Akkurat það sem ég sagði í gær.

Vill í þessu sambandi setja hér smá tilvitnun úr blogginu mínu frá því í gær. Því að ég er þess fullviss að hér er um skipulega aðför að Jóhönnu gerða og skipulagða af óvönduðum mönnum. Og þeir hika ekki við 7 dögum fyrir sumarleyfi Alþingis að taka tíma frá því að klára áríðandi mál til að reyna að koma höggum á Jóhönnu og stjórnina þar sem þeir vita að staða hennar er ekki sterk. En þetta sagði ég í gær.

Í stuttu máli virðist Sigurður Kári sjálfstæðismaður líta á þetta sem sitt helsta hlutverk eftir að hann komst á þing. En hann komst inn á þing þegar Illugi Gunnar tók sér ótímabundið leyfi frá þingstörfum. Sigurður Kári er jú að því mig minnir í nánast hring með Hannesi Hólmsteini og nú er kominn tími til að refsa Jóhönnu fyrir að hafa verið vond við Davíð. Og við vitum að þeirra meðöl eru ekki vönduð.

Hann hóf sín störf á þingi með því að koma upp við öll tækifæri og spyrja sömu spurninganna. Svo rammt kvað að þessu að Róbert Marshall líkti honum við Rafhlöðu kanínu

Andskoti væri það hart ef að þetta yrði til að koma sjálfstæðismönnum aftur að völdum. Því fólk ætti að gera sér grein fyrir að ef þessi stjórn segir af sér verða ekki kosningar fyrr en aðrir flokkar fá tækifæri á að mynda nýja stjórn. Og þá væri það sjálfstæðisflokkurinn sem kæmi þar inn.

„Pólitískt áhlaup á mig"

Hef verið að skoða umræður um launakjör Seðlabankastjóra

Í stuttu máli virðist Sigurður Kári sjálfstæðismaður líta á þetta sem sitt helsta hlutverk eftir að hann komst á þing. En hann komst inn á þing þegar Illugi Gunnar tók sér ótímabundið leyfi frá þingstörfum. Sigurður Kári er jú að því mig minnir í nánast hring með Hannesi Hólmsteini og nú er kominn tími til að refsa Jóhönnu fyrir að hafa verið vond við Davíð. Og við vitum að þeirra meðöl eru ekki vönduð.

Hann hóf sín störf á þingi með því að koma upp við öll tækifæri og spyrja sömu spurninganna. Svo rammt kvað að þessu að Róbert Marshall líkti honum við Rafhlöðu kanínu:

Robert Marshall þingmaður Samfylkingarinnar líkti Sigurði Kára Kristjánssyni þingmanni Sjálfstæðisflokksins við rafhlöðukanínu í umræðum um fundarstörf forseta á Alþingi í dag.

Var Róbert þar að ræða um síendurteknar spurningar Sigurðar Kára á Alþingi um launahækkun til seðlabankastjóra. Hann hefði nú spurt nær alla ráðherra ríkisstjórnarinnar um málið

Sigurður Kári var auðsjáanlega að vinna eftir einhverju plani sem átti að koma þessari umræðu af stað. En undirtektir voru ekki eins og hann vildi.

 Nú komu einhverjir tölvupóstar í ljós en enginn þeirra frá Jóhönnu og mbl.is tekur að túlka þá yfir í að Jóhanna hafi sagt eitthvað eða lofað einhverju. Allir sem komu að málinu segja að hún hafi ekki skipti sér af launakjörum Seðlabankastjóra. Svo það er spurning hvaða sprengjum Davíðs drengir reyna að kasta næst. Spurning hvort að þær haldi áfram að springa í andlitið á þeim. Hefur alltaf fundist Sigurður Kári ómerkilegur pappír sem stjórnmálamaður

„Ræddi ekki launamálin“

Ég er búinn að lesa þessa frétt og sé nú ekkert um að Jóhanna hafi lofað einu eða neinu

Andskoti frjálsleg túlkun Moggans á þessu. Ég hefði t.d. alveg eins skilið að þetta benti til viðtal við umsækjanda:

„Þá vil ég nefna það sem mér láðist að geta í samtalinu. Ráðningarferli seðlabankastjóra hefur sem betur fer farið fram fyrir opnum tjöldum. Það hefur hins vegar þær afleiðingar að hinn alþjóðlegi seðlabankaheimur er vel upplýstur um það. Í aðdraganda umsóknar minnar komu ýmsir þeirra að máli við mig og sumir lögðu beinlínis hart að mér að sækja um," segir Már.

Við erum að tala um stöðu seðlabankastjóra sem ráðinn er inn væntanlega af stjórn Seðlabanka. Hann kann að hafa rætt við Jóhönnu en það er ekkert í þessari frétt að hún hafi lofað einu eða neinu heldur er hann að vísa í hugsanlegar lækkanir á launum seðlabankastjóra. Launum sem núverandi ritstjóri Moggans var á. Annað er ekki rætt. Svo má nefna að allir bankarastjórar viðskiptabankana eru með hærri laun en þau sem Már er með. 

Enn þetta virðist vera megin áhyggjuefni Sjálfstæðisflokksins og Moggans í dag. Þó í dag hafi verið upplýst að Guðlaugur Þór hafi fengið 26 milljónir í kosningastyrki. Sem samsvarar þessum umræddu launahækkunum Más í 6 til 7 ár.

Við erum að tala um stöðu Seðlabankastjóra sem ´heldur betur tók við þröngu búi og hefur fengið heldur betur að finna fyrir nöldri, nagi og sleggjudómum allra "fjármálasnillingana" sem nú eru komnir hér fram á sviðið en földu sig sennilega fyrir hrun.

PS fletti upp á www.althingi.is hvað Jóhanna sagði og þetta fann ég:

Þetta sagði Jóhanna á Alþíngi:

Virðulegi forseti. Ég skal svara þessu alveg skýrt. Það hefur engin ákvörðun verið tekin í forsætisráðuneytinu um að seðlabankastjóri yrði ráðinn á sérkjörum. Ákvörðun um hvenær seðlabankastjóri var ráðinn, sem valinn var úr hópi nokkurra sem sóttu um — ég man ekki hvort þeir voru fimm eða sex — var fyrst tekin þegar fyrir lá niðurstaða þriggja manna nefndar sem var sérstaklega til þess kölluð að fara yfir umsóknirnar og gefa forsætisráðuneytinu álit. Þá fyrst var ákveðið hver skyldi hljóta þessa stöðu.

Varðandi ráðningar án auglýsinga eru reglurnar alveg skýrar: Það er heimilt að ráða án auglýsinga í störf sem eiga að standa í tvo mánuði eða skemur. Það er líka heimilt að ráða ef um afleysingar er að ræða, eins og ég nefndi áðan, vegna veikinda, orlofs, barnsburðarleyfis o.s.frv. En eins og ég sagði er verið að fara yfir þessi mál og mun væntanlega skýrast á næstu dögum eða vikum hvaða reglur munu í framtíðinni gilda um þetta.

Og á öðrum stað

Ég veit ekki hvað ég þarf að tala skýrt í þessu máli, virðulegi forseti, til að hv. þingmaður skilji það að ég hef engin loforð gefið í þessu máli. Ég átti engin samtöl við formann bankaráðs í aðdraganda þess að þessi tillaga var lögð fram (Gripið fram í.) og það er alveg öruggt mál að laun seðlabankastjóra geta ekki verið úr takti við aðrar ákvarðanir sem teknar hafa verið af hálfu hins opinbera. (Gripið fram í.) Það er niðurstaðan og mér finnst líklegt af orðum formanns bankaráðsins að dæma að þessi tillaga verði dregin til baka enda er það skynsamlegt (Gripið fram í.) vegna þess að það að hækka launin er úr öllum takti við þá stefnu sem ríkisstjórnin hefur markað í þessu máli.

Hún segir ekkert um að þau hafi ekki verið í sambandi. Og ekkert um að hann hafi ekki kvartað yfir hugsanlegum launa lækkunum. Hún segir að hún hafi ekki lofað neinum sérkjörum. Ef hún hefur gert það hefur ekki verið sýnt fram á það ennþá.

Og smá viðbót enn:

Í samtali við Pressuna nú í kvöld vísaði Jóhanna því algjörlega á bug að hafa komið að ákvörðunum um launamál Seðlabankastjóra.

Ég sagði honum það afdráttarlaust í samtali okkar áður en hann sendi póstinn að það væri ekki í mínum verkahring að koma að launamálum.

Tölvupósturinn hafi síðan borist og afrit send á Ragnhildi Arnljótsdóttur, ráðuneytisstjóra og Láru V. Júlíusdóttur, formanns bankaráðs Seðlabankans.  Jóhanna segir við Pressuna að hún hafi ekki svarað póstinum og ekki haft nein frekari afskipti af málinu.

Þremur dögum síðar, 24. júní, lagði Lára hins vegar fram tillögu til Ragnhildar um starfskjör Más og tveimur dögum síðar var tilkynnt um ráðningu hans sem bankastjóra Seðlabanka Íslands. ( www.pressan.is )

Már og Jóhanna ræddu launin

Þá getur fólk hætt að velta þessu fyrir sér! Samfylkingin er ábyrgur flokkur í Kópavogi!

Samfylkingin leggur meiri áherslu á hagsmuni Kópavogs en deilur um hver eigi að vera bæjarstjóri. Og ráðin er reyndur starfsmaður innan Kópavogs með reynslu af stjórnun og fjármálastjórn. Hvað vill fólk meira? Þetta sýnir stjórnvisku Samfylkingarinnar og hinna flokkana í þessu samstarfi.

 Til hamingju Kópavogsbúar! Tími einræðis er liðinn í Kópavogi.

Nýr bæjarstjóri Kópavogs

Nú eru Sjálfstæðismenn á eftir Samfylkingu eins og rakkar

Það virðist vera sárt fyrir Sjálfstæðismenn að missa völdin í Kópavogi. Nú má lesa á www.pressan.is og á www.eyjan.is  að sjálfstæðismenn eru tilbúnir að bjóða Guðríði Arnardóttur bæjarstjórastólinn ef að Samfylking fer í samstarf við þá. Þessa sömu Guðríðii eru Sjálfstæðismenn búnir að úthrópa allt síðasta kjörtímabil sem óferjandi og óalandi og kallað hinum ýmsu nöfnum. En nú er það allt gleymt.

Halldór Jónsson sem um árabil hefur verið í innsta koppi í Sjálfstæðisflokknum í Kópavogi sendir pressunni bréf og segir:

Í grein í Mogga á kosningadaginn sagði Guðmundur Oddsson, yfirkrati í Kópavogi, að Samfylkingin væri „stolt af Guðríði Arnardóttur og stæði heilshugar að baki henni“. Þegar til stykkisins kemur vill Guðmundur og Samfylkingin ekki styðja oddvita flokksins, Guðríði  Arnardóttur, til að verða bæjarstjóri í Kópavogi í meirihluta með Sjálfstæðisflokknum. Heldur vilja stuðningsmennirnir bræðing fjögurra flokka sem ætlar að auglýsa eftir ópólitískum bæjarstjóra. Hvernig halda menn að krötunum gangi að halda þeirri hjörð saman, þar sem valdir kverúlantar og flokkahlauparar eru áberandi á þessum klofningslistum og grínframboðum?

Og á eyjan.i stendur

Eyjan hefur rætt við trúnaðarmenn Sjálfstæðisflokksins í Kópavogi, sem vilja ekki gefast upp svo auðveldlega og vilja að Ármann Kr. Ólafsson, oddviti þeirra, bjóði Guðríði til samstarfs þannig að Guðríður yrði bæjarstjóri. Það er talið ákveðið tromp, þar sem Guðríður getur ekki orðið bæjarstjóri með öðrum hætti. Hefur hugmyndin verið rædd við Ármann og er hann ekki talinn fráhverfur hugmyndinni. Sjálfstæðismenn í Kópavogi telja skilaboð kosninganna skýr; Sjálfstæðisflokkur og Samfylking séu langstærstu flokkarnir í bænum og eigi því að mynda sterkan meirihluta.

Guðríður segir þó engan úr röðum sjálfstæðismanna hafa boðið slíkt tilboð. Auk þess væri það til lítils, því Samfylkingin ætlaði sér í samstarf á grundvelli málefna og það yrði erfitt með aðkomu fyrri meirihluta. Hún sagðist vera í núverandi viðræðum af heilum hug og ræddi ekki við aðra á meðan.

 

Mynda meirihluta á næstu dögum

Er fólk ekki lagi hér?

 Er að velta fyrir mér hvernig talað er um Guðríði hér á blogginu. Hún er kölluð öllum illum nöfnum af fólki sem þekkir hana ekki neitt.

Sigurður Sjálfstæðismaður segir

Kópavogsbúar vita betur nefið á Guðríði er þekkt í bænum fyrir þann eiginleika að hafa nef sem  geti lengst ótrúlega mikið og ótrúlega oft

Eins talar um að hugmyndum henna og henni sjálfri hafi verið hafnað. Halló flokkurinn missir 3% fylgi en sjálfstæðisflokkurinn hans um 14%

Einhver ómerkilegur Sjálfstæðismaður úr Hafnafirði (Halldór) segir:

Heldur frekjubreddan Guðríður Arnardóttir að fólk sjái ekki í gegnum þennan vef? 

Þeir sem meta vinnu Guðríðar ættu að sjá að hún hefur ólíkt öðrum tekist að standa í hárinu á mönnum eins og Gunnari Birgissyni sem nærri óáreittur hafði fengið að leika sér með Kópavog eins og hann vildi.

Svona til hafa þetta á hreinu:

• Listi Kópavogsbúa rauk af stað í miðjum samningaviðræðum í gær í alla fjölmiðla og úttalaði sig um að það vildi EKKI Guðríði í bæjarstjórastól. Hverskonar samningaviðræður eru það að stilla Samfylkingunni upp við vegg þannig að hún í raun getur ekki gefið þetta mál eftir því þá væri túlkað að Y listinn hefði svínbeygt Samfylkingu.
• 3 af 4 flokkum vilja að bæjarstjóri sé einn af kjörnum fulltrúum.
• Venjulega eru svona mál kláruð áður en fólk ríkur með þetta í fjölmiðla. Þá eru slit á samningaviðræðum útskýrð.
• Listi Kópavogsbúa hefur lýst ánægju með málefnasamninginn.
• Hvað er faglegur Bæjarstjóri?  Er hann ekki til þess að framfylgja stefnu flokkana og verður því Pólitískur í raun þó hann væri ekki flokksbundinn?
• Maður sér fyrir sér að flokkarnir hefðu t.d. getað ákveðið að Guðríður hefði tekið við Bæjarstjórastólnum í 2 ára og eftir þann tíma væri staðan endurskoðuð.
• Sé ekki alveg hvað "faglegur bæjarstjóri" á að geta gert umfram kjörinn fulltrúa. Bendi á að allar ákvarðanir verða teknar af bæjarstjórn.  Og sem kjörinn bæjarfulltrúi og sem oddviti helmings fulltrúa í meirihluta sem og ein af 4 sem skrifa undir málefnasamninginn hlýtur kjörinn bæjarfulltrúi að vera góður kostur til að sjá til þess að ákvörðunum sé fylgt eftir.

Ef að Samfylking á að slá bara af sínum kröfum endalaust er þessu sjálfhætt.

 

Ekki gert kröfu um neitt

Listi Kópavogbúa ekki alveg raunveruleikatengdur!

Gæti verið að Y listinn stefni að því ljóst og leynt að slíta þessum viðræðum til að halda Sjálfstæðisflokknum og framsókn við völd áfram.

Ummæli og upphlaup þeirra í fjölmiðlum í kvöld benda til þess

Mér hefur verið bent á að 2 maður á lista Y- lista Guðmundur Freyr hafi gengið úr Framsókn fyrir nokkru og nú má lesa alveg óttalegt bull eftir Ásdísi Ólafsdóttur sem sagði sig úr Sjálfstæðisflokknum fyrir nokkrum árum vegna andstöðu við Gunnar Birgisson:

Hún lætur hafa eftir sér svona bull nú í kvöld á www.visir.is

Hún segir að kjósendur bæjarins hafi gefið ákveðin skilaboð í kosningunum. „Þau töpuðu meira fylgi en Sjálfstæðisflokkurinn og Framsókn til samans. Þannig það eru bara skilaboð frá kjósendum að þeir vilja þá ekki heldur."

Blessuð konan kann auðsjáanlega ekki að reikna því að Samfylkingin tapaði ekki nema innan við 3%. Og alltaf í kosningabaráttunni var Guðríður Arnardóttir kynnt sem bæjarstjóraefni.´

2002 fékk Samfylkingin 27,73%       Sjálfstæðisflokkurinn um 37%

2006 fékk Samfylkingin  31,13%     Sjálfstæðisflokkurinn um 44%

2010 fékk Samfylkingin 28%           Sjálfstæðisflokkurinn 30%

Svo ég held að ef fólk veit ekki hvað það er að tala um, þá eigi það að þegja. Það fer þeim best.

Skil ekki þennan leik þeirra í Y listanum nema að þau séu að vinna að því að koma Framsókn og Sjálfstæðismönnum að áfram í Kópavogi. Og þar með yrði hér bæjarstjórn sem væri með 50% atkvæða bæjarbúa að baki sér.

Miðað við að í þessu Lista Kópavogs eru fólk sem vill láta taka sig alvarlega þá eru þau búinn í kvöld að koma sér í þá stöðu að þau þurfa að sanna að þau séu stjórntæk.

Síðan væri gaman að vita hvernig bæjarstóri sem er ráðinn til að framfylgja stefnu flokka getur verið ópólitískur.

Listi Kópavogsbúa verður að meta það hvort að hann vill sömu stórn áfram í Kópavog eða breyta hér um. Hvort að þau geti fengið önnur markmið sín í gegn fyrir þetta með bæjarstjóran. Eða hvort þau vilji verða hækja framsóknar og Sjálfstæðisflokks.

Og umfram allt að vera ekki svona óð í að komast í fjölmiðla að þau klúðri öllu! Nú eru þau búin að koma málum þannig fyrir að það verður illmöglegt fyrir aðra semja við þau. Þau eru búin að lýsa andstöðu við Guðríði oddvita Samfylkingar og held að þau þurfi að halda krísu fund. Síðan annan þar sem þau skýra fyrir fólki hvar sé hægt að finna "Faglegan bæjarstóra" hvaða menntun er það t.d. Og á kannski að ráða einhvern aflóga Sjálfstæðis bæjarstjóra sem sagt hefur verið upp störfum nú eftir kosningar?

Samrýmist ekki stefnu listans

Ekki klókur samningamaður þetta!

Sé ekki að þetta sé klókt hjá Guðmundi Frey Sveinssyni frá  Lista Kópavogsbúa að láta hafa eftir sér:

Guðmundur Freyr segir sitt fólk ekki tilbúið til að svíkja það kosningaloforð, frekar gangi þau úr meirihlutaviðræðum. Það sé hinsvegar synd þar sem málefnasamningur flokkanna sé nánast tilbúinn. Y-listinn hafi gengið út frá því að gera siðbót í stjórnsýslunni og það að ráða ópólitískan bæjarstjóra sé hluti af því.(www.ruv.is )

Sér í lagi þegar haft er eftir Hjálmari Hjálmarssyni í sömu frétt:

Hjálmar Hjálmarsson, oddviti Næst besta flokksins segir að hlé sé á viðræðum en að flokkurinn styðji ekki að ráðinn verði ópólitískur bæjarstjóri (www.ruv.is )

Kannski eðlilegra að svar eins og Ólafur Þór hjá Vg

Ólafur Þór Gunnarsson, oddviti Vinstri grænna í Kópavogi segir að oddvitar flokkanna hafi hist í dag til að ræða um niðurröðun í nefndir og embætti. Þar hafi engar ófrávíkjanlegar kröfur verið settar fram. Hann vildi ekki gefa upp hvort Vinstri græn teldu fýsilegt að ráða ópólitískan bæjarstjóra.  (www.ruv.is )

Nú er Listi Kópavogs búinn að auglýsa ágreining um að þau séu ekki tilbúnir að slá af kröfum sínum, um leið og að aðrir flokkar hafi aðra skoðun. Um leið eru þau búin að setja aðra flokka í þá stöðu að þeir geta illa orðið við þessu án þess að sýnast hafa beygt sig fyrir vilja Lista Kópavogbúa. Svona atriði á ekki að láta upp fyrr en við slit viðræðna. Þetta þekkja allir sem hafa fylgst með kjarasamningum og í raun öllum samningaviðræðum. Þessi atriði eru ekki látin leka út fyrr en að viðræðum er formlega slitið.  Og miðað við að honum finnst önnur vinna hafa gengið vel þá áttu þau að láta á þetta reyna næstu daga. Eða finna einhverja málamiðlun. En ekki að hlaupa með þetta í fjölmiðla. Því nú verða allar lausnir túlkaðar sem að þessi eða hinn hafi orðið að gefa sig.

Viðræður í uppnámi