Ekki er þetta Viðskiptablaðinu til framdráttar

´Svona vinna menn með fjölmiðla. Ekki til framdráttar hægri fjölmiðli eins og Viðskiptablaðið er að vera að mylja undir Sigmund Davíð með því að sverta Jóhönnu með einhverri tilbúinni sögu.

„Jóhanna Sigurðardóttir fyrrverandi forsætisráðherra pantaði alls engan nýjan ráðherrabíl til reynslu við lok kjörtímabilsins, hvorki Benz bifreið né aðra bílategund og Sigmundur Davíð Gunnlaugsson hefur ekki heldur með neinum hætti komið að bílamálum né vali á bílum sem ráðuneytin leggja ráðherrum til vegna starfa þeirra og í opinberum erindisgjörðum þeirra."

Ráðuneytið pantaði ekki nýjan bíl

Athugasemdir

[Jóhann Kristinsson, 20.6.2013 kl. 13:42]

Hefur þú aldrei notað þetta sorprit Viðskiptablaðið sem áreiðanlegar heimildir í þínum skrifum undanfarið Magnús minn?

Kveðja frá Houston.

[Magnús Helgi Björgvinsson, 20.6.2013 kl. 14:56]

Mjög sjaldan nema að það hafi verið staðfest á fleiri stöðum. Annars var ég í raun að tala um að blaðamenn geta ekki vísvitandi notað fjölmiðla til að dreifa vitleysu og fá fólk til að trúa því. Ekki svona eins og þetta hljómaði að Jóhanna hafi verið að eyða um 11 milljónum í bíl sem Sigmundur svo ákvað að skila. Hvorugt þeirra hefur held ég nokkuð með svona bíla að gera. En auðvita hef ég vitnað í fréttir og greinarskrif hjá Viðskiptablaðinu sérstaklega þegar að þetta hægri blað skrifar eitthvað sem studdi mínar skoðanir.  Enda er ég ekki fjölmiðill. Ég er bara aumur bloggari með skoðanir í minnihluta sem vill samt tjá þær þannig að hér sé ekki kór af fólki sem gleypir allt upp vitleysu hvort upp úr öðru og lítur á það sem algildan sannleik.  Til þess er ég að blogga. Á meðan sleppur fjölskyldan við að ég sé oft á dag að halda ræður um alla vitleysunna sem er í gangi. Það eru þið sem lesið bloggið sem þurfið að sætta ykkur við að sé skrifi nú eða bara sleppa því að lesa það sem ég skrifa.

[Jóhann Kristinsson, 20.6.2013 kl. 15:48]

Magnús ég hef mikla ánægju af því að lesa bloggið þitt en oftast er ég ekki sammála þér en það kemur samt fyrir einstakasinnum. Ég hef gaman að að sletta mínum skoðunum á málunum í athugasemdir og vona að ég hafi ekki móðgað þig mjög oft.

En ef menn hefðu nennt að skoða þetta í Mogganum að þá var ekkert verið að fegra Sigmund og ófegra Jóhönnu, en þetta ætti að gefa þér smá innsýn hvernig Sorpblaðið sem kallar sig Viðskiptablaðið fer með heimildir og þess vegna ónothæfar í almennri umræðu.

Góðar stundir.

Kveðja frá Houston.