Andskotans ASNAR eru Íslendingar.

Fólk trúið Sigmundi Davíð manni sem blaðrar gjörsamlega ábyrgðarlaust um hluti eins og um árið að nú væri kjörið tækifæri fyrir Ísland að fella niður skuldir með því að kaupa skuldir af óreiðumönnum á 3% og fella þær svo niður. Manni sem skrapp til Noregs og kom til baka með loforð um þúsund milljarðalán sem engin kannast svo við.

Mann sem sagði að Bretar og Hollendingar myndu aldrei fari í hart við okkur því það væri ekki þeirra hagur. Og svo allir aðrir vitleysingar í NEI liðinu. Og hvað gerist svo daginn eftir:

Danny Alexander, aðstoðarfjármálaráðherra Bretlands, kveðst vera vonsvikinn yfir því að Íslendingar hafi hafnað Icesave samkomulaginu. Hann sagði  að málið fari fyrir alþjóðlegan dómstóla, að sögn BBC.

Alexander kom fram í þætti Andrew Marr og sagði að niðurstaða þjóðaratkvæðagreiðslunnar hafi „augljóslega valdið vonbrigðum... Við reyndum að komast að samkomulagi.

Það er skylda okkar að ná þessum peningum til baka og við munum halda því áfram þar til það tekst.... Við sem land erum í erfiðri fjárhagslegri stöðu og þessir peningar kæmu sér vel,“ sagði Alexander.

Jan Kees de Jager, fjármálaráðherra Hollands, er einnig vonsvikinn vegna niðurstöðu þjóðaratkvæðagreiðslunnar, að sögn ABC nyheter. Hann segir að tími samninga sé að baki. Íslandi beri skylda til að borga peningana til baka. Nú sé það dómstóla að ákveða hvernig það verði gert.

Það var ekki eins og fólk væri ekki varað við að trúa fagurgala manna sem enga reynslu haf að svona málum. EN nei fólk kaus að trúa þeim og Evu Joly sem er sérfræðingur í fjármálasviikum.

Svo verði ykkur að góðu

Vonsvikinn vegna Icesave

Fólkið í landinu fær það sem það á skilið!

Bara að benda fólki á að eina sem það hefur grætt á því að fella Icesave er að nú fer þetta í dómssmál og verður að flækjast fyrir okkur næstu árin.

Það sem að hafna Icesave gerði ekki:

• Icesave er ekki horfið
• Miklar líkur á að við þurfum að boga þetta samt sem áður
• Ríkisstjórnin fer ekki frá
• Mjög líkleg vandamál með lán frá Norðulöndum þar sem að Þing þeirra þjóða skilyrtu lán okkar við lausn Icesave þannig að þau lán sem við höfum þegar fengið og áttum eftir að fá eru nú í óvissu
• Spurning hvort að AGS telji að við höfum brotið samstarfssamningi við þá og hvað það þýðir
• Eins hef ég velt því fyrir mér hvort að þetta þýði ekki að eignir Landsbankans verði fastar þar til að úr Icesave hefur veirð leyst því að þar sem Trygginarsjóður fær væntanlega ekki aðgang að þeim peningum sem þar eru fyrr en úr þessari deilu hefur verið leyst. Og við erum að halda því fram að við eigum ekki að borga.

Svo verði ykkur að góðu. Ég er langt frá því að vera sáttur.

Treystu ekki fólkinu í landinu

Fólk skal ekki halda að þessi niðurstaða hafi ekki áhrif hér og víðar

Af www.eyjan.is

Fréttaskýring: Steingrímur J. Sigfússon fjármálaráðherra hefur boðað til blaðamannafundar klukkan 11 í fyrramálið. Þar verða kynnt viðbrögð ríkisstjórnarinnar við niðurstöðu þjóðaratkvæðagreiðslunnar.

Þar verður tilkynnt í fyrsta lagi að ríkisstjórnin sé ekki á förum, hver sem niðurstaðan verður – þetta hafi ekki verið kosningar um líf hennar enda hafi Icesave-samkomulagið verið gert í samvinnu stjórnar og stjórnarandstöðu.

Í öðru lagi eru í stjórnarráðinu til reiðu fréttatilkynningar um tvenns konar viðbrögð.

Ef niðurstaðan verður já, fara sendifulltrúar ríkisins mjög fljótlega á fund erlendra fjármálastofnana og ræða skuldafjárútboð ríkissjóðs vegna nauðsynlegrar endurfjármögnunar. Það verður ekki stórt í sniðum, en nóg til þess að fá vísbendingar um lánakjör sem Íslendingum bjóðast við nýjar aðstæður.

Ef niðurstaðan verður nei, verður Bretum og Hollendingum tilkynnt að á Íslandi sé ekki lengur við neinn að semja og fyrstu skrefin verða stigin til undirbúnings dómsmáls. Eitt þeirra fyrstu verður að svara bréf frá eftirlitsstofnun EFTA (ESA) þess efnis að íslenska ríkið hafi gerst brotlegt við tilskipun um innistæðutryggingar og ákvæði EES-samningsins um bann við mismunum á grundvelli þjóðernis.

Ennfremur verða hafnar viðræður við Norðurlandaþjóðirnar, AGS og aðra þá sem lánað hafa Íslandi fé á sérstökum kjörum með því skilyrði að samið yrði um Icesave-málið, í óvissri von um að samstarfið haldist þrátt fyrir skýra skilmála í lánasamningum.

Pólitíska hliðin innanlands

Eins og Eyjan hefur greint frá hafa bæði Ögmundur Jónasson og Jón Bjarnason lýst því í samtölum við stuðningsmenn sína að þeir ætluðu að greiða atkvæði gegn Icesave í dag, þótt þeir hefðu greitt atkvæði með samningnum á alþingi um miðjan febrúar.

Jón hefur ekki tjáð sig um málið, en Ögmundur hefur skrifað tvo pistla á vef sinn á síðasta sólarhring til að bregðast við þessum fréttum og harkalegum viðbrögðum í hans garð innan eigin flokks. Í hvorugum pistlinum ber hann fréttina til baka og áreiðanlegar heimildir Eyjunnar herma að það hafi hann ekki gert með skýrum hætti við flokksforystuna heldur.

Þar er litið svo á að tveir ráðherrar hafi fallið fyrir borð í þessu máli og þótt í öðrum vestrænum lýðræðisríkjum þýddi það sjálfkrafa fall ríkisstjórnar með svo nauman meiri hluta, „þá erum við kannski ekki alveg eðlilegt lýðræðisríki þessar vikurnar,“ eins og áhrifamaður í stjórnarliðinu orðaði það við Eyjuna.

Engum dylst þó að þessi afstaða Ögmundar og Jóns hefur alvarlegar afleiðingar fyrir stjórnarsamstarfið og að það verður ekki óbreytt miklu lengur.

Vinstri grænir hafa boðað til þingflokksfundar klukkan eitt á morgun og þar má búast við að hvassir vindar blási – eins og stundum áður.

 

Veldur miklum vonbrigðum

Ef að niðurstaða kosninga verður NEI þá geri ég ráð fyrir að hann tilkynni eftirfarandi:

Að hann ætli að leggja það til á Alþingi að Sigmundi Davíð verði falið af Alþingi að sjá um Icesave hagmuni okkar. Í því felist eftirfarandi:

• Sigmundur sjái til þess að öll dómsmál okkar vegna Icesave vinnist
• Sigmundi verði falið að tryggja að þjóðinn þurfi ekki að borga neitt fyrir Icesave
• Sigmundi verði falið að tryggja að allar lánalínu okkar haldist opnar
• Sigmundi verð falið að tryggja að synjun Icesave valdi ekki hér falli á hagvexti
• Sigmundi verði falið að tryggja að hingað komi fjármagn á betri kjörum en nú eru.
• Sigmundi verði falið að sjá til þess að samskipti Íslands og umheimsins verði með eðlilegu móti vegna Neitunar Icesave

Hann getur fengð Þór Saari og Vigdísi Hauksdóttur og svo getur Reimar Pétursson séð um að flytja málið fyrir okkar hönd gegn því að hann tryggji að við þurfum ekki að borga meira en við hefðum skv. Icesave 3

Steingrímur boðar til fundar

Sko það er hægt að finna skynsemi í framsókn.

Þetta eru þó góðar fréttir í dag. Vona að ég eigi eftir að heyra þær fleiri þegar líður á daginn.

Tillaga um að aðildarviðræðum við Evrópusambandið verði hætt nú þegar var felld naumlega á flokksþingi

Felldu tillögu um að hætta aðildarviðræðum

Aðeins um helmingur fundarmanna greiddu atkvæði í þessum kosningum framsóknar

Furðulegt að í gær þegar formaðurinn hélt ræðu var talað um að um 800 manns væru á landsfundi en helmingur þeirra nennir ekki að kjósa sér formann Sbr þetta:

Sigmundur Davíð Gunnlaugsson hlaut 355 atkvæði til embættis formanns eða 92,2 prósent. Guðmundur Steingrímsson fékk sjö atkvæði og Siv Friðleifsdóttir sex. Alls greiddu 385 fulltrúar atkvæði.

Það eru semssagt aðeins um 48% landsfundamanna sem láta sig einhverju skipta hver leiðir flokkin eða í önnur embætti.

Birkir Jón fékk 77,3%

Viltu veðja?

Vilhjálmur Árnason heimsskekingur um Icesave

Vísir, 09. apr. 2011 06:45

Nei mun bitna á sjálfum okkur

Vilhjálmur Árnason skrifar:

Það var sorglegt að horfa upp á manninn á Álftanesi eyðileggja húsið sitt hér um árið til að ná sér niður á bönkunum. Ég fæ ekki varist þeirri tilhugsun að íslenska þjóðin, illa haldin af sorg og reiði eftir bankahrunið, muni með svipuðum hætti eyðileggja fyrir sjálfri sér, hafni hún Icesave-samningnum. Gremja landsmanna er skiljanleg og nú ætla margir að finna þessum tilfinningum útrás með því að segja nei í þjóðaratkvæðagreiðslu. En haldi menn að þar með bjóði þeir fjármálamönnum birginn er það misskilningur. Nei-ið er miklu líklegra til þess að stórauka vanda þjóðarinnar, auk þess sem það er siðferðilega óverjandi. Frá siðfræðilegu sjónarmiði virðist mér Icesave-málið vera einfalt.

Með neyðarlögunum var innistæðueigendum Landsbankans mismunað í grófum dráttum þannig að Íslendingar fengu allt sitt bætt, útlendingar ekkert. Samningurinn sem nú er kosið um dreifir byrðinni af því hörmulega máli á sanngjarnan hátt milli þeirra þriggja þjóða sem hlut eiga að því (auk þess sem eignir gamla Landsbankans munu líklega duga fyrir nær öllum hlut Íslendinga). Segjum því já við samningnum.

Tekið af www.visir.is  

Mjög mikill kjörsókn

Hér eru hlutlausar upplýsingar fyrir þá sem enn eru ekki vissir hvað þeir ætla að kjósa

Vísir, 09. apr. 2011 07:00

Dómstólaleiðin eða samningaleiðin

Þorbjörn Atli Sveinsson, hagfræðingur í greiningardeild Arionbanka

Þorbjörn Atli Sveinsson skrifar:

Áætlaður kostnaður Íslendinga vegna Icesave, annars vegar af dómstólaleiðinni og hins vegar samningaleiðinni, er metinn í meðfylgjandi greiningu. Samkvæmt neðangreindu mati liggur væntur kostnaður af Icesave málinu á bilinu 0-585 milljarðar króna. Helstu óvissuþættirnir fyrir allar niðurstöður í matinu felast í óvissu um gengi krónunnar, útborgunum og endurheimtum úr þrotabúinu ásamt þróun vaxta hér heima og erlendis. *

Væntur kostnaður Íslendinga

Hér er einungis verið að meta þær fjárhæðir sem „gætu“ fallið á íslenska ríkið og hver staðan gæti orðið út frá mismunandi niðurstöðum árið 2016. Ekki er hér lagt mat á það hver sé líklegasta niðurstaðan af dómstólaleiðinni. Þó eru niðurstöðurnar ansi afdráttarlausar sama hvernig horft er á dæmið. Versta niðurstaðan fyrir íslenska ríkið (Ísland tapar svokölluðu mismununarmáli) yrði verulega íþyngjandi og gæti leitt til greiðsluþrots, hvort sem gengið er útfrá því að Bretar og Hollendingar (B&H) fengju greiddar bætur í íslenskum krónum eða erlendri mynt. Aftur á móti myndi sigur í dómsmáli lágmarka tjón ríkisins. Samningsleiðin er þó mun nær bestu mögulegu útkomu heldur en verstu mögulegu útkomu.

*Í öllum dæmum hér að neðan er gert ráð fyrir sama innheimtuhlutfalli (skv. mati skilanefndar 2.mars 2011), að endurgreiðslur úr þrotabúi hefjast á þriðja ársfjórðungi 2011 og ljúki árið 2016 og óbreyttu gengi krónunnar. Greiddir verði íslenskir skaðabótavextir frá október 2008 til ársins 2013 en þessir vextir eru í dag 3,5% (gert ráð fyrir að þeir verði óbreyttir til 2013). Eftir 2013 er gert ráð fyrir að íslenska ríkið geti fjármagnað „þáverandi“ skuldbindingu á sömu kjörum og Írum bauðst hjá „bjargráðasjóði“ Evrópusambandsins, þ.e. 5,8%.

Mögulegur kostnaður af báðum leiðum:

1. Töpum málinu, skaðabætur vegna mismununar: Í forsendum hér er gert ráð fyrir Ísland tapi málinu og kröfur B&H um fulla endurgreiðslu og áfallna vexti vegna allra innstæðna yrðu teknar til greina, en þjóðirnar greiddu út á sínum tíma um 1170 milljarða króna til innlánshafa. Áætlaður kostnaður af þessari sviðsmynd fyrir Íslendinga er í kringum 585 milljarðar króna en nú þegar væru áfallnir vextir hátt í 250 milljarðar króna.

2. Töpum og greiðum skaðabætur vegna lágmarkstryggingar: Hér er gert ráð fyrir að Ísland tapi málinu og B&H fái greiddar bætur vegna lágmarkstryggingarinnar (630 ma.kr) að viðbættum íslenskum skaðabótavöxtum. Núverandi samningur byggir á svipaðri forsendu – en vaxtaforsendur er ólíkar. Kostnaðurinn af þessari sviðsmynd er um 215 ma.kr. fyrir íslenska ríkið.

3. Töpum mismununarmálinu, engar skaðabætur : Ísland tapar málinu og þarf ekki að greiða skaðabótavexti til B&H. Þessi niðurstaða myndi kosta íslenska ríkið um 160 milljarða króna. Hér er gert ráð fyrir að íslenska ríkið fái fjármögnun á sömu kjörum og Írar eftir 2013 líkt og í dæminu að ofan.

4. Samningurinn í dag: M.v. þær forsendur sem gefnar eru hér (sömu forsendur í öllum dæmum) verður áfallinn kostnaður um 40 milljarðar króna.

5. Töpum málinu og greiðum lágmarkstryggingu án skaðabóta: Þurfum því líkt og í hinum dæmunum að leita á erlenda fjármagnsmarkaði eftir að dómsniðurstaða liggur fyrir árið 2013. Þessi niðurstaða myndi kosta um 12 ma.kr. fyrir íslenska ríkið.

6. Vinnum málið: Íslendingar vinna málið, 0 kr. falla á íslenska ríkið

Fleiri konur á kjörskrá

Alveg er þetta ótrúlegt svartsýnis raus hjá Þór Saari alla daga

Væri ekki ráð að einhver spyrði Þór Saari frekar en að lesa facebook hjá honum eða fréttatilkynningar svona bara beint. T.d. að spyrja hann:

• Nú er það vitað að hvert % í hagvexti eru um 300 milljarðar fyrir okkur á ári. Ef að neitun á Icesave lokar á lánalínur, hækkar skuldatryggingarálag og fjármögnu verður því erfiðari og dýrari verður þá ekki hér meira atvinnuleysi, minni fjárfesting og hagvöxtur neikvæður eða lítill. Hvernig eigum við þá að bregaðast við?
• Þurfti að hækka skatta beint vegna Tónlistarhúsins? Nú er verið að tala um að Icesave greiðslur verið svona um það bil eitt tónlistarhús eða minna.
• Hverjum heldur hann að svona tal hjálpi frá Alþingismanni? Kannski þeim sem kjósa að hér sé allt logandi í illdeilum árið inn og út?
• Og hefur hagfræðingurinn Þór Saari reiknað það út að ef þortabúið verður í böndum og má ekki greiða út vegna deilunar okkar við Breta og Hollendinga næstu 3 árinn þannig að höfuðstóllinn okkar lækkar ekkert, hversu mikla vexti við þyrftum að greða þá 2015 eða 2016 þegar málið hefur farið í gengum alla þá dóma sem það þarf að ganga í gegnum? Ég geri ráð fyrir að það megi ekki greiða inn á höfðustólin á meðan deilt er um málið.

Icesave kallar á hærri skatta