Finnst að fyrst verk Alþingis á morgun eigi að vera

Finnst að fyrsta verk Alþingis á morgun eigi að vera:

• Samþykkja þingályktunartillögu þar sem vinnubrögð bankana eru hörmuð og ef þeir nú þegar komi ekki með raunhæfar umbætur fyrir verst settu viðskiptavini sína. Þá verði settur á þá skattur sem dugi ríkinu til að koma þessu fólki til bjargar

Tilveran verður aldrei aftur eins og hún var

Ég á von á jákvæðum fréttum í kvöld!

Held að það sé næsta víst að í kvöld þá færa ráðamenn okkur fréttir af aðgerðum í þágu heimila og fyrirtækja. Annað væri merki um sjálfseyðingarhvöt! Því hefur aldrei verið leynt að ég styð Samfylkingu. En ef Ríkisstjórnin hefur ekkert fram að færa í kvöld þá fer ég að efast um að þessi ríkisstjórn ráði við þessa stöðu.

Í kvöld þurfum við lausnir og framtíðarsýn. Þó vissulega reikni ég ekki með neinum kraftaverkum. Heldur að nú sé búið að kortleggja og ákveða framtíðarsýn fyrir okkur næstu ár. Hvað er hægt að gera og hvað ekki.  Og ég býst við að allir flokkar eða flestir lýsi yfir að þeir ætli að vinna saman að þessum lausnum og þær verði vel unnar og gangi hratt í gegn.

„Tunnumótmæli“ við stefnuræðu

Það ætti kannski einhver að benda Lilju Mósesdóttur og fleirum á þessa staðreynd.

Lilja kemur í fjölmiðla að talar eins og það sé ekkert mál að koma hér aftur á "norrænu velferðarkerfi" Bara að kasta AGS út og draga minna úr niðurskurði og allt bara í þessu fína. Hún sem hagfræðingur ætti nú að átta sig á að ríkið er stórskuldugt. Eða eins og sagt er í fréttinni:

Samkvæmt fjárlagafrumvarpinu er gert ráð fyrir að skuldir ríkissjóðs verði 1.329 milljarðar í árslok 2011 og hækki um 44 milljarða á árinu. Árið 2005 námu skuldir ríkissjóðs 196 milljörðum króna.

Skuldir ríkissjóðs margfölduðust við hrun. Þær hafa síðan vaxið ár frá ári og munu halda áfram að vaxa þrátt fyrir útgjöld ríkissjóðs hafi verið skorin niður og skattar hækkaðir. Á næsta ári er áætlað að ríkið þurfi að greiða 75 milljarða í vexti vegna þessara skulda.

Það er ljóst að við komum ekki upp hér svipuðu kerfi og á hinum norðurlöndum fyrr en eftir mörg ár þegar við erum farin að greiða niður þessar skuldir. Enda eru hin löndin búin að byggja þetta upp á áratugum á meðan að við höfum verið á leiðinni í þver öfuga átt eða til þess kerfis sem USA byggir á.

Lilja er öll í því að redda málum og lausnir eins og AGS sé að þvinga okkur í þetta og hitt eru náttúrulega óvandaðar þegar ljóst er að ríkið má ekki við neinu sem eykur útgjöld þar sem það kallar á enn meiri skuldir sem við þurfum svo að greiða til baka með vöxtum.

Bendi á flott grein Baldurs Mcqueen um þetta mál þar sem hann segir m.a.

Fyrirmyndirnar hafa gjarnan byggt upp sín velferðarkerfi áratugum saman og vafasamt að halda Ísland geti umbreyst í slíkt ríki við núverandi aðstæður. Að halda því svo fram að IMF sé stærsta hindrunin á þeirri vegferð, er í besta falli blinda. Áratuga óráðssía og sofandaháttur hafa eftirköst – og það eru þau eftirköst, ekki IMF, sem koma í veg fyrir draumurinn um norrænt velferðarkerfi rætist á næstu árum.

Það er sjálfsagt að berjast af hörku fyrir aðstoð til þeirra sem virkilega þurfa á að halda og tryggja að allir geti borið höfuðið sæmilega hátt á erfiðu tímabili endurreisnar. Standi IMF gegn slíkri aðstoð, er sjálfsagt að fara gegn sjóðnum og gagnrýna af hörku.
En ef senda á IMF uppsagnarbréf á þeirri forsendu að þeir standi í veginum fyrir norrænu velferðarkerfi, verður það enn eitt sparkið í andlit almennings þegar uppgötvast að málið er mun flóknara. Baldur McQueen

Hann segir síðar í þessari grein:

En ég vil þá sjá raunhæfar áætlanir frá þeim sem tala fyrir slíku. Stefnumörkun til næstu 10-15 ára og nákvæma útlistun hugtaka; hvað er t.d. „norrænt velferðarkerfi“, hvað þarf til svo þjóðin búi við slíkt og hverjar eru leiðirnar? Ég vil sjá eitthvað sem ég get trúað að standist. Ekki upphrópanir sem miða fyrst og fremst að því að höfða til fjöldans og fylla í pólitískt tómarúm núdagsins (án þess ég vilji bera slíkar sakir á Lilju).

Fyrst og síðast vil ég sjá viðurkenningu á því að uppbyggingin verði hæg, löng og erfið – og norrænt velferðarkerfi er í besta falli draumsýn í dag, hvort sem IMF fari eður ei. Baldur McQueen

 

Skuldir ríkissjóðs verða 1.329 milljarðar

Nokkur orð til Höskuldar!!!!!

Nú var mér sagt frá því áðan að þú hefðir verið í viðtali við einhverja útvarpsstöðina áðan. Og þar hefðir þú og Ragnheiður Ríkharðsdóttir verið að ræða um breytt vinnubrögð á Alþingi. Og því ljósi verða þessi ummæli sem hér eru höfð eftir þér hjákátleg.

1. Eru menn ekki að tala um að Alþingi taki frumkvæði? Er þá ekki þess virði að þið í fjárlaganefnd lagið til það sem ykkur finnst að megi betur fara. Þetta er jú rammi sem fjárlaganefnd hefur alltaf lagað til í.
2. Er það ekki Alþingis að marka stefnu til framtíðar?
3. Finnst þér þetta gott upphaf að aukinni samvinnu á þingi? Eða varst þú kannski ekki að meina neitt með þessu?
4. Við hvað áttu starfsmenn ráðuneyta að miða annað en tölur Hagstofu um hagvöxt? Kannski greiningardeildir bankana eða einhverja poka hagfræðinga sem hafa ekki aðgang að nema takmörkuðum gögnum?
5. Finnst þér að þín túlkun á samvinnu sem hljómar eitthvað á þá leið að þú ert til í samstarf ef að allt er gert eftir þínu höfði vera rétt túlkun.
6. Svo má náttúrulega benda þér á að þetta er lygi:"Þær forsendur eru allar brostnar vegna þess að Hagstofan tók tillit til þess að af framkvæmdum yrði, t.a.m. í Helguvík. Það er allt á frosti út af aðgerðum ríkisstjórnarinnar,“ segir Höskuldur" Það stendur á að það fæst ekki fjármagn til að byggja virkjanir. Allt annað liggur þegar til staðar.

Finnst að þú hafir langt í frá verð maður samvinnu og sátta á þinginu fram til þessa. Þarft að breyta miklu til að sú skoðun mín breytist. Og nú skalt þú fara að vinna að þessu fjárlagafrumvarpi eins og aðrir sem eru í þessari nefnd eiga jú helst að gera! Og sýnir þú okkur frábært frumvarp í nóvember sem inniheldur allt sem þú kvartar um að vanti í það.

Fjárlögin varla tæk til þingmeðferðar

Þetta voru nú allt viðbúnir skatta nema ég set spurningu við:

Sérstakt vörugjald verður tekið upp á áfengi og tóbak í Fríhafnarversluninni árið 2011

Get ekki séð að þetta skili neinu nema að ákveðin hefð er þar með afnumn og fólk hættir að kaupa sér áfengi og tóbak í Fríhöfninni. Nema að þetta verði lág gjöld

Hækkun skatta skilar 11 milljörðum

Bara svona að spyrja?

Manni sýndist að fólk væri að mótamæla helst lágum bótum og eins að vilja lækkun lána. Og svona ýmsu í leiðinni:

Ég veit að fólk hefur það skítt á bótum og þeir sem skulda mikið líka. En ég spyr:

• Ef að bætur hækka, hver á að borga þá hækkun?
• Ef að Íbúðalán verðtryggð verða lækkuð, þá þurfum við að bæta Íbúðalánasjóði það. Hver á að borga það?
• Ef að lífeyrissjóðirnir þurfa að lækka verðtryggð lán sín. Þá minnkar það sem þeir hafa til útgreiðslu og SÍ eða TR þarf að borga fólki meira. Hver á að borga það.

Mér sýnist að þarna geti verið um hundruð milljarða í viðbót sem og að bankar sem eru með verðtryggð lán gætu líka þá átt kröfu vegna eignarréttarákvæða Stjórnarskrárinnar á bótum frá ríkinu þar sem verið er að fara inn í samninga sem ríkið kom ekki að og eru löglegir.

Ríkið er nú í vandræðum með að skera niður upp í fjárlagagatið og greiða vexti þannig að það þyrftir væntanlega að hækka skatta úr þetta 35% til 42% upp í kannski 45% til 50% skatt. Er fólk tilbúið í það!

Fólk talar um að taka fyrirfram skatt af séreignarsparnaði en hann hefur lækkað umtalsvert þar sem búið er að taka út af honum sem og fá skatt af því. Þar gætu kannski fengist nú um 70. milljarðar og nokkrir milljarðar á ári eftir það þar sem hann hann fer jú minnkandi þar sem fólk hættir að spara þegar 1 af hverjum 3 krónum eru ekki lengur í neinni ávöxtun heldur fer beint til ríkisins.  Og þessir 70 milljarðar myndu ekki duga til. Og verða þá aldrei í boði í framtíðinni þannig að ríkið þyrfti alltaf að taka tillit til lækkunar á skatttekjum næstu árinn.

Held að fólk verði að átta sig á að það eru ekki til neinar töfralausnir sem redda bara hér öllu á 2 árum.  Allar flottu hugmyndirnar sem redda málum með því að smella puttum standast ekki skoðun. Halda menn að ríkisstjórnin væru annars búin að kaupa sér frið með því að framkvæma það? Og hvað þá halda menn að manneskjur eins og Jóhanna sem er á síðustu metrum sinnar stjórnmálaþátttöku væri ekki búin að beita sér fyrir einni allsherjarlausn fyrir fólkið til að hætta sem hetja. En hún eins og aðrir hafa rekið sig á að við gjaldþrot lands er ekki bara hægt að kaupa nýja kennitölu og byrja upp á nýtt og skilja skuldir eftir. Það þarf að ganga frá þeim og greiða flestar. Hjá því er ekki komist og þar af leiðandi er minna hér til skiptana.

Ekki það að hér séu ekki mörg mál sem þyrfti að vera búið að leysa og flokkarnir að hætta að þvælast hver fyrir öðrum. Mál eins og stærri fjárfestingar, Icesave og framtíðarsýn væri nú ofarlega á mínum lista. Og eins að þjóðin væri betur upplýst um hvað er verið að gera og hversvegna aðrar lausnir ganga ekki.

Hávær mótmæli við þinghúsið

Held að menn geti nú slappað svolítið af!

Jú vissulega er þörf á breytingum hér á flestum hliðum stjórnmála og stjórnsýslu. En að því sögðu þá er nú óvart málið þannig að í flestum ríkjum þar sem að kenna sig við lýðræði og frjálsar kosningar leita stjórnunarhættir í sama farið. Það er jú hægt að setja lög sem stuðla að minni spillingu, opnari og skilvirkari stjórnsýslu. En reynslan sýnir að óháð háleitum markmiðum nýrra stjórnmálaafla, þá leita þau í sama farið og aðrir þegar á reynir og þau komast í stjórn. Því óvart er það þannig þegar á hólminn er kominn verða þessi háleitu markmið óframkvæmanleg. Það verður að gera málamiðlanir og þá finnst þeim sem horfðu á fyrirmyndarríkið þeir vera sviknir. 

Ég get ekki séð í Reykjavík að þar hafi bestiflokkurinn:

• Aukið lýðræði
• Komið á neinum umtalsverðum umbótum
• Eins hafa komið upp spurningar um mannaráðningar
• Komið fram með mótaðar tillögur og útfærðar um einhverja byltingu í málefnum Borgarinnar.

Ekkert að segja að þau hafi staðið sig illa. Og þau vilja vinna vel. En ekki séð neitt sem markar tímamót í breytingum á stjórnmalum hér.  Nema kannski áhersla á húmor og gleði. En það setja skattgreiðendur ekki ofan á brauð. Það er nefnilega þannig að þarfir borgarana breytast ekki þó nýr flokkur komist til valda. Og það að komast til valda er dauðans alvara! Það er verð að reyna að nýta takmarkaða peninga til að uppfylla þarfir kjósenda og það er erfitt. Munur á flokkum hér og annarstaðar er hugmyndafræðin um hvernig það er gert.  Og helsti munur er náttúrulega hér eins og annarstaðar að fólk vinstramegin vill að fólk borgi í sameiginlega sjóði sem trygging fólki aðgang að grunnþjónustu óháð efnahag. Þeir til hægri telja að fólk eigi að borga minna í sameiginlega sjóði og greiða hluta eða alla þá þjónustu eftir notkun.  Náttúrulega raðast menn í skoðunum á milli þessara póla.

En semsagt ég get ábyrgs að nýir flokkar þýða ekki gjörbyltingu og hugmyndir manna um annað eru kjaftæði.

„Skíthræddir“ við nýtt framboð