Það sem mbl.is sleppir í tilvitnun í frétt ruv.is

Þar segir ennfremur að í upphafi hafi íslensk stjórnvöld lagt fram smánarlegt tilboð. Íslendingar hafi ekki ætlað að borga til baka að fullu Icesave lánið - ennfremur hafi íslensk stjórnvöld ekki viljað greiða neina vexti. Næsta tilboð hafi verið örlítið skárra - falið það í sér að greiða upphæðina til baka að fullu á löngum tíma - en ekki neina vexti. Því höfnuðu Bretar og Hollendingar enda hafi það ekki fallið undir skilgreiningar sem Parísarklúbburinn svokallaði - sem fjallar um skuldamál þjóða - setji sér. Icesave málið virðist hafa verið rætt reglulega á fundum Parísarklúbbsins. Rætt er um Nicole Bollen, yfirmann hjá Hollenska fjármálaráðuneytinu - að hann hafi setið fund Parísarklúbbsins sem fulltrúi Hollands 22. til 25. febrúar síðastliðinn í París þar sem þessi mál voru meðal annars til umræðu.

Í skjalinu koma einnig fram umkvartanir hollenskra og breskra stjórnvalda varðandi viðræður þeirra við Íslendinga. Rætt er um að fullur trúnaður hafi átt að ríkja um viðræðurnar. Engu að síður hafi samninganefndir ríkjanna ávalt heyrt um það í fjölmiðlum daginn eftir hvað fram fór á þessum fundum.

Svo leyfa Indefence og Framsókn sér að tala um að kjörin sem okkur hafa verið boðin á Icesave séu úr öllu korti og setja út á stórnvöld. En halló þarna fer tilvitnun í Parísarklúbbuinn sem segir

en ekki neina vexti. Því höfnuðu Bretar og Hollendingar enda hafi það ekki fallið undir skilgreiningar sem Parísarklúbburinn svokallaði - sem fjallar um skuldamál þjóða - setji sér.

Síðan er hægt að vitan í vaxtakjör sem Írland er að fá núna.

En í umræðunni hér á landi var talað um að Bretar og Hollendingar væru að krefjast kjara sem engin önnur þjóð væri rukkuð um í lánasamningum. Og þjóðin gleypti allt sem þessir leikmenn í indefence sögðu eins og þeir væru sérfræðingar í þessum málum. Og m.a. forsetinn gleypti þetta hrátt.

Rætt um Icesave í Parísarklúbbnum

Athugasemdir

[Gunnar Heiðarsson, 4.12.2010 kl. 17:50]

Það er merkilegt ef allar upplýsingar sem komu fram í viðræðunum hafa birst í fjölmiðlum. Það hefur þá ekki verið mikið talað saman á þessum fundum, að minnsta kosti voru ekki miklar fréttir af viðræðunum.

Var þá upphaflegi samningurinn, sem leggja átti fyrir þingið óséðann, tómt plagg? Þingmenn fengu ekki að sjá þan samning fyrr en eftir miklar deilur á þingi og fjölmiðlum var talin trú um að ekki stæðu einu sinni yfir viðræður, nokkrum dögum áður en Svavar og Indriði komu með hann heim í flugi!!

Þessi frétt af Parísarklíkunni lyktar nokkuð af aftirávisku, enda kemur ekki fram hvenær þessir póstar áttu að hafa farið fram. 

[Ómar Bjarki Kristjánsson, 4.12.2010 kl. 19:03]

Þetta er líklega um og eftir svokallaða ,,þjóðaratkvæðagreiðslu".

Eða eru menn búnir að gleyma umræðunni þá?  Það átti bara vera hægt að fá þetta og þetta fram og ekkert mál.  Tilboðunum var ma. lekið hægri vinstri.  (sennilega framhreifingin sem stóð á bak við það)  Íslendingar sumir eru svo gleymir.

Þetta með ,,óséðan samning" - einn af þessum frösum sem engu máli skiptir.  þó alþingismenn allir sæju umræddan samning og veltu hinum fyrir sér svo mánuðum skipti - bara meaningless.   Enda skildu flestir þeirra ekkert hvað stóð í honum. 

Það er alveg nóg að vita almennu línurnar.  Nákvæmlega eins og með lánasamnig IMF og Norðurlandanna.  Þetta var og er bara ósköp venjulegur lánasamningur og nákvæmlega ekkert merkilegt.

Allir þessir frasar sem rugludallar hafa haldið upp sem dæmi ,,óséðir", ,,alþingishúsið til London" etc etc. - þetta er bara klám.  þjóðrembingsklám.

[Guðmundur Ásgeirsson, 4.12.2010 kl. 19:35]

Nei Maggi minn nú ertu enn einu sinni að misskilja. Öll kjör sem fela í sér að íslenskir skattgreiðendur borgi eitthvað meira fyrir þetta en þeir hafa nú þegar gert, eru slæm kjör! Það skiptir engu máli á hvaða vöxtum og hversu löngum tíma það er.

Best geymda leyndarmálið frá bankahruninu er nefninlega að það er nú þegar búið að ganga frá eða semja um greiðslu á ca. helmingnum af IceSave upphæðinni, sem skiptist þannig: Ríkið keypti 81% hlut í innlendum rekstri Landsbankans af skilanefndinni á 127 milljarða. Auk þess verða svo 260 milljarðar af tekjum nýja bankans greiddir á 10 árum ásamt vöxtum til skilanefndarinnar, en íslenskir skattgreiðendur verða þar með af tekjum upp á 210 milljarða. Samtals gerir þetta 127 + 210 = 337 milljarða frá ríkissjóði til skilanefndarinnar sem mun ráðstafa því fé ásamt öðrum eignum þrotabúsins upp í forgangskröfur (öðru nafni IceSave).

Svo er ótalið það tjón sem gamli Landsbankinn olli íslensku þjóðfélagi. Í því samhengi er rétt að benda á að skaðabótakröfur hafa hærri forgang í gjaldþrotaskiptum en innstæður. Með því að hafa ekki uppi slíka kröfu jafnvel þó full ástæða væri til, þá verður þeim mun meira eftir í þrotabúinu til ráðstöfunar upp í IceSave. Augljóslega er það á kostnað þess sem gefur eftir rétt sinn til skaðabóta, þ.e. íslenskra skattgreiðenda í þessu tilviki. Erfitt getur reynst að meta þann fórnarkostnað en hann er þó umtalsverður, en nefna má sem dæmi að beint fjárhagslegt tjón Seðlabanka Íslands vegna viðskipta gamla Landsbankans nam 80 milljörðum. Erfiðast væri þó líklega að verðmeta þau mannslíf sem hafa tapast vegna þessarar skipulögðu glæpastarfsemi.

Ef allt væri talið næði þetta eflaust langleiðina upp í sömu upphæð og nemur lögboðinni lágmarkstryggingu IceSave innstæðna, þannig að ég veit ekki hvað þið borgunarsinnar eru alltaf að kvarta. Ekki nema þið viljið kannski fá að borga þetta tvisvar, eða jafnvel oftar. En þá megið þið líka sleppa því að nota mína skattpeninga í svoleiðis vitleysu!

Svo er rétt að benda á að innstæðutryggingar ná ekki yfir tjón af völdum bankaráns, og því er krafa breskra og hollenskra innstæueigenda ekki einu sinni lögmæt. Það er kominn tími til að þeir átti sig á því að þeir voru einfaldlega rændir, og viðurkenni þá staðreynd svo þeir geti snúið sér að því næst að finna ræningjana og rukka þá um skaðabætur. Einn þeirra taldist nýlega til ríkustu manna heims og ætti að fara létt með að skrifa ávísun en ef hann er eitthvað blankur þá skilst mér að hann eigi líka lyfjaverksmiðju, gagnaver og tölvuleikjasmiðju sem hljóta að vera einhvers virði.

Ómar Bjarki: Ef það er eitthvað samasemmerki á milli þjóðrembings og kláms, þá ætla ég bara að láta þig vita að ég skammast mín fyrir hvorugt!

[Gunnar Heiðarsson, 4.12.2010 kl. 19:46]

Þú vilt sem sagt meina það Ómar að alþingismenn eigi bara að samþykkja allt sem fyrir þá er lagt!

Ef þeir ekki skilja um hvað málin snúast hljóta þeir að leita sér upplýsinga. Þingmaður má ekki og á ekki að greiða atkvæði um málefni á þingi, nema vita hvað það er sem hann er að samþykkja eða hafna. Sérstaklega þegar um er að ræða fjárskuldbindingar fyrir þjóðina upp á margfaldar tekjur hennar!!

[Ómar Bjarki Kristjánsson, 4.12.2010 kl. 20:00]

Eg sagði og segi að meginlínur samningsins lágu fyrir.  Halló.  Almennir þingmenn hafa ekkert við meira að gera.  Ekki frekar en lánasamnig IMF eða Norðurlandanna eða hvern andskotans lánasamning sem ísland gerir.  Þetta er bara í grunninn ósköp venjulegur lánasamningur.

Enda hvað kom útúr því að ,,mannvitsbrekkurnar" í framsjallahreifingunni lægju yfir þessum helv. samningi mánuðum saman?  Anskotans og ekki neitt!   Eða verra í raun.  Það kom mínus ekkert.

Jú jú Hr Blöndal, Hr, Saari og Frú Mósedóttir sömdu einhvern þvælingsviðauka sem skiptir minna en engu máli í meginefni en settu svo klausu aftanvið sem varð til að efnistök voru eyðilögð landi og þjóð til stórskaða og tjóns.  þannig að það var útkoman.  Skemdarverk gegn þjóðinni og landinu.

það er bara þanning að þessi stjórnarandstöðu ómynd beitir fantaskap hvað eftir annað gegn þjóðinni.  Svívirðilegum fantaskap og ofbeldi.

[Guðmundur Ásgeirsson, 4.12.2010 kl. 22:55]

Skemmdarverkið, fantaskapurinn og ofbeldið, var að reyna að troða þessum reikningi fyrir eitthvað sem ekkert er upp á íslenska skattgreiðendur.

Það hafa á einhverjum tímapunkti reynt eftirfarandi flokkar:

    Sjálfstæðisflokkur, Samfylking og meirihluti þingflokks VG.

Á móti þeim gjörningi hafa allan tímann verið:

    Framsóknarflokkur, Hreyfingin. (og smáflokkar utan þings)

Bara til að halda því til haga að síðarnefndu flokkarnir eru þeir sem mynda kjarnann í stjórnarandstöðunni, ásamt breytilegum fjölda þingmanna VG og stöku sinnum Pétri Blöndal.