Ólafur Ragnar talar tungum tveimur. Fréttir af ræðu í Litháen!

Vek athygli á þessar frásögn af ræðu Ólafs Ragnar í Litháen:

Skemmst er frá því að segja, að inntakið í ræðu forsetans var að bera lof á leiðtoga Litháa fyrir þá framsýni þeirra og raunsæi að hafa fest nýfengið sjálfstæði í sessi með inngöngu í Evrópusambandið og NATO. Við hliðina á forsetanum sat utanríkisráðherra Íslands, hljóðlátur, þá nýbúinn að senda Evrópusambandinu uppsagnarbréfið, þótt það hefði ekki enn ratað í fréttirnar.

Sjá nánar hér og hér

En hér heima talar um að við eigum að snúa okkur til Rússlands og Kína frekar en ESB því það sé hræðilegt

Viljinn ekki til staðar

Svona í ljósi vitleysunnar sem ríkisstjórnin býður upp á þessa dagana!

Númer 1 þá er ég salla rólegur! Það eru komin nú um 6 ár frá hruni og skv. venju er þá að styttast í næsta hrun hjá okkur. Það þarf ekki að verða nema aflabrestur eða veruleg hækkun á olíu til að verðbólgan fari aftur á stað eða fella verður gengið. Nú eða að þensla verður hér vegna virkjana og stóriðju.

Þá hrynur kaupmáttur og fólk fer að hrópa eftir stöðugleika og gjaldmiðli sem sveiflast ekki svona gríðarlega þó að einhver reki við!

Nú eða að við lendum í því að það verða gerð mistök við afléttingu hafta. Og allt fer af stað aftur.

Þá snýst hér almenningsálitið aftur gagnvart ESB og ef við verðum ekki alveg búin að klúðra samskiptum okkar við ESB áður þá verðu auðvelt að halda kosninga um að hefja viðræður við ESB aftur. Fólk á Íslandi hugsar yfirleitt um stundargróða og stöðuna í dag. Það er svo erfitt að hugsa til framtíðar og gera áætlanir.

Þá á fólk eftir að muna að það sem við leggjum sérstaklega áherslu á að verja eru hagsmunir kannski um 500 til 1000 útgerðamanna og um 4000 bændabýla og í allt um kannski nokkur þúsund manns í sjávarútvegi og kannski 10 þúsund manna sem hafa vinnu af í kringum landbúnað.  Nú hefur því verið haldið fram að fólk í dreifbýli komi til með að hafa það betra með styrkjum frá ESB. Og örugglega auðvelt að skilyrða að allur fiskur sem veiddur er hér sé landað hér af fyrirtækjum sem staðsett eru á Íslandi. Hef ekki séð að útgerðamenn séu svo viljugir að borga fyrir að nota auðlindina og peningar þeirra hafa streymt til útlanda eða að minnstakosti út fyrir byggðarlögin þar sem fiskurinn kemur að landi.  Væri alvega sama þó að útlendingar ættu þessi fyrirtæki ef þeir borguðu sæmileg laun og auðlindagjöld til þjóðarinnar.

En semsagt sá ekki öll þessi vandamál við að ná samningum við ESB um þetta. Sem og að við erum náttúrulega ekki með stofna sem skarast við aðrar ESB þjóðir þannig að í raun myndum við fara með forræði yfir þeim stofnum.

En ég bíð bara rólegur það er að styttast í næstu niðursveiflu. Það er alveg öruggt!

„Ekki óeðlilegt að ráðherra taki afstöðu“