Held að það eigi að fela Sigmundi og Indefence að leysa þetta mál.

Finnst að ef að Sigmundur er svona þenkjandi þá eigi ríkisstjórnin að fela honum og Indefence að leysa þetta mál. Ef að þessi samningur verður að næsta farsa hjá þessum köllum eigi ríkisstjórnin að fela Framsókn og Indefence að reka þetta mál fyrir dómsstól EFTA eða reyna að ná betri samningi. Heita þeim öllum stuðningi sem þeir þurfa og öllum gögnum. Allt betra en að fá þetta í þjóðaratkvæði. Framsókn má svo eigna sér heiðurinn af niðustöðunni.

Sigmundur Davíð: Spurning um að gefa út spunaviðvörun

Athugasemdir

[Einar (IP-tala skráð) 9.12.2010 kl. 14:24]

Það kæmi þjóðinni örugglega best.

[Magnús Helgi Björgvinsson, 9.12.2010 kl. 14:27]

Eða yrði gott á þjóðina fyrir að láta þá draga sig á Asnaeyrunum.

[Sigurður Sigurðsson, 9.12.2010 kl. 14:37]

Þú gefur þér semsagt að þau "Asnaeyru" yrðu stærri en þau sem ríkisstjórnin ætlaði að draga þjóðina á með samningnum sem var blessunarlega hafnað!

[Guðmundur Jónas Kristjánsson, 9.12.2010 kl. 14:38]

Málið er löngu leyst og þjóðin hefur talað. ÞVERT NEI VIÐ ICESAVE!
BORGUM EKKI KRÓNU VEGNA ÞESS AÐ VIÐ EIGUM ENGA KRÓNU AÐ BORGA
skv. lögum um innistæðutryggingasjóð frá Brussel. Hins vegar er alltaf
hægt að láta kúga sig endalaust eins og hin handónýta og andþjóðlega
vinstristjórn gerir, og þá stórlega á kosnað íslenzkra skattgreiðenda og
velferð þeirra út öldinda.  Nei ef ríkisstjórnin VOGAR sér að láta almenning
borga krónu v Icesave skal hún segja af sér TAFARLAUST!

[Jóhann (IP-tala skráð) 9.12.2010 kl. 15:31]

Býrðu ekki á Íslandi, eða ertu virkilega bara svona yfirgengilega heimskur Magnús? Ég hef aldrei nokkurntíman vitað um mann sem býr í eins aflokaðri draumaveröld og þú!

Ég ætla ekki einu sinni að reyna að útskýra fyrir þér afhverju ég er að drulla yfir þig þú mátt bara reyna að réttlæta þetta fyrir sjálfum þér með meira bulli og hálfvitaskap, sem er það EINA sem sést í þínum skrifum!!

[Hulda (IP-tala skráð) 9.12.2010 kl. 15:33]

Þjóðin sagði ekki nei við Icesave í þjóðaratkvæðagreiðslunni heldur nei við þeim tilteknu lagatillögum sem fyrir lá um málið.

Meira að segja þumbuðust InDefence menn til að undirstrika og viðurkenna það kringum kosningarnar þegar ákveðnir hópar höfðu reynt að koma þeim orðrómi af stað að þær snerust um já eða nei við því að borga Icesave yfirleitt.

Þeir sem enn halda að kosningarnar hafi snúist um já eða nei við Icesave yfirleitt eru annað hvort of tregir til að skilja dæmið eða eru vísvitandi að fara með rangt mál. Veit ekki hvort er dapurlegra.

[Gunnar G (IP-tala skráð) 9.12.2010 kl. 15:37]

Það er spurning að gefa út lýðskrumsviðvörun vegna InDefence, SDG og gaura eins og Guðmundar Jónasar Kristjánssonar ?

[Magnús Helgi Björgvinsson, 9.12.2010 kl. 16:32]

Úr frétt hér á mbl.is

ESA sendi áminningarbréf til Íslands í maí þar sem er komist að þeirri niðurstöðu að Ísland sé skuldbundið til að tryggja greiðslu á lágmarkstryggingu í samræmi við tilskipun um innstæðutryggingar til breskra og hollenskra sparifjáreigenda. Áminningarbréf er fyrsta skref ESA í samningsbrotamálum, samkvæmt upplýsingum á vefsíðu ESA.

Tilskipunin er hluti af EES-samningnum. Samkvæmt henni bar Íslandi að greiða breskum og hollenskum sparifjáreigendum 20.000 evrur í kjölfar falls Landsbankans. Sú staðreynd að bresk og hollensk yfirvöld hafa greitt flestum innstæðueigendum þær lágmarksbætur breytir engu um skuldbindingar Íslands.

Íslensk yfirvöld fengu tveggja mánaða frest til að svara bréfinu, hann fékkst og var síðan framlengdur til 7. desember.

Forseti ESA, Per Sanderud, segir í samtali við ABC að bréfinu hafi ekki verið svarað. „En við vitum að það er verið að ræða lausnir. Það hefur verið haft samband við okkur og okkur sagt frá gangi mála,“ segir Sanderud.

ABC segist telja að ekki sé víst að Ísland sleppi við uppgjör við ESA, þó að samningar náist vegna Icesave.

[runar (IP-tala skráð) 9.12.2010 kl. 18:18]

Hvað eiga þeir við þegar þeir segja að við skulum borga upp í topp ?

Er átt við lágmarksupphæð eða upphæð yfir 20885 evrum ??

Hvaða upphæð er verið að tala um ? ??