignarsparnað finnst mér að þurfa að skoða jákvætt.

En svo þessi hugmynd:

    2.      Gefin verði út skuldabréf til 4, 6 og 8 ára í evrum með álagi á þýska ríkisbréfavexti og þau boðin erlendum krónueigendum til kaups.
    3.      Gjaldeyrishöft verði afnumin og krónunni leyft að fljóta.
    4.      Sköpuð verði skilyrði fyrir því að vextir Seðlabanka Íslands lækki umtalsvert.
    5.      Lán AGS verði sett í bið en lánum Norðurlandanna breytt í lánalínur.
    Með því að setja fram trúverðuga áætlun sem byggist á framangreindum tillögum um aðgerðir efnahagsmálum er það staðföst trú flutningsmanna að hún muni heppnast.

Hvað gefur þeim von um að erlendir fjárfestar vilji kaupa ríkisskuldabréf í stað jöklabréfa á þýskum vöxtum. Leyfi mér að efast um það sem og að þeir segja til 4 6 og 8 ár sem við væntanlega þyrftum að borga og eru því erlend lán líka. Leyfi mér samt að efast um að þeir vilji skipta. Og eins með að láta krónuna fljóta. Þeir væntanlega vita að við ef krónan er látin fljóta þá fellur hún niður og þar með verða vextir væntanlega ekki lækkaðir því að verðbólga ríkur upp. Þannig að það getur ekki farið með atrið nr. 3 þar sem þeir ætla að skapa skilyrði til að lækka vexti.

Svigrúm til að lækka ríkisútgjöld verulega

Sigmundur talaði sennilega ekki við fjármálaráðherra Noregs

En hún sagði í ræðu á Stórþinginu í morgun:

„Við leggjum mikla áherslu á að Norðurlöndin styðji Ísland með þessum hætti. Bæði Noregi og Íslandi er akkur í að norrænt samstarf styrkist og að stuðningurinn við Íslendinga fari fram í krafti alþjóðlegs samstarfs," segir Halvorsen.

 

Í ræðunni gat Halvorsen þess einnig að Jens Stoltenberg forsætisráðherra Noregs hafi í síðustu viku sent bréf til Jóhönnu Sigurðardóttur forsætisráðherra þar sem hann staðfesti norska lánið innan hins norræna ramma.

 

„Mér er eins og forsætisráðherranum umhugað um að önnur Norðurlönd styðji viðleitni íslenskra stjórnvalda til þess að endurreisa efnahagslíf sitt og stuðla að því að koma á eðlilegum tengslum við umheiminn. Við munum halda áfram að fylgjast náið með þróuninni á Íslandi," segir Halvorsen.

Og svona til upprifjunar fyrir Sigmund þá sagði hún Halvorsen í Ágúst sl.

14. ágú. 2009 - 18:11

Fjármálaráðherra Noregs: Gangið frá Icesave-málinu eða þið fáið ekki krónu

Fjármálaráðherra Noregs segir að Alþingi verði að ganga frá Icesave-málinu áður en gengið verður frá láni Noregs til Íslands. Hún vill ekki að norskir skattgreiðendur hlaupi undir bagga með hægri tilraunir Íslendinga

Þetta kom fram í kvöldfréttum Ríkisútvarpsins.

Talsmaður norska Miðjuflokksins í fjármálum lagði það til að Norðmenn útbúi tvíhliða lánapakka sem ekki yrði bundið Alþjóðagjaldeyrissjóðnum.  Halvorsen segir það af og frá og segir að það myndi hvorki þjóna hagsmunum Íslands og Noregs.

Halvorsen segist hafa fullan skilning á þeirri erfiðu stöðu sem Íslendingar séu í en að þeir yrðu litlu bættari þó Norðmenn hlypu undir bagga, einir þjóða í heiminum. Hún segist heldur ekki geta boðið norskum skattgreiðendum upp á það að þeir greiði reikninginn fyrir það sem hún kallar hægri tilraunir Íslendinga.

http://www.pressan.is/Vidskipti/Lesavidskiptafrettir/fjarmalaradherra-noregs-gangid-fra-icesave-malinu-eda-thid-faid-ekki-kronu

Svo ég skil ekki málfutning hans að við höfum aldrei kannað málið.

Fullviss að Norðmenn vilji lána

Jæja öll þessi læti og margra mánaða þref og allt út af 75 milljörðum eftir 7 ár

Jæja nú geta menn væntanlega að geta andskotast til að ganga frá þessu fljótt. Líkur á að eignir Landsbankans dugi fyrir um 90% af Icesave. Held að menn sem hafa verið að tala um 1000 milljarða ættu nú að fara að biðja fólk afsökunar um leið og þeir biðja það sem hafa unnið í skilanefnd Landsbankans og NBI afsökunar fyrir allar ávirðingarnar. Eins á Indriði Þorláksson og Svavar Gestsson skilið að fólk biðji þá afsökunar. Indriði talaði um að niðurstaðan væri líkleg til að verða svona en menn sögðu hann ljúga.

Allt bendir til þess að níutíu prósent fáist upp í Icesave skuldbindingar Íslands miðað við uppgjör milli gamla og nýja bankans sem gert var um helgina. Um 75 milljarðar króna falla þá á íslensku þjóðina auk vaxta

Þór Saari og fleiri skulda ýmsum afsökunarbeiðni fyrir öll stóru orðin sem hann hefur látið falla í þeirra garð.

90% upp í forgangskröfur

Hvern andskotan erum við að hlusta á þetta kjaftæði?

Sigurjóni væri best að þegja bara alveg!  Hann segir að í febrúar 2008 hafi þeir haft svo miklar áhyggjur af innistæðum á Icesave að þeir fóru í Seðlabankann og:

Allavega þá var farið á fund Seðlabankans, sem á þessum tíma var “vörsluaðili” sjóðsins þ.e. starfsmaður sjóðsins var jafnframt starfsmaður Seðlabankans, til að ræða það hvort það gæti verið að það væri ríkari skuldbinding á sjóðnum en lesa mætti úr reglunum sjóðsins. Af hálfu Seðlabankans var afstaðan skýr, það væri enginn ábyrgð á sjóðnum, slíka ábyrgð þyrfti að  samþykkja á Alþingi og slíkt hafi aldrei verið gert.

(http://pressan.is/pressupennar/LesaSolvaTryggvason/sigurjon-th.-arnason-engin-rikisabyrgd)

Ef þeir vissu að staðan var svo slæm þarna að þeir þyrftu að kynna sér málið af hverju losuðu þeir sig ekki við Icesave þá og þegar til Bretlands. Síðan var bara óvart gerð sú krafa um allan heim að stjórnvöld sæju um að halda þessu blessaða bankakerfi í gangi og þar með fylgdi þessi Icesave fjandi. Því að við eins og önnur lönd fórum í að lýsa ábyrgð á innistæðum í bönkum. Og eins þá þýðir ekki fyrir þá að benda bara á lög um innistæðutryggingarsjóð heldur þarf að skoða tilskipunina um innistæðutryggingar.

Þetta er maðurinn sem sagði okkur að hér væri allt í himnalagi og þetta icesave dæmi væri tær snild. Og gæti ekki brugðist.

Manni finnst nú að það séu samantekin ráð að reyna að tefja þetta Icesave mál fram í það óendanlega þar til að við verðum komin í svo mikil vandræði að við eigum enga leið út. T.d. hafa menn verð að reikna það út að árið 2024 séu líkur á að ef eitthvað verður eftir af icesave skuldinni þá verði það nokkrir milljarðar. Er allur þessi farsi nú þessa dagana þess virði að halda þessu áfram. Við erum að tapa milljörðum nú og næsu mánuði á að láta hér allt stranda á þessu.

Sigurjón: Ekki ríkisábyrgð á Icesave

Jæja! Ætlar Höskuldur nú að biðjast afsökunar?

Höskuldur lég hafa eftirfarandi eftir sér:

„Ég hef heyrt að Jóhanna hefði sent Stoltenberg tölvupóst þar sem hún hefði sagt að förin okkar væri henni mjög óþægileg og því beðið forsætisráðherrann um svona bréf,“ segir Höskuldur Þór Þórhallsson, þingmaður Framsóknarflokksins, um bréf forsætisráðherra Noregs til Jóhönnu Sigurðardóttur.

Og einnig

Höskuldur Þór segir að ef rétt reynist hafi Jóhanna valdið íslensku þjóðinni miklum skaða með því að leggja stein í götu lánsins, en í bréfi Stoltenbergs kemur fram að útilokað sé að Norðmenn veiti Íslandi hærra lán og jafnframt ítrekað að Ísland verði að uppfylla skilyrði Alþjóðagjaldeyrissjóðsins áður en hægt sé að afgreiða upphaflega lánið.

 

„Ef svo er þá það skemmdarverk gagnvart íslensku þjóðinni. Við fengum engin önnur svör en að það þyrfti að koma formlegt boð. Það var alveg sama við hverja við töluðum. Fulltrúi Sósíalíska vinstriflokksins í fjárlaganefnd hefur sagt að það eigi að ræða þessi mál upp á nýtt í Noregi."

Eftir að hafa lesið póstinn hennar Jóhönnu þá held ég að Höskuldur ætti að biðjast afsökunar. Eins að hann ætti að temja sér að skoða og kanna málin betur áður en hann ríkur í fjölmiðla. Því því þó menn haldi að leiðin á toppinn liggi í gegnum fjölmiðla þá er ekki alveg sama hvað menn rjúka með þangað.

Birtir bréf Jóhönnu

Er verið að spara spurningarmerki hjá mbl.is?

Væri nú ekki rétt að splæsa spurningarmerki á svona fyrirsögn? Þetta eru nú bara orð eins manns!

Síðan væri rétt að benda fólki á að í síðustu stóriðjuframkvæmdum voru Íslendingar í minnihluta þeirra sem fengu vinnu við þær framskvæmdir. Eins þá má benda á þá staðreynd að Helguvíki í fullri stærð kemur til með að nýta nær alla orku sem mögulegt er að nýta hér á suðvestur og suðurlandi. Hvaðan eiga þá aðrir að fá orku næstu 40 árin?

Og hefur fólk skoðað hvar þessi Suðvesturlína eigi að liggja?

Telja ákvörðun Svandísar ólögmæta