Dálítið til í því sem Mörður segir!

Held að enginn Íslendingur sé svo vitlaus að halda að ef gengistrygging verði bara afnumin og fólk borgi 2 til 3% vexti af þessum peningum þá sé það bara gróði!

• Enginn banki eða fjármögnunarfyrirtæki mega við því að tapa svona upphæðum árlega. Þ.e. að höfuðstóll lánsins sé ekki einu sinni verðtryggður.
• Og hvað gera þau þá? Nú ný lán og önnur lán verða dýrari. Það verða nýttir allir þeir möguleikar með eldri verðtryggð lán til að endurskoða og hækka vexti sem og að ný lán verða dýrari.
• Þjónustugjöld og önnur þau gjöld sem þau geta hugsanlega innheimt verða hækkuð eins og hægt er.
• Einhver fyrirtæki fara á hausinn og braskarar kaupa kröfur út úr þrotabúum og gera skuldurum lífið leitt.
• Það er ljóst að einhverjir bankar sem eru með stóran hluta útlána sinna gengistryggingu verða að nota aðra lánastarfsemi sína til að vega upp tapið á eignasafni sínu.
• Ríkið gæti tapað við gjaldþrot tugum eða hundruðum milljörðum sem þeir lögðu í Nýju bankana.

Finnst greinarmunur á þeim sem voru hvattir af bönkum til að taka gengistryggð lán og svo þeim sem sóttu það stýft að breyta verðtryggðum lánum sínum í gengistryggð. Fólk sem tók hærri lán en það hafði áður bara til að nota í neyslu.

En að lokum er ljóst að á endanum verður það almenningur sem ber kostnaðinn af því ef að kjör gengistryggðara lána verða slík að fólk er aðeins að borga brot af því sem það fékk lánað.

• Verri kjör hjá bönkum á öllum lánum næstu árin
• Hærri skattar ef að ríkið tapar á þessu milljörðum
• Hærri þjónustugjöld hjá ríkinu
• Meiri niðurskurður
• Hærri þjonusutugjöld banka

Það er nefnilega þannig að bankarnir eiga fjármögnunarfyrirtækin. Ef þau fara á hliðina þá tapa bankarnir. Tekjur bankana koma frá almenningi, annað hvort í gegnum fyrirtæki sem þau versla við eða beint í formi bankaviðskipta. Eða sem framlag af ríkinu til nýju bankana. Og nú er ekki lengur hægt að láta þetta bara falla á erlenda kröfuhafa.

Það hlýtur að vera hægt að finna einhverja lausn sem tryggir meira jafnvægi.

Smá viðbót ef að fólk trúir mér ekki:

Í viðtali við Bloomberg fréttaveituna segir Guðmundur Björnsson, framkvæmdastjóri GAM Management hf, að markaðsaðilar virðist vera farnir að gera ráð fyrir óbreyttum vöxtum en Seðlabankinn mun á morgun gera grein fyrir vaxtaákvörðun sinni.

Guðmundur segir við Bloomberg að óbreyttir vextir sýni hversu mikill skjálfti hafi hlaupið í íslenskt fjármálalíf við dómsniðurstöðuna. Vaxtaákvörðun Seðlabankans verður kynnt klukkan 9 í fyrramálið.

Bloomberg veltir einnig upp þeirri spurningu um hvaða áhrif dómsniðurstaðan kunni að hafa á endurskoðun efnahagsáætlunar Alþjóðagjaldeyrissjóðsins og vitnar í Lúðvík Elíasson, hagfræðing hjá MP banka. Lúiðvík segir dóminn þýða að verulegur kostnaður muni falla á fjármálafyrirtækin og skattgreiðendur, óhjákvæmilega þýði dómurinn tilfærslu skulda milli þeirra sem tóku áhættusöm lán til skattgreiðenda. (www.pressan.is )

Vill verðtryggingu á lánin

Þetta sýnir nú að íhaldsflokkar allra landa eru herteknir af ruglukollum!

Þvílík mannvitsbrekka sem þessi Cameron  er eða hitt þó heldur. Á maður að trúa því að enginn hafi upplýst hann um að aðildarviðræður við ESB eru ferli sem tekur 2 ár í það minnsta. Og eins að ESB aðildarviðræður njóta í augnablikinu ekki mikils fylgis á Íslandi. Og ef hann ætlar að nota Icesave samninga sem svipu hjá okkur hefur svipan skyndilega slitnað og virkar ekki.

Flestir Íslendingar vita að við þurfum að ganga frá Icesave! En Cameron ætti að vita að það hefur ekki virkað vel á Íslendingar að beita svona hótunum. 

Þetta ásamt því að fylgjast með ferli Sjálfstæðiflokksins síðustu ár og áratug styrkir mig í þeirri trú að þar ráði ríkjum eintómir asnar.

Við munum nú eftir "við ætlum ekki að borga skuldir óreiðumanna" og fleiru gáfulegu eins og að Íslands ætti að verða fjármálamðstöð og svo framvegis, og svo framvegis og svo framvegis og svo framvegis.

Beiti ESB í Icesave-deilunni

Hvernig verður þetta í framkvæmd?

Hvernig koma þessi lán út ef þau verða endurreiknuð til baka miðað við Íslenska lánavexti óverðtryggða. Voru þeir ekki allt að 15% þegar verst var eða hærri  og mjög háir jafnvel fyrir hrun. Er líklegt að þau verði þá endurriknuð frá tökudegi með þeim vöxtum? Það gæti verið að það kæmi illa við suma.

Hefur áhrif á almenn viðskipti

Þetta er nú furðufrétt! Hluti af áróðri

Held að fólk verði nú að setja á sig afruglunargleraugu þegar þeir lesa þessa frétt og fleiri á þessum miðli.(www.mbl.is )

Þarna er verið að gefa í skin að Hollendingar og Bretar haldi að það hafi einhver áhrif á samningaviðræur okkar um aðild að ESB að hóta því að bregða fæti fyrir aðild okkar nema að frágengnu Icesave. Nú er þessar þjóðir sæmilega nettengda og með sendiráð á Íslandi. Halda menn virkilega að þeir viti ekki um núverandi hug þjóðarinnar gagnvart ESB aðild. Sorry er ekki að kaupa þetta. 

Það er öllu hugsandi fólki ljóst að við þurfum að greiða það sem á vantar varðandi innistæðutryggingarnar. Ef ekki með því að semja um það þá verðum við dæmd til þess og þá er hættan á því að þetta verði okkur enn þyngra. Nú erum við á 2 mánaða fresti til að skýra málstað okkar fyrir ESA og síðan fer málið væntanlega fyrir EFTA dómsstólin. Og þar tapast þetta mál.

Málið er að nú er unnið að því hörðum höndum af Mogganum, Heimsýn, bændasamtökum, LÍÚ og fleirum að fá það fram að hætt verði við umsóknina. Af hverju skildi það vera?

Kannski af því að þeir óttast að almenningálitið snúist þegar almenningur fær loks eftir kannski 2 ár að sjá niðurstöður samninga um aðild. Það getur ekki annað verið. Nema að þessir flokkar og hagsmunasamtök séu á móti því að þjóðin fái að sjá tilbúinn samning og greiða atkvæði um hann. Það gæti skaðað hagmuni þeirra. Eitthvað hlýtur það að vera að þessir aðlar vilja ekki að athgað verði hvað kemur út úr samningaviðræðunum. Og enginn hugsar lengur um hag neytenda. Nú eiga þeir bara að halda áfram að greiða hærra matvælaverð fyrir vöru sem er styrkt af skattgreiðendum til að halda uppi um 4000 bóndabýlum. Og verja kvótaeign kvótakongana.

Utanríkisráðherrarnir 27 lögðu á fundi sínum í gær áherslu á að Ísland stæði við skuldbindingar sínar, eins og það var orðað, hvað varðar Icesave reikninga Landsbankans. Breska ríkisstjórnin og sú hollenska höfðu áður krafist þess að aðildarviðræður við Íslendinga hæfust ekki fyrr en samið hefði verið um Icesave. Nú segja bæði breska stjórnin og sú hollenska að þær ætli ekki að standa í vegi fyrir því að viðræður hefjist við Ísland þar eð tryggt sé að Íslendingar ætli sér að standa við skuldbindingar sínar. (svona er sagt frá þessu á www.ruv.is )

Bendi á flotta grein Friðriks Jónssonar um þetta sama mál

Vinna á bak við tjöldin

Jæja gott fólk þá viti þið hverjum er ekki að treysta!

Gunnar Bragi er þingflokksformaður Framsóknar. Hann væntanlega fylgir samþykktum flokksins sem sagði 2009:

Að Ísland hefji aðildarviðræður við Evrópusambandið á grundvelli samningsumboðs frá Alþingi sem tryggi hagsmuni almennings og atvinnulífs og þá sérstaklega sjávarútvegs og landbúnaðar.

Þá er fullveldi og óskorað forræði Íslendinga yfir auðlindum þjóðarinnar grundvallarkrafa í þeim viðræðum. Viðræðuferlið á að vera opið og lýðræðislegt og leiði viðræðurnar til samnings skal íslenska þjóðin taka afstöðu til aðildarsamnings í þjóðaratkvæðagreiðslu í kjölfar upplýstrar umræðu

Og þetta sagði fólkið sem komst á þing í gegnum Borgarahreyfinguna. En nú er Birgitta ein af flutningsmönnum þessarar tillögu. Hvað er að marka svona fólk. Þau klárlega setja það ekkert fyrir sig að lofa því að þjóðin fái ekki  að tjá sig. Þannig að gagnrýni þeirra á t.d. ríkisstjórn núna er bara píp þau myndu haga sér nákvæmlega eins ef þau væru við völd. Það er svo auðvelt að vera ábyrgðarlaus í stjórnar andsstöðu og ljúga kjósendur fulla. 

ESB-umsóknin verði dregin til baka

Umhugsunarvert dæmi.

 

Í dag birtist á Pressunni bréf sem suðurnesjabúi sendir Jóhönnu Sigurðardóttur þar sem bréfritari segir m.a.

Í dag neyddist ég með mikilli vanlíðan og ömurleika að taka þá ákvörðun að hætta að borga af húsnæðisláninu mínu. Ég hef ávallt staðið í skilum með mínar skuldbindingar og verið stoltur af, en núna er staðan þannig að valið er milli fjölskyldu eða banka,  og eins og venjulegum Íslendingi sæmir hefur fjölskyldan vinninginn.

Og síðar segir hann

Ég er ekki með erlent lán líkt og allt virðist snúast um, ég er ekki með nein risalán sem ég réð ekki við ! En SAMT þarf ég að kveljast og láta fjölskylduna þjást vegna peningaleysis.

Fyrri í vikunni hafði Pressan fjallað um hans mál þar sem m.a. kom fram

Greiðsluþjónusta      152.000 kr.
Daggæsla                   86.000 kr.
Ökutæki                     50.000 kr.
Sími                            15.000 kr.
Samtals:                     303.000 kr.
Laun                         397.000 kr.
Umönnunargreiðslur 25.000 kr. til tveggja ára aldurs
Samtals eftirstöðvar eftir greiðslu reikninga: 119.000 kr

Það sem mér finnst vanta í svona frásögn er:

• Hafa þau reynt að nýta einhver úrræði bankana eins og greiðslujöfnun
• Af hverju eru ekki tekið með í þessu dæmi
  • o Barnabætur sem væntnlega eru 3 til 400 þúsund að teknu tilliti til tekna
  • o Vaxtabætur sem væntanlega eru einnig 3 til 400 þúsund að teknu tilliti til tekna
• Síðan veltir maður fyrir sér símakosnaði. Nú er ég með með frekar stóra internet tengingu, far og heimasíma. Og er að borga um 7 þúsund fyrir allt klabbið. Haf þau skoðað það.
• Hvað er innifalið í liðnum Ökutæki. Eru þetta einn eða 2 eða fleiri bílar?

Finnst eins og fólk hafi eitthvað misskilið „Skjaldborgina" Held að enginn hafi getað reiknað með að allt yrði eins og það var 2007. Og margir hafa nú komist af með mun minna en 119 þúsund eftir að hafa borgað af íbúðinni, dagvistun, ökutækjum og síma. Minni á að margir eru á lágmarkslaunum sem eru rétt við 200 þúsund og þurfa kannski að borga um 100 þúsund í leigu.

Fólk getur ekki reiknað með að ríkisstjórnin bara reddi öllu þannig að allt verði eins og var. Ríkð er rekið með halla og getur þetta ekki með nokkru móti.

(á www.ruv.is stendur "Svo virðist sem meirihluti þeirra sem eru í fjárhagskröggum hafi ekki nýtt sér úrræði bankanna. ")

30-40% heimila þurfa aðstoð

Svona bara vangaveltur um fullyrðingu!

Finnst þetta nú full í mikið lagt. Um áramótin 2007 hafði vanskilum fækkað mjög mikð árin á undan sen samt voru

Sem hlutfall af heildarfjölda hafði körlum á vanskilaskrá um síðustu áramót fækkað um sextán prósent frá 2003. Alls voru 15.782 einstaklingar, karlar og konur, á vanskilaskrá um síðustu áramót. ( úr frétt á www.visir.is ) 2008

Þarna er verið að tala um að 2007 hafi tæplega 16 þúsund manns verið á vanskilaskrá. Og hafði þó fækkað frá árunum á undan. Enda þarna mesta velmegun Íslandssögunar. En samt voru á vanskilaskrá aðeins 7 þusund færri en núna. Og hafði eins og áður segir fækkað frá fyrri árum.

Eins er þetta held ég með nauðungarsölur.

Að tala um að það sé hægt að segja að þetta séu 22 þúsund fjölskyldur finnst mér líka full í mikið lagt. Ef horft er til þess að talað er um að 11 þúsund börn tilheyri þessum einstaklingum þá erum við að tala um að helmingur þessara fjölskyldna eigi engin börn. Því verður að fara varlega í að álykta svona. Væri nú ágætt að skoða þessar tölur betur áður en fólk ályktar svona. Menn geta verið með kaupmála, skuldir vegna persónulegra ábyrgða vegna fyrirtækja sinna og annað. Og verið með aðskilin fjárhag og fleira og fleira.


Staðan er alvarleg vissulega en svona fréttir hjálpa engum.

Um 22 þúsund á vanskilaskrá

Þetta er furðulegt þing!

Nú í aðdraganda Sveitarstjórnarkosninga og eftir þær hafa menn kallað eftir stjórnlagaþingi. Og sagt að það þé nauðsynlegt til að koma á trausti aftur í þjóðfélaginu og skapa sátt. En viti menn nú talar hver þingmaður í kapp við annan um að það liggi ekkert á að koma þessu í gang. Nei, nei nú á bara að gefa sér tíma og hugsa. Ég spyr hafa þessir aðilar ekkert hugsað neitt í vetur. Það vissu allir af þessum málum og þetta var í máefnasamningi meirihlutans. En nei nú segja sjálfstæðismenn:

Engin ástæða er til að fjalla um mál af þessum toga á síðustu dögum þingsins þegar fyrir liggur að meginverkefni Alþingis þessa dagana er að koma heimilum og fyrirtækjum til bjargar. Það er skoðun 1. minni hluta að ýta eigi öllum öðrum málum til hliðar og einhenda sér í það að koma með lausnir fyrir heimilin og fyrirtækin í þessu landi."

 

Minni hluti Sjálfstæðismanna í allsherjarnefnd leggur til að kosin verði 9 manna nefnd fyrir lok yfirstandandi löggjafaþings og litað verði eftir ráðgjöf frá mönnum utan þings, án þess að Alþingi afsali sér valdi til að breyta stjórnarskránni.

Þegar nefndin hafi skilað tillögum sínum til Alþingi verði þær teknar til meðferðar á afmörkuðu tímabili þannig að ekkert annað mál verði á meðan tekið til umræðu en breytingar á stjórnarskrá. Með því þurfi þingið sjálft og allir þingmenn að móta sér skoðun á tillögum nefndarinnar.

Og Þráinn vill að menn leggist yfir þetta vel og vandlega og séu ekki að flýta sér.

Og líka vilja þeir að það sé Alþingi sem ákveði hverju á að breyta í Stjórnaskrá:

 

Sjálfstæðismenn í allsherjarnefnd telja að Alþingi eigi að setja stjórnarskrána á dagskrá með skýrum hætti og í þeirri vinnu komi fram afstaða alþingismanna til þeirra breytinga sem gera þurfi á stjórnarskrá.  Fjöldamörgum spurningum sé ósvarað í því frumvarpi sem ríkisstjórnin hafi lagt fram og „óhjákvæmilegt að komast að þeirri niðurstöðu að málið sé sett fram í miklu óðagoti og taugaveiklun." (www.mbl.is )

En var það ekki einmitt það sem allir hafa viljað sleppa við að Alþingi sé að koma að stjórnarskrábreytingum eða gerð nýrrar stjórnarskrár. En það gæti þýtt að inni stjórnarskrá kæmu ákvæði um eign á auðlindum og það mega vinir sjálfstæðismanna ekki sjá.

„Kostar okkur ekkert að doka við og hugsa"

Fyrir þá sem trúa ekki að aðförin að Jóhönnu sé skipulögð lesið þetta

Málið er lagt upp svona

• Siguður Kári og Bjarni Ármannson og sér í lagi sá fyrrnefndi heldur þessu máli gangandi á þingi.
• Davíð Oddson skrifar leiðar í dag til að hnykkja á þessu:
  Davíð Oddsson: Í öllum öðrum ríkjum hefði Jóhanna Sigurðardóttir sagt af sér
• Nú er Hannes Hólmsteinn kominn í málið líka
  Jóhönnu ber að víkja:

Þetta sýnir og sannar að þetta upphlaup er skipulagt á sellufundi í Sjálfstæðisflokk. Gamla hirðin hans Davíðs er að stefna á yfirráð hér aftur.

Þetta upphlaup er ekki tilviljun heldur skipulagt og ekki búið enn.

Spyr um sannleiksskyldu ráðherra

Samfylking meirihluta stjórnum í 3 stærstu bæjarfélögum landsins.

Nú hefur Samfylkingin kjörið tækifæri á að snúa vörn í sókn. Það er um að gera að sýna nú hvað í flokknum bý í:

• Reykjavík 117 þúsund íbúar
• Kópavogur 31 þúsund íbúar
• Hafnafjörður 26 þúsund íbúar.

Þetta er um 55% allrar þjóðarinnar.

Nú er það þessa fólks að vinna vel næstu 4 árin og sýna árangur. Og það er náttúrulega að skapa bæ sem býr vel að fólkinu í bænum. Félagsleg gildi, jöfnuður og öryggisnet fyrir þá sem minna mega sín.

Lúðvík áfram bæjarstjóri