Er það nema von að maður stundum efist um að sumir séu í lagi

Stundum ekki oft upp á síðkastið nenni ég að lesa athugsemdir sem koma hér við færslur hjá mér. Sumir eru telja bara með að ráðsta að mér, efast um greind mína, gera lítið úr mér séu rök í málum. Aðrir eru svo gjörsamlega út úr kú í rösemdarfærslum sínum að ég stundum verð hissa og furða mig á því að það er stór hópur sem hugsar svona. Hér fyrir neðan eru 2 dæmi frá 2 "fræðingum sem settu athugasemdir hér við færslu frá í gær.

 

Dómurinn er ráðgefandi í þeim skilningi að Evrópa hefur ekkert raunverulegt vald í þessum heimi. Og ef hún hefði nokkru sinni haft það í raun og veru eftir aðra heimsstyrjöldina, væri þessi þjóð löngu horfin og Bretarnir hefðu unnið sín þorskastríð gegn okkur. Ástæða þess Ísland er enn til sem þjóð er valdaleysi Evrópu...

Karl (IP-tala skráð) 26.1.2013 kl. 13:23

17

Og afhverju slepptu Danir okkur svo viljuglega og svo fljótt? Afhverju gerðu þeir það sem nýlendur nær aldrei gera, gáfu okkur aftur menningarleg verðmæti sem þeir hófu á brott, í stað þess að hegða sér eins og eðlileg Evrópsk nýlenda og stela öllu steini léttara (sjáið bara British Museum og slíkar þýfisgeymslur arðráns mannkynsins). Það er afþví þeir voru neyddir til þess af sér valdameira fólki?

Afhverju unnum við þorskastríðin gegn Bretum? Afþví Bretum var hótað bak við tjöldin og þeir neyddir til að sleppa okkur.

Og hverjir eru þessir vinir okkar? Smá vísbending...Hann Ólafur veit það!

Karl (IP-tala skráð) 26.1.2013 kl. 13:25

18

Berið aðeins saman tvö dæmi fremur nýleg.

Bretar drepa tugiþúsunda kvenna og barna sem viðhafa friðsamleg mótmæli, algjörlega vopnlaus og án skemmdarverka, við musterið í Amritsar á hinu stóra og mikla Indlandi, einni höfuðþjóð mannkynsins, vitandi að heimurinn mun fordæma þá...drepa þeir samt miskunnarlaust fleiri og fleiri þúsundir lítilla barna.

Bretar ráðast gegn lítilli þjóð sem öllum er sama um og býr á örlitlu skeri við Norðurpólinn. Þjóð, sem að því er virðist í augum fáfróðra, enginn skuldar neitt og öllum er sama um. Þjóð sem auðvelt væri að murka lífið úr án nokkurra afleiðinga....Hvað gerist? Þeir gefast upp!

Afhverju? Afþví við eigum vini sem Indland á ekki í nálægt því sama mæli.

Það er EINA ástæðan.

En verða þessir vinir enn til staðar ef við hlekkjum okkur við sökkvandi skip EU og gerumst Þjóðverjaþegnar? Nei...Þá yfirgefa þeir okkur og þessi þjóð mun ekki framar verða til innan örfárra áratuga þaðan í frá.

Skiptir það máli? Tilvist Íslands skiptir ekki máli sem slík, en hún hefur táknrænt gildi fyrir mannkynið og framtíðina og því er landið undir vernd. Að svíkja Ísland er því að svíkja mannkynið og framtíð okkar eigin afkvæma, sem er betur borgið sem fjærst Þýskalandi.....

 

Þig skortir alla þekkingu á mannkynssögunni til að geta séð hlutina í sínu stærra innsæi, þú ert gersneyddur stjórnmálalegu innsæi og skortir alla heimspekilega færni svo sem rökhugsun í þinni hugsun, skrif þín lýsa ekki aðeins menntunarskorti, heldur siðferðilegri yfirborðsmennsku sem er ástæða þess að þú vegur skammtímahagsmuni þyngra en langtíma, og skammtíma fé í eigin vasa þyngra en siðferðilega hagsmuni alls mannkyns. Þess vegna tekur þú afstöðu með Eurokrötunum á móti mannkyninu. Ef þú aðeins gætir slitið þig lausan frá þrælahöldurum hugsunar þinnar sem lagt hafa á þig álög heilaþvotts og hlekki þarna í xS, þeim hinum sömu og gefa þér þitt ofmetna fé í vasa þína, þá myndir þú verða margsvísari um það sem gott er og rétt í þessum heimi. 

Nazistar = Þjóðverjar = ESB

Earl (IP-tala skráð) 26.1.2013 kl. 20:14

25

Það vill enginn "loka á umheiminn", það vill hins vegar enginn loka sig inni með löngudauðu, úrkynjuðu, skrælnuðu, hnignandi, fúl-lyktandi deyjandi, rotnandi gömlu Evrópu á nýjum tímum nýrra hugmynda og fersks blóðs lifandi manna.

 

Formannskosning í Samfylkingu!

Þó að þið pínið mig og berjið mig og snúið upp á bakið á mér og setið þumalskúfu á hálsinn á mér þá fáið þið aldrei upp úr mér að ég kaus!

 

 

Vildi nú að Ólafur Ragnar að minnstakosti tónaði sig aðeins niður.

Nú á næstu vikum munum við ákveða kvóta okkar í Makríl sem miðað við að nú þegar eru aðrar þjóðir búnar að ákveða að veið um 90% af ráðlögðum kvóta verður langt yfir þvi sem ráðlagt er. Hér fara hamförum sjómenn og fiskifræðingar sem segja að Hafró sé ekki að reikna málin rétt. Flest ár veiðum við umfram ráðleggingar þó ekki síðustu ár. Örugglega einhver lönd í ESB sem kunna ekki með fisk að fara og veiða ótæpilega og henda fiski. En Ólafur ætti að átta sig á því að það eru ekki nema nokkur lönd í ESB sem veiða yfirhöfuð fisk. Og þeirra mið hafa aldrei verið stór. Minni á að Bretar, Frakkar, Spánverjar og Portúgalir veiddu m.a á úthöfum hér við land lengi vel. Þeirra mið voru aldrei sérstaklega gjöful a.m.k. siðstu áratugi.

Síðan las ég fréttir t.d. frá fiskibátum í Danmörku sem verða að hafa eftirltisvélar um borð til að sýna að þeir fari að settum reglum.  Og þar sé orðið vandað að veiðunum. 

Ólafur Ragnar: Evrópa er vandamálið

Vantaði nú aðalmálið í þessa frétt hjá mbl.is

Hjörleifur sagði sig úr Vg! Ætli sé að koma í ljós að hann og Ragnar Arnalds séu að fara í samstarf við allra flokka kvikindi um að stofna einangrunarflokkinn sem fólk hefur verið að tala um?

Hjörleifur Guttormsson fyrrum þingmaður og ráðherra sagði sig úr Vinstri grænum á flokksráðsfundi í kvöld og yfirgaf fundinn í kjölfarið. Hjörleifur er einn af stofnendum Vinstri grænna fyrir tæpum fjórtán árum og hann sagði í ræðu sinni að framan af hafi vegferðin gengið vel.

Gjörbreyting hafi hins vegar orðið á störfum flokksins til hins verra. Með valdboði hafi ágreiningi verið ýtt til hliðar. Ítrekað hafi verið brotið gegn yfirlýstri stefnu og kosningaloforðum. Afleiðingarnar blasi við, þingmenn hafi gengið úr flokknum eða hætt störfum. Mörg hrapaleg mistök og áverjandi ákvarðanir hafi verið teknar síðustu fjögur ár.

Stærst sé þó ákvörðunin um aðildarumsókn að Evrópusambandinu. Það sé göróttasti kokteill sem blandaður hafi verið um langt skeið, óverjandi, siðlaus og eitraður fyrir  flokkinn. Boðaður hægagangur í viðræðum sé augljós blekking sem henti Samfylkingunni. Hann segist því miður ekki sjá þess nein merki að Eyjólfur hressist, þver á mót sé siglt hraðbyri upp í fjöru, með sömu áhöfn við stýri, forystu sem komið hafi flokknum í þessa dapurlegu stöðu. Hann segist kveðja VG með blendnum tilfinningum. (ruv.is)

 

Segir sig úr Vinstri grænum

Nú líður að Icesave dóminum- Nú þarf að krossleggja putta.

Í frétt hér á mbl.is í gær sagði:

„Falli dómur gegn íslenska ríkinu tekur hins vegar við óvissa um framhald málsins, enda mun dómurinn ekki kveða á um fjárhæðir, þ.e. vaxtakostnað, en þar sem eignir Landsbankans duga fyrir útgreiðslu á höfuðstól Icesave-innstæðnanna myndu kröfur Breta og Hollendinga væntanlega fyrst og fremst snúa að vaxtakostnaði. Alþjóðagjaldeyrissjóðurinn hefur metið hugsanlegan kostnað ríkissjóðs á bilinu 3,5% - 20% af vergri landsframleiðslu, fari svo að Bretar og Hollendingar fái í kjölfarið dæmdan vaxtakostnað af hendi ríkissjóðs. Miðað við áætlaða landsframleiðslu síðasta árs væri hér um 60 - 335 ma.kr. að ræða. Fer upphæðin eftir því hvort vextir eru greiddir af lágmarkstryggðum innstæðum eða öllum innstæðum, og hvort um samningsvexti eða refsivexti er að ræða. Skuldir ríkissjóðs myndu í kjölfarið aukast sem þessu nemur, og erlend staða þjóðarbúsins rýrna að sama skapi,“ 

Og síðar:

Öll fyrirtækin þrjú gefa íslenska ríkinu einkunn í lægsta þrepi fjárfestingarflokks. Á hinn bóginn myndi hagfelldur dómur í Icesave væntanlega falla matsfyrirtækjunum vel í geð, enda væri stórum óvissuþætti um skuldastöðu ríkissjóðs þar með eytt. Dómsorðið á mánudag getur því haft talsverð áhrif á efnahagshorfur komandi missera, þótt líklega verði áfram veruleg óvissa um framgang málsins,“

Svo nú er fullþörf á að krossleggja putta á mánudag. 

Ísland mun standa af sér slæma niðurstöðu

Og þetta hjálpar okkur hvernig?

Ætli að Bretar gleymi því í bráð hvering að eftirlti með bönkum og fjárfestum hér hjá okkur var háttað? Að við skildum leyfa þeim að stofna útibú erlendis til að dæla hingað peningum einstaklinga frá Bretlandi og Hollandi, því að bankarnir fengu hvergi lán og svo hrundu þeir allir einn tveir og þrír. Og fólk væri ekki búið að fá innistæður sínar enn nema að Bretland og Holland hefðu greitt þær út eftir að við samþykktum að greiða lágmarksinnistæður. 

En svona til að byrja með hvað er Ólafur að gera í Davos? Er þetta innlegg í að eiga möguleika á að semja við Breta eða koma í veg fyrir að þeir geri eitthvað frekar í Icesave ef við töpum málinu fyrir EFTA dómsstólnum?  

Og svo eitt enn nú er eina aðkoma Ólafs að fjármálum hérlendis að skrifa undir fjárlög og gera rekstraráætlun fyrir embættið og Bessastaði. Hvað er hann að gera í Davos?

Forsetinn ræðst að Gordon Brown

Svona virkar krónan - KAFLI 5

Þessi frétt sýnir stöðuna svart á hvítu. Krónan búin að hækka lán OR á nokkrum mánuðum um hvað um 7 milljarða.

Skuldir Orkuveitu Reykjavíkur hafa gróft á litið hækkað um 7,3 milljarða síðan í lok september vegna veikingar krónu.

Skuldir í evrum hafa hækkað mest eða úr 80,4 milljörðum í 86 milljarða.

 

Veiking krónu eykur á skuldabyrði OR

Ég kaus Árna Pál sem næsta formann Samfylkingar

Ástæður þess eru nokkrar. Fyrir það fyrsta fannst mér hann sem ráðherra standa sig vel. Jú ég segi standa sig vel. Veit vel að fólk deilir á hann fyrir „ÁrnaPáls“ lögin sem sett voru en ég biði ekki í þá stöðu hjá mörgum ef að þau hefðu ekki verið sett. Og þó að síðar hefði verið dæmt að vaxtaútreikningur sem þar var sagt fyrir um væri ólöglegur var það ekki Árna Páli að kenna heldur var sá kafli byggður á fyrri dómi hæstarétta og skilningi manna á honum.  Og ég spyr: Hvað voru aðrir að gera í málefnum skuldara á þessum tíma raunverulega? Árni var þarna á erfiðum tímum að ná samkomulagi milli mjög ólíkra aðila, með ólíka hagmuni til að ná fram einhverjum úrræðum fyrir skuldug heimili. Aðrir stjórnmálaflokkar og einstaklingar stóðu jú á tunnu og hrópuðu en voru svo ekki tilbúnir að vinna að neinum lausnum heldur fóru hver í sitt horn og gagnrýndu Árna Pál.

 

Ég er hrifinn af því að Árni hefur undirbúið framboð sitt mjög vel. Hann fór um allt land ræddi við fólk í flokknum og bar undir það sínar hugmyndir og hlustðai á hugmyndir annarra.  Hann hefur mótað sér framtíðarsýn fyrir Samfylkinguna og í raun breytt vinnubrögð í stjórnmálum. Svo er það náttúrulega flokksmanna að bera þá sýn saman við sína og sá hvort að þær fara ekki saman.

Árni Páll er duglegur að vera í sambandi við fólkið í flokknum t.d. þekki til þess hér í Samfylkingarfélaginu í Kópavogi. Þar sem hann hefur mætt reglulega og stutt flokkinn vel í t.d. bæjarstjórnarmálum. Hann er virkur á allann hátt. Hans frjálslynda jafnaðarstefna er stefna sem allir hugsandi menn sjá að stefna fyrir Ísland. Þ.e. velferð byggð á öflugu atvinnulífi.

 

Hann fylgist vel með og t.d. einhvern tíma þegar ég var að gera athugsemdir á netinu fyrir nokkrum misserum vissi ég ekki fyrr en að ég hafði fengið vinabeiðni frá Árna á Facebook þar sem hann vildi benda mér á  eitthvað varðndi  það sem ég hafði rætt

 

Þetta er svona helstu áherslur þess að ég kaus Árna Pál

 

 

Og það eru fleiri sem kjósa Árna og hafa ýmsar ástæður til þess:

 

 

Og vinnubrögð Sjálfstæðisflokks í því máli - Hvernig hafa þau verið?

Finnst að flokka sem kvarta yfir vinnubrögðum annarra þurfi nú að sýna okkur hvað þeir hafa gert betur! Svona eins og t.d. um 18 ára forysta sjálfstæðismanna hverju skilaði hún í Stjórnarskrármálum? Eða hvernig tóku Sjálfstæðismenn á breytingum sem átti að gera fyrir síðustu kosningar varðandi þjóðararatkvæðagreiðslur, auðlindamál. Og hvernig stóð flokkurinn sig í vinnu við að undirbúa t.d. Þjóðfund, og síðar kosningar til stjónlagaþings. Sem tafði málið aftur og aftur. Og svo voru sérstakir sendimenn flokksins sendir til að kæra kosningar vegna smáatriða og það tafði málið aftur. Og svo hafa þeir tafið og tafið málið. Þannig að tími til að fara yfir málið hefur alltaf orðið styttri og styttri.

Og hvernig hafa menn talað um t.d. þjóðaratkvæðagreðsluna  og niðurstöður hennar. Þannig að nú eru þeir og framsókn búnir tefja þetta mál svo rækilega að ef það verður samþykkt og koma í ljós einhver atriði sem betur mega fara þá er alveg eins hægt að kenna þeim um. Því fólk veit að ef þeir komast til valda þá verður nær engu breytt.  Og sérstaklega eitthvað sem snertir sérhagsmuni flokkeigenda þeirra. 

„Þetta eru handarbakavinnubrögð“

Hér fer fyrirtæki manns sem telur að hann sé hæfastur í að stjórna Íslandi.

Nú er EM 13 áður BMI komið í gjaldþrotameðferð. Það væri í ekki í frásögur færandi nema að þar var stjórnarformaður Bjarni nokkur Benediksson. Maður sem um 37% þjóðarinnar segir nú að það sé tilbúið að kjósa sem Forsætisráðherra Íslands þ.e. með því að kjóðsa Sjálfstæðisflokki. Þarna er gjaldþrotafyriritæki og í því eru engar eignir en skuldir upp á 4,3 milljarða. Þetta er fyrirtæki sem fór með stóra eignarhluta í N1 og kom því fyrirtæki í gjaldþrot og það var yfirtekið af kröfuhöfum. N1 var ESSÓ áður stærsta olíufélag landsins. Á nokkrum árum tókst þessum eigendum að gjörsamlega skuldsetja það til andskotans með því að reyna m.a. að kaupa upp öll dekkjaverkstæði og varahlutaverslanir landsins. Og sennilega töpuðu Bjarni og ættingjar hans í raun litlu heldur voru búnir að ná mestu af sínum þaðan út áður en til gjaldþrotsins kom. Því ekki hef ég heyrt talað um að þeir séu persónulega gjaldþrota.  Í samkrulli við þá var líka faðri Sigmundar Davíðs og þó þessi fyrirtæki séu farinn þá hefur maður ekki heyrt að Gunnlaugur sé heldur gjaldþrota sjálfur þannig að einhvernvegin hefur þeim tekist að bjarga eigin peningum úr þessum félögum.

En sem sagt svona var árangur Bjarna sem stjórnarformanns BMT hf á nokkrum árum. Þetta virðist stórum hluta fólks lika vel og vekja hjá þeim traust um að þar fari maðurinn til að bjarga Íslandi. Og fólk alveg óhrætt við að þessir drengir Bjarni Ben og Sigmundur Davíð láti ekki eigin hag hafa áhrif á ákvarðanir sínar ef þeir komast í aðstöðu til þess. 

4,3 milljarða gjaldþrot BNT