Auðvita hljóta allir að fagna þessu!

Sýnist að í höfuðatriðum sé farið að þeirri línu sem Már hefur kynnt síðustu ár sem skynsamlega leið! Þannig að farið sé eftir línu sem lögð var 2011, Nú hljóta allir að vinna saman að því að klára þessi lög og fara yfir hugsanlega vankannta og koma þessu í gegn.

Nokkur atrið sem þó er vert að skoða:

• Arion og Íslandsbanki koma þá væntanlega í eigu okkar aftur. Það verður að gæta að því að fyrri eigendur eða t.d. MP banki nái ekki þeim bönkum aftur á einhverri útsölu! Helst verður að selja þá til erlendra fjárfesta. VIð viljum ekki aftur svona bankabólu.

 

• Þá finnst manni skrýtið ef að talað hefur verið um að önnur hvor lögfræðistofa landsins hafi verið að vinna fyrir kröfuhafa. Og svo virðist sem þeir séu búnir að samþykkja öll skilyrði stjórnvalda. Hefði búist einhverjum látum.

 

• Þá verður að passa að það verði engir sérvaldir sem moki inn á þeim eignum sem ríkið fær í hendur við þessa samninga.

En annars leit þessi kynning á aðgerðum bara vel út og stjórn og stjórnarandstaða ætti að geta unnið í sameiningu að því að klára þetta.

Tillögurnar í samræmi við skilyrðin

Athugasemdir

[Árni Gunnarsson, 8.6.2015 kl. 16:44]

Ég man ekki eftir því að hafa á langri ævi heyrt tvo forystumenn ríkisstjórnar setja á jafn langar tölur um fordæmalaus afrek forystumanna ríkisstjórnar.

Og að því slepptu þá er ég sammála Vettvangsritara um að ég átti ekki von á svo tilkomulausum viðbrögðum af hálfu kröfuhafa sem fregnir eru um.

En veit nokkur hvaða AFREK! lágu að baki þessum kröfum?

[Ásthildur Cesil Þórðardóttir, 9.6.2015 kl. 16:14]

Magnús Helgi þér er ekki alls varnað.  Það er gott og heilbrigt þegar fólk vill láta þá sem gera vel njóta sannmælis.  Þú ert maður að meiri í mínum huga.